229
16
12
電話號碼
23599722
98186527 (whatsapps訂座)
開飯介紹
磯燒放題,海鮮選擇多,並附有磯燒指引,指導食客每款海鮮的烹調及處理方法。 繼續閱讀
附加資料
任飲任食2小時放題店
付款方式
Visa Master AlipayHK 支付寶 現金
座位數目
140
其他資料
Wi-Fi
酒精飲品
自帶酒水
電話訂座
外賣服務
加一服務費
當面支付
食評 (294)
等級4 2019-01-14
298 瀏覽
一般人食放題,都係食刺身、壽司🍣務求回本,但我今次放題就唔食刺身,試下其他野,發現呢間餐廳其他食物都好高質。(主要原因係有少少腸胃炎,但又要食放題,唔夠膽食咁多生冷野😅😅😂)No.1 個人大推燒雞翼,第一輪點野食搵唔到,但又見到人食,到last order 先發現原來係季節限定張紙到,我只點了兩隻ja!雞翼即點即炸,個皮好脆口,肉質幼嫩juicy,而且好入味。我覺得雞翼係放題入面最好食既!No.2 燒海鮮。其實呢間放題主打燒海鮮。海鮮全部都好新鮮,蝦🦐仲識旭ga,燒佢時都覺得有d殘忍。海鮮中最好味係蜆、扇貝和蝦。No.3 燒菠蘿。我先生好喜歡菠蘿🍍,呢間放題連菠蘿🍍都有得燒,而且仲好香甜。No.4海膽粥。因為病病地,點左個海膽粥。自己另加左d粟米,淡淡地,有d海膽,都唔錯。No.5 炸榴槤。其實我唔食榴槤,但先生話幾好食和幾特別。其實仲有好多野食,例如壽司、天婦羅、炸芝士年糕、燒牛舌等等。還有沙律吧、甜品、雪糕🍦雪條和飲品任食任飲。以食物質素和款式黎講$185位,真係好抵食 繼續閱讀
(以上食評乃用戶個人意見 , 並不代表OpenRice之觀點。)
等級4 2018-11-22
4532 瀏覽
今晚朋友話想近近地留返係大西北食飯,但又話想食啲好嘢🤔🤣揀左一輪就揀左依間磯燒水產見啲人話佢多嘢食揀,連海鮮都有得任燒9點之後仲有優惠,2人同行,一人半價啱晒,咁就一於9點先食飯啦佢話第一輪會有一盤海鮮先👍🏻一路等緊既時候就睇有咩刺身嗌啦😝激戰過後,終於揀過晒第一輪既嘢食🤩之後就可以睇下出面有咩食物同飲品啦😝有沙律bar同甜品飲品選擇唔少,不過重點係依到連somersby同hoegarden都可以任飲連熱茶都有,好貼心第一輪既海鮮好豐盛有蝦、生蠔、鮑魚依啲我地依啲殘廢唔係好識燒,職員有時都會好細心幫我地燒食左陣海鮮就有刺身馬刀貝好爽甜又嗌下其他海鮮佢仲有教點煮依啲海鮮佢依到裝嘢食既器皿都有啲心思,唔會hea上芝士扇貝同焗蠔都好正芝士味啱啱好,濃郁得嚟又唔會太濟我地嗌左好多輪依到仲有我最愛既蛋黃醬點雞軟骨一流原本以為粟米係一條咁上,但原來係一兜兜咁上仲有芝士同牛油係底,好好味甜品都唔錯食完甜品仲可以夾糖仲可以拎走食每人二百幾,又食又拎 繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-19
4791 瀏覽
住在元朗的同事為朋友攪生日會,放工後,同事們即前往參加,生日會就在「千賀水產」舉行,同事說選食放題係迎合大家不同口味,這間放題地方夠大,座位舒適,好適合大班人聚會,而且食品種類繁多,一個價錢任飲任食,不會超出預算。除了寫點餐紙,還設有自助區,有熟食、飲品、甜品,等等刺身賣相好靚, 色澤好光鮮,刺身全部厚切,食落有口感,三文魚沒有雪藏味,有魚鮮味,反而突出了豉油的鹹鮮,厚切夠大片,魚油豐富,十分肥美。甜蝦刺身鮮甜,帶子刺身好爽口;最有驚喜的是魷魚刺身,非常爽彈。壽司推介火焰皇帝蟹捧和黑松露帶子壽司。帶子壽司有黑松露上面,食材好新鮮,好濃嘅黑松露味。至於皇帝蟹捧,就有火焰的燒香味同埋沙律面醬配搭,都好有鮮味。食落去一大啖,好有滿足感。網燒牛扒和蒜香一口牛上枱都好唔錯,味道好好,牛扒比想像中好味,肉嫩味香,咬下去充滿肉汁,最值得一讚就是蒜香一口牛,肉質不騷不銀,而且加上醬汁,非常美味。磯燒海鮮類別,種類繁多,包括海蝦,海蜆,珍珠半殼扇貝,迷你魷魚筒。海蝦肉質又幾鮮甜和爽口,好味不能言喻。珍珠扇貝得乾淨, 肉厚, 圓滾滾的, 滾熟的時間剛好, 保持鮮嫩口感, 海鮮的鮮甜味甚迷人,甜美可口。魷魚筒有嚼口,新鮮美味,咬落去鮮甜。海蜆新鮮美味,我們都吃得津津有味。炸蝦天婦羅:外層脆漿使口感酥脆,蝦肉爽口!芝麻雞翼,外皮呈現漂亮的金黃色,把雞翼內的肉汁鎖緊,一口咬下,肉味香濃,肉汁四瀉,鮮味突出,美味可口,令人難忘甜品方面有,有各款糕點甜品,還有冰涼的豆腐花,啫喱和雪糕,雪條等等。總括來說, 這間餐館整體水準不錯, 磯燒海鮮是值得推介,食物的選擇非常多,質素高,食物的用料好新鮮,是可以一再光顧的放題餐館啊! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-07
146 瀏覽
4個人蛋散好耐冇聚埋一起玩, 其實好難同埋會齊人囉, 不過無損我地的心情去元朗大棠輕鬆玩。玩之前一定要去醫肚,近近地就去左千賀水產元朗店食啦…元朗有好多地舖店, 而且泊車方便點。在九龍區泊車及搵食店就需要點耐性了。 時不而遲,  講下美食先啦.......先來介紹下即叩即整新鮮壽司, 都幾新鮮, 最喜歡個凡立貝, 曼魚真的好好食, 大細適中, 剛剛放入口。食下魚生, 食下芝址士西蘭花, 調下口味, 都唔錯。 海鮮、魚生拼盤: 扇具、 八爪魚、聖子、花甲, 真的真的新鮮, 一定要落柯打食左先反而, D蝦有些唔係好新鮮, 有些已經浸泡水太耐了很喜歡個食物BAR個巨峰雪糕球及啫哩糖; 甜品就好大眾化, 各有各特色。  店員都好禮貌, 只是快到下場時段, 他們有點心急; 不過唔緊要的, 將心俾心, 大家都明白。 相片太多, 就整左個短片分享一下。   繼續閱讀
(以上食評乃用戶個人意見 , 並不代表OpenRice之觀點。)
等級4 2018-09-29
342 瀏覽
元朗放題選擇唔算好多仲要有埋磯燒真係冇乜幾間餐廳環境整潔寬敞每枱磯燒爐端上面設有抽油煙機所以唔怕成身油煙味自助區域設有沙律吧而且有得夾糖仲可以帶走好開心飲品方面選擇都算幾多而且居然提供蘋果果酒好正磯燒海鮮(貴妃蚌/鮑魚/珍寶帶子/半殻青口/海螺/海蝦)每枱按照人頭數目奉送大盆磯燒海鮮其中包括星級時令海鮮;點餐紙上寫有處理方法同埋燒煮時間而且侍應都會主動過黎幫手唔怕手忙腳亂啱哂懶惰嘅人;枱面仲有清酒用黎癖腥刺身刺身款式共有十種都算幾多選擇而且質素唔錯;三文魚同埋油甘魚油脂甘香;大甜蝦同埋鮮帶子味道鮮甜;馬刀貝同埋榮螺片口感爽脆壽司除左北寄貝同埋蒲燒鰻魚等等較常見嘅壽司款式仲有較特別嘅劍魚腩壽;劍魚白肉味道清淡但係鮮甜揚物日式吉列炸蠔漿粉唔會好厚食落落唔膩;日式炸餃子皮薄而且肉餡肉汁豐富;日式紫芋丸外脆內餡軟糯帶有芋香;一口芝士咬開芝士流心味道濃郁咸香一品料理蒜香一口牛瘋狂加點;牛肉軟腍肉汁香濃加上洋蔥香甜炸蒜味道突出好食季節限定芝麻雞翼外皮香脆而且肉質嫩滑肉汁豐富;仲有檔槤炸彈啱哂榴槤愛好者千賀料理千賀焗黃金蠔蠔肉飽滿唔腥;表面撒上芝士焗至金黃好邪惡甜品甜品除左雪條仲有好多手工製嘅甜品都算幾有誠意 繼續閱讀
(以上食評乃用戶個人意見 , 並不代表OpenRice之觀點。)