六福菜館

營業中

休息中

預先訂枱，希望同家人團年飯可以豪一次，無睇價錢，想食乜就食乜的心態去幫襯。第二次返去食了。訂枱時，預訂了一窩蕃茄薯仔魚湯，同埋半隻風沙雞。本來仲想訂埋海鮮，被勸到時再揀，海鮮實有，同埋會有時令野。團年的八道菜如下：蕃茄薯仔魚湯椒鹽鮑魚（四隻）椒鹽奇趣豆腐（半份）白灼魷魚仔油鹽水浸蜆椒鹽賴尿蝦兩隻風沙雞（半隻）豉油王炒麵魚湯係好地道魚家的雜魚湯。淺黃白色，唔算好濃但係飲得出唔靠味精的原汁原味，藉得飲。鮑魚真係好驚喜！火喉控制得啱啱好，又唔橡膠不但只，仲嫩的，而且一啲都唔油，唔會好咸，懷疑佢可能係焗的。奇趣豆腐又係另一個驚喜，果層依薄薄的均勻1毫米，外脆內嫩，食左半份（6條）覺得唔夠喉想再食！魷魚仔普通啦，但灼得唔老，仲嫩口的。低層舖左灼菜，仲脆口唔青。油鹽水浸蜆，其實唔係水，係魚湯黎架！花蜆真係好難搵了，我地連湯都飲到一滴都無！仲甜過個魚湯！但魚湯會清啲。賴尿蝦，老人家真係無食過咁大隻的，仲要蝦膏由頭一路到身。好甜。風沙雞晌麵之前上，跟足宴席咁喎，未上已經好飽，但好味道大家不斷咁食停唔倒手。連唔食雞的老豆都係咁夾。皮脆，而且已迫晒啲油出黎，一啲都唔膩，雞肉雖然唔係新鮮雞但係覺得好有雞味，

今晚同日本客人一行八人到西貢食晚，當然要去經常上米芝連的六福。經過又長又斜的樓梯，終於上到3樓。老細已經選定食物小食併盤：椒鹽豆腐+wasabi木耳+青椒每次必食的椒鹽豆腐依然保持高水準。金黃色的金磚，外形十分吸引。外脆內軟，咬開香脆的外層，內裡的豆腐好滑，豆味濃。而且沒油膩感，椒鹽剛剛好，不會太咸。wasabi木耳大大塊，夠爽口，但wasabi味略大重。不吃青椒，但同事話話好味。白灼大墨魚好爽！最重要係材料新鲜，不用功夫。立魚兩食首先食立魚刺身，肉爽味甜，新鲜！正！但切得比較厚，因預我們shabu shabu。之後再食shabu shabu，湯底已是魚湯，十分清甜。把立魚放在碗中，再放入湯，立魚剛剛熟。正！魚頭魚尾椒鹽上-熱辣辣，好惹味！椒鹽鮑魚每次必食！外層炸得黃金香脆，香脆中帶彈牙感覺，不會如橡膠般，又有椒鹽的惹味又有鮑魚鮮，妙極！高水準的傑作！客家咸菜炆豬腩肉好少食豬腩肉，因怕肥。只食了小小，但都覺得好惹味，好想叫白飯送。豬腩肉肥瘦分明炆得非常入味而且充斥南乳的濃香。西蘭花炒象拔蚌仔象拔蚌仔彈牙，炒得剛剛好椒鹽瀨尿蝦一人半隻，十分惹味。瀨尿蝦肉爽味甜。但椒鹽味略重，蓋個瀨尿蝦鮮

以為今日人多，預先打電話定位，點知7點半到，成間菜館三層，層層都坐滿一半左右。風沙雞早就賣晒，點了幾樣好野，魚湯、椒鹽鮮魷、椒鹽豆腐、粉絲蒸扇貝、蜜糖排骨、椒鹽鮑魚，三個人，飯都無叫到，已經好飽！

是夜和好友一同入西貢米芝蓮星級餐廳六福吃海鮮，因為weekday嘅緣故，所以六福允許俾我哋7時入座，平時禮拜六日係要分兩輪嘅，而且最好提前一個禮拜訂座，如果唔係基本無位...嚟六福吃過好幾次晚飯，風沙雞係招牌菜，訂位嘅時候要預訂先至會有，所以是夜都係以海鮮為主；滿足嘅一餐海鮮餐，米芝蓮唔係隨便俾星嘅，六福嘅椒鹽鲍鱼的確夠特色，而且海鮮嘅選料絕對新鮮！

飲食圈的朋友，年紀有向下調的趨勢，現今在這個圈子內，有數位九十後，作為三張幾嘢的我，任由紮起辮仔，明明係老，我話唔係，搵鬼信！其中一位朋友Y，放洋留學回來過暑假，在她回來前，已約定相聚在六福，男人未必是大丈夫，但一言既出，待她確實日子，便致電訂檯。第三次來到六福，吃些甚麼已心中有數，海鮮不用自己買，只是預早留定數味，其他的來到才叫。椒鹽鮑魚是一定要叫，第一次來沒有吃鮑魚，事後有點戚戚然，後來再去補中，已屬後話。鮑魚外表金黃，香脆中帶彈牙感覺，椒鹽的惹味與鮑魚鮮味兩者並存，妙極。一直戲稱西貢魚湯為港版Bouillabaisse，兩者的味道，風格南轅北轍，只是同樣地區性重，西貢魚湯內的海鮮，全部取自西貢海，以一大堆雜魚煲出來的魚湯，鮮甜香滑，沒有失敗之餘地。六福的油鹽水一向有良好聲譽，此尾油鹽水花甲，基本上鮮甜得可以當湯飲。區區一碟白灼墨魚，因為墨魚夠新鮮，只以白灼來處理，便已足夠。臨急臨忙才叫瀨尿蝦，竟然有貨。五個人分三隻，瀨尿蝦先行按摩才脫殼，豐厚的蝦肉絕非大而無當，味道實在鮮甜，以蒸來處理，其天然鮮味盡顯。海鮮以外的菜式，還是椒鹽豆腐，還是外脆內嫩，還是這樣高水準，還是覺得你最好。西

師兄從美國回港探親友，難得是夜一眾事忙的師姐竟能相約飯聚，CM和我這兩個後輩當然要出席。放工入西貢本來有點趕，只好讓眾人等我了。既然要由我選地點，自不能讓師兄師姐失望，選了評價不俗的六福，作為我們史人飯聚之地。訂枱時留了魚湯和風沙雞，都是這裡的名物。西貢地道魚湯清甜又鮮味，甚至比外婆的蕃茄大眼雞魚湯更美味，原來...當年的味道，我還記得。先來椒鹽豆腐，咬開香脆的外層，內裡的豆腐滑溜得驚人，和外皮形成強烈對比。雖然德發小廚的椒鹽豆腐都不錯，但這裡的更出色，勝在沒油膩感，豆味亦比較濃，椒鹽份量剛剛好，不會太咸，我一人便食了三件。之前的椒鹽豆腐實在出色，向來不食炸魷魚的我都破例淺嚐一小件，炸功好就不在講，連魷魚都爽口鮮味，貨真價實。豉椒炒聖子王也不錯，夠爽脆又肉厚，不過和之前友人買回家煮的相比，又差一點。當然，這次點的是小一點，亦便宜點。論炒功，這裡當然好得多，鑊氣足調味又適中，更不會食得滿咀。薑蔥焗蠔煲更得我心，蔥香滿溢，蠔大隻得不得了，又鮮甜又夠蠔味，多想獨吞整煲! 兩隻瀨尿蝦七人分，師兄師姐都將中間肉最厚的一截讓予CM和我，蝦肉爽身，只是稍為不夠入味，叫我更心癢想試好運強記的冰鎮瀨尿蝦

昨天一家四口一早去西貢，原本去開間小廚又未開，結果咪改去這間話米之蓮的餐廳試下。論環境，的確坐得幾舒服，但一拿起餐牌一看，可選擇的食物不多，本來一心入西貢嘆海鮮，但發覺每樣海鮮的價錢超貴，例如一條斑，$420，但還未計煑功錢，每樣海鮮均要另計，銀碼自然嚇我一跳，又例如灼蝦，$240一斤，計埋煮功錢，要四百多塊，我都係第一次去間餐廳，竟然用他們自己食材，還要另計煑功錢，聞所未聞。經考慮後，結果我叫了㡬碟小菜，再加兩個與海鮮有關的海鮮湯及鹽水海魚仔。先講海鮮湯，原來係薯仔蕃茄魚尾湯，我一星期屋企都煮兩次，又何須出街飲呢，$98，你話抵唔抵？另外，鹽水海鮮仔仲正，$250例牌，上菜後竟然有八條鹽水蒸嘅魚毛，我唸去街巿買只值$40，奌好食都假啦，計理煑功$98，這碟菜要我$350，嚇死人！我下次奌禁再黎此餐廳呀，我還是喜歡去斜對面的金馬居小廚，自己買海鮮去煮，環境雖然差，但食物獲氣一流，收費合理，有興趣朋友，不坊一試！

A legendary Seafood restaurant! Talking about Sai Kung, the first thing we would think of must be seafood. Loaf On is of the famous Seafood restaurant in Sai Kung, in fact in Hong Kong I would say. It is the only Seafood restaurant with Michelin star. More importantly, it has consistently been award 1 star for the past 3 years. The restaurant is not big, booking is definitely need. The reason Loaf on doesn’t has fish tank, is because they believe in freshness, they cook for what they have each d

兩三個人食還可以，但昨天我地9個人去，幾碟都要開雙，都到喉唔到肺開雙食品如下苦瓜煎蛋白，苦瓜是很平的菜，切好薄的絲之餘，仲好少，放在薄薄的蛋白上，$68再x2，$136食1/4個苦瓜都無，每碟大細約係細pizza蠔餅，蠔夠鮮，唔記得幾錢，苦瓜無肉都70蚊，新鮮蠔仔都唔會平，又開雙至夠，一碟得十零隻蠔仔最勁就係白灼BB尤魚，雖然寫時價，但諗住每隻細過手指尾兩節，貴極有個普。味道幾鮮，配辣椒絲豉油，唔錯。全碟夾埋約40隻，$398，我以為聽錯，平均10蚊一隻兩節手指尾咁大BB尤魚，好野，果然係海鮮價。六福菜館，係食味道，但唔值呢個價錢。招牌風沙雞，唔係特別好食，只係ok味道，不過不失。全抬大家認同，最好味，係碟辣椒油送三個大字: 無下次

以前每次提起吃海鮮都會去三聖邨，只因屯門離家較近，而且價錢也是公道的。六福菜館早在朋友口中聽過，可是一直也沒有機會到西貢來一頓海鮮宴，這次回港得到朋友的安排和請客，實在感激。地道魚湯丶椒鹽豆腐丶椒鹽鮑魚一早聽閒，加上朋友預先留起的海鮮，造就了這頓美味的海鮮宴。以清甜的魚湯作開首，起初以為魚湯會喝得比較麻煩，因為個人很怕零零碎碎的小骨，幸好這窩魚湯並沒有任何的碎骨，而且喝起來十分幼滑。胃口不大的我冒著後勁吃不下的風險，喝了兩大碗才肯停口。在悉尼居住的時候，家中經常烹調豆腐，所以外出時我甚少提議點豆腐的菜式。不過來到六福，又怎能不一試它的豆腐名物呢？果然，外皮十分酥脆，而且一點也不油膩，加上內裡嫩滑的豆腐，和炸脆奶的口感有點相似，吃起來更討我歡心。以最簡單的方法去烹調，把鮮魷的鮮味表露無遺，也是新鮮海鮮才敢「挑戰」的方法。 鮮魷的質感不會過韌，吃起來彈牙爽口。炸得黃金香脆的外層，加上烹調的時間不會過火，吃起來不會如橡膠般，浪費了新鮮的食材。表面的椒鹽同樣份量適中，吃起來既有味道，亦保持應有的鮮味。以最原汁原味的方法來品嚐瀨尿蝦，加上朋友純熟的拆殼技巧，整條鮮甜蝦肉放進口實在痛快。花甲清甜沒

一早BOOK定位諗住浮潛完就去食飯..點知佢地BOOK位時段只是6點/8點, 最終我地就算8點比較鬆動D.點知我地7點就已經回到碼頭, 一心一意想早D去睇下有無位,最終都要等到8時半先有位坐...基本上5個人已經好餓, 我地係叫左7餱1湯,我地叫左個蕃茄魚仔湯, 椒鹽鮑魚, 椒鹽豆腐, 客家咸菜腩肉, 什菜粉絲煲, 豉油炒麵, 欖角蜜糖骨, 蠔餅.基本上除左鮑魚料連加工要2百多元外, 其他小菜都係70-80元左右, 真係認真超值, 仲要為米芝蓮餐廳.其實佢地既椒鹽鮑魚係就係考功夫既菜式, 可惜煮到出來反而唔夠椒鹽味偏淡, 不過炸得好有水準一點都不油又整得岩岩好唔會鞋口...至於其他小菜同樣出色,我個人最欣賞係個咸菜腩肉味道適中, 就算有咸菜都唔會偏咸用來配飯一流,加上五花腩做得好出色又唔油膩, 肥膏部位更加甘香美味.另外椒鹽豆腐炸得皮脆內滑, 真係唔係一般可以係家庭做到既菜式.另外一讚就係佢地既炒麵, 個碟係一叮點油都沒有, 炒得好夠火喉.食左一次之後,我都已經訂定位再同家人來試下這個平價米芝蓮餐廳.

與男友家人食飯, 因此訂座點菜我都無份參與, 只係負責食. 之前一直只知道去西貢食海鮮, 之後先知原來去有一星米芝蓮既六福, 所以滿心期待.首先是等位, 由於餐館要先讓首輪客人離開, 於是八點輪的客人就要在窄巷中等候, 在三十度的氣溫下, 人--都--癲.終於坐低左, 大家興高采烈咁點菜, 仲提醒待應講早已訂左魚湯同, 腩仔, 風沙雞. 八點半人齊於是叫起菜, 點知幾分鐘後待應就話無曬魚湯同腩仔, 全檯鼓譟, 問待應不是早就訂好? 訂黎做咩? 待應只推說沒有也沒辦法, 一邊講對唔住一邊逃走...之後, 由於我地有十個人, 於是我地叫佢將例牌加大一份或半份, 可惜待應幾乎次次漏單, 十分混亂. 難道有米芝蓮不愁生意, 服務生都心不在焉, 是旦交貨? anyways, 應該講下我地可以食到既食物:椒鹽豆腐 -- 好味既, 雖然聽講好貴. 外脆內軟, 椒鹽味道剛剛好, 我食左兩件. 白灼墨魚 -- 勝在鮮味十足, 就好似去"chok"墨魚時d墨魚, 有人仲食到成口墨汁而不知情, 所以食呢碟野要加倍小心.油鹽水蜆 -- 呢個係代替魚湯/腩仔既, 蜆好肥美, 唔覺得煮法有咩特別.豉油王

兩年多前，西貢的六福菜館，被米芝蓮評為一星食店，令人意外，那時候外間對該店的認識不深，當該店摘星不久，小弟便在此安排過飯局，與友人在附近的海鮮店買料來加工，最後連工包料，每人只是二百多一點，相比區內的名牌海鮮店，便宜得多。兩年過後，六福已連續三年，榮獲米芝蓮一星。由沒太多人認識，到今天火紅得假日一位難求。這晚再踏足西貢市場街的六福，為了與台北的朋友小V接風，她一直想試已久，而且，來港多次還沒來過西貢，作為東道主，也想外地的朋友，看多我們的地方多一點。是晚的飯局，由友人西打哥安排，一行五人，在黃昏六點安然就座，現今訂位分兩個時段，六點至八點，既然大家也不用趕下班，吃早一點也沒有問題。事前我問過西打哥：(要不要一起買海鮮？)西打哥：(不用啦，去到便有。)我又問：(你訂了甚麼菜？)西打哥：(不用訂啦，去到都有。)果然定過抬油，他如此老定，點菜的重任，自然落在他手上。我當然一萬個放心。上一次與西貢魚湯緣慳一面，今次不用有失。顧名思義，這個魚湯是用上西貢海域的魚類來煲，不分種類，情況像法國馬賽的海龍皇湯相若，不求名貴，但求新鮮，地道。當你喝此魚湯，是不會見到湯渣，連碎骨也沒有，因為已將所有煲得稀

知六福多人食, 早一星期book了, 所以不用等位, 去到雖然好多張台都坐左人, 不過可能大家都有訂而來, 所以門口都無咩人等位.滿心歡喜來食, 因為係米芝連1星, 但真係失望而回, 唔通世事就係咁, 有期望就必失望? 我地在街市買左:1) 聖子王 $128/斤, 六隻約$1352) 九孔鮑, 唔記得幾錢3) 扇貝4隻, 好像$48/斤, 4隻約$50.三樣大約加埋約$330元.到六福再點小菜, 唔記得叫左什麼骨, 招牌菜, 又真係整得幾好味, 個炸粉薄而脆.跟住再叫左個客家菜, 什麼黃豆咸菜炆腩肉, 沒什麼驚喜, 不難吃, 但本人不愛吃.還有一樣招牌炸豆腐, 係好香脆軟滑, 但唔算非吃不可, 不過人人都有叫, 咁我地無理由唔叫.海鮮出場, 佢地既招牌"椒鹽鮑魚"的確又做得很好, 粉漿很薄, 時間拿得很準, 剛熟, 很軟身, 但椒鹽味唔夠, 即唔夠咸, 而鮑魚本身無咩味, 連鮮味都無乜, 我覺得今期d鮮鮑貨源唔係太好, 食過兩次, 兩次都無鮮味, 所以浪費晒D金錢.扇貝用蒜蓉粉絲蒸, 反而扇貝仲鮮甜過鮑魚, 呢樣最好味.而我至至愛的聖旨王完全令我失望, 廚房竟然將我大大隻既聖旨切開幾

近來工作繁忙，所以都甚少到外活動，難得一班朋友想來一個西貢遊，當然求之不恭。正午出發，在西貢市中心不斷食，不斷食，由西餐至街邊的茶果不等，但仍然未能滿足我們的胃口，因為大家也十分期待晚上到六福菜館的一餐。雖然貴為米一星的餐館，但感覺上與西貢一般海鮮無異，環境確實不錯，四四正正，簡簡單單又乾淨。店員安排我們到二樓，坐下後，先來一點醬菜，喝杯茶才點菜。 雖然只有四人，但以吃得見稱的我們也點了六款，當然不能錯過這裡的招牌菜 – 椒鹽鮑魚。這道菜是我聞名已久，但總未能吃過，每次到西貢，不是吃西餐，就會是那兩間大名海鮮店，從未到此，所以更加期待美味之菜式。第一道是椒鹽奇脆豆腐，大小均一，堆砌起來後，極像一條一條金條砌成的城牆。而金黃香脆的外層包著仍然非常嫩滑的豆腐，豆味清香，外層也灑上了少許椒鹽，令味道剛好。接著的一個油鹽水粉絲浸蜆來得正是時候，中和一下帶點熱氣的豆腐，這道的精華是那似是而非湯的油鹽水及粉絲，集合了配料的香味及蜆的鮮甜，而粉絲又索了這些精華，當然蜆仍然爽口鮮甜，不錯不錯，差點喝光整盤油鹽水。除了鮑魚外，一看見餐牌上有這個白灼BB鮮魷，便毫不猶豫要吃。這些BB鮮魷鮮味十足，質感爽口