八鍋堂．中日火鍋專門店 (已結業)

今日和朋友往旺角八鍋堂. 中日火鍋專門店食火鍋放題聚會, 我們點了四格湯底(沙爹湯, 海鮮豆乳湯、人蔘雞湯和皮蛋芫茜湯), 沙爹湯底辣度適中, 沙爹味惹味；海鮮豆乳湯海鮮好足料, 有蝦, 蜆和響螺等, 食落新鮮鮮甜, 豆乳湯底味道香滑；人蔘雞湯雞湯味香濃, 人蔘九好香有啖啖甘甜味道；皮蛋芫茜湯芫茜味道鮮甜皮蛋爽滑), 四格火鍋很有特色, 大家可以品嚐不同的湯底,食落美味,火鍋配料我們加錢升級點了特選美國牛肉, 美國牛小排和墨魚滑,特選美國牛肉肉味香濃, 牛小排食落爽口有油花；墨魚滑食落彈牙；其他火鍋配料可以自助區自由選擇, 有生菜, 響鈴、炸魚皮、午餐肉、蟹籽丸、龍蝦丸、魚蛋、香腸和魚腐等, 生菜食落爽口新鮮；響鈴和炸魚皮食落爽脆；午餐肉食落惹味；蟹籽丸,龍蝦丸、魚蛋和香腸食落彈牙美味；最後魚腐口感十足, 四格湯底很有特色, 大家可以試不同的湯底, 口感大滿足。除了火鍋外, 這裡還有刺身, 壽司、燒物和揚物等, 刺身我吃了玻璃蝦和鮑片, 食落新鮮爽口；壽司吃了火炙蟹柳和火炙鰻魚壽司, 食落惹味, 飯很軟綿；燒物蒜香雞中翼, 汁燒雞肉串和汁燒帶子貝, 食落惹味；揚物有蝦天婦羅, 炸雞軟骨

今日趁有得放半晝同朋友係旺角附近搵野食經過兆萬見到間火鍋日本放題好似好正咁 就諗著試下入到去首先要揀湯底比起其他火鍋放題,呢間可以揀四個味!!四格鍋 一班朋友一齊黎都唔洗爭^_^我地就揀左沙嗲,人參雞湯，豬骨，皮蛋芫茜本身以為湯底只係味精湯，點知我地發現每個湯底都好足料!! 豬骨湯真係有條豬骨!皮蛋湯有成隻皮蛋!!!仲有人參雞添配菜區都好多餸菜 仲有其他放題唔會有嘅羽衣甘藍 芝心丸 響鈴呢啲放題唔常見啲野都有啲牛肉都唔會好老 整體黎講都幾好食呢度係中日放題 又點少得啲日本野食啊有刺身壽司燒物沙律卷物揚物 好多種野食任你揀刺身好新鮮 唔會有腥味連火灸左口魚裙邊壽司都有 真係應有盡有野飲櫃都好多選擇兩個人都係五百幾蚊 經濟又實惠 下次同埋啲朋友一齊黎再食先！

帶了屋企的老人家去食火鍋及日式放題，這間在旺角兆萬的八鍋堂，地點方便，而且地方寬敞，座位鬆動。首先先點了個四格湯底，有皮蛋芫茜、人蔘雞、豆乳海鮮及麻辣，麻辣湯只是微辣，不過幾咸。火鍋配料有海鮮如蠔、蝦、象拔蚌及墨魚滑；肉類有牛小排、肥牛、羊肉及豬；其他配料都在外見自取，有丸類、菜、菌等等。牛肉切到很薄，碌一碌就食得，又腍又有肉味，不過有點騷。蝦肉及墨魚滑非常新鮮且彈牙。刺身有三文魚、甜蝦、鮑魚等十多款，三文魚肥美鮮甜，絕對有驚喜。天婦羅蝦、蟹棒炸得鬆脆。串燒牛舌及雞翼燒得外面香脆，牛舌煙韌有咬口，雞翼裏面嫩滑。還有任點清酒及梅酒。甜品只有維記雪糕及一些小糕點。

今晚同朋友出旺角，再次嚟到八鍋堂打邊爐，皆因呢度食物款式真係好多元化又坐得舒服，於是就帶朋友嚟試下。餐廳入面有好多闊落嘅卡位可以坐，好適合幾個朋友仔響度邊傾偈邊食野。呢度主打中日crossover式放題，有好多種類嘅野食，打邊爐嘅話有齊肉類、海鮮、蔬菜，而且除左可以打邊爐之外，仲有好多刺身、壽司、炸物、燒烤、串燒，好多花款，任君選擇，咁就可以滿足各人不同嘅口味喇！呢度嘅火鍋係可以自由選擇配搭嘅四格火鍋湯底，今次我地揀左：人參雞湯+豆乳海鮮湯+番茄濃湯+特色水果湯底，健康又美味。呢度落order方式係劃紙入單，今次同朋友一齊叫左好多刺身同串燒，每一個order店員都好快就送到，服務效率相當之高，值得一讚！！除左食野之外，呢度仲有自助飲料同甜品雪糕等等，款式選擇有好多，自取形式非常方便，朋友仔都好滿意呢度嘅環境，今晚帶佢地嚟總算無介紹錯！！

兆萬出名多野食，而且價錢又便宜，所以門口成口大排長龍等電梯。今日就去了3/F的八鍋堂，火鍋CROSSOVER日式放題。人頭二百唔使就可以享受到中西合璧的晚餐，十分超值。四格湯底包括麻辣、皮蛋芫茜、人蔘雞及豆乳海鮮湯，一次過有四種享受。先講中式火鍋，配料超級多選擇，除了基本的肥牛、丸類、腸仔之外，還有新鮮的生蠔、海蝦、象拔蚌及花膠仔，基本上打邊爐都已經可以食飽啦。而日式放題方面，刺身及壽司是少不得，還有串燒及天婦羅等。飲品方面除了啤酒、汽水外，還有清酒及梅酒。特選肥牛及牛小排肥瘦均勻，而且又腍；海鮮新鮮，尤其是蝦肉爽彈，墨魚滑彈牙，是必食配料。刺身三文魚都算肥美，吞拿魚鮮甜，其他都不錯。天婦羅外層粉漿不會太厚，而且即點即做，所以非常香脆，但有點油膩。甜品款式不多，基本的維記雪糕、糯米滋等。整體食物十分豐富，價錢便宜，適合多人晚飯聚會。

朋友推薦這間充滿特色的餐廳融合了日式放題和自助火鍋的食法豐富的食物選擇大大滿足了我的口腹之欲先來一個香辣雞煲暖暖脾胃一口便感受到雞肉烹調得非常入味其份量亦看得出充滿誠意再來出場就是自助火鍋環節火鍋湯底有番茄海鮮豬骨和沙嗲味湯底上有一隻由冰塊砌成的小狗小狗冰造型可愛亦顯出心思食材方面整體味道尚算滿意牛肉肥瘦適中入口軟嫩但魚皮和響鈴吃得出已放置了一段時間放題水準絕不遜色於坊間的放題店食材尚算新鮮款式的選擇亦多火炙三文魚腩壽司和燒牛舌是我的最愛唯一失望的地方是甜品款式比較少但以這個價錢吃到這麼多款食物實屬物超所值

一大班人食乜嘢好？又想打邊爐又想食放題？呢間八鍋堂符合哂我地兩個願望！火鍋加埋金色嘅放題都只係要$198咋！Book左枱嘅我地 仲送上惹味嘅雞煲🐣雞肉幾鮮嫩加埋小小辣 好好味👍🏻之後就開始點唔同嘅壽司炸物等等好推薦汁燒雞肉串同炸蝦天婦羅之後主角黎到 我地要左4格湯底包括皮蛋芫荽湯，沙嗲湯，重慶麻辣湯同埋有隻馬騮仔入面嘅蕃茄濃湯🍅🍅有好多唔同嘅配料任君選擇至於雪花分佈平均嘅牛小排梗係好重牛味啦🤙🏼_________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

同朋友買完新電話，一於去食餐好嘅， 今次朋友就話食，一間老是常出現嘅舖頭， 打邊爐， 真係烚烚下，烚烚下，最愛烚烚下。題外話今次啲想用朋友電話影， 真係一分錢一分貨。湯底方面我哋揀咗四格湯底。 真係每個味道都有， 平時鴛鴦鍋最怕就係撈埋一個，成為咗做同一個味道。至於配料方面， 當然係任飲任食， 可能我哋晏咗嚟，竟然第一輪出去得返好少腸仔， 作為合成肉專家， 打邊爐冇理由唔食， 好彩佢都refill得快， 第二輪已經返曬嚟。另外飲品方面，大大話話都有成十幾種，已經驚喜十足。最後到終結， 冇諗過四格湯底去到最後都分得開，可能因為店員唔會加湯，加到滿一滿，令到佢撈埋一堆。下次再食過，不過會再夜啲，食宵夜時段，個人認為更加抵。

同朋友食嘢最啱就係食放題但係我會比較鍾意打邊爐因為多啲菜食為咗滿足我哋兩個嘅願望呢左一間鋪頭啦湯可以揀四個唔同味每一樣嘢食都可以特別啲啦同一款肉都有四個口味蕃茄濃湯人蔘雞湯豆腐海鮮湯沙嗲湯見到佢啲材料都好新鮮呢一款係美國肥牛超靚超滑啲肉牛味好重而且你見到佢啲雪花紋路都好靚連我個朋友都話好食丸嘅種類都有好多三文魚都好靚而且佢哋嘅玉子壽司都整得好好味大大嚿咁火焰三文魚腩壽司仲有鰻魚壽司🍣鰻魚壽司都係必叫因為好香而且萬裕都有好多汁好滑玉子壽司都好厚雞軟骨粒熟食方面雞軟骨炸得好趣好香一口薯天婦羅🍤南瓜🎃天婦羅日本香芋丸香芋好好食入邊係熱辣辣而且好香所以食落去係覺得好似食緊成個芋頭咁而且佢哋嘅番薯同埋天婦羅都係即叫即炸可以保持新鮮仲有可以減慢吸收嘅Zero飲咁就可以一路食一路瘦啦

近來很有打邊爐運，約朋友食飯都常被提議去烚一烚。始終火鍋食法花款甚多，也有它的魅力，可以考慮提名它入非物質文化遺產。 今回是中日 crossover 火鍋放題，剔紙點菜那種。吃這類型食店，我一般會剔得比較小心，怕眼闊肚窄，浪費食物，寧願食哂唔夠飽，再落單 encore 好吃的。 此店另有日本燒物、掦物、刺身等，都是剔紙任點任吃。一如一般放題，飲品是在外面自取，飲得哂先好攞： 冷 / 熟清酒，無限暢飲。我這支是冷的，幾夠味，沒溝水，encore 了幾支，紅都面哂： 大路串燒都齊全，無限量任吃，送清酒甚有居酒屋 feel。燒毛茄最好食，惹味；汁燒雞肉也不錯： 揚物有天婦羅，炸得乾身，淺嚐： 一系列刺身，有三文魚、劍魚腩、赤貝、吞拿魚、虎蝦、八爪魚等。這晚我替雜誌影相吃完刺身、壽司才來，所以在這沒吃這項。這是同枱食友點的： 四格火鍋湯底，七選四。挑了「人參雞湯」，「豬骨湯」，「豆乳海鮮湯」，和近排我的至愛「重慶麻辣湯」。其中豬骨湯，是雪成「史路比」小狗冰的模樣： 枱面已預備了一支支上湯，人客可以自己加入鍋。不是加清水，加分和貼心位： 生料分兩 parts，一部份剔紙，主要

中秋過後，天氣漸漸生涼意，最啱梗係去打邊爐！呢間火鍋店除左有火鍋放題，仲加埋日式放題，一次過滿足吃貨兩個願望！自助bar除左有火鍋配料，仲有飲品及甜品，非常豐富！由火鍋配料而至平時日式放題食到嘅刺身、壽司卷物等等都應有盡有！火鍋都別具特色，可以升級四格火鍋湯底，自由搭配。湯底有7款之多，包括：人參雞湯、豬骨湯、皮蛋芫茜湯、沙爹湯、豆乳海鮮湯、番茄濃湯水、重慶麻辣鍋。食辣之人必定要選麻辣湯底、辣椒🌶️滿滿，一片紅海，小辣都已經非常有辣勁。先辣黎麻既層次非常豐富。另一推介之選就係豆乳海解鍋，湯底好足料，有海蜆特海鮮，鮮味濃郁。美國牛肉油脂分佈平均，滾兩滾就食得，肉味好濃啊！除左肉類及一般既火鍋配料，海鮮更加係任點任叫，非常奢華既火鍋呢！

今次我黎到一間位於旺角兆萬中心3樓的八鍋堂，品嚐一下日式的火鍋同刺身。這類鋪面不大但燈光明亮，而且附近也是商業區很適合情侶或朋友們食完飯到處走走消化。黎八鍋堂食飯，有個小提示想話比大家，最好提早訂位的話會有雞煲的優惠可以享用，唔食得辣嘅人微辣就足夠，色香味十足，我同朋友都食到唔停口。雞煲吃完之後我地點左個四格鍋分必係沙爹，蕃茄，人蔘雞湯同豬骨。當中豬骨湯底味道濃厚，同有成大舊豬肉比你邊沸邊食，煮埋烏冬落去真係幾正。八鍋堂分別係分左6-8張任食的單比你任填，而堂中有兩種肉類需要加錢先可以任食的，雖然係貴多小小但肉質入口即容值得一試。八鍋堂除了有刺身、豬羊牛肉、炸物、海鮮、壽司外，還有一個區域放置了很多火鍋料。除此之外，呢度有好多醬料同前菜飲料提供，都值得一讚。

立秋後早上和晚間都有一點點涼意，我們這批火鍋控又點忍得到，立即要出動去食火鍋，今次選了這間位於兆萬中心3樓的「八鍋堂」來吃個痛快以解我火鍋之苦。這個已海鮮火鍋+日式放題為賣點的「八鍋堂」並能滿足一眾喜愛日式美食的大胃王。四格湯底一個鍋分四格可以叫四種不同的湯底絕對可以滿足任何人的需要我們選了皮蛋芫茜番茄濃湯沙嗲湯和豬骨湯味道各有特色。火鍋配料多不勝數而且樣樣新鮮實在冇得彈，海蝦肉質鮮嫩爽口彈牙。蜆，外表光㓗內裏蜆肉細嫩最重要是一點泥沙也沒有，令人食得非常放心。特選美國牛肉牛肉油脂分布平均，牛味香濃入口非常嫩滑。美國牛小排油脂較少牛味較重，肉質較有咬口和特選美國牛肉形成強烈對比。還有我最喜愛的爐端燒，鹽燒大虎蝦味鹹的外表加上鮮甜彈牙的蝦肉實在美味，蒜香雞中翼蒜香誘人加上雞皮燒得微微香脆入口滿是雞汁，汁燒秋葵燒過的秋葵入口不再是潺潺的外皮香脆更易入口，汁燒翠玉瓜香甜多汁的翠玉瓜燒過之後份外野味，鹽燒牛舌薄薄的牛舌入口爽彈味道調得剛好不會太鹹。

放假一起身就已經係下晝1:00，約友人到旺角食下午茶，問佢想食咩，佢竟然話去打邊爐！邊有人食tea去打邊爐架，不過既然友人出到聲，邊爐就邊爐啦！今次我地揀咗位於旺角兆萬中心3樓既八鍋堂—中日火鍋專門店。店舖位置「就腳」唔難搵。而且面積寬敞，無壓逼感，非常適合gathering !入座後，店員為我地遞上火鍋湯底menu，心大心細既我，最後梗係揀四格湯底啦（包括：人蔘雞湯、蕃茄濃湯、夏日水果湯底及豆乳海鮮湯）！之後就去打邊爐不可缺少嘅醬料區域。豉油、生蒜、香蔥、辣椒係必需既！拎完醬料，就出去睇下有咩好野食！基本上打邊爐既配料應有盡有，例如丸類、雞件、烏冬、午餐肉、雜菌等⋯值得讚賞既，竟然連菜苗都有，正呀！揀完湯底之後，其實佢仲有d食物order紙，我地特別加錢叫左碟美國特選牛肉同美國牛小排，脂肪紋理不錯！仲叫左聖子、蜆、生蠔⋯好豐富呢！仲有友人最中意既雞翼，外層脆卜卜，推介！當然唔小得刺身啦！最好食既係赤貝同虎蝦！湯底到啦！友人同我急不及待啟動喪食模式，我地唔客氣啦！

任食火鍋梗係全部肉都要試吓啦，先講特選美國牛肉，比較有咬口，肉質唔韌有質感，美國牛小排就比較軟身，入口後好快溶化，肉質亦係唔韌，美國肥牛就係三種牛肉之中最常食嘅，美國黑豚片好薄片，完全唔會感到有韌嘅感覺，唔錯，至於羊肉片又唔會有羊騷味，對於唔食開羊嘅朋友嚟講都可以一試。今次揀咗四格湯底，有冬瓜排骨湯、豬骨湯、豆乳海鮮湯、重慶麻辣湯四種。最有趣係豆乳海鮮湯嗰個，居然有隻狗仔喺度好特別。刺身方面揀咗三文魚同甜蝦，三文魚色澤光亮，甜蝦就尤其新鮮甜美。醬油區亦整齊乾淨，選擇亦算多。飲品方面我非常滿意，因為有我最愛嘅白色可樂，好多任食嘅火鍋嘅飲品都係用比較平嘅飲品，但呢間居然用好嘢招呼客人，唔錯。甜品有好多選擇，我揀咗啫喱，睇賣相已相當吸引，真係又靚又好味。店員服務態度亦良好，好有效率。 呢間係我返叮名單上將榜上有名。