八鍋堂．中日火鍋專門店 (已結業)

印象中傳單好似聲稱有近二百款食物，但今日去到勁小款（店內唔算多客，起碼有3分1吉枱）叫左芫茜皮蛋果個湯底，就連芫茜味都唔係好覺有😑落單叫食物勁漏單，肥牛寫左2次紙都無黎，之後向同一員工問左兩次，佢叫我地再重新落單😓放刺身個碗冰就有一大堆，刺身就得細細塊，壽司很難成舊夾起，d飯一夾就散😓特別要提一下漏單情況真是超嚴重，自助食物區根本沒有在openrice圖片上睇咁多款，可選食物基本上都係菜類菇類，腸仔午餐肉，兩三款丸😓俾呢2百幾蚊任食既兩小時，差不多都是被自助區的食物填飽肚子🤢完全唔明白點解有咁多個讚好🧐我同朋友都不約而同地表示唔會再幫襯😑就連隔離枱都大大聲講唔會再黎呢間😑

在10月，天氣漸涼，是時侯食火鍋嘞！我跟男朋友走到旺角兆萬中心 3樓的 <八鍋堂．中日火鍋專門店> 打邊爐！我們是相識以來第一次打邊爐， 又可以知道他會有什麼表現呢！這是一間中日火鍋專門店，踏進去環境闊落，新派裝潢，平日晚上，不用等位便入得，我們幸運地被安排到梳化位，坐得舒適！ 桌上備有火鍋爐及餐具！這裡勝在企理，近門口位的自助吧，雪櫃放有不同丸類、菜類、麵類等，還有出前一丁，認真驚喜呢！ 另有自助醬料區，多款醬料，隨意配搭！任食火鍋+日式放題 $198+10% (7:00 入座) 嫌食打邊爐太悶，又可以食埋日式放題！一次過滿足雙重享受！Order 紙最主要分為火鍋類及日式放題兩個類別：火鍋類：火鍋配料應有盡有，包括：肉類、海鮮類及 (自助吧可取) 丸類、腸仔、午餐肉、豆腐、蔬菜類、烏冬、出前一丁任食日式放題：刺身、壽司、軍艦/卷物、燒物、還有沙律及酒類飲品任飲，而且種類繁多！除了罐裝汽水、茶類，啤酒之外，還有梅酒供應！甜品有雀巢雪糕，雪糕也是任食！食物非常多元化，物超所值！都幾抵食 ！火鍋湯底有9款可供選擇：皮蛋芫茜湯、冬瓜排骨湯、豆乳海鮮湯、蕃茄濃湯、夏日水果湯、重

打電話book位個時都問清楚會唔會有個隻公仔湯底，個時話一定有只係無得選擇，甘諗落都無咩所謂啦純粹打打卡始終食物質量先最重要，之後到左之後佢直接攞個煲過來，問完佢話今日原來無，當堂扣左好多分啦，之後開始叫刺身個d個質量都令人滿意ge，但下一刻就當場嬲左囉，第二張枱有個隻公仔湯底，立即問個經理咩一回事啦，佢可以話個枱係最後一隻囉 ，甘係咪應該俾左我先我來先過佢地成個鐘，之後個經理態度勁差完全唔想認有責任，借d椅差開個話題問我地要唔要生蠔個d，我想講我半個鐘之前落左單總未來囉，都無心情同佢嘈，唔會來第二次。總體就係食物質量可以但選擇少賣相差，員工態度一般，不會再去。

上菜速度非常慢 菜牌亂曬白菜是娃娃菜 4格湯底到係冇味 免費我到唔會再黎 開頭食左5分鐘之後到唔想繼續是落去 十分滿分我會俾2分唔係因為d野好食係佢地d服務態度還可以 如果同出面俾晚餐時間係寧靜嘅

諗住一試心態，點個完全伏黎，火鍋配料選擇不多啦，見有刺身食又試下，刺身細細件，點4件來2件，燒物又係這樣，每樣食品都是一樣，不會是你點的數量來，次次點6隻蝦先來2隻，不會再來

以為附近咁多類似野，同質化咁高點都有d保證啦，於是求其揀左最近個間，就系黎間八鍋堂。入到去諗住打邊爐啦，點知個點餐紙度咩9都要加錢，加完錢都係得好少野揀，選擇少，諗住加錢叫刺身啦，叫左幾樣，黎到吞拿魚有渣，三文魚薄過紙，跟住叫左雞串同蝦，諗住係燒野黎啦，實係熱架啦，點知全部都凍冰冰咁，d蝦霉既，嬲嬲地出去攞野飲，見有啤酒啦，結果勁難飲。食完成餐，又黎樣要加錢個樣要加錢，埋單縱要貴過人，又加一，d野又refill得慢，正一垃圾屎。

打邊爐周圍都有，但立體公仔湯底真係唔係度度有。估唔到香港都有機會食到，而且一D都唔貴。最平$198就食得到，重要係放題添呀!火鍋+日式放題 $198湯底方面有八款係免費麻辣同水果湯底就要加$30四格湯底就要加$68不過公仔係廚師隨機發配，抽唔抽到心頭好就睇彩數喇！除左肉類同海鮮要劃紙仔，其他火鍋料都可以出去自助吧慢慢揀。丸呀菜呀，基本野都有，最鍾恴就係響鈴同炸魚皮！日式放題就推薦串燒類，夠晒香口。雞中翼可以點，味道唔錯。刺身質素就勉強合格，因為雪味重。重點推介劍魚腩刺身，油脂味夠出。

初頭我本身想食放題 但見到呢間d員工係咁sell我 $228+10%咁我就留左枱 點知去一攞枱就出事 訂左位都要等位 咁我留黎做乜？唔知員工之間係咪溝通問題 比左張六人枱我地 仲話要搭枱打邊爐？之後先即刻轉番張四人枱我地 跟住唔知係咪當日人手嚴重唔夠 個場全部炒散連續四次將我地叫嘅野比哂隔離 我地之前轉左枱 冇人follow up我地叫過嘅野咩？愈等愈覺得有問題 之後去搵個經理過黎了解 佢話你地落左d咩 重新落過 之後就好火 爆左佢一獲先至比碟刺身過黎 仲反問我地想點？佢話唔喜歡可以離開 ！好 承你貴言😌我$1都冇比即走 黎之前請三思 不知所謂 態度九流😌

看了網上評論那麼吸引，而且又可以一邊放題一邊火鍋，結果決定預約26日跟朋友們吃晚餐。早了去到餐廳（當時是晚上6點多），不超過10枱客，就坐再看看餐牌就知道今次中伏了！！！什麼公仔湯底沒有，款式不多，而且加錢選了火鍋+放題也不是全部食物任食，任食的都是一般都會有的牛肉豬肉、丸類及菜類。刺身的顏色看起來不太新鮮，蝦的肉質是霉的，亦讓我們試到一些熱度也沒有的燒物，食物的質素絕對是令人失望。飲品選擇不多，更有不少是內地品牌；服務方面十分惡劣，跟服務員要求加熱水到湯底，竟然跟我們說水吧有熱水機，要自己去加熱水（當時絕對不是多客人，服務員更是十分空閒!!）每人差不多要付$220，卻是換來一肚怒氣！！要給這間餐廳的評價是十分差！從來沒吃過一間那麼差劣的放題餐廳，絕對不會再光顧！

12月25日到午市放題食係$208，加左個 鴛鴦湯雞同 麻辣湯底各加30。total2個人食左$547。首先呢間野入到去嘅時候1。00，成間都得一枱客，老實講真係好後悔入左去。個間嘢環境都幾麻麻地，其次係食物種類好少，你填左，佢都未必整比你。打開飮品嘅雪櫃好大陣臭肉味，而且好多都係大陸嘢飮。係火鍋配料個到有咩選擇，大部分丸同菜。肉類入面如果牛小排果啲每人要加100。。所以冇叫。得啲肥牛，黑豚同豬肉片。冇羊肉。串燒方面瘋狂走單。叫5隻雞翼比2隻，個待應態度好差咁叫我地食住先。。。佢送剌生嘅時候掉係張枱到，服務態度奇差。個待應本身就係大陸口音加鬼食泥，聽唔清佢講乜仲係到發脾氣。。。omg我真係唔知比果50服務費做乜。再者係佢啲刺身同壽司都唔新鮮切到細細粒咁。其實我食左9個字就走左因為佢環境差，食物伏。加上聖誕節正日得3枱客佢都應該就快摺。係openrice同ig睇佢評價唔錯，以為冇死，點知伏到加零一🤣🤣🤣。總之食爭鮮算數😂埋單每人$262，我去食瀛起都得啦🤣🤣🤣btw佢甜品得3隻，2隻大陸不知明雪糕加雀巢3蚊朱古力雪條🤣🤣就咁多。整體感覺差到我可以記一年。🤣

今晚約了客户在旺角交收文件，順便和他吃晚飯，趁着天氣開始有些涼意，所以決定去八鍋堂食火鍋兼吃食日式放題order 紙最主要分開2個類別，分別為火煱類(肉類和海鮮類)和日式放題(刺身，壽司，軍艦/卷物，燒物，還有沙律和酒類)丸類款式極多，腸仔，豆腐，蔬菜類，烏冬，出前一丁，還有我打邊爐必吃的午餐肉都可以在自助吧攞，真係超多嘢食飲品種類極多，連減肥可樂，CC提子汁和CC蘋果汁都有食火煱前緊係食下D刺身和壽司先la, 甜蝦，劍魚腩，虎蝦，冰山貝，赤貝，虎蝦等刺身也頗新鮮而針魚，小肌魚壽司，還有我最愛的火炙左口魚裙邊壽司和火炙蟹膏蟹棒壽司也是不錯的選擇燒物就揀左鹽燒大虎蝦 ，燒粟米和燒日本蕃薯仔八煱堂最特別就是四格湯底鍋，有八款湯底可供選擇，我就擇左重慶麻辣鍋(小辣), 冬瓜排骨鍋，豆乳海鮮鍋和蕃茄濃湯，真是甜，酸，辣，鮮都齊全最特式可算是蕃茄濃湯鍋底，隻可愛的招財貓其實係凝結咗嘅豬骨啫喱，整隻招財貓溶掉後和茄膏融合一起便變成蕃茄濃湯，好惹味呀美國牛小排~大大片好腍好鬆化，牛味濃，特選美國牛肉~口感柔軟，油脂分佈不錯美國黑豚片~海鮮類~海蝦，蟶子，象拔蚌仔都好鮮甜，廣島蠔尤為鮮味食放題點都要食

天氣凍凍地，最岩就係去打邊爐，簡左呢間八鍋堂試下，除左火鍋仲會有刺身燒物壽司等等，滿足曬我所有願望。先講環境方面，餐廳位於旺角兆萬中心，好容易搵，坐位亦都夠闊落，坐得幾舒服。飲品種類不少。有啤酒！火鍋方面，我地點左四款湯底，包括豆乳海鮮湯，人蔘雞湯，皮蛋芫茜湯同埋沙嗲湯，上湯底個時仲有隻狗狗做型既湯料比你影相，十分有心思。火鍋食物有美國肥牛，牛味十分濃郁，海鮮方面有蜆，蝦，蠔，蟶子同埋象拔蚌等我，任食黎講選擇算係幾多，上菜亦都幾快。至於蔬菜同丸就有一個冰櫃可以自己拎，菜苗十分好食。刺身選擇都有好多，一般放題有既都會有，而且十分新鮮，無話有雪味同份量少既情況出現。至於壽司同卷物就有驚喜，佢既火灸壽司同軍艦十分好味，遠勝其他放題。雖然甜品選擇唔係好多，只有雪條同杯裝雪糕，但以呢個價錢已經係物超所值了。

途經兆萬中心陪朋友買野，去到3樓聞到有火鍋香，原來係呢度傳出嚟，即時火鍋癮起，就即係拉左朋友入去嚟個邊邊晚餐😋😋我地叫左四格湯底包括有蕃茄濃湯，重慶麻辣湯，人蔘雞湯，沙爹湯❤ 蕃茄濃湯特別用熊仔上菜，好得意啊😍😍見到佢慢慢融化好冶癒😂打邊爐除左湯底之外，牛是非常重要的。 我地升級左美國牛小排❤️ - 升級 $100， 牛厚度比一般嘅厚少少，口感當然提升了， 另外牛味道非常濃郁。 美國肥牛❤️入口即溶，只需淥8秒就食得👍黑豚片❤️豚肉嫩滑，沾上芝麻醬一齊食好match. 海鮮❤️任叫任食😍回本精選👍蟹子沙律❤️蟹子完全唔好吝嗇，青瓜絲爽口好清新~炸物&燒物❤️即叫即炸即燒，上菜熱辣辣，栗米非常香甜，牛舌厚切香口，必叫!刺身❤️火鍋外仲有得任食刺身，簡直就係雙重享受，種類選擇都唔少，全新都新鮮。仲有大量火鍋配料，飲品，甜品同佐料任均選擇，非常多元化，物超所值!

今日行街行到攰 天氣又轉涼 就想打邊爐， 但又好想食幾舊壽司係兆萬見到呢間野 好似all 包 打邊爐加放題 就試試 放題一嚟梗係即刻叫刺身 又ok wo夠凍 都新鮮 之後呢舊咩嚟 原來我地叫左四格火窩有隻熊仔放落湯 既gimmik 野幾搞笑之後畫野食 都算齊刺身，沙律，串燒，壽司，手卷都有 但好似無天婦羅 串燒也不錯壽司不過不失 爭鮮level 不過不失而打邊爐除左肉類同海鮮，其他都可以係出面攞， 不同類型既菜，丸，豆腐，豆卜，牛栢葉，響鈴，魚皮等等都有仲有雪糕食 如果你個胃夠大真係抵 我就每樣野只食到一次 已經好飽好飽

呢排夜晚天氣涼浸浸，火鍋同燒烤都係我近期放假首選。今晚約左好姊妹放工聚下，我私心揀左食八鍋堂。自助式調味架應有盡有～任飲啤酒，汽水，果汁，茶～蔬菜類，麵類，丸類等等～自己夾，唔洗等最好～～我地揀左人蔘雞湯+重慶麻辣湯底。哈哈哈哈 好可愛呀～～店員一拎個煲上枱時，我仲諗做咩有咁大舊野係湯入面。原來隻狗狗係湯底雪到變固體，所以可以企係個煲入面～～好得意，好有心思呀！！四個大姐姐見到都咁開心，小朋友一定中意，哈哈。放心，狗仔遇熱就會溶番變正常湯底，可以慢用。八爪魚同榮螺刺身彈牙爽口，都幾新鮮，唔錯。跟住點左d海鮮，冬風螺好鮮甜！！海蝦，蠔，象拔蚌仔都唔錯，好有鮮味，肉質都好彈牙，唔係急凍食材，讚！丸類不過不失，有正常既水準。而且仲有我中意食既萵荀，加分～雪花肥牛又幾好食喎～牛味重，有油脂味但唔膩！我地食一碟岩岩好～仲有蟹子壽司同卷物，size細細，味道好好。食埋個青瓜絲沙律清下口腔，夠哂爽口，正呀～！出面涼浸浸，我就食到暖笠笠，真係滿足！