八鍋堂．中日火鍋專門店 (已結業)

今日同屋企人嚟旺角食飯，就去咗兆萬中心上邊食放題。一嚟到我哋就食咗個雞煲先，個雞都幾嫩滑，而且個味都幾好，因為有小朋友，我哋就食小小小小辣，一上枱見到有好多辣椒，但原來都唔係好辣，個雞煲都幾惹味。另外打邊爐時會換一個湯底俾我哋，咁就唔使好油咁樣打邊爐。個湯底仲要係熊啤啤，個樣非常得意。呢度仲可以叫一啲日式嘅壽司，我覺得最好味嘅有左口魚壽司同埋花之戀，而刺身方面都幾新鮮，三文魚，點蝦同埋帶子都唔錯。喺呢度嘅牛肉都唔錯，肥瘦均勻。海鮮都算新鮮，蝦同埋帶子都算大隻。食物嘅選擇都非常多，我仲叫到一啲串燒同天婦羅，天婦羅普普通通，串燒牛脷都幾好食。火鍋配料方面種類唔算多。食完仲可以去雪櫃嗰度食雪糕同埋雪條，我就揀咗食雀巢嘅朱古力雪糕，滿足。人均消費大概$220 ，非常出抵食！

旺角放題食店真的多的是，今次來了這間八鍋堂中日火鍋專門店，食完覺得幾正。這店有四格湯底可供選擇，有款湯底賣相幾cute,將湯底整成熊bearbear, 整體湯底都幾濃郁足料，要辣既有辣，要鮮味既有鮮味，要濃味既有濃味！火鍋配料款式都幾多選擇~有蝦有海鮮，都幾新鮮，至有美國特選肥牛and美國牛小排，美國牛小排肉質相當出色，濃濃既肉香又嫩滑~必叫之選！還有刺身，質數都幾好，唔錯呀！還有這款貴價飲品，放題都有得飲，正呀！

N年無黎過兆萬食野喇~ 我承認...今次會黎係比呢一間既動物造型湯底吸引左😆另一樣吸引之處係佢有四格湯底火鍋供應~我唔食得辣平時成日要同行朋友遷就今次有四格咁多 大家都可以盡情揀自己想食既湯底啦🤗大部分火鍋料都可以係呢個自助區拎到呢💁‍♂老實講真係好少見到咁乾淨同整齊既自助區!!令人印象不錯另外醬料區選擇都好多 真心欣賞佢保持到衛生!因為實在經歷過太多有蚊之飛黎飛去既火鍋店呢度衛生保持得唔錯👍🏻另外特別要讚店家採用有三個凹位既醬料盤!!🤩🤩🤩事關每次食火鍋/放題都一定會加超過一款醬汁呢個盤好貼心咁cater晒你想落既醬汁!飲品亦係應有盡有~不過養生既我最後揀左綠茶包呢😜仲有雪糕雪條同前菜任拎架~不過我同朋友淨係食放題料同火鍋都已經飽晒😂無試到😛好可惜.... 餐廳咁岩今日個雪櫃壞左所以無動物造型既湯底供應呢😢😢😢心裡一沉既我地 默默地選擇左呢4個湯底::冬瓜排骨, 豬骨, 沙嗲同蕃茄濃湯🍅呢度既員工都幾主動幫忙收單落單呢!而且今晚無比漏過食物呢👍🏻食物亦都上得幾快~4款湯底中我特別特別鐘意冬瓜排骨湯!!🌟真心好清甜,, 推介大家一定要試呀先黎既係另加錢要既2碟牛肉::特選美國牛肉 ($

今日又同同事收工一齊去食晚飯， 大家今次意見不同一個話要食放題，一個又話要食火鍋， 咁大家就諗住搵一間可以滿足我地兩個願望既餐廳 ，今次大家一齊行到兆萬， 其中一位同事問朋友，朋友介紹比我地，就上去試下啦～地點唔難搵，就喺3樓， 地方好大， 座位比較舒適闊落～首先睇下點食物紙，都有八張～我地先揀湯底，揀左四格湯底，分別係芫茜皮蛋湯，蕃茄湯，豆腐海鮮湯，冬瓜排骨湯～好特別既係芫茜皮蛋湯上有隻好可愛既狗狗～刺身種類也有10款以上～炸物燒物很出色牛舌一流～厚度大小火候也剛剛好，炸雞軟骨亦唔錯～火鍋配料可到自助區自取有丸類，菜類～加起也有10多款～最後大家食飽左發現，原來太多選擇係好難選擇既～因為食唔到咁多款～

叫果款無果款都算了 ，無叫果d就尼哂，想食果d就無🤷🏻‍♂️。中午1300點幾同我講d野賣哂，但成個場先坐得4分1枱....你話晚市果轉賣哂都合情合理，想拿拿聲趕走d客都唔係咁啊，不如索性講某幾款食物係有限量供應就算啦，好似度人入尼食咁款，係門口睇張傳單就好似好吸引咁，入到去都唔係果回事尼😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡

阿女一個星期默兩次書，默書成績又唔錯咁辛苦，放假就帶佢食下好野！呀女話要食sushi，我同老公又想打邊爐，滿足邊個好呢？上黎openrice搵下，發現八鍋堂可以一次過滿足哂大家不同嘅願望！八鍋堂位於兆萬中心3樓，地方好大，星期日竟然唔係好多人，唔使排隊就入得！正！好快有得食！打邊爐加埋日式方題，每位$198。四格火鍋湯底加$68，加左個黎試下先，湯底都幾多料濃郁，有一格仲有隻熊啤啤冰湯底，幾可愛！配料牛肉質素都唔錯，出面仲有唔同嘅火鍋配料可以拎！打打下邊爐又可以勁食一下刺身同壽司，正呀，刺身好多款，好新鮮，呀女同老公都好鐘意！仲可以叫大量串燒，啲串燒都好正，尢其牛舌同埋喺翠玉瓜，我地食左幾十串。一個價錢滿足哂幾個願望，質素又唔錯，兆萬可以一洗劣食之塔呢個惡名啦！

近排旺角放題越來越多，價錢比較一下，決定來離間，我地提前預訂仲可以免費升級多一個雞煲。一開始我地食雞煲（小辣，肉質OK，味道入味，小小辣唔覺得油膩），食完雞煲之後仲可以換鍋底，套餐包4格鍋，食火鍋之前我地進攻刺身壽司（三文魚，甜蝦，好新鮮，而且鮮甜的）壽司方面質量都不差，味道非常好，而且完全唔係一早整定，出來時候飯係熱嘎。之後天婦羅：有蝦，蘑菇，南瓜，迷你紫薯等等，還有燒物：熱門牛舌，玉米，蝦，脆肉瓜，秋葵等等非常多，食完一輪又一輪，到最後上火鍋時候發覺都7成飽。結果我地選擇左一大格鍋底算，一上來，好特別個湯冰成一個熊仔形狀慢慢融化成湯底。一般火鍋熱門有食物距都有齊，牛肉，豚肉距都係無限量添加，出面櫃還有丸丸，蔬菜選擇都非常多，雪糕，汽水都係任食任飲2.5小時。甘抵食連加一$218，而且cp值甘高而且位置企正旺角，真係小有，下次聚會可以選擇來哩度

感謝餐廳的用心，為客人預備小蛋糕。很傖促早上從網上book位，當天中午就吃放題。沒有特別請求下，餐廳員工在用餐後表示會送上生日蛋糕慶祝😍😆🤣不是說笑，沒有request及說明情況下，網上booking, 在生日月份為自己送上小小的生日蛋糕，多謝。

就黎冬天，越來越多食火鍋既地方選擇，今晚黎到兆萬呢間「八鍋堂」中西合璧，而且餐廳價錢大眾化，都幾抵食。入到去環境闊落，裝修新潮，梳化位置坐得舒適。湯底有10款選擇，困難症當然加錢簡左四格湯底，番茄濃湯、豆乳海鮮湯、夏日水果湯底、重慶麻辣湯。第一首選推薦重慶麻辣湯底，夠哂惹味又夠麻，越食越有辣勁，用嚟涮牛肉，味道一流啊！蕃茄湯有狗仔造型，十分可愛。豆乳湯比較淡，唔建議叫。夏日水果湯底帶鮮甜味，比較創新。火鍋配料都好多選擇，海鮮有象拔蚌、蜆、海蝦、蟶子、生蠔、帆立貝、青口、墨魚滑、鯪魚滑等等，整體新鮮。火鍋包美國肥牛、黑豚片、羊肉片。可以好似我地甘加錢品嚐特選美國牛肉、美國牛小排，牛味較濃。另有自助火鍋配料區，客人可因自己喜好自取，有丸類、蔬菜、麵類等等各式各樣既配料。最後仲有日式放題，可任食刺身、壽司、燒物、天婦羅、日式小食等等。蒜香雞中翼同燒蠔都好好味。飲品選擇多，最後食埋雪糕雪條，真係肚腩大大。呢度真係啱哂一大班朋友聚會丫。

旺角兆萬中心一直都係放題火鍋聖地但成日都排隊搭𨋢 而呢間八鍋堂位於兆萬中心三樓可以直接搭扶手電梯 非常方便海鮮火鍋日式放題 $198/位放題除左包左火鍋料之外 仲可以order日式食物好似刺身 壽司 卷物 揚物 燒物等等真係一種價錢 兩種享受四格湯底 $68貪心嘅人黎到就最開心 因為有四格湯底一次試哂今次揀左皮蛋芫茜湯 豆乳海鮮湯蕃茄濃湯 同 人蔘雞湯個人最鍾意人蔘雞湯 蔘味濃郁 好滋補美國牛小排 $60/碟特選美國牛肉 $20/碟除左一般火鍋料之外 仲可以加錢order靚牛雪花比例平均 食落好有油香火鍋配料有海鮮類揀有海蝦 蜆 帆立貝 同 鯪魚滑 唔錯其他火鍋料可以自己係凍櫃拎重點係有貴價午餐肉天婦羅天婦羅種類眾多 蝦天婦羅外脆內爽串燒串燒燒得好香 首推燒雞翼飲品種類多 啤酒都係任飲

十月份一早一晚天氣涼涼地，火鍋出動係時侯，之前在屋企打邊爐，要預先去街市買材料，因為樣樣都想食，買下買下成幾佰蚊，仲要洗肉洗菜，食完又要執拾又要清洗，依家諗起都頭痛。為免以上麻煩，今晚同太太出了旺角食，兆萬地下好多人派傳單，見呢間啲野食不錯就走了上去。餐廳面積大，仲要係閒日，所以唔駛等就入得，餐廳佈置唔係話好靚，不過勝在企理，好似雪櫃放的不同丸類、菜、麵等擺得OK唔會亂，仲有出前一丁咁驚喜添，飲品類普遍都齊晒，也有啤酒，各適其適，幾落本。食物味道方面，火鍋食材新鮮，肉類幾嫩滑，蝦肉爽口有鮮味，其他好似吉列生蠔同炸雞軟骨都香口，送酒一流，反而係壽司啲米飯稍為乾身容易散。整體來說，平均價錢二佰幾，款式選擇多，我和太太覺得不錯，最重要唔駛好似係屋企食完要執野同洗野，舒舒服服夠方便。

旺角兆萬成棟大廈有好多食肆，今晚友人相約大廈的3樓食火鍋放題，一個價錢入嚟任食，感覺上好低，但係都要睇食物嘅質素而定。原來餐廳提供的湯底可以一次過揀四款，完全啱曬選擇困難症嘅人，最後分別就揀咗人參雞湯、皮蛋芫茜湯 、豆乳海鮮湯，仲有重慶麻辣鍋。湯底端來的時候，發現其中的麻辣湯底用了一隻雪凍了狗造型放在裏面相當有趣，開著火爐不一會雪狗漫漫消失了。食物的選擇種類頗多，除了有火鍋配料外，亦有刺身、壽司、燒物等等，要食均真係唔係咁易。當中欣賞特選美國牛肉，放在鍋中一陣就食得，好有牛味，肉質鮮嫩無渣，我地好快清左一碟，另外，其他食材都新鮮不錯，我地唔食得太多，所以叫的量不多，主要是想食多些款式，同埋唔想浪費食物，整體來講，坐得舒服，價錢中肯，是不錯選擇。

今日去左旺角整電話，要等幾個鐘，緊係食埋野先啦，上OpenRice 睇下，見到有間八鍋堂有得火鍋，又有串燒壽司，評價又不錯，就去試下啦！餐廳係兆萬中心三樓，對正電梯口！一開始選鍋底先，今次揀左個四拼鍋底，可以一次過食曬幾個口味，仲有隻熊仔造型既湯底，有趣！水果湯底好清香，有菠蘿同原隻百香果！火鍋配料和飲品都係自助，都幾多款！刺身款式有十多款，上菜速度快，赤貝，馬刀貝爽口，三文魚肥美。今餐比較有驚喜既係串燒，味道不錯，不會燒過火，牛舌一口一串，幾野味，叫左好多轉。串燒壽司同小食都係即叫即製，難得！埋單都係人頭$200有找，呢個價錢食到幾樣有質素既野，真係難得！曾幾何時，兆萬中心被喻為劣食天堂，其實細心上OpenRice 睇下，都會發現好野！

行街行到攰攰地當然要去兆萬中心覓食啦八鍋堂就係三樓 唔使迫電梯而且價錢都幾抵食星期五至日公眾假期海鮮火鍋加日式放題每位係 $198 仲心心思諗要咩湯底？唔使煩了！呢度有四格湯底多款湯底任君選擇我地就揀左一d濃一d淡皮蛋芫荽湯 豆乳海鮮湯番茄濃湯同人蔘雞湯 雖然放題包左肥牛 但我地都係加左錢食好d美國牛小排$60 值得一試特選美國牛肉 $20呢款雖然冇牛小排咁正但確實食落都唔差食物架都幾衛生 選擇唔少丸類同蔬菜等鍋料任君選擇除此之外 仲有炸物，串燒，刺身同天婦羅味道非常唔錯 真係大快朵頤

差到不得了！一個任食打邊爐，兩個人，叫蝦叫4隻都唔過份啦，佢只黎得兩隻，好寒酸囉，完全唔掂，大家唔好中伏呀！我今晚本黎係唸住食一鍋堂，但係因為要等得太耐，仲要發現壽司上有條毛，真係衛生情況差到不得了！但坐係好舒服，因為冇咩人！