八鍋堂．中日火鍋專門店 (已結業)

見到有狗仔湯底好似幾特別，湯底可以自己揀💁🏻‍♀️💁🏻‍♀️火鍋嘅野食款色比較少，所以主要都係食放題食品去到衛生麻麻，但侍應都算好態度嘅因為性價比唔算高，應該唔會再去嚕

近期兆萬中心開左好多餐廳，但通常等LIFT都有排等，令人卻步。八鍋堂位於３樓，可以直接搭電梯上去，咁方便，一定要去試下！餐廳叫八鍋堂，原來真係有八個湯底可以選擇選擇困難症都唔洗驚，因為可以一次過揀４個湯底左下：皮蛋芫茜湯如果可以揀超過一款湯底果陣，通常都會揀個皮蛋芫茜湯，貪佢清清地可以中和下其他濃味湯底，而且又清香～仲有幾隻皮蛋，好足料！右上：豆乳海鮮湯豆乳做湯底，一聽就知滑不溜口加埋鮮甜海鮮，係比較清新的選擇，老人家都岩食！左上：人蔘雞湯唔係講笑，真係撈到人蔘出來！而且飲落都好甘香，雖然未至於燉湯果種火侯，但用作打邊爐非常足夠了～右下：重慶麻辣湯麻辣控必選，不解釋如果唔係要就朋友的口味，我覺得揀中辣應該會更香口。望住呢個滿滿的汽水櫃，我決定今晚要飲幾罐可樂～特選美國牛肉（+$20）美國牛小排（+$60）其實普通肥牛、黑豚片同埋羊肉都可以免費任食，但牛魔王如我，係唔會錯過食更美味的牛肉的機會係咪睇兩款牛肉的紋路已經流哂口水呢～而且冇諗過份量會咁多，其實加錢都唔貴。食放題必嗌刺身拼盤，三文魚、劍魚腩，希靈魚，吞拿魚，冰山貝，鯛魚，乜都有齊，滿足花心蘿蔔的願望～卷物超級推薦，有天使蝦卷，鰻

約左朋友行街，晚飯時間一致決定去打邊爐。 經過兆萬，俾「傳單姐姐」帶左嚟三樓，呢間火鍋店好似係新開，之前好似係第二間，一於試新場啦！選擇好似好多。四個人揀湯底四個唔同意見，加$68可以揀四格湯底，啱啱好一人揀一個湯底，yeah~ 我就揀左夏日水果湯底，清新啲，除左菠蘿，估唔到仲有我至愛嘅新鮮熱情果。 第一次用熱情果打邊爐，味道好特別，難以形容。蔬菜同一啲火鍋料可以出去自取，都幾多選擇。 我就揀左啲菜打吓底先，好似冇咁易肥哇。 生菜、溫室豆苗，連羽衣甘藍都有。美國黑豚片食落幾有豬味，又唔會韌。個蟶子係BB size，同個蜆差唔多大，食左都唔知咩味； 墨魚滑好彈牙，夠足料； 海鮮最好食係生蠔，夠大隻又飽滿，食落蠔味濃同鮮甜。炸蝦天婦羅脆漿夠薄，蝦又彈，要encore 再encore。壽司就火炙胡麻三文魚最好食，原來胡麻醬同火炙三文魚係好夾架。三文魚刺身係厚切，冇雪味。最後有啲小甜品同雪糕杯，個芒果布甸唔好食的。四個人升級埋四款湯底，一千蚊有找，有得任食火鍋同日本料理，都算係平。

日式放題向來都係我既至愛，價錢平之餘仲可以食到好多唔同TYPE既野食，食物款式種類繁多， 二百幾蚊都可以食到貴價野，所以我地今晚又出動去放題喇今次幫襯嘅八鍋堂，位於兆萬，交通便利。一入到去就見到有火鍋吧，菜類或者可以放得耐既都放哂係度，再入D就係個甜品區同野飲區，仲有前菜都係任拎，可以食住頂住個肚先係等緊火鍋黎之前我們即左D刺身，炸物等等頂住肚先！呢度嘅刺身選擇繁多，而且相當新鮮，上檯時仲夠晒冰凍。不得不讚嘅係熟食，即叫即整，熱度啱啱好。而刺身就肉質爽甜，不用點醬也相當美味。其次三文魚都唔錯， 肉身肥美油脂豐腴，有焦香，脆口味美。而甜蝦也冇得輸， 口感黏黏甜甜， 細細隻好好食。 刺身質素高，食多兩轉都已經番本啦。到火鍋方面也有好多款式，淨係湯底都幾廿個選擇。必食既除左有肉類之外，我最鐘意就係個魷魚！！係係自助區拎架，厚得黎又幾鮮味！！最後值得一提是服務唔錯，食物上得好快，全程都冇漏單，不錯！！

兆萬入面我諗放題既餐廳唔多但係今次我去既呢間最特別既一點係除左平之外!!就係早預約有雞煲送!! 好正一坐底就已經上既雞煲我揀左既係中辣, 雞煲既份量都唔少雞件都係嫩滑既, 估唔到呢度既雞煲都幾出色!!!食完就當然到主角就係火鍋呢度既湯底選擇都幾多因為之後仲會叫熟食同刺物個D所以只係叫左個單煲食!!上面隻熊仔勁QQ我諗又係打卡位黎哈哈D料可以係落單, 而係出面亦都有菜類既選擇我最鐘意既就係熟食要幾多真係任叫的!! 超爽而且份量都幾足下!!

同吃貪既朋友食飯 最啱係食任食打邊爐 因為可以一邊烚下烚下既同時又有得傾下計 正當係旺角諗緊食邊間既時候 被兆萬既宣傳單張吸引左呢度既位大多數以卡位為主 可以舒舒服服咁打邊爐都幾爽打邊爐最重要係個湯底 我地係因為呢度可以食四格唔同味既湯底我地叫左沙嗲湯/豬骨湯/麻辣湯/人蔘雞湯 一次過試晒唔同既口味沙嗲好濃味 人蔘雞湯清淡得黎帶點鮮甜 麻辣係愈滾愈辣 好刺激 呢度有d譬如海鮮同埋肉類係用紙去點之外 其他火鍋配料都係係出面自助去拎架 因為我真係好鐘意牛既關係 所以我加左錢去任食特選美國牛肉及牛小排 加錢真係加得抵 因為我叫左勁多碟呀 除左打邊爐外 仲可以食埋平時既放題架 有魚生壽司天婦羅等等任飲任食 一次過滿足晒又想打邊爐又想食放題既願望呀

今日放工約男朋友食放題，涼涼的天氣，決定試一試這間在兆萬3樓的打邊邊放題。（因為之前食韓國雞經過想食）環境都幾大同光猛，簡單設計，我們被安排坐梳化位置，幾大張鬆動又軟熟舒適的梳化；播放著日本音樂，男朋友話是動畫的主題曲入去立即見到火鍋食材區，都幾多選擇，自助出來取的，包括：蔬菜、丸類、菇菇、腸腸、烏冬等等除了這些自助式食材外，仲有寫紙點的，包括串燒、刺身、壽司、天婦羅，炸物、飲品等等（清酒、酒類）火炙的蒲燒鰻魚及辣汁熟帶子壽司，男朋友好喜愛這帶子的香滑及口感，所以encore了串燒唔錯，鹽燒大虎蝦都爽口、蒜香中雞翼好香口又唔會乾身、我喜愛燒日本番薯仔的外燒香味內面甜美、汁燒雞肉串好香好野味！牛舌都香，可惜比較乾同硬身。天婦羅幾好，我愛香芋丸（好甜好滑）、日本南瓜（軟腍又甜）；男朋友就喜歡這邊的薯絲蝦（好特別的口感、薯絲味香濃、蝦又爽口）及炸蝦天婦羅火鍋最重要是湯底，這邊都幾多湯底選擇，有人參雞、沙嗲、皮蛋莞茜、重慶麻辣、番茄濃湯、豆乳海鮮、夏日水果等等好多都想試，最後我們選了4格湯底，可以一次過試4種！我覺得肉類放在重慶麻辣真的好更野味更出色、海鮮類就放了在豆乳海鮮湯更鮮甜香滑；蔬果就

八鍋堂有點像任飲任食兩小時的港版海底撈，可選這個四格湯底，個人首推重慶麻辣，真心惹味又夠麻！怕辣的話，蕃茄也很好，蕃茄味濃。豆乳湯我覺得是四款中比較失色的，沒吃到豆乳味，就像是白色的清湯的樣子。不過正所謂鹹魚青菜各有所愛，我們四個人各自點了自己喜歡的湯底，基本上是河水不犯井水，呵呵，很衛生嘛。這裡用明火爐，好處是滾得快，就是讓溫度稍為有點熱罷了。美國牛小排是一次性，之後添肉好像是$20一碟。貴一點果然是好～如果是放題級別的牛，其實都不差的，就是有點太肥和散了一點。日式美食以紙下單，沒漏單情況，上桌亦快。質素我覺得還好，賣相亦有盡量精緻（笑）可以滿足吃日本嘢的心，同時又可以烚下烚下，這種港式放題說真的除了香港以外就沒有別的地方有了！軟殼蟹牛油果卷我覺得是必食的！！肉類和貝類海鮮亦是以紙下單。除了肉以外，我覺得水魷也是必食之選（尤其是配麻辣或沙嗲湯底！！）蔬菜和丸類是自助形式，凍櫃夠凍，衛生OK。飲品和甜品也是自助，種類選擇多！不是movenpick / haagen dazs，但說真的我覺得牛奶公司其實好好食，這款朱古力雪條，外面已經買不到了！極懷念！（所以爆錶也吃了兩條～）整體來說，八

在旺角搵食其實好容易，但想搵到啱心水就比較難，如果想好食又抵食，而且選擇多的餐廳，我就會去旺角兆萬中心3樓的八鍋堂中日火鍋專門店。每人2百幾蚊就可以滿足你任飲任食嘅願望， 佢哋有火鍋， 配料任夾任叫 而且相當新鮮。肉類方面可以任叫美國肥牛、美國豚肉及羊肉片，仲有新鮮海鮮架，而蔬菜、菇類及其他丸類火鍋配料就可以自己拎，十分方便。另外再散叫了特選美國牛肉及美國牛小排，肉質果然不同，比任叫的肉類更優質。我哋仲叫了四格火鍋湯底,有人參雞湯、豬骨湯、 皮蛋芫茜湯及番茄濃湯，一次過試了4個口味，好開心呀～除咗火鍋之外，仲有日式料理，例如軍艦/卷物、刺身、壽司及燒物等， 應有盡有而且份量十足，飲品雪櫃款式超多，十分抵食。餐廳位置就在商場3樓 ，不用在地面排隊等，搭電梯就可到達，而且環境舒適，坐得好闊落，簡單又方便。

星期一晚上收工同好友去咗旺角兆萬「八鍋堂」，依家餐廳價錢平，食物種類都幾多一黎到就有位，餐廳門口放咗唔小食材 e.g.蔬菜、丸類..可以自助任飲任食，不過賣相一般，侍應安排我地坐卡位，座位幾寬敞，大玻璃仲可以睇下街景餐廳有幾款order紙，好似平時食放題咁，有刺身、壽司、小食&火鍋配料，每項款式既選擇都唔算多，不過勝在有唔同既野食食下坐好之後先落咗個雞煲，半隻雞既份量，都好多肉，而且雞肉好入味，調味做得唔錯刺身都幾新鮮，色澤靚味道鮮甜，所有都係好細件，鐘意可以再order壽司款式唔算多，我地都叫咗幾款嚟試下， 不過賣相味道都一般，比起刺身，壽司上面嘅材料無咁新鮮， 色澤比較暗啞食完雞煲就到火鍋喇，我地order咗個藥膳雞湯底，個鍋竟然有隻招財貓係度，好可愛美國牛肉&美國牛小排賣相一般，肉質都算嫩滑，兩個人食嘅話每樣一碟分量差唔多幾款海鮮size都細細粒，蜆係入面比較好既一款，有鮮味，又冇沙

旺角兆萬一向係放題集中地，係地面睇緊食邊間好個陣，就有傳單姐姐過黎sell八鍋堂，咁打下邊爐又有日本野食，價錢$198都幾抵喎，就上黎試下佢啦。餐廳在三樓，撘電梯就到，唔使等架萬年長龍𨋢，哈哈，幾方便吖。湯底我地一行四人一人揀一款（四格湯底另加$68），朋友揀左豆乳海鮮，重慶麻辣同沙嗲，自己揀左蕃茄。豆乳偏淡，麻辣夠麻夠香，沙嗲濃郁，個人喜好蕃茄湯，酸酸地好有蕃茄味。飲品自助，有汽水啤酒等，旁邊亦有熱水壺同茶包，不愛凍飲的朋友可以選熱茶。打邊爐用的肉類及海鮮就寫紙落order，仲有不少日式食物選擇。醬料方面一般調味品都有，蔥，生蒜，辣椒等，仲有至愛的日式麻醬打邊爐未熟前就食下其他野先，壽司、軍艦、太卷等都有，細細件size幾好。串燒系列，即叫即燒熱辣辣㗎。天婦羅都係即炸，好香口。打邊爐的牛肉同豬肉片，仲有羊肉片忙了拍照賣相一般但食落都ok㗎。海鮮類，蜆無砂抵讚。自助bar有各式蔬菜，同朋友至愛的午餐肉。羽衣甘藍都有成個上嘅公仔麵，麻油正甜品就少啲款，有杯仔，蛋糕仔，雪糕，雪條等，勝在杯裝雪糕有勁多款味揀，總有一款啱口味。收碟上菜都幾快，無漏單，又唔使等位，正啦～

兆萬出名多野食 耐唔耐就會同frd嚟試唔同餐廳！🙈呢排天氣涼左 正係打邊爐好時機咁啱又有朋友想食放題 俾我地搵到呢間滿足哂2個要求😂呢度既menu有中日2 set 大部分邊爐用既肉都係要喺呢度寫完交單order其他配料就可以自行去拎😂不過都真係幾多款下 重點係連響鈴都有！好齊全湯底有呢啲 我地揀左4格湯底 - 沙爹湯，蕃茄濃湯，豆乳海鮮湯同重慶麻辣湯我最中意蕃茄湯同麻辣湯 前者夠濃郁 後者唔算勁辣 適合食辣新手😂個湯料好啱打卡用！隻狗狗好得意😍有懷舊版蜜瓜荳奶飲👍🏻正！熟食係日本放題爲主 主要既刺身 壽司 天婦羅 燒物 炸物 串燒都有齊！特別一提佢啲肉都好大塊好多 基本上真係叫2-3 round肉就可以飽到咩都食唔到😂埋單係平時啲放題價！但食到好多款野食，味道唔錯，咁您識揀啦🙈

宣傳單寫任食任飲上到去叫刺身甜蝦我叫左起碼五六次三十隻以上，但就次次都俾6隻我，最後我問點解先話我知按人數分配每人每15分鐘只可以叫2隻，但其實我好想知我叫左咁多次你次次都唔講但就每次都淨係俾6隻俾我係咩意思？你哩D唔係叫任食系叫限食。D嘢又唔新鮮食上去林啤啤，服務態度又差上菜是就咁劈落枱面。哩間系我食過最垃圾ge放題。

今晚係旺角行街, 突然間好想打邊爐但又想食日本野, 突然一記得兆萬中心3樓有一間八鍋堂中日火鍋店, 之前一直想試, 今次就來試試, 而且價格很化算! 行到入去鋪頭, 門口設有幾部雪櫃俾客人自助選擇食物 & 飲品, 種類非常非常的多! 食店地方非常寬敞, 侍應給我們一張卡位, 坐得好舒服!湯底:打邊爐火鍋湯底可以選擇4款, 我們選擇了麻辣, 人蔘雞(有熊熊仔造型), 豆乳 & 蕃茄湯底, 另外還有其他湯底選擇. 食店會把一個用湯水凝固了的造型公仔放進其中一格湯底, 當有熱力的時候就會溶入水裡, 看到這個公仔一定是相機食先, 很可愛.此外, 打邊爐自助配料超過9款菜類, 菌類超過4款, 丸類超過14款, 還有山根, 腐皮, 台灣豬肉條, 三文魚鮫等等數之不盡的種類, 特別是有一款於其他食店未必常有的就是我最超愛的出前一丁公仔面, 完整包裝任食! 除了自助配料, 客人可以於餐單紙上點選再特別些的配料, 例如有美國肥牛,美國累豚片, 羊肉片, 海蝦, 聖子, 帶子, 墨魚滑, 鯪魚滑等等, 食物非常新鮮, 鮮甜,物超所值!刺身 & 壽司:選好火鍋配料之後, 就輪到點選日本刺身, 壽司, 燒物,

又到舊同學聚會的日子，當然還是選擇食放題好，一個價錢任飲任食，有同學喜歡食日式放題，也有同學喜歡食火鍋，我們選了旺角的八鍋堂中日火鍋專門店，因為他們除了有齊中日食品外，還有四格火鍋湯底，可以選擇多款湯底，迎合同學們的不同口味，今晚我們可盡情享受美食之餘，又可暢聚一下了！餐廳地方整潔，座位舒適！火鍋配料除了寫點菜紙外，還設有自助區，多款食物都好新鮮。還有飲品和雪糕等任飲任食！四格火鍋湯底，我們選了皮蛋芫茜、沙爹、人蔘雞、豆乳海鮮，湯底味道濃郁，各有不同特色，尤其人蔘雞湯，真的有人蔘和雞，還加有紅棗等材料，大家都先飲返碗滋補下。食物質素不錯，虎蝦彈牙、豚肉薄切，輕輕一灼就食得，肉質鮮嫩。升級中日放題就有任食高級海鮮，材料新鮮味鮮甜。每個同學都喜歡的刺身，三文魚、希靈魚、鯛魚、都好新鮮，赤貝、虎蝦、甜蝦很爽口！特色壽司也做得好好味，我最愛火炙三文魚和火炙蒲燒鰻魚，用火燒過再加上醬汁，特別惹味！香芋丸、薯絲蝦、蕃薯仔天婦羅等都香脆可口！最後是甜品，多款甜品中我最愛芒果布丁，很香芒果味，口感滑溜，甜度適中。