八海山

營業中

休息中

平日放工即興同朋友黎左呢度，環境幾闊落，一入到黎即刻有店員帶我地入座同埋介紹餐單，好有禮貌。第一印象已經幾唔錯👍🏻一黎到當然要叫個刺身拼盤先啦，特別想講吓個海膽，好鮮甜，喺香港好少可會食到啲咁新鮮嘅海膽，而且份量唔小，一食就成口都係海膽嘅味道，要試！🥹其他嗰幾款刺身都係厚切，帆立貝大大粒😍😍另外我地仲叫咗一個一口牛，佢係鐵板上嘅，所以上碟嘅時候仲係熱辣辣，燒落去仲好最後幾唔錯㗎！多人嚟食建議嗌兩碟，因為真係食唔停口😎呢度最特別嘅，就係佢會俾埋個gas爐你shabushabu, 一路同朋友吹水，一路烚吓烚吓都咪話唔正😌烏冬大大份，食完都飽晒🤰🏻🤰🏻食完之後個店員都行過嚟問我哋啱唔啱食，認真覺得服務唔錯，覺得下次可以再嚟🙆🏻‍♀️推介！

陪朋友剪完頭髮就近近地搵左間日本居酒屋食打開個 menu 見到勁多野食 樣樣都好想試好想食多到都唔知揀乜好 揀左明太子玉子燒  鯛魚刺身 日式牛肉鍋  梅子大葉免治雞肉棒 鐵板和牛粒明太子玉子燒蛋好香 明太子份量剛剛好 唔太咸鯛魚刺身好新鮮 即叫即整 都要等啲時間 不過值得等的牛肉鍋份量好大煲  4-5塊大大塊肥牛 個菜索晒啲牛味 正鐵板和牛粒 啖啖肉大大粒 食肉獸就岩晒喇雞肉棒俾晒大葉包住 有陣紫蘇味  美中不足 少左隻蛋 有埋就 perfect

尖沙咀八海山聽得多 又成日會行過見到但總係搵唔到個機會黎食飯今日甘岩係附近剪完頭髮一於入黎睇下佢係龍係鳳佢係舊式老牌居酒屋 開左18年入面格局好似家庭料理店餐牌又好多唔同種類嘅日食新鮮鯛魚刺身師傅手勢好好 每片切嘅厚薄都一樣魚質爽口鮮甜 配埋個酸汁 冇得頂👍🏾👍🏾鐵板和牛粒鐵板和牛粒上枱仲吱吱聲 和牛好林 燒汁煮得好入味 蒜片絕對唔少得明太子玉子燒上枱熱辣辣 啲木魚碎郁下郁下 幾過癮蛋卷好嫩滑好有蛋香 包住明太子咸咸地 不錯見到個酒架開過唔少酒 搵次再黎飲

話說今天要去尖沙咀做Facail，做完後便去附近吃晚餐啦😆! 已經聽過 🇯🇵八海山 的名字好久了，也聽不少朋友去試過，今晚就約媽媽去吃晚餐。 「 刺身拼盤🐟 」 有三文魚、吞拿魚、八爪魚、海膽、甜蝦和深海池魚，每人一片，片片厚切，好新鮮。 「 日式牛肉火鍋🍲$250 」 最近又轉冷，又係吃火鍋的時候了。牛肉份量好多，又有不少蔬菜，好豐富。 「 油甘魚鮫鹽燒🐟$100 」 油甘魚油份較重，燒後脂肪甘香，蘸點酸汁更好。 「 雜錦天婦羅🍤$130 」 天婦羅有3隻大蝦、南瓜🎃、蕃薯🍠、秋葵、冬菇等。炸漿酥脆，不算太油，也不錯。

原來寶勒巷呢間日式居酒屋已經好多年，連日本人都會去。聽到職員對日本人都係講返日文，感覺好似去咗日本旅遊咁～好有氣氛💁🏻‍♀️⭐️生蠔麵鼓鍋（2人前）生蠔整齊擺放係鍋中，樣子好肥美😋一鍋大約有7~8隻蠔🦪滾一滾就可以食～好juicy鮮甜。麵豉湯好香，不會過鹹。鍋入面仲有大量蔬菜、菇同蒟蒻麵，吸收湯汁嘅蔬菜好好味道。⭐️雜錦魚生帆立貝、赤身、甜蝦、八瓜魚、三文魚腩、油甘魚腩、海膽。刺身新鮮，油光滿滿。帆立貝好厚肉，口感彈牙。海膽鮮甜濃郁回甘，入口隨即在嘴裡化開。⭐️帶子牛油燒帶子用咗鐵板上，牛油味道好香。帶子好大隻，啖啖肉，有嚼口。⭐️焗薯仔芝士明太子用咗炸香咗嘅薯角再加上芝士同明太子去焗，比起用薯蓉嘅口感更香口。芝士少少拉絲，明太子鹹香，好適合送酒。📍八海山尖沙咀寶勒巷26-36號華寶大廈地下1-4號舖

尖沙咀嘅餐廳本身已經更迭頻繁再經過疫情好多餐廳都捱唔住結業能夠一直屹立不倒嘅餐廳靠嘅就係口碑好似今日我就同同事去左一間尖沙咀開業十八年嘅居酒屋因為同事係呢度嘅熟客餐牌都唔駛睇已經自動識點菜😂雜錦魚生(上)配搭大路有齊最受歡迎嘅魚生魚料新鮮無雪藏味配自家鮮磨wasabi誠意之作帶子牛油燒四大隻帆立貝肉厚鮮甜牛油汁香濃明太子煎蛋卷蛋卷軟嫩加上明太子增添左鹹鮮風味頂上仲有木魚絲特別香口天婦羅拼盤天婦羅材料新鮮炸粉透薄每件都熱辣香脆食得出即叫即炸A4和牛壽喜燒二人份量肉量都定左有成300g入口軟淋脂香再加上鮮雞蛋就更嫩滑👍店內清一色侍應姨姨但個個態度親切友善服務殷勤斟茶收碟最後仲為我地送上香芋雪糕做甜品添🥰果然食物優質、服務周到嘅餐廳先可以喺汰弱留強嘅餐飲旺區生存

今日同好朋友去左間嘅老牌居酒屋居酒屋開業十八年裝潢係比較港式偏舊一點嘅風格餐牌選擇豐富佐酒小食、刺身、壽司、天婦羅、鍋物、燒物拉麵烏冬全都有價格合理我地叫左A4和牛sukiyaki 明太子煎蛋卷天婦羅拼盤同帶子牛油燒明太子煎蛋卷上枱熱辣辣蛋卷嫩滑明太子量適中唔會太鹹做前菜不錯哦～天婦羅拼盤有三隻大蝦一件茄子一件冬菇一隻小青椒全部都好香脆炸粉透薄可以食返食物原本嘅鮮味帶子牛油燒又係正個帶子一啲都唔乾肉厚汁多牛油好香再加上少少檸汁提鮮更加正！主菜係A4和牛sukiyaki侍應有細心提醒我地先食牛防止煮到老晒湯底甜得黎唔會太膩同肥嫩和牛好夾除左有和牛鍋底仲有葛絲、豆腐、津白菜等等其實仲可以加選配料我地就加左個拉麵更加飽肚我地對食物都好滿意難怪全晚都一直有捧場客黎支持！

試過好多日本餐廳及居酒屋! 有D真係未必會返轉頭! 睇你係食環境定食味度! 而老牌一D好似尖沙咀既<八海山>就係較少數實而不華既表表姐, 佢地座落係尖沙咀已經好多年, 好多日本人都鐘意黎食! 簡單樸素日本家庭風既裝修, 加上隔離左右既日本人對話! 好似去左日本咁! 而且食物絕對係高質!尋日就同老婆去咗食晚飯：$420刺身大拼盤(三文魚, 吞拿魚, 帶子, 八爪魚, 海膽, 赤蝦) ~ 啖啖肉鮮甜美味, 唔係放提級數, 必食推介!$110雜錦天婦羅 ~ 熱辣辣上枱, 金香可口! 脆炸外皮唔會太厚, 口感一流! $85芒果蟹籽沙律 ~ 大大碗, 好味又開胃. 不果已經有D飽…..$250日式牛肉鍋 (2人前)~ 大約有8片嫰滑牛肉, 煲底好足料! 中有2隻蛋! 大滿足! 食到捧住個肚走!呢間我係絕對會返食既居酒屋!

<尖沙咀正宗高質居酒屋>🤩越來越多新開既日本餐廳及居酒屋, 選擇亦愈來愈多😎 但有時始終都係歷史悠久, 傳統正宗的居酒屋食落先最好味🤩 位於尖沙咀這間<八海山>, 雖然沒有極華麗既新裝修吸引你, 但這裡的食物質素絕對係高質之選.<刺身大拼盤>😍 絕對高質, 鮮甜, 令人有一食想再食既衝動🤭 必食推介<雜錦天婦羅>😋 ~ 上枱依然超熱, 炸外皮薄而脆, 完全冇粉既口感. 蝦亦大大隻, 亦都係必食推介.<芒果蟹籽沙律>😋 完全冇諗過份量係咁大碗, 仲有6大片芒果, 好味開胃又抵食.<日式牛肉鍋> 😋 二人份量, 大約有8片牛肉, 配料有蛋, 豆腐, 金菇, 冬菇, 菜等. 呢排天氣又涼番, 食埋呢個牛肉鍋, 好味道大滿足仲暖笠笠呢.👍整體超高質, 食物款式選擇多, 價錢亦算合理. 絕對值得回頭再食.🥘餐廳 : 八海山🍣地址 : 尖沙咀寶勒巷26-36號華寶大厦地下

還記得第一次到八海山已是多年前一個週末晚上 ，當晚餐廳滿座，座上客中有不少是日本人。 這家已有十多廿年歷史的居酒屋，除了供應刺身、壽司和多種日本菜式，還有空運抵港的時令鮮魚，當然清酒、八海山牌啤酒，和很多佐酒小食。刺身沙律 $95~當中有多款刺身，包括三文魚、章魚、 油甘魚、吞拿魚和蟹籽，鮮味大粒，很超值! 伴以青瓜、生菜、紫椰菜、車厘茄和溫室豆苗， 清新爽脆，加上柚子醋，十分醒胃。.海鮮茶壺湯$75~精緻的茶壺看似小小的，想不到倒在清酒杯中喝，卻有很多杯。熱烘烘的湯底十分鮮甜，而且很足料， 以多種海鮮熬成， 還有啖啖肉的海鮮。摸著清酒杯底品嚐，滋味十足。.牛油果軟殼蟹卷 $100 /80~以軟滑的牛油果捲著香脆的軟殼蟹，加上圓潤飽滿的壽司香米， 非滿足，以長身碟盛著滿滿的，份量很多。秋刀魚一條$280~牆上掛了小黑板，寫上每天日本直送的多種時令魚。 這天點了秋刀原條起肉，銀色外皮有光澤。師傅刀工出色，擺盤精緻，賣相吸引，入口鮮甜嫩滑，魚味濃郁，配薑蓉、 蔥粒、蘿蔔蓉和海藻，更添美味。有酒豈能無餚，佐酒菜式及小食很多，原來有個獨立餐牌的 。韮菜炒豬潤 $85~以做韮菜豬潤是中菜小廚專屬

八海山三個字嘅氣勢好重江湖味，有如力拔山兮氣蓋世般豪邁。八海山係酒亦係山，亦係屹立尖沙咀嘅老牌傳統居酒屋。嚟到寶勒巷街尾，會發現幾間餐廳都要拾級而上。見到藍色布簾就步入格局較老派嘅八海山，晚飯時間到步，餐廳頗熱鬧，坐近玄關位置，望住進門嘅客人絡繹不絕。簡單點餐，主要係想靜心聊聊天，同朋友食個新年便飯。餐廳招牌之一係元氣豆腐，但當日想食玉子，二擇一最後揀咗個明太子燒玉子，入口鬆軟濕潤，明太子較蛋搶味。另外必點嘅自家製牛肉薯餅冇失望，外層鬆脆，內裏牛肉醬同薯蓉嘅組合比例啱啱好，非常香口👍🏻！刺身雜錦刺身盛合，五款刺身都好高質！串燒雞肉丸子、豬腩肉 同牛舌都係較多人推薦，燒物不過不失，價錢同區嚟講算相宜。另外要讚一讚個關冬煮同牛肉火鍋，係冬天嘅comfort food！‑ ‒ – 雜錦刺身盛合⁴ ² ⁰明太子煎蛋卷 ⁷ ⁵ 自家製牛肉薯餅⁶ ⁸ 關冬煮⁸ ⁰日式牛肉火鍋 ² ⁸ ⁰燒豬腩肉 ³ ³燒雞肉丸子 ³ ³燒牛舌 ³ ⁵‑ ‒ –

同友人一行4人去食晚餐雜錦魚生拼盤（特上）原本每款刺身係三片，可以加錢，每款四片，都幾貼心，令我哋乜都可以試到。但最奇怪上碟時同我哋講，拖羅未完全解凍，叫我哋等一陣先食，我哋問等幾耐，佢又返轉頭問廚房，之後話10分鐘至15分鐘，結果我哋等咗20分鐘，食落口仲係有雪，成碟最貴最期待就係片拖羅，居然搞成咁，即使之前食嘅其他刺身幾好味，都難以彌補呢個問題。其實係咪應該解凍之後再拎出嚟俾客人食會更加好？🙄🙄串燒都ok，梅子大葉免治雞肉棒幾特別，有咬口。😌明太子燒蛋卷，韭菜蝦燒蛋卷，味道ok，比較薄身，如果厚身返少少就更加好。😌汁煮五花腩，香濃，肥肉好軟林好食。😌納豆卷，芒果鮮蝦卷，ok，好新鮮。😌清酒煮蜆，冇，失望⋯銀杏，冇，店員話係季節性食材⋯甜品咩咩香蕉，冇，我哋問店員唔通香蕉都係季節性食材？另外聽到啲店員講辣酒煮花螺都冇，感覺都幾多嘢係冇⋯唔通天氣凍真係冇貨返🤔🤔

見好多人都話呢間居酒屋好正宗，好多日本人都會黎食，今日就黎試試佢。一入到餐廳就覺得環境幾闊落舒適，燈光幾柔和。〈刺身盛合(上)〉有油甘魚、帶子、吞拿魚、八爪魚、赤蝦、三文魚、海膽。唔止賣相吸引，每款刺身都好新鮮。咁多款刺身入面我個人最鍾意係帶子，味道夠鮮甜。〈鐵板和牛粒〉鐵板將和牛粒既外表燒得少少焦脆，咬落好juicy有肉汁，配埋燒汁同蒜片一齊食唔錯。〈帶子牛油燒〉啲帶子超大粒，牛油味好重，輕輕煎過食落好香。〈生蠔面豉鍋〉天氣凍凍地，所以再叫個鍋暖下胃。佢地鍋物有好多選擇，包括牛肉、牛腸等等，我同朋友都鍾意食蠔，就叫左個生蠔鍋。個鍋好足料，至少有八隻生蠔，仲有大量配菜，例如冬菇、豆腐、生菜、大蔥等等。生蠔味道鮮甜，配埋面豉湯底味道更加突出。最後食返個香芋雪糕做甜品，為呢餐寫上完美總結

之前行過尖沙咀都會成日經過呢間日本居酒屋，今次終於的起心肝入去試試佢！入到去嘅第一個感覺就係餐廳好闊同舒適，燈光亦好舒服，而且職員亦都好有禮貌，會主動問我哋有啲咩唔食，然後介紹返俾我哋🫣我哋先叫左個刺身盛合(上)，有赤蝦、吞拿魚、帆立貝、三文魚、海膽同油甘魚。我想講佢出嚟嘅擺盤仲靚過menu張相🤭每一款刺身都擺得同第二款有適當嘅距離，確保啲味唔會混埋一齊👍🏻最值得一讚嘅係帆立貝真係好甜！當然我最愛嘅油甘魚切出嚟嘅油脂比例亦都好好😛之後就係上個鐵板和牛粒同帶子牛油燒，兩味餸一拎過嚟已經勁香🥹啲帶子勁大粒，牛油味好重，食落亦有啲蒜香，咬落鮮味爽甜，而個鐵板和牛粒嘅汁配埋啲蒜片加上juicy嘅和牛，一絕🫣我哋見食完頭嗰三樣嘢已經由五六成飽，就再叫多咗個生蠔麵豉鍋。個鍋真係好滿好足料，除咗有目測至少八隻生蠔，仲有冬菇、豆腐同埋菜等等，煲煲吓我仲成日驚佢滿瀉🤔啲生蠔雖然唔係話好大隻，但係味道同數量絕對對得住佢個價錢，性價比極高。嗰日好凍，食完個鍋已經好暖身個人仲有啲㷫烚烚添，所以就叫咗兩個雪糕做甜品，非常滿足！

聽聞呢間居酒屋好多日本人幫襯🧐上網睇咗好多評論見到餐牌有香港罕見嘅牛腸鍋😮疫情前去過福岡試過牛腸鍋一直好想再食今次一於捉埋男朋友2個人嚟食驚無位就一早係op訂檯滿心期待嚟到餐廳發現其實客人唔多 座位都坐唔滿 生意唔算好op評價都偏好有啲怪…🤔🤔嗌咗5樣菜式🍽️牛腸鍋 明太子玉子燒三文魚腩壽司牛油果軟殼蟹卷牛油雜菌帶子食完埋單$7xx💸💸💸其實一啲都唔抵😵當中硬食咗兩碟前菜$40牛腸鍋牛腸份量好少 芽菜太多😞三文魚腩壽司 同燒帶子食落普通玉子燒更加係頹作🤯出面好多外賣小食店都有誠意過呢間得牛油果軟殼蟹卷正正常常總括而言價錢偏貴💔💔💔💔💔上網睇到話好多居港日本人會嚟食現場睇就唔覺得有日本人本身以為裝修會好日式居酒屋feel以為基本會係日本師傅製作食物可惜成間餐廳感覺上係大陸集團式經營壽司檯既師傅同侍應都係帶着鄉音嘅女人完全唔係日本餐廳 極之失望 不值一試 😵‍💫😵‍💫