八海山

營業中

休息中

我諗應該經過呢間餐廳有100次，但係真係冇機會食過。個人來講都成日好鍾意呢類居酒屋，因為好有日本小店嘅感覺，而且唔似廚師發板，下下要訂位，你唔識人嘅話基本上有錢都冇得食。今晚兩個人放工就諗住不如一齊搵間近近地嘅日本居酒屋一齊食吓，於是就揀咗公司附近嘅呢間八海山。前菜係芒果蟹子沙律，完全冇諗過點解可以咁大份？日本菜通常都係比較小巧玲瓏，食菜都食得飽真係幾驚喜。唔知點解呢度到幾多日本客，而且都幾多飛機貨，特登揀咗一條未食過嘅魚做刺身，長尾濱鯛，白身魚，好有嚼勁，正。生蠔麵豉鍋，凍凍地食吓呢類嘢都幾好，老公仲話要加個山烏冬，麵豉湯配烏冬有感覺唔錯，值得一讚真係好多菜。牛油帶子燒，兩隻帶子大到爆炸，且牛油味勁香。雜錦天婦羅，有大蝦，有青椒，有冬菇，講真唔算係食魚會話好好食，但係天婦羅炸得又唔會太油都算唔錯，送啤酒一流。值得一讚係間餐廳嘅服務員真係好好，下次有機會再同同事過嚟食下午飯。

香港乜嘢菜都有得食，今晚就食日本菜。睇嚟一小碟普通的薯仔沙律，有特色，食完一口跟住接着一口。牛油燒帶子，熱騰騰用小鐵板捧上，除了牛油味之外，仲有重黑椒味，黑椒有少少辣對於我來講就啱啱好。帶子的火路，赤啱啱好。明太子玉子燒，煎蛋的程度適中，入口鬆軟充滿蛋味。青鯛魚薄切，一上枱就嘩一聲，切得靚，賣相靚，功夫了得，相機先食。店長話今朝才由日本運到。配以攻鼻的Wasabi及美味醬油，真係一絕。嗰條魚頭同埋魚骨，都唔好嘥，店長同我哋滾一個魚骨魚頭麵豉湯。牛肉火鍋，加上各種雜菜豆腐等等熱辣辣用爐上，正合冷天享用。店員接呼，十分週到。

未去日本住 已經掛住日本嘅海鮮咁多款唔同日本直送海鮮真係有排揀鯛魚最啱用嚟薄切青鯛薄切($730) 成朵菊花咁靚粉嫩的肉質白而透亮肉質爽口 不過偶然有筋店員還提議用魚身滾湯 實行物盡其用薯仔沙律($65)用了簡單 但食材新鮮底下有爽口生菜 最適合做開胃醒神前菜明太子煎蛋卷($76)蛋捲煎得香滑 用明太子做餡料 充滿鹹香帶子牛油燒($100)離遠已經聞到牛油香入口很重的黑胡椒味 惹味夠辣勁大大粒嘅帶子 入口一啲都唔靭 好吃牛肉鐵板火鍋($250)牛肉主要是肥牛 肉味濃口壽喜燒甜甜的湯底很能帶出蔬菜的味道底下的蒟蒻麵吸進了湯的精華 飽肚而又低熱量 食幾多都唔怕

同屋企人難得一齊食日本菜，今次尼間係由細佬揀。首先環境都唔錯，不過當晚包廂客人太過大聲，比較嘈吵😅但係店員嘅服務都好好👍🏻成日會主動執枱換碟。來到日本餐廳，唔少得食刺生。刺身拼盤好新鮮，好味尼款五花腩唔算肥，醬汁味道都唔錯。不過瘦肉部分會有少少乾。兩款魚都唔錯，特別係花魚👍🏻炸個款係鰈魚。第一次食😆比想像中好味😋另外可樂餅同和牛粒都值得推薦，如果再去應該會再叫尼兩樣。不過玉子燒就有少少失望，太甜。見菜單另外有款日式煎蛋捲，唔知味道如何🧐可能下次試吓。最後我哋仲叫咗個清湯牛肉鍋再加烏冬。牛肉👍🏻湯味清淡但啱啱好。值得推薦。總括嚟講係非常滿足嘅一餐。

因為見到有牛腸鍋 所以諗住試下價錢係平既 刺身不新鮮其他野食味道亦不特別出色只係舊式帶一點香港風味既日式餐廳元氣豆腐有點奇怪唔明白點解甘多人話佢好好食?係咪我問題定係我果日出左事?

室內環境日式風格前菜有沙律和日式蒸蛋主菜有烏東定食 三文魚壽司4件 加州卷4件沙律沙律夠開胃，個汁酸酸地幾好食，菜都夠新鮮日式蒸蛋個蒸蛋滑,花之卷又入味,有埋蛋黃嘅蒸蛋第一次食，唔知係意外定特色😂烏東定食烏東只係普通烏冬感覺唔係讚岐等靚烏東三文魚壽司三文魚夠肥美 厚度不過不失加州卷一口一件 入口後散曬入面有蟹柳同青瓜青瓜爽口 蟹柳平平無奇,最後一件係個豉油碟到已經散左🤐驚喜位系熱咖啡,糖奶另上一黎到好香咖啡味,同荼記粗野有好大分別,齋啡飲一啖有咖啡豆嘅酸味一啲都唔苦，落埋個奶好滑，十分滿意，問完豆沖定粉沖,原來係雀巢……..😅睇黎我都唔係好識飲咖啡總結:午餐黎講$69 有前菜 壽司8件 烏東定食性價比超高 而且都好食😋八海山地址 :尖沙咀寶勒巷26-36號華寶大廈地下1-4號舖電話號碼:34269960營業時間:星期一至日12:00 - 00:00

呢間位於尖沙嘴的日食居酒屋老字號，裝潢簡約日本風，近門口處有個吸睛的酒櫃，存放著各式各樣的酒。元氣豆腐凍豆腐口感滑溜帶點涼感，鋪面的醬汁微辣帶酸仲有納豆，平時唔食納豆既都接受到帶味道。雜錦刺身刺身整體水準新鮮，味道鮮甜。帶子牛油燒粒粒肥厚的帶子肉帶裙邊，牛油燒過後更鮮更惹味。牛肉火鍋鮮嫩的牛肉，清甜的日式湯底，加上滑溜豆腐蔬菜，食物原味道健康之選日式豚肉炒烏冬熱剌剌鍋氣足，豚肉炒得入味，烏冬又彈呀又滑，好味。光顧之前有聽聞呢間好多日本人都幫襯，當日用餐去到尾聲就真係見到日本人熟客仔，職員用流利日文溝通方式，仲遞上熱毛巾同預先存放的酒拿出來。

第一次食居酒屋🏮上網睇食評就選咗呢間！無介紹錯，樣樣都鍾意食😋燒白蟮有啲貴，不過好肥美，如果佢先上菜，我諗一定好快停晒手，好漏！刺身勁新鮮！一家四口食9個餸，小朋友一路食一路話要每個月來食😂不過元氣豆腐原來係辣嘅，得我一個食，其實好好味，但佢哋唔肯試😆牛肉烏冬好彈牙，湯底鰹魚味好香！串燒雞有京蔥夾住，又香又甜！燒花魚好嫩滑，但醃得略咸！魷魚筒同炸魷魚鬚就一般，唔差嘅，可能大家開始飽，最後食剩魷魚筒！店員招呼很殷勤，經常過來倒茶！

入到去成個格局都好有日本風，未去旅行啱哂🤣而接待我地嘅第一個正正就係日本人，佢好有禮貌咁帶我哋入位，用有小小唔正宗廣東話同我地溝通！魚生拼盤(上) $420正呀!!攞碟好仔細，分別將唔同刺身放係唔同地方，唔會將啲味混雜👍🏼上面有赤蝦，三文魚，吞拿魚，帆立貝，油甘魚，海膽！當中三文魚係最鮮最肥美😍入口即溶！！仲有啲回甘添😝好好食！！帆立貝亦都係少見嘅厚切，正❗️❗️牛肉薯餅 $68小食黎講，質素非常高！同外面食嘅有分別咼，佢外脆內軟，個皮唔會炸到好油好lone👍🏼入面薯蓉好食唔會淡！！仲有啲沙律菜伴碟，健康哂😋牛油帶子 $100一上菜勁香！似乎佢用咗啲香草一齊煮添呀！！總共有4粒帶子，粒粒都勁大粒😍上面仲有啲菇一齊煮好好食！！明太子煎蛋卷 $75明太子卷唔似平時食開好厚身個種，但正正因為咁，食得出係自家製👍🏼上面有好多木魚碎，好香！有風味！！牛腸鍋 $250肥仔之選！第一次食🤣佢牛腸份量好多，而且都肥肥地，不過洗得乾淨，無臭味！仲有勁多芽菜，炸蒜片，韭菜，椰菜一齊煮！好似間接食多咗菜🤣🤣凍烏冬 $75熱熱地食一流！烏冬彈牙，一定係日本烏冬！！而且佢仲配有薑蓉同蔥俾你撈，好好食😋里間啱哂一班f

尖沙咀嘅八海山，係日式居酒屋嘅老字號！由於料理方法夠晒正宗，食材每日由日本空運到港，所以深受日本人歡迎！門口嘅留酒區，啲留酒Label有多好日本公司同埋日本姓氏！雜錦刺身有八爪魚、甘海老、赤身、帆立貝、油甘魚、三文魚腩、海膽共七款刺身！當中嘅赤身、油甘魚、同埋三文魚腩特別出色！赤身軟腍而且魚味濃厚，油甘魚油分豐滿甘香，三文魚腩夠晒肥美！明太子煎蛋卷煎蛋卷夠挺身，內含大量蔥花同埋明太子，滋味十足！薯仔沙律薯仔切細粒，容易入口之餘，天然嘅甜味仲幾突出！牛腸鍋牛腸爽口中滲出濃厚嘅油脂甘香，而湯底就會愈滾愈濃郁，牛腸肥美嘅牛脂會滲晒落個湯底度，令蔬菜變得份外美味！而湯底盡收牛腸同埋蔬菜嘅精華，好味到不自覺咁飲晒成煲！花魚一夜乾咸咸地而且幾大條同埋厚肉，用嚟送飯/烏冬都唔錯！冷烏冬滑嫩清涼嘅冷烏冬，同牛腸鍋仲有花魚都好夾！

呢間餐廳開業已經20年， 店長好熱情咁同我哋介紹佢哋係做日式家庭料理有好多日本人幫襯， 咁啱今日我哋嘅隔離枱就係一班放咗工嘅日本大叔， 好有氣氛。試咗唔係度度有得食嘅白子， 入口好新鮮， 有滿滿嘅鮮味， 後感好綿滑。洋蔥沙律，平時去開日式餐廳都係叫蟹子沙律今日試一試呢個， 都幾有驚喜， 因為食得出洋蔥非常新鮮，再加上有梅子味嘅汁，非常開胃。刺身拼盤， 呢度嘅自身非常之新鮮， 有三文魚腩，赤身， 帶子，蝦， 油甘魚，章魚同埋海膽。 我哋最鍾意嘅係三文魚腩同海膽， 海膽濃郁亦都非常creamy， 三文魚腩入口充滿油脂。南蠻炸雞， 南蠻炸雞最重要就係佢個他他醬， 入口酸甜， 配上淡淡熱辣辣嘅雞肉，正。忌廉餅 亦都非常出色， 炸粉唔會太厚。海鮮炒烏冬作為我哋嘅煮食， 非常之香， 又唔算太油推介想食日本嘢嘅朋友嚟食， 價錢唔會太貴，而且食物質素亦都好好，值得推介。

今晚又約左老友出去相聚 , 尖咀一齊辦完正事後就諗住想食下日本野於是乎行到去寶勒巷見 八海山 居酒屋 門面唔錯, 地方大款式多就入去試試一入門口左邊就見到壯觀的酒櫃據稱該店屹立於尖咀22載 , 之前都頗多接待日本來港的團餐廳內裡座位寬敞 , 坐得舒適燈光佈置都參照日式和風格局 , 部份有幾間獨立房附日式趟門 , 內裡與正宗日本餐廳無異環境亦見乾淨企理店員殷勤有禮餐牌頗精美 , 款式不少order了唔夠10分鐘就開始陸續上枱首先前菜小吃 綠茶 及 好有咬口的帶子裙邊蟹籽沙律 $88 - 蟹子份量不吝嗇 , 滿滿一口 , 配搭青瓜絲及蟹柳蔬菜 , 沙律醬再提味 , 清新爽口 , 令人開胃雜錦魚生 (上) $420 - 外觀擺盤精緻 , 刺身當然是由淡味食至濃味的甜蝦及帆立貝 非常鮮甜 , 前者蝦頭膏好豐富 , 後者拌三文魚籽提味三爪魚味道正常 , 三文魚及油甘魚  魚油味極豐 , 口感爽滑 , 細細咀嚼則肥而不膩濃味的赤身 顏色鮮艷 , 肉質細嫩 ,  海膽則拌以青瓜一同落口 馥郁香氣獨特 , 鮮味齒頰留香燒魷魚 $75 - 一聞就知炭火燒邊有得輸 , 成條肉身彈牙, 香氣四溢 , 好惹味

#ftf_尖沙咀食物質素超乎想像 正宗日式居酒屋 店舖門面裝修唔係話好出眾，但係有條小樓梯行上去都幾特別，食物味道有驚喜，有日本人去食，特別讚揚員工服務超友善又貼心！元氣豆腐 $90⭐️⭐️⭐️⭐️⭐️最高級別推介，超乎想像咁好食，真係一定要試！豆腐佈滿辣螺肉嗰種醬汁，配有納豆、三文魚子，中間仲有溫泉蛋，老闆娘教我哋一定要吉穿溫泉蛋伴勻一齊食，真係好食到飛上天堂！雜錦魚生（上）$420⭐️⭐️⭐️⭐️⭐️魚生十分新鮮，處理得好乾淨！海膽、牡丹蝦、帆立貝鮮甜，八爪魚彈牙，三文魚同油甘魚有脂香！生蠔麵豉鍋（2人前）$230⭐️⭐️⭐️⭐️⭐️生蠔超級肥美飽滿，你見到佢咁肥都知佢好新鮮，唔使太花巧，配個麵豉湯，鮮味十足！鍋底中配有金菇、鮮冬菇、菠菜、旺菜同粉絲，加埋肥美嘅生蠔，格外鮮甜！雜錦天婦羅 $110⭐️⭐️⭐️⭐️⭐️炸漿脆薄，火候控制剛好，炸得乾身唔油膩！有三隻炸蝦、鮮冬菇、番薯、南瓜、蘆筍、茄子，每種食材都處理得恰到好處，炸完都仲食到食材本身嘅鮮香味，天婦羅醬汁清爽，不過可能我比較重口味，個人覺得天婦羅汁可以再濃味少少，哈哈！豚肉炒烏冬 $98⭐️⭐️⭐️⭐️烏冬唔會太油膩，豚肉同烏冬、仲有雜菜都炒得好香口。相對之下，呢個就冇

放工決定放一放鬆，就約左男朋友黎尖沙咀覓食～途經見到依間日本野好似不錯，時間尚早又唔洗排隊就入去試下啦！進入餐廳前要先行少少梯級上，感覺好似進入一個好私人既地方～充滿期待感！日式風格既居酒屋～餐廳環境寬敞，有不少大枱，岩晒一大班朋友黎聚會呢！雜錦魚生拼盤我地首先叫左個雜錦魚生拼盤墊一墊胃ＸＤ擺盤賣相好精緻，有三文魚，吞拿魚，油甘魚，螺片，甜蝦，海膽及帶子，非常豐富！而且每一款刺身都勁新鮮！鮮味十足，口感亦好嫩滑，當中吞拿魚係我覺得最好味！好耐未食過咁嫩滑既吞拿魚～平時食總會食到少少筋位呢！炸牛肉薯餅外皮炸得非常酥脆，內裡既牛肉卻十分軟滑，牛味香濃比起日本便利店既炸牛肉薯餅更好味呢！哈哈ＸＤ燒牛油帶子四大粒超大粒既帶子性價比十足！食落好彈牙！牛油味勁香～香茹作為配料亦非常惹味～厚燒玉子玉子非常嫩滑～木魚厚厚的鋪落玉子上面！雞肉丸鍋係自家手打既雞肉丸，雞味濃郁，肉丸口感特別～湯底好清甜～其它配料如豆腐，大蔥，茹，菜等等吸晒湯汁～超好味的一個鍋物呢！牛肉烏冬最後我地叫左個牛肉烏冬～牛肉嫩滑，烏冬都係！湯底夠晒清甜～食埋個烏冬岩岩好夠晒飽～大滿足！非常不錯既一間日式居酒屋～下次再黎再試下其它食

過了工作上的peak period，開始放監了，可以回復放工相約朋友吃飯的生活，當然要慶祝一下啦，今晚就相約朋友吃日本菜，這間日本菜在尖沙咀似乎已開業多年，已有不少熟客回頭客，我們亦很有興趣嘗試一下。鐵板帶子令我想起學生時代很喜歡去一間連鎖日本料理的一個必叫菜式，小小的鐵板，微香牛油，加上鮮檸，熟度剛好的帶子，滿有鮮味，加上滑溜的本菇，充滿回憶的味道，經典日本小食。吉列炸蠔因為最近要戒口減少吃熱氣物，但這炸蠔卻叫我忍不住，酥脆的外皮，薄薄的炸料，內裡的蠔非常juicy，嫩滑不腥，很出色呢，如果不是要忍口，我會吃三件朋友吃兩件。雜錦魚生要慶祝當然少不了叫個雜錦魚生大滿足，有劍魚腩、甜蝦、三文魚、海膽、八爪魚、帶子、吞拿魚，每件都有一定份量，不會小小薄薄的，更能品嚐它的鮮味，而鮮甜的海膽更是亮點，刺身最緊要新鮮，這裡也能做到。牛腸鍋一個非常有日本風味的菜式，香港不常會吃到，記憶中在福岡曾經吃過，令人懷念，牛腸看起來脂肪比例較多，但入口卻沒有油膩感，那油香甚迷人，什麼減肥暫時拋緒腦後，這鍋還有大量芽菜、椰菜，可補充纖維。日式雪菜炒飯比較特別的一個炒飯，好像在日本有見過，香港就少見，飯炒得不會