八海山

營業中

休息中

💜 我記得好耐之前喺尖沙咀行街已經見過八海山，不過一直都無試過，今次終於可以同🐼試下啦！😍💜 入到去最驚喜係發現有好多日本人幫襯😯 當晚起碼有一半以上係日本人，仲見到日本老闆親自招呼佢哋😆 聽住前後左右都係日文，真係可以幻想下自己喺日本🤣💜 食物質素方面，當然都好地道😍 💜 當日嘅前菜係中華沙律💜 特上雜錦魚生 首先係一個雜錦魚生！總共有七款刺身😋有海膽，油甘魚，赤貝，呑拿魚等海膽一啲都唔腥。全部魚生都覺得好新鮮，黎到可以試吓嗌魚生食呀👌🏼💜 雜錦天婦羅 🍤呢個又係推薦😆！喺香港食過好多天婦羅啲粉都好厚，呢度食既啲粉一啲都唔厚😍蔬菜同埋蝦天婦羅都好好食😁💜 豚肉炒雜菜出街都想食菜!! 啲椰菜炒得好爽👍🏼💜 牛肉壽喜燒有煤氣爐熱住，冬天食好正👍🏼有牛肉之餘，仲有冬菇,豆腐,蒟蒻麵, 同埋有兩隻蛋😍 可以整壽喜燒嘅蛋汁如果驚唔夠飽仲可以加麵或者烏冬~兩三個人食啱啱好😆💜 我覺得八海山都好適合同另一半/朋友一齊黎。如果約一班朋友黎仲可以book房添👍🏼

琴晚同朋友襯尖沙咀仲未人滿為患前走左一轉簡簡單單去左寶勒巷 八海山，要刺身有刺身，要日本小食有小食，天婦羅同鍋物都有，而且地方夠大，最緊要就腳。-鐵板牛油帶子 帶子好大隻，輕輕煎都好香口又有帶子的鮮甜。。日式海鮮pizza姐係日式大阪燒！！塊pizza邊位煎得好香脆，面頭仲有木魚碎飄啊飄，沙律醬同燒汁增加香味餅入面有好多海鮮粒粒，好味。-特上刺身盛果然係特上, 好多款式刺身都有，三文魚，吞拿魚赤身，蝦，加拿大海膽，帆立貝仲有油甘魚攞盤好靚，顏色都好吸睛，三文魚肥美滑溜，赤身滿滿吞拿魚味帆立貝都厚切，海膽顏色靚，油甘魚魚油勁香。-日式牛肉鐵板火鍋冬天食原煲上熱辣辣就最啱，牛肉鋪滿鍋面，顏色粉嫰食落又滑溜煲底仲有好多椰菜同波菜同菇類豐富抵食又暖身。

我認為同朋友傾計食飯最好既地方係居酒屋，食物款式多，而且可以坐好耐🤣，今次朋友帶我食尖沙咀既八海山，環境好有和風氣息，而且職員識講日文！我地一共叫左四道菜，包括雜錦魚生、帶子牛油燒、明太子玉子燒同壽喜燒。魚生擺盤好靚，最鍾意三文魚、油甘魚同海膽，海膽好出色，非常鮮甜。帶子牛油燒都唔錯，帶子好大粒，而且充滿牛油香氣，雜菇一樣好香。明太子玉子燒係我既最愛，明太子分量適中，如果唔係味道好鹹，入面仲有葱花。天氣咁凍緊係要叫火鍋，八海山有三款較出名既火鍋，分別係壽喜燒、牛腸鍋同生蠔麵鼓鍋，我最後揀咗壽喜燒，和牛份量好多，而且索曬壽喜燒汁味道好正，生雞蛋漿亦係壽容燒必有既材料。所有食物真心唔錯，以後gathering再嚟八海山👍🏻

尖沙咀 寶勒巷 八海山，無人唔識啦～～估唔到平日夜晚walk in 都等左好耐，勁多人好熱鬧啊～-特上刺身盛好豐富啊～有三文魚，赤身，甜蝦，海膽，帆立貝同油甘魚攞碟夠靚又仔細，未食已經讓人口水直流，三文魚夠肥美，赤身濃濃吞拿魚味帆立貝都厚切啊～-牛油帶子 用鐵板上勁有儀式感帶子仲要超大隻，煎得香口食落仲好有帶子的甜美。旁邊用牛油煎過的菇落好好食。。-日式海鮮pizza大阪燒黎！！塊pizza煎得香口，仲有好多椰菜，入面都有好多海鮮粒粒，食落有口感木魚絲仲增加左pizza的香味。-日式牛肉鐵板火鍋原煲上熱辣辣，牛肉粉嫰又滑溜-煲底仲有好多芋絲，椰菜同波菜天氣凍食最暖身。

八海山門口毫不起眼，一入餐廳就俾我一種家庭既感覺，裝潢比較簡樸，職員係我地進餐時侯不斷加水，非常貼心。- 雜錦魚生雜錦魚生包括吞拿魚、三文魚、赤蝦、油甘魚、八爪魚同海膽。三文魚砌成一朵花，口感肥美。帆立貝切得好厚，最好味係海膽，入口鮮甜creamy😍。每款魚生放得好開但不失美感，食落有少少太凍，不過唔會太影響口感。- 帶子牛油燒一共有四件帶子，帶子好大隻，牛油滲透入帶子裏面，味道更香。旁邊仲有香氣四溢既雜菌。- 明太子蛋卷蛋卷口感滑嫩，食落充滿蛋味，加左明太子令味道變得鹹鹹甜甜，非常好味👍🏻- Sukiyaki八海山既壽喜燒屬於關東煮法，牛肉、菜、豆腐同湯底會一次過上。牛肉既肉味頗濃，點埋生雞蛋漿食令口感更加嫩滑。八海山既料理無任何精緻既賣相，但呢種日本家庭式料理已經足以俘虜我既舌尖🥰

之前有一班friend好鍾意每個月都會去食日本嘢，基本上尖沙咀大部份嘅居酒屋都食過咁滯，無他地點適中，價錢又唔會太過離譜。當晚四個人，一支sake，開心的晚餐，談了很多，彷彿年青了十年。前菜點了芒果蟹子沙律，非常大的一個份量，嗰啲芒果甜到好似喺泰國買嘅一樣。眾多選擇之中，特別揀啲少見嘅魚類選擇，長尾濱鯛真係未試過，聽都未聽過，個魚味幾特別，魚皮可能未必人人鐘意的感覺。生蠔麵豉鍋真係聞所未聞，牛肉鍋就聽得多，用蠔做主角真係好少，牛油帶子燒，煎得好香，牛油嘅澎湃令到帶子如跳舞般飛奔起來。加個生烏冬落去生蠔麵豉鍋，感覺非常好，烏冬好彈牙，好得。雜錦天婦羅又係大大份，當然嗰啲天婦羅唔會話炸到好似一啲日本貴價餐廳炸到好出色，但吃落去都感覺不錯。整體水準穩定，而且又唔太貴，一班朋友食最啱。當晚有個男人，一個人一條魚一支酒都得，你話正唔正先？

今日嚟咗呢間位於尖沙咀嘅居酒屋🏮，發現周圍食客好多係日本人，原來呢間居酒屋已經開業十幾年，唔怪之得內部裝修好似傳統嘅居酒屋啦！🏮明太子煎蛋卷 - 蛋卷好有香蛋味，又有好多木魚，加埋明太子嘅咸味，口感好豐富！🏮雜錦魚生（上）（$420)包括有赤身、海膽、甘海老、油甘魚、帆立貝、三文魚及八爪魚，每款魚生有2～3件，每款都好新鮮，又有我最愛嘅海膽，呢個價格好合理🏮雜錦天婦羅 - 除咗有3隻大蝦外，仲有蕃薯、茄子、南瓜，炸醬夠薄，味道唔錯！🏮日式牛肉清湯火鍋（2～3人份量）- 有很多片牛肉，仲有豆腐、粉絲、黃芽白，首先食曬啲牛肉，費事煮得太耐，牛肉會過熟，影響味道同質感，係咁凍嘅日子食火鍋，真係好啱feel!💯💯🏮最後就有芝麻雪糕🍨，芝麻味好香濃，食完感覺好滿足呢！

餐廳位於韓國街附近，之前見過好多次但係都冇機會入去食，最近約friend想坐舒服啲，就順便試吓呢一間餐廳😛我哋都算早食，都已經見到有啲人入咗座，有啲講日文，應該係日本當地人🤔日本雪糕 - 綠茶&黑芝麻 ($56)忍唔住先介紹甜品😍兩種雪糕都超濃味，滿口都係甘甜嘅綠茶味或者濃郁嘅黑芝麻味，為今餐增色不少😍前菜 ($40)超惹味嘅帶子裙邊，冇諗過連前菜都咁高質😙雜錦魚生(上) ($420)所有海鮮都超新鮮，完全冇雪藏味，食得出係即日空運到港😎安康魚肝酢物($130)好奇心爆燈嘅我就叫咗呢一款鮟鱇魚魚肝，食唔慣嘅人會覺得有啲腥或者怪怪地🥲元氣豆腐 ($90)店員是日推介，喺凍豆腐上加咗泡菜醬、麻油、生呑拿魚碎，食到好有fusion感覺🤣明太子蛋卷 ($75)係我哋平時食開嘅蛋餅😙聽講日本人鍾意佐酒食🍶入邊嘅明太子其實唔算好濃味，唔使驚食唔慣自家制牛肉薯餅($68) 宮崎南蠻雞肉($85)牛肉烏冬 ($88)

朋友約食飯去咗尖沙咀一間叫「八海山」的居酒屋，入到去見裝修傳統，聽到好多客人以日語傾談，即係好多日本人來吃，原來已經經營了10幾年，是日本人愛的老字號，價錢公道，食品多元化，我哋兩個人，依照女服務員的建議吃了以下：先上一份明太子煎蛋卷，個蛋做得好滑，裏面有少少鹹香係明太子，唔太鹹，新鮮冇腥味，質感濕濕地增添彈嘅滑度，好正。基本雜錦魚生， $420 唔貴，因為很豐富，七款刺身，每款兩至三件，包括我最鍾意的赤身、海膽及甘海老，亦有油甘魚、帆立貝、三文魚、八爪魚，全部都新鮮，切得厚口感好。雜錦天婦羅，最好食的天婦羅蝦有三隻，其餘係茄子、冬茹及青椒等，想唔到蔬菜都好多汁。今日凍凍地，食火鍋最好，日式牛肉清湯火鍋，牛肉份量唔少，我估係美國牛肉，湯料有豆腐、菜、粉絲，我哋自己加多一個烏冬，食完飽晒暖笠笠。最後食一個芝麻雪糕，呢一餐就完美了。

餐廳嘅裝修好有🇯🇵日本風味食物款式選擇有好多而且做法非常地道‼️好似去咗日本嘅居酒屋咁🤩🔸雜錦魚生（上）$420🔸日式牛肉鐵板火鍋 $250🔸雜錦天婦羅 $110🔸燒芝麻雞翼 $58雜錦魚生拼盤非常豐富，有多款唔同嘅刺身，包括赤身、三文魚、帆立貝、甘海老、八爪魚、海膽同埋油甘魚。擺盤非常精緻，全部刺身都好出色，其中海膽同三文魚我覺得最出色，海鮮鮮甜唔苦，口感creamy，三文魚嫩滑無比，魚味香濃🤤日式牛肉鐵板火鍋熱辣辣，非常適合冬天食。牛肉油脂分布好平均，食落好juicy，牛味好香濃🤪火鍋湯底係壽喜燒風味，同牛肉好夾，配埋蔬菜一齊食就仲正😆 雜錦天婦羅份量都幾多，有三隻大海老，仲有茄子、香菇、南瓜同埋秋葵。全部都炸得好酥脆，唔會好厚粉，海老肉質實正好彈牙，非常高質👍 燒芝麻雞翼外皮好香脆，裡面肉質嫩滑，爆哂肉汁，食落好香胡椒味，吱小小檸檬汁就仲正😋日式居酒屋🏮

坐低就有熱茶🍵前菜係帶子裙邊。呢間尖沙咀日本料理有舊式，日本料理風味，感覺好地道。我哋揀咗四樣食物。原條間八刺身擺盤幾靚。原條魚可以切成刺身，刺身可以點酸汁或者豉油，魚質彈牙幾新鮮。芒果炸蝦卷$110面上有蟹籽及芒果，炸蝦卷新鮮，炸蝦香脆！炸珍寶墨魚嘴$80呢個炸墨魚咀，新鮮炸起熱辣辣，墨魚咀係珍寶，所以相當大，咬落爽口。日式牛肉鐵板火鍋$250火鍋有牛肉、豆腐、菜、金菇、菇等等。牛肉味道唔錯，牛肉都幾香。熱辣辣滾住食，我哋另外仲加咗烏冬。

朋友介紹尖沙咀有間傳統的日本料理店，幾十年歷史，在三年疫情下還屹立不倒，一定係食物質素好，品質好才可繼續營運，門口還見到多支客人留低的清酒，就知有好多熟客人，好像是日本人的飯堂咁，對佢地來講有家的溫暖感覺。而家有好多間房，可以比一家人book 來自己小聚。店員服務殷勤，溫文爾雅，介紹菜式。前菜有帶子裙邊，好彈牙。先叫了魚生沙律，有新鮮的青瓜、生菜、車厘茄、三文魚、吞拿魚、蟹籽、沙律菜、溫室豆苗和紫椰菜，配了酸醋汁，好清新。蛋卷叫了明太子煎蛋卷 $75 ，中間的明太子都多，同蛋味好夾。店員介紹，今日有新鮮秋刀魚，最好做刺身，原汁原味，所以叫了一條，上碟擺盤好靚，肉質彈牙，魚肉味又鮮又甜。牛肉壽喜燒鍋，l牛肉好大塊，肉味夠濃，肉質好嫩，有滑嫩豆腐，鮮菇，黃芽白菜。起初驚唔夠飽，所以叫了加州卷，蟹籽卜卜脆，但原來食完壽喜燒都飽曬。最後，還叫了香芋雪糕和芝麻雪糕 ，上面灑了糖粒，增添色彩，心情都輕鬆左。

每次經過都好想試，這間非常傳統的日本料理店，室內裝修也好傳統，以木系為主。仲有多間包廂房，有間特大房可容納30人，真係好利害，應該係比日本公司攪活動及旅行團包場，可惜呢三年受疫情影響。先來時令秋刀魚刺身，原條起肉，刀功非常好，肉質夠嫩，魚肉味香，魚生沙律 有幾款魚生，三文魚、吞拿魚、大量蟹籽、沙律菜有青瓜、生菜、溫室豆苗、紫椰菜和蕃茄 ,酸醋汁好開胃。小食叫了明太子煎蛋卷 $75 蛋卷裡既明太子同葱花，帶點咸味同香蔥味，好味。加州卷大大份，夠飽肚。牛肉壽喜燒鍋，勁多料，牛肉香濃，有豆腐，鮮菇和菜，湯底香濃。甜品還有香芋雪糕、芝麻雪糕 $18，香芋同芝麻味都好重，一解滯感！

這間餐廳位於尖沙咀寶勒巷，餐廳環境十分之舒適，加上店員熱情地招待，用餐當日也吸引不少日本人，可見餐廳其質素.今日嘗試了這一條友日本空運到港的日本鮫魚，廚師利用炙燒的技巧令外皮有燒焦的感覺，更加顯示出魚肉的味道，配上廚師細膩的刀工，簡直有如一個藝術品似的.日本蛋卷蛋味十足.日本的苦瓜配上香滑豚肉加上芽菜，簡直是最佳的送酒之選.這個牛肉鍋在冬天也是最佳的選擇，包括有冬菇，金菇豆腐等配菜，為這一個晚上帶來熱烘烘的感覺.值得一提這間店舖所有米飯也是採用日本產的信心一定有保證.

12月聖誕第二彈，預約了尖沙咀一間位於寶勒巷的日式料理。餐廳有一盞盞竹燈，配上木系傢俬，加上精緻餐具，別有一番風味。鮫魚刺身🐟由日本空運直送的鮫魚，原條整成刺身，不同的部位用了不同切法，每塊都厚切連皮上，肉質細嫩，味道鮮美，蛋白質豐富。擺盤用心，賞心悅目。日式牛肉鍋🥩滿滿的牛肉，配上嫩滑的豆腐，加上香稔的冬菇、新鮮的蔬菜🥬、提味的大蔥和爽口的金菇等，材料十足，口感多元。微熟的牛肉十分稔滑，蘸些蛋汁，更加好味。厚燒肉子🥚金黃色的玉子，熱辣辣，厚切令口感更有層次，蛋味亦香濃，略帶點甜味，香甜鬆軟，令人不禁一口又一口。