八不·壽喜燒

營業中

休息中

去開太子旺角行街😎行街行到攰想揾野食醫肚🤓咁啱經過見到呢間日式料理🤩見到門面裝修幾靚就入去試吓🎐🍜 八不烏冬配蔥香安格斯 $68午市定食套餐包埋小食嘢飲🤙🏻烏冬口感唔錯食落煙韌有咬口湯底叫咗傳統日式清湯淡淡地安格斯牛肉用蔥炒得好香😙食落肉質一啲都唔韌唔會老🐮🍜 八不赤面配輕盈吉列豚 $68餐廳用蕎麥麵嚟代表赤面✨蕎麥麵食落爽身彈牙🤤而赤面湯底偏清淡健康吉列豚乍得金黃酥脆🐷食落啖啖肉唔會話多炸粉🐔 京都脆雞 $68叫多咗個脆雞做小食😎✨欣賞佢哋嘅炸雞唔落任何炸粉直接將雞件炸得金黃酥脆👍🏻而且雞肉肉質都新鮮可口🤩

黎到太子旺角一帶，見到依間食烏冬同壽喜燒，壽喜燒只係百幾蚊！所以黎試吓。依間食店開咗唔係好耐，裝修好有日本風格，播嘅都係日文歌，幾好feel!美國安格斯(板腱）壽喜燒 HKD 148 - 一人份量，佢哋壽喜燒有豬肉同牛肉嘅選擇，同埋黎自唔同嘅國家，當然越高級價錢越貴，但都係$200以下。牛肉有七至八塊，一盤雜菜。店員幫我開爐，加燒汁，跟住就自己煮牛肉，配上蛋汁，都ok，但當然唔好預計係超級靚嘅牛，但呢個價錢我覺得OK，性價比高，蔬菜亦都夠新鮮乾淨。店員亦都俾咗清湯我煮雜菜。服務好好。日本木村富士柚子汁 HKD 26 - 味道甜甜地又D酸，好開胃。

🥳八不烏冬 配 香蔥安格斯 呢間餐廳嘅午市定食好抵食，$68有前菜、煮食、小食、飲品。烏冬煙靭有咬口，湯底濃淡適中，唔係味精，而且份量有幾多，夠晒飽肚。面頭仲有腐皮、名門卷、大量櫻花蝦，提升鮮味同豐富口感。小食另上可以保持新鮮，牛肉片唔會太厚，送烏冬一流！最中意洋蔥香甜🫶🏼🥳八不赤面 配 輕盈吉列豚朋友就是試左呢個赤面，其實即係蕎麥麵，好食又健康🥳輕盈吉列豚，顧名思義就係健康啲冇咁油膩，食落的的確確係冇咁油膩，但係又不失外脆內軟嘅特質，而且份量一樣好足料❤️大推！🥳神戶運來嘅蘋果汁都特別好飲🤭🥳餐廳地方都好闊落，又有卡位，同朋友來渡過一個下午茶時光，傾吓計都好開心

朝早去完油麻地睇中醫，落住微微細雨之下去咗太子一間book mark咗好耐嘅日式小店好似新開張冇耐，但已經好有名氣今日閑日嚟到 12點開門所以我係第二台客入到嚟氣氛已經覺得超好淨係睇裝修都覺得好靚😍😍勁適合打卡餐桌係木系裝修呢間小店真係不得了，午市套餐竟然只係68蚊😳😳除咗套餐仲有小食單點同壽喜燒!!!! 一人鍋超抵都係百幾蚊左右午市套餐已經包咗一個小食加一碗麵加一款小食同果汁，就咁聽已經覺得超抵🥹加錢要咗個水蜜桃梳打，雖然加$26但覺得超值！好多就算聲稱來自日本嘅水蜜桃飲品都係極假嘅甜😩😩 呢隻完全唔會！雖然覺得唔會好凍（但我好鍾意因為本身都唔睇好凍飲梳打起泡唔會覺得太多，但亦唔會太甜，啱啱好！超鍾意🫶🏻完全冇後悔叫呢個雜菜天婦羅拼盤真係極驚喜😍😍 有四款蔬菜，每款有兩樣雖然自肥真係幾可恥，記得要同人share🤣用料嘅蔬菜超新鮮 估唔到竟然除咗一般會見到嘅冬菇同南瓜外 仲有茄子，同埋竟然有洋蔥🫣好值得一讚嘅係佢外皮唔會落太多炸粉，啱啱炸起就送上嚟，我未拎上手已經feel到浸熱氣🤣同埋唔會食落好假嘅粉味🥲🥲🫶🏻真係好好食！講都你唔信呢個係只係$68嘅午市套餐嘅三文魚🤣實際嘅三文魚比相中

今日去左太子食lunch 見到呢間 八不 係新開既日本菜呀🤩 咁就入去試下啦～ 好快有位 入到去坐低店員就比左個QRcode我哋自己落單啦 Menu有好多唔同既組合同埋小菜飲品等等 有埋圖片睇住黎落單👍🏻 日木Tominaga神戶100%蘋果汁 $16日木Tominaga神戶100%葡萄汁 $16飲品方面係真係日本黎架🤩 飲得出係真係有純果汁而唔係淨係加糖 讚👍🏻 吉列廣島蠔赤面（3本) $98赤麵套餐亦都有唔少嘅選擇 咁今次就揀左赤麵 赤面即係蕎麥麵 好健康 仲有啲海藻櫻花蝦 同埋揀咗傳統赤麵湯 好味呀🤤炸蠔有3大隻 全部都係岩岩炸好就拎上 熱辣辣 咬開啲蠔肥美大隻👍🏻仲有個洋蔥同埋茄子嘅天婦羅 好食又豐富😋 吉烈千層䐁鳥冬 $98呢個烏冬套餐就揀左吉列千層豚 入面係五花豚肉捲埋一齊 咬落仲有肉汁添呀 烏冬但係有咬口 今次揀左日式辛辣湯 味道唔算好辣 仲好似有少少蕃茄味 好滋味呀😌 整體來講 呢間 八不 環境舒適 食物質素唔錯 店員服務態度好好 一定會再嚟試其他野食呀😬

今日星期六去左間日本菜餐廳- 八不。雖然鋪頭細細，但位置都幾闊落，坐得好舒服，日式裝修。餐廳用QRcodd落單，有埋餐廳推鷹做下參考，都有實體menu比有需要嘅客人睇。我叫左 吉列廣島蠔赤面(清湯底)，同一客 挪威三文魚刺身。先講下 吉列廣島蠔赤面，赤面係蕎麥麵，麵質幾有咬口，仲有陣陣蕎麥麵嘅淡香。而赤面清湯調味濃郁，口味偏甜，配上櫻花蝦，海帶，腐皮，魚蛋等配料，食落更增口感。特別係海帶食落好爽，而腐皮吸收左湯汁更好食。主角廣島蠔有三隻，仲有一件吉列蕃薯同菇。吉列菇好好食，咬落炸粉唔會太厚或者太油，薄的黎香脆脆，菇唔韌之餘仲好香。蕃薯同樣薄脆而味香甜。廣島蠔食落味道新鮮濃郁，炸得啱啱好，蠔身飽滿，外脆內軟。挪威三文魚刺身厚切香甜，配鼓酒，芥末食就係簡單而味美。餐廳環境企理乾淨，食物都幾好食～

今日去左太子新開嘅日本野 八不 試下，餐廳以壽喜燒，烏冬，赤面為主。用QRcodd落單，我叫左一個日本A5黑毛和牛刺身烏冬，揀左清湯底，一個單點小食 大阪元茄。一上枱，望到A5黑毛和牛刺身油脂分佈均勻，百零蚊有呢種質素嘅和牛都幾抵食。烏冬配料有海帶，腐皮，櫻花蝦等等。清湯湯底帶微微鹹香，烏冬食落軟綿綿，超滑溜！我將牛肉放哂落湯，見住佢慢慢由紅變熟，油脂融埋落湯，湯底多左陣牛肉香味。湯夠熱，牛肉微熟後，食落滑身，冇太多嘅筋，牛肉味超香，食完仲會喺口腔停留一陣，好好味！而小食 大阪元茄係清新又健康嘅小食，茄子起肉後浸喺調味湯汁，食落諗諗地，茄子吸哂調味湯汁，食落都唔會覺重口味。想試下壽喜燒/和牛套餐都好推薦！

位於太子大南街嘅八不，係間幾新嘅日式小清新小店其實啲麵食都唔貴架，只係我見到竟然有個烏冬係日本A5黑毛和牛刺身！！！所以先忍唔住嗌左，盛惠$188🤓真心好好食🤓🤓烏冬係偏身半透明，幾有𡁻口架。湯底我揀左日式清湯，另外佢仲有沙爹同辛辣湯底可以揀。湯底其實幾多料同幾香，有一大堆櫻花蝦、紫菜、腐皮同日式魚片。重點嘅和牛油脂分佈得勁靚，油花多，全部都係好粉嫩，可見級數一啲都唔低啊😍我嘅食法係將和牛剌身浸落湯直至半熟，係入口即溶架呢款烏冬我真係大推😚

🏠八不呢間野嘅份量全部都係大到超乎想像🤣原本睇過啲comment都知份量係偏大，但親身去食先知係咁多🤣 仲要係好食嘅，所以真係好抵食！🍤吉列車海老赤面（2本）$98有2隻超大嘅炸蝦，2舊炸茄子，配上芥末蛋黃醬~ 而赤麵姐係蕎麥麵，麵嘅配料有好多，包括昆布，櫻花蝦，蔥，腐皮等等，而且麵嘅份量都好多，口感亦都比我想像中好，係比較彈牙嘅蕎麥麵😆 見到麵類午市係有套餐都係$68，如果份量一樣咁真係超抵😍😍 好推薦午餐時段去食，一定食得飽🤣🍆大阪元茄(冷) $68呢個係前菜，烚過嘅茄子肉配上少少紅薑，同埋鰹魚汁，都幾開胃👍🏻🌽名古屋風味粟米 (素) $58原本睇相以為佢係前菜size嘅一道菜，但其實佢嘅份量係好多，味道有啲似避風塘炒粟米，好惹味👍🏻🍵日本 Sangaria 抹茶 $15

太子新開以壽喜燒同炸物為主打既日式小店，價錢相宜，今日放假同屋企人黎食個lunch試試佢😋✨美國安格斯（板腱）及 美國極黑豚（梅肉）壽喜鍋每個壽喜鍋都會配一份野菜拼盤，有豆腐/南瓜/冬菇/金菇/日本葛絲等。仲配有日本雞蛋。壽喜燒汁同清湯會分開上比客人，可以按自己口味調配。牛板腱即牛的肩甲部位，脂肪含量低，口感有彈性，牛味濃郁。沾埋蛋汁一齊食一流🤤極黑豚梅肉肉質鮮嫩夾雜著適量油花，口感既爽口又幼滑。額外加配稻庭烏冬，滿足☺️✨蒲燒海鰻雖然份量唔多，但好肥美，有微微炭燒香。鰻魚汁唔會過甜或過鹹，剛剛好。✨吉列西班牙豬扒吉列外層炸到脆卜卜，唔會好厚粉。內裡啖啖肉，肉質亦保持到嫩滑多汁。配埋芥末沙律醬更美味。

呢間餐廳主打吉列炸物同壽喜燒，壽喜燒來講價錢屬於入門級，而且天氣凍凍地最啱呢啲時候食🙌🏻澳洲M8+ 和牛壽喜鍋🐮（$238）店員會首先幫你用牛脂開鍋，再倒入壽喜燒醬汁，就可以開始自已煮嫁啦👩‍🍳，有大約10片份量都算幾多，肥瘦適中，肉質唔靭帶有肉香，再沾滿蛋汁，夠哂風味👍🏻蔬菜拼盤🥬都有幾多唔同嘅蔬菜，有椰菜，皇帝菜，豆腐，金菇，南瓜等等，如果嫌醬汁濃得滯可以再加入清湯，蔬菜索埋湯汁嘅精華食落更甜❤️葡萄汁🍇呢隻牌子都係第一次飲，100%日本製造，有濃郁香甜嘅提子味，好飲❤️❤️❤️

嚟到太子站附近見到新開咗日式餐廳，木系嘅裝修非常舒適講到吉列炸物呢間應該係我食過最有質數嘅一間吉列豬扒食得多👇🏻見到呢款幾特別👇🏻✨吉列千層豚即叫即製熱辣辣，外層好酥脆，唔係好厚粉嗰種咬開第一啖 OMG💥爆汁呀💥果然有驚喜，一片片豚肉疊成，無諗過肉汁咁豐富，勁Juicy✨吉列車海老烏東大大隻海老好厚肉，炸完好酥脆，亦唔油膩。忍唔住仲要啜埋個蝦頭，吉列冬菇都好正，炸完依然好軟腍日式烏東大多數都係 豬骨湯底，難得見到有日式沙嗲湯底梗係試下加咗好多櫻花蝦，烏東煙煙靭靭滑嘟嘟，好惹味見到壽喜燒好吸引，下次一定要試

喺旺角警署附近有一間食日式烏冬嘅餐廳 除咗烏冬之外蕎麥麵都可以選擇 另外仲有好多小食 例如吉列豬扒炸雞等等 裝修好似地道日本烏冬店咁樣 即管就入去試吓佢叫咗個八不牛盛烏冬 可以揀湯底我揀咗沙嗲汁 估唔到又幾好食 配料有腐皮昆布同埋白蝦仔湯底味道濃郁配埋爽口彈牙嘅烏冬非常之好食而且佢嘅牛肉厚薄均勻 同烏冬好夾 👍🏻👍🏻八不小池魚 另外叫多個小食 即叫即炸 非常之脆口 其實整返杯啤酒配真係唔錯㗎地點方便我諗我一定會再嚟encore試埋佢其他唔同食物👏🏻

今日凍冰冰約左朋友食飯吹水，朋友揀咗間喺太子嘅日本餐廳，裏面環境唔大，不過幾整潔企理凍冰冰梗係要食壽喜燒啦，朋友就揀咗個美國安格斯壽喜燒，有牛肉同蔬菜，包括南瓜豆腐冬菇。朋友唔知原來有包埋葛絲，另外加左一份牛肉雪花分明，肉質嫩滑，幾新鮮又唔肥壽喜燒湯底味道濃郁，熱辣辣暖胃仲有隻生蛋點牛肉，正宗日式嘅食法我就揀咗個澳洲M8和牛刺身烏冬，沙嗲湯底好濃味，裏面有蝦乾、蔥、腐皮，手打稻庭烏冬好彈牙和牛刺身，新鮮到可以就咁生食，不過我同朋友怕生，所以就放落個湯度淥熟少少，食落好有牛味，肉質滑溜，可加蒜跟洋蔥一齊食可能天氣凍既關係，朋友驚唔夠飽，又叫多個吉列西班牙豬扒赤面，傳統湯底，味道獨特，個豬扒炸得鬆脆香口，肉質鬆軟，同出面既唔同總結兩個人食又太多食唔晒，不過價錢唔貴，食物質素唔錯，下次再嚟過

小編真係好少去太子覓食🥲因為附近無野行咁啱個日去完salon整頭髮 就去咗食壽喜燒🇯🇵當日係星期六兩點幾 唔算多人餐廳設計行木系日本風🏮最緊要張枱夠大🤣款式都幾多 天婦羅、壽喜燒、蕎麥麵都有～而且價錢都唔算好貴 推介俾大家💓📍美國安格斯(板鍵）$128壽喜燒個Set有得揀豚肉或者牛肉👍🏻小編揀咗最平嗰款牛肉，再追加鹿兒島茶美豚肉($78)另外都會跟一個蔬菜拼盤 🥬娃娃菜、豆腐、紅蘿蔔、洋蔥、金針菇、冬菇、南瓜嚟到店員都會幫你開火🔥同埋加壽喜燒汁之後循例都會幫你放1-2片牛肉落去煮🥩成個感覺真係勁似喺日本食Sukiyaki😍食到咁上下，就可以加清湯當邊爐咁食牛肉嚟講唔算好大塊 唔韌但唔重牛味～反而個豚肉好有驚喜👍🏻肉質唔錯配壽喜燒汁食真係好好味😋另外小編加咗個稻庭烏冬 (+$28)壽喜燒一定要配烏冬‼️Prefect📍吉列車海老赤面 ($98)面底可以揀赤麵或者烏冬赤面即係蕎麥麵🍜因為壽喜燒已經食咗烏冬，所以就揀另一款😆吉列海老真係好好食 total有2隻🍤隻蝦係原隻大蝦‼️炸衣好薄又脆勁多蝦肉，而且口感好彈牙 食完超滿足🉐仲要即叫即炸 誠意之作～仲有一件冬菇+南瓜🎃兩款都好出色 絕對要or