八不·壽喜燒

營業中

休息中

係大南街行下行下發覺有一間裝修好日式嘅餐廳，個名仲好特別叫八不，見啱啱開門唔洗等位，即刻入去試下先餐廳入面裝修得好日系無印風，牆紙喺日本浮世繪，食物Menu都以木牌形式掛喺牆上，不過佢就用電話落單我叫咗一個吉列廣島蠔烏冬，吉列蠔有三件，仲要係大大件，再搭多兩件吉列野菜，炸物表皮炸到好鬆脆，廣島蠔仲keep住好多汁👍🏻👍🏻，一啲都唔厚粉亦都唔會炸到乾曬，而烏冬嘅湯底有3種選擇，日式清湯、沙嗲湯同辛辣湯，我就揀咗清湯，烏冬煙靭，配料有櫻花蝦、腐皮同昆布，令到個湯底鮮味十足。我再叫多一個小食日本青絲海蜇，入邊有好多海蜇、青瓜絲、昆布同櫻花蝦，海蜇份量都唔少，食落都好fresh幾惹味，如果配埋烏冬一齊食，口感會好豐富👍🏻👍🏻店員都好友善，問佢湯底嘅問題，都好詳細咁解答，同埋見到佢對啲小朋友好Nice😊😊睇翻menu主要都係食壽喜燒、烏冬同埋蕎麥麵，每個item都有唔少選擇，但係價錢又唔算貴，值得一試。

《八不》Lunch 時間到訪咗位於太子既壽喜燒小店八不，Lunch唔算太多人，好快就有得入去~ 入面裝修都好有日本風味~ 鋪頭雖然唔大， 但位置都算闊，坐得都幾舒服▪️▪️▪️▪️▪️▪️▪️▪️▪️▪️▪️🔸千層吉列豚赤麵 （$98）千層吉列豚炸得酥脆之餘，口感幾好！雖然炸得好酥，但食落仍然有肉汁，非常juicy ~再配合埋wasabi蛋黃醬~味道幾特別而食落去唔會有油膩感，非常唔錯！！赤麵其實係蕎麥麵～ 櫻花蝦份量十足，食落去蝦味濃郁~ 湯底味道都算濃～適合重口味人士🔸美國安格斯（板楗）壽喜鍋 （$148）每份壽喜燒套餐都會跟一份野菜拼盤同一隻日本蛋~ 牛肉點埋壽喜燒汁同埋蛋汁，食落去幾順口！野菜拼盤同牛肉份量都幾實在~蔬菜幾新鮮，入面仲配有葛絲～唔怕食唔飽店員開爐既時候會用牛油幫你熱一熱鍋，等之後食牛肉味道會更香~另外亦配有清湯，淥菜唔會過咸，非常貼心！整體而言水準同服務算係幾唔錯！▪️▪️▪️▪️▪️▪️▪️▪️▪️▪️今次幫襯📍太子大南街52號地舖

呢排網上見到好多post推介呢個位於太子壽喜燒出名嘅日式餐廳，雖然壽喜燒全日供應，但今日唔想食咁貴就選擇咗午市定食～午市定食包咗前菜、烏冬配主食同埋飲品，我揀咗烏冬配日式辛辣湯，蔥香安格斯，蘋果汁。前菜係青瓜海蜇，食落帶少少麻醬嘅甜味，清新開胃！日式辛辣湯烏冬，湯底濃而不辣，烏冬掛湯，日式風味重，唔需要額外再加七味粉已經好出色！蔥香安格斯，原本以為係一片片煎香咗嘅牛肉，但原來係用洋葱炒嘅，略有少少意想不到，個人認為煎嘅方式會更吸引！朋友叫嘅係咗烏冬配傳統日式清湯，挪威三文魚，橙汁。清湯味道就似係味噌湯底，唔會話好淡味，清得來烏冬亦好掛湯嘅，唔覺唔覺會飲曬成碗湯架！挪威三文魚以為係日式煎三文魚，原來係三文魚刺身，建議餐牌可以寫清楚啲或者加張相以免引起誤會。最後仲叫咗個名古屋風味粟米，素食嚟講都係惹味之選！用避風塘方式處理，上菜時熱辣辣，而且份量唔少！

太子開咗間新嘅日式店主打壽喜燒 日式烏冬等嘅菜式見價錢唔貴所以去咗試下！分別叫咗兩個壽喜燒😍 ⭐️美國安格斯（板腱)壽喜鍋⭐️鹿見島茶美豚壽喜鍋壽喜燒嘅份量都唔少 肉好多特別喜歡美國安格斯都有好濃嘅牛肉味 配埋壽喜燒汁加蛋黃好好味🤤而且仲有野菜拼盤 有齊椰菜、南瓜、冬菇等嘅配料～我哋仲叫咗稻庭烏冬，最尾食埋好滿足🥹仲忍唔住叫咗佢一份三文魚刺身每一款都切得好厚 非常抵食💫我見佢仲有好多嘢食嘅選擇 下次有機會嘅話，仲想試下佢其他嘅小食😎

超級推薦‼️有誠意既小店‼️ 餐飯都未食完，已經忍唔住周圍向朋友推薦😭❤️ 日系裝修，環境整潔，寫意舒適嘅氛圍，重點係有得食一人份量既壽喜燒，價錢親民，質素比想像中好🥰 可能仲平過去donki買肉番屋企自己整🥹🎎 美國安格斯(板腱)壽喜燒鍋 $148👍🏻👍🏻除咗安格斯牛肉，套餐仲包括兩款蔬菜、生雞蛋、洋蔥、南瓜、京蔥、粉絲豆腐等配料，份量慷慨，超豐富✨ 店員用牛脂肪起鍋，加埋壽喜燒汁就可以開動🤤牛肉肉味重，蘸上蛋液，食晒成碟都冇膩感😋😋 壽喜燒汁調味恰如其分，唔會過甜/過鹹，淥牛肉定係烏冬都係絕配✨ 之後加入適量清湯就可以食埋剩低既蔬菜🥬 🎎 追加-稻庭烏冬 $26本身唔知道套餐係包埋粉絲，仲叫多咗個烏冬。烏冬係急凍烏冬，完全冇非急凍烏冬嘅「酸味」，口感Q彈，好味😋🎎 日本木村富士柚子汁 $28 👍🏻清香甘甜，淡淡的柚子香氣，唔捨得飲完😋

💙八不💙太子大南街 非常多食店嘅食街店舖環境唔算好大～20個座位但坐得舒適 牆壁位置裝飾都有花心思配搭唔少日系元素 融合得好好👍🏻好多竹嘅元素有唔同pattern 打卡幾靚手機Code落單 非常方便唔洗出現誤會可以自選項目·湯底：傳統清湯日式沙嗲湯日式辛辣湯·要唔要走青/走櫻花蝦·要唔要少麵都幾貼心轉湯底都唔洗加錢☺️🌈名古屋風味粟米🌽 $58素食者都食得 仲要係餐廳推介暫時咁多燒粟米嚟講都算數一數二粟米夠甜有串燒風味粒粒粟米都會係少少脆邊但唔會痴牙應該仲有加啲避風塘元素落去惹味又刺激味蕾但唔辣 配搭粟米嘅甜幾特別👍🏻👍🏻👍🏻🌈吉列西班牙🇪🇸豬扒赤面 $88都係另一樣餐廳推薦食嘅我諗係第一次食呢款形式嘅吉列豬扒雖然都係炸 但同平時食開嗰款唔同個炸粉應該採用了另一調配豬肉味夠濃 炸粉都好夠薄而且唔油膩豬扒厚薄適中均勻 啖啖都好juicy配搭芥末醬好夾😉😉🌈蒲燒海鰻赤面 $108赤面底即係用蕎麥麵🍜比起烏冬係另一番風味 冇咁掛湯但爽啲湯底清澈清甜 原味世一鹹鮮味好足 唔係味精湯海鰻配燒汁都好食最怕係鰻魚煮得唔夠啲骨咳喉吞唔到又或者太熟太淋呢間剛剛好有咬口但同時又可以成舊食😌

上個星期六放學行過見門面幾有和風特色，所以拉埋個同學仔一齊入去醫肚。店舖不太，可容納二十人左右，但都有唔少選擇，而且用QR code落單，非常方便。裡面裝修同門面一樣咁有和風特色。天氣咁凍，好似得10度，當然要食個壽喜鍋暖下身。$148真係幾抵食，包一碟牛板腱、一盤菜和葛絲、一隻蛋、一壺壽喜燒汁和一壺清湯。兩個女仔share加一至兩款小食都夠飽。望落好豐富睇個樣就知碟牛板腱質素唔差。輕輕加熱然後沾上少少蛋液食落幾有牛肉香，口感彈牙順滑，又唔油膩，會唔覺唔覺一片一片咁食哂。除左牛板腱，包既蔬菜都好新鮮，而且份量又不少，例如：南瓜有兩片，兩個人share都唔洗爭食。一口和牛好有油脂香，煎到有d脆邊，一口咬落去，d油脂爆哂出黎，幾過癮。最後，侍應姐姐仲送左罐橙汁同蘋果汁比我地飲。我果罐橙汁酸酸甜甜，無X汁先生咁甜，感覺天然同健康好多。

花墟附近有好多cafe，不過今日我同朋友想食日本野，見到呢間新開張，就入去試下。我哋到既時間已經係下午茶時段，但門口都仲有個滿座既牌，好彩等左唔係好耐就有位，一坐低，店員就好貼心，比左兩個盒子我哋擺背囊放在櫈底，令我哋可以舒舒服服開餐。掃QR落單，餐牌上選擇都唔少，主打吉列、烏冬、壽喜燒。不過我哋唔係太肚餓，所以叫左2客烏冬，大家都揀左沙嗲湯底，配料有大量櫻花蝦、令湯底倍感鮮甜，紫菜、名門卷、腐皮吸收晒湯底既精華，好入味，烏冬煙韌彈牙又幼滑。八不嫩牛烏冬：安格斯牛特別有牛味，而且肉質鮮嫩多汁，脂肪分佈均勻，入口細緻香甜。吉列千層豚烏冬：千層豚炸到金黃色，賣相好吸引，外脆內嫩，千層既做法，係豚肉一層一層重叠包住嚟炸，令口感很豐富。餐廳唔使加一服務費，好抵食，下次會再去試下壽喜燒。

太子好多野食，但和式小店就唔太多，最近多左間小店。即刻要試…..小店名叫八不，雖然唔知咩意思，但服務好食物好就夠了😅😅裝修平實，唔係咩打卡餐廳，但用實力足以讓人回頭💓💓一個面食餐，有沙律有炸物都係好正常，但質素非常好👍首先沙律非常有誠意，唔係求其一碟青瓜絲，而是滿滿的海帶、海蜇、青瓜絲混合櫻花蝦，又清新、又清爽、同時有惹味🫶🏼🫶🏼真心好好食另外個炸蠔都勁好食，粉漿出色，薄脆。蠔肉肥美肉厚👍👍麥面幼滑但不會太淋身，湯底順喉不油膩

餐廳小小 但裝修和風味十足🎌感覺整潔鮮明🎏.《吉列西班牙豬扒烏冬》$88金黃色的吉列外殼 相當炸脆 內裏豬扒豬味濃郁 不過質地就略為過硬如果可以腍啲就更好烏冬唔係平時食開粗身帶圓個啲🍜扁身而幼 質地帶微微q彈湯頭並唔係豬骨湯/鰹魚湯 原來係日式沙嗲湯諗起沙嗲出前一丁 襯晒港人重口味之選😂🍜.《蒲燒海鰻》$88份量大概有半條鰻魚塗上厚厚的蒲燒醬汁 再灑上芝麻味道惹味———————————————————-

新年期間初五我無意中發現太子有間高質日式拉麵店 ，我見店舖門外裝飾不錯👍 入面裝修有日式裝飾，好有日本風味感覺！除了拉麵🍜我見到更有壽喜燒 ， 採用日本🇯🇵食材！包括皇牌和牛！食物水準使我驚喜！而我們午餐時間便想簡單啲點了炸豚肉烏冬及鹿兒島豚肉烏冬！來自鹿兒島的豬肉確實更加鮮嫩可口，炸物更是特別好食出色，外脆內軟👍🏻 特別惹味！而烏冬超滑超彈牙！加上餐廳並冇冇加一，埋單我們$196 ， 都算性價比不錯呀👍八不 🌸 地址：太子大南街52號地舖

八不（太子）📍太子大南街52號地舖🍾用餐體驗天氣凍凍地，同朋友去旺角行街，見呢間小店裝修幾靚🇯🇵😍又有壽喜燒於是去試吓！🤍美國極黑豚（梅肉）壽喜鍋 $128壽喜鍋餐會包一個蔬菜盤同生雞蛋🥚蔬菜盤都好足料，同埋有粉絲幾驚喜☺️另外呢種壽喜鍋我哋第一次食，侍應都好細心講解，同畀咗兩樽不同顏色嘅樽我哋自行加湯，分別係壽喜燒汁同清湯，好易分辨👍🏻黑豚肉比牛油脂感重啲，油花好香好靚，就算朋友唔太好豬都讚不絕口☺️😋正正🤍追加-澳州M8+和牛 （西冷蓋）100g $128🤍追加-美國安格斯（板腱）100g $78另外牛魔王嘅我哋追加咗兩款牛，安格斯板腱比較好咬口，而澳州M8+和牛西冷蓋就入口即溶，係兩種唔同嘅享受🥰兩款牛味都極濃，配埋壽喜燒汁同生雞蛋，真係好幸福呀🤭🤤兩個人食份量都好足夠。🤍稻庭烏冬 $28如果大食如我哋，食完三碟肉都未夠喉嘅，加個$28嘅稻庭烏冬即可令你大滿足啦😙好彈牙亦好大份，食到捧住肚仔走！整體評分：味道 🌟🌟🌟🌟🌟環境 🌟🌟🌟🌟🌟服務 🌟🌟🌟🌟🌟衛生 🌟🌟🌟🌟🌟抵食 🌟🌟🌟🌟🌟

呢排天寒地凍，每次同朋友出去諗食咩都會話最啱打邊爐。今日經過太子，發現呢間新開嘅日式壽喜燒小店，價錢好經濟，仲要冇加一。裝修唔錯，入面以耳木系為主，座位唔算特別多，所以如果下次要食都要book定。我哋要左美國安格斯牛板鍵壽喜鍋，牛肉紋理清晰，唔會有好多肥膏。店員會先將壽喜燒汁加落個鍋度先慢慢煮牛肉之後再點上日本雞蛋汁，入口即溶，好好味。每個套餐都會跟上日本蔬菜一份再加日本粉絲，以一人鍋來講10分抵食，份量又足。另一樣主打就係佢嘅和牛刺身日本烏冬，仲有唔同湯底揀我哋要咗日式沙嗲湯。平時和牛燒就食得多，但和牛刺身烏冬好少見，店員話可以就咁生食的我哋為咗體驗都試咗一啖，感覺上入口亂畫都有入口即溶嘅感覺味道幾特別，如果怕嘅話可以將和牛點落啲熱湯烏冬上面灼熟食又有另一番風味！由於用日本烏冬，所以都好彈牙，值得一試！餐廳，由於新開仲送咗份三文魚刺身俾我哋真係好好服務。

今日去咗太子一間新開嘅日本餐廳😊無論係裝修餐具同埋食物都好有質素😚，仲有我最鍾意嘅浪畫😆😆我見佢係唔想嘅時候有做緊套餐優惠☺️ 60幾蚊就有一個拉麵同埋一杯嘢飲今次我同frd叫咗兩個拉麵就係天婦羅蝦同埋安格斯牛😚😚佢嘅湯底仲係沙嗲醬同埋櫻花蝦，出邊呢個價錢好少食到😆佢啲嘢食係即叫即整嘅，我自己就比較鍾意食櫻花行呢個辣湯底，因為難得來都唔係太難，啱啱好非常之惹味🙂而佢嗰啲天婦羅影到非常之香脆，唔會好油琳琳，聽講佢出名食壽喜燒，下次可以過嚟試吓

係附近做完瑜伽，嚟到太子呢間日式小店獎勵下自己😄鋪入面設計好日式，加埋播嘅日文歌，真係以為自己去咗日本🇯🇵😍炸物、烏冬、壽喜燒嘅選擇好多，仲有勁抵嘅午市定食，眼花撩亂。最特別係連豚肉壽喜燒都有，啱哂唔食牛嘅朋友仔。可惜我係牛魔王，揀番個澳洲M8和牛壽喜燒先🤭牛肉都幾大碟，一個女仔食夠有餘，加埋本身包埋嘅野菜盤，又有豆腐同勁多菜，仲有超鍾意超吸汁嘅日本葛粉，唔洗飯同烏冬都好飽了，當然都可以加錢追加喇！首先用真。牛油開爐，再比我地自己燒，方便控制生熟度，仲有日本蛋，出面都幾蚊隻喇。小店嚟講，成個配套真係冇得頂，呢個價錢都冇得再要求啲乜，好抵了。小店服務好好，仲會提供埋清湯比我地最尾用嚟煮菜，怕太甜嘅朋友仔就可以自己決定壽喜燒汁嘅濃度喇🤍 食到最尾真係好飽，好滿足😍