八不·壽喜燒

營業中

休息中

位於太子的八不是一間日式餐廳，主要提供壽喜燒和烏冬。它的壽喜燒sets可以算是親民價，價錢由$128至$348不等，有較貴的日本A5和牛，也有價錢相宜的日本豚肉。📚其中提供的鹿兒島茶美豚，據說是由綠茶粉和甘薯等飼養，比一般豬肉含有更豐富維生素E和肌苷酸。天氣寒冷時，我們總會打邊爐🍲，三五成群地‘淥下淥下’。除了邊爐/火鍋，現在也很多人喜歡壽喜燒。📚壽喜燒是一種以少量醬汁烹煮食材的日式火鍋，風味甘甜濃郁。壽喜燒使用特定的醬汁，通常是砂糖、醬油和味醂，而牛肉煮熟後會沾生蛋吃。而火鍋的形式比較多樣化，可以隨個人喜好調整。壽喜燒當中還分為關西風和關東風。關西風比較偏向烤肉的作法，首先在鍋子上烹煮牛肉和蔬菜，之後再加砂糖和醬油等來做調味。關東風則是相反，先將調味湯放入鍋裡，之後再加肉和蔬菜等食材煮熟食用。💁🏻‍♀️這次阿薯在太子八不吃的很明顯是關東風的壽喜燒，先放上醬汁，再加入牛肉和蔬菜。因為侍應只會幫助開爐，之後要顧客自己烹煮，阿薯和朋友曾經一不小心燒燶了🤡。所以，要小心呢。第一次光顧八不，試了價格較相宜的壽喜燒sets，安格斯板腱和鹿兒島茶美豚。安格斯板腱雖然油脂少，但牛肉味濃。除了有更多營養

做完運動一個人食午餐，想獎勵自己但又唔可以太過份，食咩好呢想食日本野但拉面好似太heavy，赤面(冷面)幫到你😂木式裝修幾簡潔，座位唔多，午餐時間多人可能要等下位鹿兒島豬肉傳統赤面$98店家好貼心，湯底有得簡，鐘意濃D淡D自己選擇大食妹岩岩做完運動，簡左個淡淡的湯底少少咸味現冷面感覺上健康D鹿兒島豬肉爽口，豬肉味重又偏厚身，大概有四、五片名古屋風味粟米$58燒粟米幾香口，上面曬左少少辣粉，怕辣的朋友要注意喲

闊別日本一個月，心繫住日本美食，尤其係淺草嘅壽喜燒。黎到太子，搵到八本。餐廳走木系設計，掛住日式浪花牆紙，好有日本隱世美食店感覺。6枱有4枱都食緊壽喜燒，「炸炸聲」，好香壽喜燒味。我都點返個美國安格斯（板腱)壽喜鍋，呢一個豐盛嘅午餐。套餐包含美國安格斯牛135g，足足有兩層，仲有野菜拼盤同日本雞蛋。店員友善，親自用和牛牛油爆香個鍋，再介紹點樣煮。牛肉肉質柔軟，口感細膩，並且帶有豐富的肉汁。用壽喜燒方法煮嘅時候，保持肉質的緊實度和鮮嫩度。口感方面，肉質飽滿，而且沒有任何筋膜或脂肪的影響，讓人可以完全享受到純正的牛肉風味。追加葛絲，葛絲吸收曬甜鹹適中嘅壽喜燒汁同牛味，好好味。蔬菜拼盤都有唔同類型蔬菜，用黎吸收汁都一流。最後加配日本木村完熟水蜜桃汽水，好日系呀。食完又想去日本🇯🇵

呢幾年好鍾意去大南街食嘢 近地鐵站又多選擇成街地舖又有酒吧 啱曬放工去happy hour今日試下呢間新開嘅日式餐廳食嘢 係關西風嘅壽喜鍋 美國安格斯 (板腱) 壽喜鍋 原來唔係成鍋上 店員先將 牛油燒喎再用啲燒汁煮啲牛肉 之後再放落生蛋度食滑捋捋 要自己動手煮幾好玩食完牛肉之後就可以放清湯再放啲日本蔬菜入去煮蔬菜好多款式有南瓜 金菇 椰菜 洋蔥等等感覺健康清新追加咗一個稻庭烏冬 夠曬飽肚飲品試咗日本木村原宿水蜜桃汽水 降下溫呢間餐廳裝修得睇餐具精緻 感覺日本風好值得呢一試

呢日lunch到訪位於太子一家主打食壽喜燒的日本餐廳，餐廳裝潢簡約時尚，感覺舒適溫暖。餐廳的壽喜燒係正宗關西風味，店員好殷勤講解及示範整法。 餐廳提供多款套餐，我地點咗個美國安格斯（板腱）$148，入面已經有蔬菜拼盤同蛋。我地另外追加咗一份美國極黑豚($78) 同稻庭烏冬（＄28），兩個人食都好夠。 肉類和蔬菜食材都十分新鮮的，其中牛肉非常嫩滑，牛味濃郁，黑豚質素亦相當好味，好有驚喜。稻庭烏冬入口軟綿綿，好滑好味。 湯底和調味料非常夠味，搭配起食材，令味道更加提升層次。 最特別係可以自己烹調食材，加入湯料後將食材放在熱鍋上煮熟，店員教我地控制火候，保持食材的新鮮度，令味道更加鮮美。除了壽喜燒之外，餐廳仲提供午市定食，例如日式烏冬、赤麵等，價錢都係＄68。食物質素高，真心相當抵食。

一個人喺太子站附近覓食，呢度望吓嗰度睇吓，行咗幾分鐘，見到呢間小店，有烏冬食，似乎幾啱呢日嘅胃口，於是就決定入去試吓🤩呢度有多款烏冬組合可以選擇，叫咗 $188 嘅「八不烏冬 配 国産A5黒毛和牛の刺身」，湯底可選「博統日式清湯、日式沙嗲湯、日式辛辣湯」，烏冬就係「手打稻庭烏冬」🤩烏冬同和牛開上，A5黒毛和牛充滿油脂，油脂分佈平均，睇落都好似好食🤩烏冬上邊有櫻花蝦，櫻花蝦脆脆哋🤩；揀咗「清湯底」，係典型嘅 dashi だし，幾好味😋餐牌裏邊仲咁樣寫：刺身和牛可於熱湯灼至半熟口感更佳😋和牛非常軟熟，充滿油香充滿牛味充滿umami，好食😋烏冬幾彈牙😋仲有一塊甜嘅 油揚げ😋

呢間係🐨嘅名單入面都一段時間，趁今日有時間接埋佢收工就去幫襯吓，去到未夠鐘入座，職員話執緊枱比我地，咁我地出咗去門口等，店員好好人，比咗兩罐飲品我地飲住等，Sᴏ Sᴡᴇᴇᴛ🫰🏻挪威三文魚刺身 $78係解凍方面做得幾出色，一啲都食唔到雪味，啲刺身唔會有啲碎冰係上面，一共有8塊，8塊都厚身，魚油魚香都有嘅，但唔係好重果隻，口感搭救，性價比都幾高👍🏻👍🏻八不一口和牛 $198一共有4件，擺盤都幾靚，用上日本和牛，煎至半熟，入口軟熟無比，和牛嘅牛油香充斥住個口腔，非常滿足🥰🥰 另外佢仲配咗啲山椒，食落多咗一份惹味，Jᴇɴɢ😋日本A5黑毛和牛刺身烏冬 $188烏冬湯底揀咗清湯，係好濃嘅昆布味道，和牛刺身用上佐賀和牛，油脂分布均勻，霜降花紋都幾靚仔，食落口係入口即溶，超級甜，係肉甜啊🤤 食到呢度好掛住日本🥹 吉列車海老烏冬 $98呢個我地揀咗沙嗲湯底，比較濃味少少，微辣，食落係惹味嘅，兩隻車海老真係夠哂巨無霸，長過🐻隻熊掌，佢個炸法係🐻好鐘意嘅炸法，食落口熱辣辣，卜卜脆，仲可以連蝦頭蝦尾食，真係一流🤤 炸漿偏薄身，肉質紮實，可惜係蝦味真係偏淡，蝦味可以濃返啲就真係Pᴇʀғᴇᴄᴛ😚 烏冬就係比較彈身

好耐冇食壽喜燒 ...這日就來一頓壽喜燒午餐 ...共有 5 款壽喜燒套餐，價錢親民最平的美國極黑豚只是 HK$128最貴的日本A5黑毛和牛就要 HK$348儍媽揀了份 ... 鹿兒島茶美豚壽喜燒套餐 (HK$148)有一份鹿兒島茶美豚一份蔬菜、一隻日本雞蛋、壽喜燒汁和清湯各一樽店員先講解食用方法再以和牛牛脂肪開鍋之後就自己動手囉 !!!將壽喜燒汁加到剛好覆蓋鍋邊然後把肉平放在鍋內煮熟，夾起沾蛋液進食吸滿壽喜燒汁的豚肉沾滿蛋液軟腍鮮甜，滑溜溜又添蛋香食完肉類，再加入清湯煮蔬菜蔬菜盒很豐富，有娃娃菜、金菇、大蔥、冬菇、南瓜、豆腐 ...仲有煙靭彈牙的葛粉條如果好似我咁大食的話，可以追加多份 ... 稻庭烏冬 (HK$28)最後飲埋 ... 日本神戶 100% 葡萄汁 (HK$16) 真係非常滿足 ~~除了壽喜燒套餐平日下午也有抵食嘅午市定食供應** 以上分享是以我的口味、體質和情況作出分享及感受，一試 / 合用與否請自行決定

今日晏晝睇吓有咩好嘢食，，就嚟到太子呢間日式餐廳，裝修環境好日式，坐落都好舒服，佢哋晚市仲有和牛壽喜燒好吸引，但因為我哋食晏晝，所以就冇嗌，有機會可以試吓😊我哋點咗個吉列西班牙黑毛豬烏冬同埋吉列車海老赤麵，性價比都幾高，普通茶餐廳食個晏晝都要$60$70😋吉列黑毛豬炸得好鬆脆，另外鎖住裏面黑毛豬啲肉汁，10分鬆軟同埋烏冬都好彈牙。另外吉列車海老好大隻，D海蝦好新鮮，赤麵配合櫻花蝦海帶等配菜，味道一流。

朋友生日話要食壽喜燒，所以就揀咗依間新開嘅餐廳試一試佢。點知有驚喜，令到我同朋友都好滿足！食物：我地點咗牛板腱+M8 和牛套餐 & 炸蠔牛肉油脂感唔重但肉質鮮嫩，牛味好出。我地一致認同M8好味過牛阪腱，主要係因為肉味香濃，配埋壽喜燒汁好香服務： 依間餐廳嘅服務真係好到令我哋都忍唔住上黎寫食評 首先樓面嘅男女同事都好好態度，知道朋友生日都送上飲品祝賀；見到我地食得好急（因為90分鐘要交枱，仲要切蛋糕驚趕唔切），男同事主動叫我地慢慢食唔洗急，佢唔會催我地交枱；之後上蛋糕都好貼心地幫我地合照，又再次送上飲品比朋友。價錢：三個人食咗兩個套餐，一個小食，幾支飲品。埋單$7xx 但個個都捧住肚走。而且餐廳冇收服務費&切餅費，食物質素又好，所以真係性價比極高。我地都好滿足！一定會再黎

慶祝生日朋友提議食壽喜燒，見佢openrice d 相都幾靚揀左呢間餐廳。我地叫左兩個壽喜燒套餐，一個牛板腱套餐同一個澳洲和牛套餐🥩每個套餐有一份肉同一份野菜拼盆🥬另外仲叫左份吉烈蠔🦪食物質素不錯！呢個價錢黎講幾抵食～仲要冇加一冇切餅費！不過呢間餐廳更值得稱讚既係員工既服務態度！成餐飯過程中不時都會黎下你有冇咩需要👍男店員好貼心，女店員好溫柔😂生日佢地仲送左啲野飲比我地🤣朋友買左蛋糕但我地食唔晒拎走半個，佢幫我地包返好話幫我地雪一陣先易拎啲，好貼心😳😳絕對會再黎食😝PS 第一次打評價 因為覺得佢地真係值得好評🥹

呢到嘅職員態度都好好，知道朋友生日，好好人咁送左一支桃同蘋果嘅飲品比我地。然後我地有生日蛋糕雪住，食唔曬，會幫我地收返好，雪住，等我地走。講返啲嘢食，好好味，好有牛味道，而且價錢都公道！會推介朋友再黎

八不位於太子內裏唔係好大 和式裝修 有日本感覺主打壽喜燒 當然要叫返一個啦美國-安格斯（板腱)壽喜鍋上菜 上爐 上蛋 上牛板腱Ready 就可以叫職員幫手開爐先用牛脂抹煱 加入sukiyaki 汁 見到起泡泡就可以放入牛肉喇 薄薄的 每邊幾秒就食得牛板腱唔鞋 入口帶小小甜味 唔會油膩 脂肪分布平均 點一點蛋汁 令肉更滑食完肉就可以加湯食shabu shabu菜嘅份量一定夠 冬粉食壽喜燒真係冇得頂以為唔夠飽 所以叫多個烏冬吉列千層豬即使上枱唔係立即食 外層仍然非常脆 明顯見到5-6層豬肉片 內裏仲有芝士 香口 4件 會爭住食

一個人又好 兩個人又好都要食一餐好😜🥘美國安格斯（板腱)壽喜鍋 $148一個set 已經包咗野菜、葛絲，當然唔少得㗎既就係雞蛋🥚呢度嘅嘢菜，同埋牛肉係分開兩層擺，感覺好精緻；店員仔細地介紹壽喜燒運作方法，而且仲有一個清湯同埋一個壽喜燒汁俾你慢慢煮。食落口美國牛好嫩、多汁且有濃郁的牛肉味🥩啲嘢菜都有好多款，令我覺得呢間小店好有誠意我仲追加 稻庭烏冬$28✌️索哂啲汁好好味🤤另外，都飲左日本木村山梨葡萄汽水 $22 中和返

✨蒲燒海鰻海鰻肥美，有炭燒香。鰻魚汁調味剛好。不過份量真係比較少。✨吉列西班牙豬扒外層金黃脆卜卜，炸粉唔厚，肉質嫩滑多汁。✨美國安格斯及美國極黑豚壽喜鍋壽喜燒汁同清湯會分開上，客人可按口味喜好調配濃度。牛板腱口感彈牙，牛味濃郁。極黑豚梅肉口感爽口幼滑，油花適中。每個壽喜鍋配一份野菜拼盤，當中有豆腐、南瓜、冬菇、日本葛絲、日本雞蛋等等。