億饍 (已結業)

黎到旺角成日都唔知食咩好，就記得之前有友人推薦過呢間餐廳既老火湯超正，入冬最需要飲多d湯水，就同朋友提議食呢間，最主要係想飲湯水滋潤下。樓上餐廳環境特別好，可以安安靜靜同朋友傾計享受美食。由於唔算好餓又想減下肥，晚餐就無叫到澱粉質食物。叫左全店最出名既老火湯-上湯黑排翅，一上黎飲左滋潤湯水先，原盅上既老火湯特別吸引，秋冬飲特別滋潤暖身，湯水煲得味道濃郁，一大盅夠兩個人飲，見到湯入面既黑排翅都好足料，一啖湯一啖翅咁食，推薦！叫左柚子鮮蝦沙律做前菜，十分開胃，柚子鮮肉酸甜可口，入口清爽，柚子同蝦配搭無得輸，蝦已經剝左殼，方便食用。軟殼蟹牛油果卷都係店內推薦，用米紙包住沙律菜、牛油果、同即炸軟殼蟹，材料新鮮、軟殼蟹出色地香脆可口仲大大件，配牛油果令軟殼蟹無咁油膩又飽肚。最後想食清d就叫左個馬拉盞通菜，比想像中炒得出色，清翠爽綠，味道不太咸，成碟菜兩個人都算大份，但最後都完全清左成碟菜，好味下次黎旺角係會再去既餐廳，仲有好多特色菜都未試，最想試埋佢花膠湯 冬天最緊要有靚湯水飲

今晚同個老友去旺角的億饍試下那裡的東南亞式菜。這店位於油麻地地鐵站附近，交通方便。這店裝飾風格清新，高級雅緻。店內設有2至4人座位，亦可拼出更大的枱，座位舒適。這店餐牌清晰，圖文並茂，方便落單。襯冬蔭公火鍋未滾熟，我地便先嚐原個菠蘿炒飯。這飯挖空原隻菠蘿填滿飯料, 份量十足，材料豐富有菠蘿粒，豆腐粒，帶子粒，鮮蝦，飯粒金黃粒粒乾爽，十分香口。回頭發現冬蔭公湯料十足有蟹柳，冬菇，粉絲，魷魚等。肥牛味道鮮美，份量適中。 跟著的香茅泰式明爐烏頭，湯底香濃美味，烏頭魚肉鮮嫩，沾上泰式酸辣醬汁更覺鮮味。這裡的安格斯牛肉串及沙爹雞串，原汁原味，口感新鮮，加上特製醬汁十分惹味。

不嬲鐘意食乳鴿的我，好多人都知，前排朋友話有乳鴿吾錯就叫我去試，今日等人收工就去試。可能比較夜關係，10點有3桌客，一心以為是中菜，點知咁多越南同泰國菜都有，不少選擇，最後叫了湯和4個食物，最後每人$241，食到堅飽仲要食吾晒添。茶樹菇排骨燉湯 $68...沒想到咁多，都有3碗份量，超足料而且十分香，味道剛好濃郁而吾咸。桂花bb鴿 $90...等左大約20分鐘就有得食啦，黎到見到吾油喎，食落有淡淡的豉油香而乳鴿肉十分嫩滑，好味喎！咖喱牛筋腩煲 $98...講真係朋友喜歡喉牛腩所以叫食...黎到佢話絕對有驚喜，牛腩用這種肉筋肉比較少有，軟身之餘保持到口感。咖喱夠辣度好香，最底芽菜吸晒味吾錯。馬拉盞炒通菜 $68...有吾同選擇，最後叫了這個，蝦醬味濃郁吾太咸，菜夠新鮮，最後仲要份量大食吾晒。炒金邊粉 $98...這個真心好得！份量多之餘最重要吾油，以金邊粉黎講炒得十分好，粉炒得好之餘吾會一舊舊，蝦新鮮而配菜勁多，配上辣椒醬更好吃。

多國菜要樣樣都精其實唔易但我食完幾款唔同地方既菜式之後覺得呢間餐廳真係做得相當唔錯午餐時段都好多人下, 好彩我地2丁友都有位坐 海南雞半隻食泰國野點可以唔食雞！原本想叫一隻既，不過因為想同一班FD食多D唔同種類既野食，就叫左半隻，估唔到半隻雞都幾大份量下！！雞既味道係好爽口，加埋佢D醬汁真係一絕，佢最正既地方係雞件既部份唔會有D好奇怪既部分，全部都係啖啖肉！正 咖喱牛筋煲原本都係抱住試一試既心態食呢個牛筋煲，最後係好味到我地叫左白飯，再用呢個咖哩汁黎餸飯食，因為個咖哩汁實在整得太好味了！！個味道唔係辣，適中既味道令我不禁想食飯，而牛筋既份量都算多，食極都有咁！我覺得可以一班人叫一個咖哩牛筋煲再SHARE黎食，勁惹味！

人多既話其實想食既野大家都唔同，所以今次我地就揀左去多國菜既餐廳再每人話事想叫咩就叫咩，價錢比放題平之外，最重要係滿足到每個人既胃口，又可以令自己試多d唔同國家既菜色 蒜香牛油雞翼一客有4隻，岩哂我地一行4人每人一隻，呢度既蒜香牛油雞翼蒜味勁香，一上到台就已經聞到，食落就好香口既牛油味道，真係極邪惡，由於係炸雞翼既關係，外面個層皮炸到好香脆，而入面就被牛油味浸透哂，勁香滑！ 柚子沙律由於想食健康D，所以叫左呢個柚子沙律，除左有柚子同蔬菜之外，仲有大蝦係入面，非常驚喜，柚子味道同蔬菜都好配合，唔會因為兩樣撈埋一齊而覺得味道有點怪，反而我覺得D沙律醬超好味，而最最最令我回味既都係D大蝦，大隻得黎又幾爽口，入面又多汁！好鮮甜！ 桂花BB鴿呢個我覺得個價錢係有一點少貴的，但係味道同質素都不差，BB鴿係用滷水煮既方法去處理，雖然話係BB鴿，但係個SIZE都唔細，而肉質亦都係好嫩滑既，因為滷得夠耐既關係，連入面D肉都食到好香濃既滷水味，比起炸乳鴿既更為健康，而口感亦不俗！

Lunch呢度長期都好多食客，因為呢度既餐都算幾抵，同埋d同事一齊食又可以加多一兩款小食，咁就既滿足我既嘴巴，又唔洗破費咁多 越式炸春卷撈檬撈檬都算係比較出名既越南菜式，呢度既撈檬個人黎講都幾滿意，一黎個味道帶點微甜，同係越南食既正宗味道再似，而炸春卷冇因為放係撈檬上面而變得太淋，係KEEP到個爽脆既炸春卷口感，份量亦都係幾大下，我覺得可以2-3人分黎食再加多一兩個餸已經好夠飽！ 串燒沙爹雞肉牛肉黎到泰國餐廳點可以唔叫D串燒食下，我地都叫左兩串不同既串燒食，分別係雞肉同牛肉，價錢唔會相差太遠，我個人黎講就比較喜歡牛肉，因為肉質同口感都好香同好嫩滑，而且充滿牛味，估唔到串燒但係都冇燒到佢太乾，係好味既！ 泰式鮮炸蝦餅呢個炸蝦餅最正既地方係每一舊都唔會太大舊，而且個蝦餅係食到勁JUICY!!唔會太乾太柴，係炸到岩岩好外面層皮咬落去食SHASHA聲，而入面就好重鮮蝦既味道！！

估唔到呢度既生菜包肉碎比起係泰國食更出色真係唔係講笑，肉碎味道再到新鮮既生菜都係我非常喜歡 生菜包肉碎一定要食既肉碎生菜包，D肉碎神級咁好味，味道係有少少偏咸，但係用菜包住食一口肉碎，勁夾味，而且唔會食到好重既油膩感，因為有生菜係度，估唔到肉碎既份量都幾多，我地每人食左兩片既生菜包肉碎，都仲有一大半既肉碎係度，所以我又點左多一份既生菜($7)，再繼續食落去，呢個係我食過最好食既生菜包肉碎 冬蔭公冬蔭公既份量都幾大下，最欣賞佢係個湯會KEEP住熱咁一直煲住，我地一路食一路飲湯都唔會覺得好快變凍，味道方面飲到好重既香茅同泰式香料既味道，而且煲入面既食材份量都算多，又菇又茄，當佢係餸食都得

我覺得呢間餐廳有樣特式就係除左東南亞好多不同既菜式都有之外佢既餐都好大份，完全可以SHARE黎食，等我地可以試多d唔同既菜色 菠蘿炒飯平時我地係出面食既菠蘿炒飯，都會用個菠蘿做底座，但其實入面既空間唔算多，所以都唔係有好多飯，但呢個真係唔一樣，佢係用70%既菠蘿做底座，再將D飯裝到滿滿的，淨係個觀感都已經比到人好滿足既感覺，講返味道，我覺得菠蘿既甜味同炒飯味道非常夾，想再甜D既仲可以用湯匙將佢D菠蘿肉括埋落黎！勁正 腐乳通菜泰式既蔬菜我淨係會食腐乳通菜，因為實在係太好味，佢地完全係PERFECT MATCH既組合，呢個通菜好爽口同埋好入味，腐乳完全溶入左係入面！！

開了一段時間的譽發廣場，人氣度似乎未算很高，頗喜歡它在油麻地站附近，方便就腳。看著餐牌，有越式和泰式，竟然還有中式，是少見的配搭。羅宋湯蔬菜很多，辣味夠，幾惹味，味道不俗。忌廉湯厚稠，內有一點點的蘿蔔碎，咊道還可以。兩個湯都似茶餐廳出品。蒸粉包每個午餐可加錢配一款小食或菜。外層如一塊巨型河粉，包著中間的餡。餡偏少，依稀記得有豬肉和粉絲，只記得粉包的彈和微微米香。扎肉檬卷太乾，乾得吃不出味。太硬，只顧咀嚼，根本吃不到味道。鮮茄芝士焗豬扒飯的確有新鮮蕃茄，入口又腍又多汁。芝士份量剛好，焗至溶掉，表面微焦，吃到芝士香又不過份。茄汁都可以，不太鹹，不太甜，不太酸，還有點鮮茄味。豬扒煎過，肉質很腍，喜歡有點韌勁的我認為太腍。其他都尚好，唯獨炒飯底成了敗筆。雖然飯呈淡黃，但完全沒有蛋香，飯不夠硬，混了汁便會偏腍偏濕。香茅豬扒飯原來兩款都點了豬扒，落單時沒有為意，幸好豬扒還好，吃兩份也不介意。沒有香茅味，跟普通港式煎豬扒沒有分別。煎得少少油膩。肉質同是偏腍。白飯淋了少量豉油，加上豉油味道普通，不鹹不甜，僅有少少調味。喜歡白飯乾身，不腍不濕，獨欠最重要的飯香。樽仔奶茶奶和茶都正常，但實在太甜。薄荷杏仁

朋友屋企最近冇煮飯, 但佢又話想飲湯, 於是我帶左佢去億饍飲靚湯同食晚飯~我地一人一碗湯, 有花旗蔘鳥雞排骨燉湯、茶樹菇排骨燉湯, 燉湯好足料, 而且飲落啖啖都係精華咁.之後我地點左D野SHARE 食, 有通菜、菠蘿炒飯、炸蝦餅撈檬.通菜份量都幾多, 食極都有, 而且又唔油膩.菠蘿炒飯入面既菠蘿好甜, 仲有蟹柳、蝦,唔錯.炸蝦餅撈檬都整得勁好, 炸蝦餅炸得好靚.最後食埋個燕窩蛋白甜品真心好滿足!OVERALL 一D都唔貴, 環境又舒服, 下次會再帶朋友食.

我並唔係特別鍾意食越南茶，但係間唔中過下口癮都幾唔錯。今次同朋友誤打誤撞咁試左呢間質素幾唔錯嘅越南野。我地首先叫左個火車頭湯河，貪佢餸夠多咩都有得試下。湯底清甜，河粉硬度亦剛剛好，有生牛肉、牛丸、牛展等餸，非常豐富。跟住就叫左啲雞肉同豬肉串試下，雞肉串較為嫩滑，比較岩我自己口味，配埋甜甜嘅沙嗲醬食，非常好食。呢個豬肉鮮蝦米紙卷亦都相當有驚喜，呢幾樣材料配搭得宜，食落口感豐富，生菜同粉絲感覺清新，中和左豬肉嘅膩感，又帶點鮮蝦嘅鮮美，口感有層次，值得推薦。椰青亦都新鮮清甜。

億饍將會係我未來常黎既餐廳環境好 食物多款式又好味連最近秋季推出既燉湯都非常出色椰子烏雞排骨燉湯 $68火喉到位而且真材實料盅內已經睇到冇欺場椰香十足 真係令人回味越式炸春卷 $56/6超美味既小吃 蘇脆可口！新鮮即點即炸 熱騰騰小心辣親咀以青菜包住食可以減卻油膩感忝咕嚕豬頸肉撈檬 $88豬頸肉爽口彈牙 味道惹味份量都幾大碗 絕對係抵食之選馬拉盞炒通菜 $68點小得點個時菜清下腸胃呢通菜新鮮爽甜配以馬拉盞令人垂涎三尺

朝早起身覺得喉嚨有啲乾，lunch想食啲潤嘅嘢食。燉湯都係一個唔錯嘅選擇，呢間食店就有七款燉湯午市套餐，款款都係$68冇加一。燉湯每日限量供應，今日有兩款選擇，我就揀左【豬肺排骨萬壽果燉湯】，潤肺養顏。原盅仔上枱，夠晒熱辣辣。萬壽果即係木瓜，湯入面木瓜同豬骨豬肉用料都幾多，但豬肺只有一少件，有啲失望。睇啲湯嘅顏色，都知燉左唔少時間，味道唔錯，幾清甜。主食叫左【海南雞飯$68】，轉脾只需要加$3，咁抵，梗係要轉! 成碟份量都幾大，雞件都有好多件。雞肉係好嫩滑，肥瘦適中，可以話「雞有雞味」，而且雞味都幾出，仲帶一啲黃油，味道有驚喜。可以加配小食，【腐乳通菜$12】幾抵食，通菜爽脆高纖維，腐乳醬偏咸。餐飲轉【椰青$28 】呢個椰青係今年我飲過最甜嘅椰青，絕對正! 雖然要加$28，但我覺得值!午市仲有其他套餐，連素食套餐都有，又幾有心思。朋友叫左【生熟牛肉湯河$48 】熟牛肉係牛展，生牛肉嚟到時仲係紅色，用湯浸熟佢啱啱好。我試左個湯底，唔算濃郁，味道只可以話係一般水準。竟然有湯送，可以揀忌廉湯或者羅宋湯，朋友揀左【忌廉湯】，睇落都夠濃。【樽仔奶茶$15】熱奶茶係餐飲包埋，但朋友加左$15轉樽仔

老公比較喜歡食中餐，今日經過與譽發廣場，望到易拉架廣告牌的菜式圖片好吸引，之前已食過尼間，食物吾錯，所以忍不住就上樓入座嚐美食！一出電梯就見到餐廳，侍應即招呼我們入座！椰子烏雞排骨燉湯：望到隔離枱飲緊燉湯，聽說味道很好！我們也在多款燉湯中選了椰子烏雞排骨燉湯，烏雞滋蔭，椰子清熱，味道清甜帶椰香，天氣轉涼又乾燥，應該飲多D湯水滋補養生一下！海南雞(半隻)：半隻雞份量也不少，證明了雞是大隻的，但肉質一點也不老不鞋口，重非常嫩滑又肉厚，皮是爽口，老公讚口不絕說：甘大隻雞要做到肉質甘嫩滑，真考廚師功夫，不容易做啊！值得一讚！咸蛋肉餅(加龍蝦)：一口就食得出肉餅是用新鮮豬肉做的，味道鮮甜，如果用雪過的豬肉一定冇乜味，加50蚊重有半邊龍蝦，龍蝦也是新鮮，彈牙鮮甜，好美味！越式炒金邊粉：有穫氣又乾身，材料有紮肉、蝦、蛋絲等，加些辣醬食更惹味！

億饎呢間餐廳好特別，混合多國菜式，有中菜越南泰國等。餐廳設計簡約，偏向中式，但又有一個Bar枱望落都整齊企里我個人好鐘意飲湯，特別係中式既湯最近都開始轉涼，今晚叫左秋冬滋補燉湯，花膠烏雞香菇燉湯（＄88）一黎到就聞到好香既味道，飲落好濃郁好香冬菇味，花膠完整一片，但唔算太厚身既然係多國菜混雜，我地個主食就揀左個泰國餸：原個椰青海鮮焗飯（＄118）呢個椰青海鮮焗飯係附送埋椰青水，而椰青係即開即飲架，好鮮甜個焗飯面頭有不同種類的海鮮，海鮮上面再淋上椰汁焗飯入面既飯係蛋炒飯，炒得均勻，椰汁只淋在最外面，內部既飯沒有椰汁，較乾身，食既時候挖埋椰青內的椰肉一齊食，好香椰味我地另外明叫左香矛泰式爐烏頭（＄168）爐烏頭食既時候會有職員淋上上湯，仲有火一直在下面保溫食落肉質嫩滑，不會過熟，點上泰式酸辣醬，有泰國風味，味道略淡，適合清淡口味人士食既途中，職員會詢問是否需要加湯，十分貼心不過魚有部分鱗片未去除，可加以改善有海鮮，又有魚，又點少得食埋肉呢我地揀左個桂花BB乳鴿（＄90）乳鴿肉質嫩滑，有滷水味，夠香口重點係無雪藏味，夠新鮮好滿足既一餐，令人回味無窮