億饍 (已結業)

我並唔係特別鍾意食越南茶，但係間唔中過下口癮都幾唔錯。今次同朋友誤打誤撞咁試左呢間質素幾唔錯嘅越南野。我地首先叫左個火車頭湯河，貪佢餸夠多咩都有得試下。湯底清甜，河粉硬度亦剛剛好，有生牛肉、牛丸、牛展等餸，非常豐富。跟住就叫左啲雞肉同豬肉串試下，雞肉串較為嫩滑，比較岩我自己口味，配埋甜甜嘅沙嗲醬食，非常好食。呢個豬肉鮮蝦米紙卷亦都相當有驚喜，呢幾樣材料配搭得宜，食落口感豐富，生菜同粉絲感覺清新，中和左豬肉嘅膩感，又帶點鮮蝦嘅鮮美，口感有層次，值得推薦。椰青亦都新鮮清甜。