影片
更多
2017-11-14
237 瀏覽
朝早起身覺得喉嚨有啲乾，lunch想食啲潤嘅嘢食。燉湯都係一個唔錯嘅選擇，呢間食店就有七款燉湯午市套餐，款款都係$68冇加一。燉湯每日限量供應，今日有兩款選擇，我就揀左【豬肺排骨萬壽果燉湯】，潤肺養顏。原盅仔上枱，夠晒熱辣辣。萬壽果即係木瓜，湯入面木瓜同豬骨豬肉用料都幾多，但豬肺只有一少件，有啲失望。睇啲湯嘅顏色，都知燉左唔少時間，味道唔錯，幾清甜。主食叫左【海南雞飯$68】，轉脾只需要加$3，咁抵，梗係要轉! 成碟份量都幾大，雞件都有好多件。雞肉係好嫩滑，肥瘦適中，可以話「雞有雞味」，而且雞味都幾出，仲帶一啲黃油，味道有驚喜。可以加配小食，【腐乳通菜$12】幾抵食，通菜爽脆高纖維，腐乳醬偏咸。餐飲轉【椰青$28 】呢個椰青係今年我飲過最甜嘅椰青，絕對正! 雖然要加$28，但我覺得值!午市仲有其他套餐，連素食套餐都有，又幾有心思。朋友叫左【生熟牛肉湯河$48 】熟牛肉係牛展，生牛肉嚟到時仲係紅色，用湯浸熟佢啱啱好。我試左個湯底，唔算濃郁，味道只可以話係一般水準。竟然有湯送，可以揀忌廉湯或者羅宋湯，朋友揀左【忌廉湯】，睇落都夠濃。【樽仔奶茶$15】熱奶茶係餐飲包埋，但朋友加左$15轉樽仔
燉湯每日限量供應，今日有兩款選擇，我就揀左【豬肺排骨萬壽果燉湯】，潤肺養顏。原盅仔上枱，夠晒熱辣辣。萬壽果即係木瓜，湯入面木瓜同豬骨豬肉用料都幾多，但豬肺只有一少件，有啲失望。睇啲湯嘅顏色，都知燉左唔少時間，味道唔錯，幾清甜。
主食叫左【海南雞飯$68】，轉脾只需要加$3，咁抵，梗係要轉! 成碟份量都幾大，雞件都有好多件。雞肉係好嫩滑，肥瘦適中，可以話「雞有雞味」，而且雞味都幾出，仲帶一啲黃油，味道有驚喜。
可以加配小食，【腐乳通菜$12】幾抵食，通菜爽脆高纖維，腐乳醬偏咸。
餐飲轉【椰青$28 】呢個椰青係今年我飲過最甜嘅椰青，絕對正! 雖然要加$28，但我覺得值!
午市仲有其他套餐，連素食套餐都有，又幾有心思。
朋友叫左【生熟牛肉湯河$48 】熟牛肉係牛展，生牛肉嚟到時仲係紅色，用湯浸熟佢啱啱好。我試左個湯底，唔算濃郁，味道只可以話係一般水準。
竟然有湯送，可以揀忌廉湯或者羅宋湯，朋友揀左【忌廉湯】，睇落都夠濃。
【樽仔奶茶$15】熱奶茶係餐飲包埋，但朋友加左$15轉樽仔奶茶，我哋預計係玻璃樽，仲冰鎮住，嚟到原來係膠樽仔，原來我哋諗多左。茶味夠，但激甜!!!
食完咸食就係甜品時間，秋冬天氣，真係要加倍滋潤吓。星空戀人今日冇，唯有揀另外兩款甜品!
【芒果椰汁黑糯米$62 】份量都幾多，芒果夠甜，黑糯米煙煙韌韌營養價值高，配上椰汁，夾。
【椰汁蛋白燉燕窩$43】熱椰汁椰香味特別濃，食唔出有蛋白，而燕窩本來冇味，但索左椰汁又幾好食!
張貼
