備長

營業中

休息中

星期一返工已經辛苦，當你嗰日返工有好多野要處理嘅時候，收工真係好想食好西！好彩有個食神同事，一講想食串燒，佢就即刻帶咗我去間高質素嘅餐廳。有啲日本餐廳，裝修會好花好亂，有時又會播埋啲日本歌，勁嘈。我鍾意呢間餐廳，簡約嘅裝修，又可以比客人靜靜地享受美食。我哋一坐低，職員就已經攞咗兩杯熱水俾我哋，仲拎咗一兜前菜，呢度每兩個人就要收$24嘅前菜費，前菜係幾條紅蘿蔔同椰菜，但唔係講笑，超鮮甜。之後叫咗好幾款串燒，好耐都冇食過好味嘅明太子雞翼，非常飽滿嘅餡料，微辣嘅明太子，加埋燒得剛剛好嘅雞翼，完全係絕配。厚切嘅牛脷又非常之有口感。