信興酒樓 (已結業)

再一次來到深水埗的《信興酒樓》，是因為將要結業而來的。幾個月前，說因為招牌違規要拆，原來這只是小小的前奏。招牌拆了不久，《信興酒樓》結業的消息就傳出來了。是日，常常飛的好友回港兩天，就在這兩天的時間約到他來個午飯，於是我們拉埋另一個朋友，一行三人來《信興酒樓》飲茶，為這老酒樓作最後的道別。 信興酒樓，1936年已經營業，後來在50年代，因為舊樓重建而停業，新樓建成之後，就於原址再開業。今時今日所見到的裝潢，就是50年代的最潮的酒樓裝修。此外，我這一次來才發現牆上的這兩幅提字 (對聯)，細心讀起來，是很有意思的。 中午來到，食點心是必定的事，而且在傳統的酒樓，來一盅鳳瓜排骨飯。雞腳比較瘦身，但很入味，排骨香口，而且我們分配到的，大部份是軟骨的那一部份，有肉食，當然好。 點心，我們偏向叫些傳統的。金錢肚就是其中的一個，又腍又入味已經可以給一個好高的分數。 棉花雞雖好食，但魚肚 (棉花) 唔夠厚身就打了不少的折扣。再者雞肉不夠多，味道好但份量就令人有少少失望。 傳統的鴨腳扎就非常之好，鴨腳仲香口過雞腳，內有芋頭，一舊雜肉，腐皮爽，鴨腳味道濃，我會用非常好來形容。 最簡單，現時來說是最坊間抵食

十二月二十六日傍晚, 接到友人來電相約翌日飮茶, 時間為大清早。 究竟有多早? 第二天天還未亮，我們穿上行山裝束, 未夠八時已抵「信興」門口。從前經過「信興」，均是過門而不入, 意識到他是ㄧ家老字號酒樓而已。 入內後, 大大的圓檯坐滿了食客, 搭檯是「信興」的生態, 雖然如此, 食客似乎都彼此認識, 傾傾講講, 並無隔膜。友人比我們更早到埗, 茶已開, 檯面更放好了幾款點心! 煎腸粉 煎醸茄子 蝦腸 蒸鳯爪排骨飯 山竹牛肉 南乳燜豬手 節瓜圃 而印象較深刻的幾款懷舊點心, 正好與擁有八十年歷史的「信興」, 彼此有著切肉不離皮的關係。如1.5個拳頭般大的雞球大包是三十年代, 工人和苦力價廉物美的飽肚恩物。時至今日, 大家對雞球大包仍有著ㄧ份香港情懷! 雞球大包的饀料有點雜, 除有雞球和火腿等, 最吸睛的是ㄧ件連皮的切雞。 豬肚燒賣有點不收邊幅, 淡黃色的內層朝上, 與形狀隨意的豬肉構成凌亂美。 棉花雞同樣「任性」, 棉花即魚肚自由地伸展, 盡情地吸收醬汁的精華, 一口仿如爆汁一樣，非常入味! 而雞肉和冬菇也懂得亂中有序, 這籠棉花雞就是充滿著過性。 ! 豉椒蒸排骨是經常可找到的點心

人總是要到失去了或即將失去才懂得珍惜。對人如是，對物亦如是。 自從知道自己久不久便會路過，一直都想去幫襯，但始終未有成行的「信興酒樓」的直身牌匾被勒令拆掉和酒樓東主感到意興闌珊，打算光榮結業之後，便一心找一天前往幫襯，好和這間在深水埗區已有八十年悠久歷史，外觀十分搶眼，古意盎然的舊式酒樓見一見面，作為第一次幫襯，亦是最後一次幫襯的記念。可惜自己始終還是拖拖拉拉，未有行動。 直到日前，有友人在 Facebook中張貼在這間行將結業的酒樓喝茶的照片，才再次喚起自己想到這間酒樓喝茶的意念，終於在第二天的早上獨個兒來到這酒樓飲早茶，一嚐自己想在這酒樓結業前拜訪的心願。 雖然這天已是它正式結業的前一天，偌大的酒樓裡面熱鬧得很，大部分的座位都已坐滿了新舊茶客，幸運地我仍能立刻找到一席之地。雖然搭檯是必然之事，但這正是舊式酒樓的風味之一，一張大檯之上，坐了三四堆互不相識的客人，大家雖然各不相識，但能一起共坐，即或未必會互相攀談，也是緣份。要是成為熟客，彼此能夠天南地北談天說地一番，又或與酒樓的夥計們閒聊的話，就更多了一份情味了。這兒對我來說雖然陌生，但酒樓內的環境格局，茶客們的情態模樣，

始於1936年的信興酒樓，除了見證著深水埗多年來的變遷，亦承載了一代又一代人的回憶。作為廢青一輩，並未能了解80年前的信興是何模樣，但有幸於十多年前跟隨家父到信興嘆茶，記憶中，2000年初的信興，與2016年的信興，外貌裝潢均無甚大區別，仍然是童年時的模樣。猶記得當年老一輩的茶客，喜歡到處"放飛劍"，確實甚是不雅，而對於有潔癖的茶客更是相當影響胃口，於去年，已感覺信興不再是過往的不潔，至少比中環某舊式茶樓潔淨得多。兒時在這裡吃過點心，亦嘗過晚市各式小菜，當年食物的味道，不甚記得起，留戀的，是這個滿載兒時快樂光景的地方去年開始重回舊地，第一時間想起的是煎腸粉，習慣就是改不了，不斷跟煎腸粉的姨姨再三叮囑"煎香啲煎耐啲"，務求令到每一條腸粉入口都是香脆可口，這裡的腸粉是別處吃不到的，因為坊間的酒樓為求多賣幾碟，只會草草了事只有信興的點心姨姨會認真滿足像我此等麻煩食客的訴求。可惜是日腸粉經已售罄,只能祈求明天能吃到信興的真材實料煎腸粉。自從電視報導過後，到信興一嘗舊式酒樓風味的茶客絡繹不絕。有人會喜歡嘲諷"香港人唔執果間都唔食"，個人見解是，有時候大家未必知道，原來在這裡竟有如此罕有的舊式食肆

信興酒樓快要光榮結業了 香港最後一間傳統懷舊酒樓, 這裡可以聽到現今社會的人生百態！呢度你我各不相識都可以傾番一餐！「呢度有個不成文的 規矩：通常都要搭枱！ 入到去見到無人坐既位問下同枱既人距話無人就坐得！」，聽到好多舊香港既故事（因為黎呢度飲茶多數都系年紀有番禁上下既人，粗口橫飛）。仲有次機會黎品嘗傳統足料美味點心：        自家點心部出品既點心 = 足料鮮蝦燒賣燒賣：用肉粒更有口感 同一隻完整的大蝦仁 冬菇粒做餡料（不像一般酒樓的機械化量產貨色的系用肉漿），鵪鶉蛋燒賣：鵪鶉蛋咬落去蛋有啪一聲的口感後肉汁四濺，蝦餃：先系口感煙韌的皮再到爽口充滿肉汁的鮮大海蝦仁皮薄餡靚層次感分明，蝦餃系全蝦肉的同埋每粒蝦餃的形狀都唔同因為系全人手 手制！香港唯一的真正米漿腸粉！雞扎：入面有芋頭雞件火腿，懷舊豬肚燒賣：陣陣濃郁的黑椒&蒜蓉味咬落去會肉汁爆發，拳頭大的足料傳統雞球大包報紙話過全港得呢度仲有制作呢種點心所以香港應該得呢度仲有得食，真正一籠一隻的足料懷舊糯米雞。        自家調教過的10年普渳陳茶：入口棉滑甘淳 黑水四泡不澀先為好茶！全港唯一的開放式自助茶檔：加水/換茶葉/加茶葉可

八十年還是敵不過結業的厄運, 位於深水埗的信興酒樓已經開業八十個年頭, 以服務街坊為主, 因為水滾茶靚, 深得街坊愛戴，信興有自己的配茶師傅，亦是香港少有茶樓擁有自己的茶葉收藏房間之一, 所以茶葉品質較有保證。一磚一瓦感覺懷舊水滾茶靚只值八蚊, 難怪很多店鋪後人情願把物業賣掉也不願掙辛苦錢。食客以老街坊為主水滾茶靚的源頭信興創於1936，今年剛剛八十大壽, 亦是結束之年, 惋惜。食物供應及價錢跟普通茶樓差不多豉汁牛肚 ~ 夠香辣 , 夠腍滑。乾蒸牛肉內有蒽粒及馬蹄粒混合牛肉, 香口軟滑, 點喼汁食, 一啲都唔喊, 至於牛肉味呢....有少少咁啦喜歡的, 可買包佢地自家品茶葉回家再飲過。信興點心其實同普通酒樓差不多, 唔系覺得特別同好食, 食既只系一種情懷及街坊的人情味, 今次自己一條友在上班時間黎搭擡飲茶, 全檯都系老街坊, 佢地將信興嘅歷史一五一十話曬比我聽, 甚至乎信興嘅後人去向，街坊們都知得一清二楚, 坐我隔離對老夫婦已經八十多歲, 兩老幾乎每天都會來信興飲茶, 老太幾歲大已經跟爸爸來飲茶, 當年點心只系賣1-2毫子........

每次經過都好想入去試下,但朋友成日話入面好雜同好多小混混（我諗佢應該講緊十幾年前😒）今日經過見到門外貼左光榮結業至12.29,點都要入去食一次！7點左右唔算太多人.入面都幾大.環境好懷舊但唔殘舊,坐左張6人枱要搭枱.枱面當時只得一張蠟味飯嘅餐牌.要自己去第二張枱拎.跟住開始多人,而我坐嗰邊得一個職員做野.所以落單都要啲時間先黎,同可以理解因為得佢一個.點左小炒王$70同黑椒腰果牛柳粒$70.10分鐘左右到菜.原來牛柳粒有西芹響入面！大早唔叫小炒王😅白飯就等左好耐.個位好忙嘅職員都好緊張幫我地跟個白飯.牛柳粒味道唔錯但唔夠香口,而小炒王好味.不過入面個菜甫有啲怪味.雖然今次係第一次去.相信都係最後一次.一間80幾年嘅老店要結業.覺得有點可惜.

剛剛看到新聞，得知有80年歷史的信興酒樓要結業了！又一間傳統酒樓要結業，很可惜...所以今天特地走一趟，希望在結束前，感受一下這裏獨有的風土人情。酒樓係深水埗地標之一，古色古香係呢度既特色。入到去自己搵位坐，時點為下午二時，但都差不多坐滿。茶客都以銀髮長者為主，跟酒樓年紀差不多。入面既裝修雖然都有點殘舊，但如果以數十年前的眼光去睇，呢度絕對好似皇宮一樣，鏡面柱身、天花吊燈、燈槽、富中國特色的牆紙等都很有味道。其實未去之前都知呢度水滾茶靚，我當然都要嘆返杯，如果鍾意仲可以買返些茶葉，茶葉是信興自家品牌。食完裝修，是時間品嚐食物。我就隨便試左雞紮、燒賣同福建炒飯，感覺味道和一般酒樓差不多，無咩分別。不過環境才是這裏的賣點，還有待應和茶客之間的互動及當中的人情味。而這樣富傳統特色的酒樓在香港已買少見少了。

朋友喜歡舊式茶樓，於是去深水步信興一試。老實講食物水平一般，唔係特別比人印象深刻，最令人印象深刻一件插曲。話說食緊野時候有人打黎約見工講時間地點，情急隨手就反轉張點心卡係背面寫左幾隻字，點知到出去埋單時，個收銀阿姐就黑面教訓我，話要紙可以問員工(真係咁好服務?)，唔可以係點心紙上寫野，我即刻向佢道歉，連聲唔好意思(心諗個行地址應該點睇都唔似菜名會引起妳誤會掛)，道歉後個收銀阿姐依然唔把休，仲話卡上有字就要收錢，我當時好驚，唔知個行地址佢地茶樓會賣咩價錢，收我一萬幾千都任佢up，於是我緊接再向佢道歉，個阿姐見完全勝利後就掉返d找贖比我放我走啦。咁正既老字號真係香港寶貴既文化，大家要好好珍惜保育呀。

同友人一直都話要來這間酒樓試下, 不過上次我試過中央酒樓之後講真對這些舊式酒樓真係有D怕怕.難得假日又早起, 就決定來試下啦.就算假日就算幾早, 這些舊式茶樓都係預左多人同搭枱. 我覺得都幾熱鬧幾有人情味. 見到一張大枱搭成幾個茶客, 大家一齊傾下計幾開心.我地當日9點左右到, 見到一張中枱仲有2個位就攝入去好坐好. 跟住服務姐姐就會走來問你要咩茶同俾張點心紙你. 開好茶後,我就走出去點心車搵食啦. 因為今日大家胃口麻麻, 我地都係叫左2籠點心就算.點左鳳爪同棉花雞. 這2籠分別係大點同頂點. 平時鳳爪最多咪中點, 係這裡就變大點啦. 不過2籠份量十足既.至於味道又真係唔錯, 鳳爪好入味,至於棉花雞就雞球唔係平時一件件雞肉,而係免治雞肉, 咁樣就更入味同淋身.唯一係點心偏油食完2籠真係幾頂肚.整體來講食物真係唔錯, 下次有機會再來都要試埋其實懷舊點心.2個人叫左2籠點心加茶 $57地址:深水埗桂林街95A號地下

懷舊野買小見小一有機會就搵來食,裝修古色古香仲有痰罐好得意.老伙計預左服務麻麻自己倒茶無所謂炒粉麵俾出面茶餐廳平,但食點心特色d雞球大包-包皮好梳食落口好散好碎,雞肉好實但咸蛋黃實芯唔香,雞翼有碎骨,又冇火腿蝦餃-懷舊味道皮唔夠薄有荀又有肥豬肉粒蝦肉已打成蝦膠,胡椒味太重手燒賣-又係肥豬肉多過蝦肉但就有爽口感覺,面頭蟹子落好多賣相靚粉果-超級厚皮材料小好難食牛肉腸粉-腸粉皮算薄,牛肉打得起膠好滑馬碲落足料好爽好夾鵪鶉蛋燒賣-豬肉燒賣好好味唔會鞋有豬肉味,包住蛋嘅皮好薄好滑懷舊野雖然好開心但唔一定最好食只係為搵感覺,食物普普通通算唔錯

訓唔著想食野，又唔想食m記就出左黎食呢間酒樓啦佢啲普理茶唔同一般連鎖式酒樓甘，有陣苦澀味，所以幾好食左個黑椒牛肚，個汁似用凰爪，幾好食鮮竹卷都唔錯，腐竹好新鮮叉燒腸個皮可以薄啲，但都okay好食煎魚餅煎得好脆，啲肉係鯪魚肉叉燒包無乜特別每個人60蚊左右舊式酒樓幾好feel, 啲侍應幾好，感覺上有人情味

十幾年前仲系學生果時老豆帶過黎信興飲茶，所以對呢間酒樓印象好深刻！今日放假特登自己一條友一早出深水埗黎飲茶。黎得呢度就一定到搭枱（通常系就到有吉位問下坐系隔離既人無人就可以坐得）黎呢度既多數系上左年紀既基層：你會聽到粗口橫飛同一D舊時既故仔，啊姐會問你問咩茶黎得呢度一定系開距自家既普洱茶 呢間野既普洱好出名因為成棟野都系自己物業所以系香港碩果僅存既舊式酒樓（距二樓系個茶倉，有個教茶師傅專人做教茶用自家放左系茶倉既十年陳茶葉溝少量靚新茶葉）先飲杯茶先：茶入口香濃口感棉滑，之後就試點心：是日叫左一籠蝦餃 皮有咬口餡料系全蝦蝦仁爽口 / 燒賣：距既燒賣咬落幾特別咬到粒粒豬肉粒 吾同一般酒樓果d用機搞碎既雜肉餡/ 懷舊豬肚燒賣：入口第一感覺系好既香黑椒味之後就成口肉汁 / 鮮蝦腸粉：粉皮有米香味 原隻蝦仁咬落爽口 / 糯米雞拆開就見餡料D汁系米度流去块荷葉度D糯米吸收曬D餡汁既精華 / 鵪鶉蛋燒賣：點解距可以做到所有有肉餡既點心咬落去都爆肉汁。原來距所有點心都系出自距自己個點心部制作， 吾系一般酒樓錦用量產貨。題外話 距仲有個開放式自助茶檔如果無人開茶比你又或者壺茶吾夠溶你可以自己去茶檔度加茶

好耐冇飲茶，今天特別過來信興 老牌酒樓食物保持到水準！叫左牛肉腸粉，腸粉皮薄又煙靱，又白又滑的皮，內藏多多牛肉，份量冇偷工減料，加埋豉油好正 另外的牛肚，入曬d汁的味，食完不太口喝，牛肚又爽又冇渣，辣味剛好帶出牛肚味鮮竹卷，蒸完腐皮薄而不爛，內裏實實，吸曬味，好好味

路過好多次都唔敢入，總覺得好多收買佬，龍蛇混雜。入到去雖然無咩年輕人，但顧客們個個個樣都幾善良。我哋要搭枱，搭枱個uncle都好友善，中間仲留底哂啲細遠離席多次，去買啤酒，又食外面買返嚟嘅乳鴿，姐姐都無話佢。我哋入席時剛好姐姐清緊枱同地板，佢哋都好好禮貌叫我哋等等。碗筷嚟嘅時候已洗好，真係五星級酒樓都無咁嘅服務。點心檔姐姐又對我呢啲生客同樣有耐性照顧有加，完全超出我所料。茶$7一位，睇《飲食男女》個節目話啲客好欣賞個普洱，而且配茶之法更是高度商業秘密。茶啲確比一般茶樓濃，沖咗幾次水都唔會淡哂。但睇咪傳說中咁突出又不至於。點心價錢約$16~$18左右鳳爪古早味鳳爪，汁好濃厚，超級入味。鵪鶉蛋燒賣味道偏淡。其實我係想試豬潤燒賣，但記錯咗。大包懷舊點心，勞動界之選。內有雞件、燒肉。味道同一般菜肉包相若。糯米雞又一飽肚之選，餡料唔算多。糯米煮得好綿，唔會實的的，每一part有吸收到醬汁。菜肉餃賣相吸引，但食落無睇落咁good, 皮煙韌度差少少，餡料也沒有一般粉果多層次。但總結還是喜歡信興，時光倒流，慢活的時光。