信興酒樓 (已結業)

細佬提議一家人去一間舊式酒樓吃晚飯，原來內裡環境很寬敞，有地面和上層，燈光明亮，感覺舒服，一點也不舊，在門外真是看不出來。有些菜式的名稱很有趣，例如“椿打牛魔王”是什麼？有朋友猜是手打牛肉丸，開謎吧！答案是豆角炒牛肉。叫餸食飯有很多選擇，我們叫了一份連游水海鮮的套餐，豉汁蒸倉魚很大條，味道新鮮，其他小菜也不錯。蝦乾通菜：通菜的顏色翠綠，味道爽脆，伴入蝦乾的咸香，沒有蝦膏一樣惹味。茄子排骨煲：熱辣辣，肉排嫩滑，茄子切成粒條狀，每條的大小一致，不油膩，味道很好。八珍豆腐煲：有蝦仁、花枝、豬什、肉片、腐竹、冬菇和炸豆腐，豆腐新鮮有豆味，豬什沒有異味，調味適中。最後一味菜是砵仔叉燒焗蝦仁，效果像焗魚腸，但沒有腥味，很多香茜和粉絲，蛋液焗太久有點乾。

一行出地鐵站口, 直望已見到招牌, 很方便就腳見到卡位, 坐下叫菜, 因為只得兩個人, 便叫了三個餸, 鹹魚雞粒豆腐煲這個送飯好好味魚湯浸雜菜有湯又有菜砵仔焗义燒, 蝦好像焗魚腸的做法, 不過材料係义燒, 同原隻蝦, 蝦都好新鮮三個餸份量十足, 價錢公道, 唯一不足是伙計只有一兩個, 出菜較慢, 加水要自助, 但也很有禮貌,這裏的食客大多是街坊, 大家都習慣了, 也相安無事, 食晚飯, 這裏是一個好選擇

不知何解年紀輕輕的多樂菲小友那樣喜歡喝茶吃點心。很多時為了遷就這位小友的喜好，這小友飯局其中一類較常去的地方便是茶樓了。繼上次在旺角"福宛"的失望一役後，今次來到懷舊味十足的"信興"，為的不求是食物的味道，尋的當然是那濃厚的街坊情及老香港的氣息....昏暗的燈光，滿目皆盡見老伯伯及老婆婆，一張大枱坐滿了一堆素未謀面的茶客，大家正在高談闊論.....一切一切就像是回到六七十年代似的....看見不斷有點心車出動，也就不客氣拿着一個托盤，衝前去搶點心先拿到手的是蝦餃、燒賣及豉汁排骨。蝦餃的澄皮甚厚，裡頭的蝦隻不明顯露出其色，餡料中蝦肉及肥肉參半，無論是賣相及味道皆很傳統。筍粒不夠，是唯一的遺憾；燒賣以豬肉及冬菇粒作主料，蝦肉只佔極少部份，吃來肉香四溢，絕對是吾之最愛。若然肉能弄得更結實多一重口感的說話就更佳；豉汁排骨加上了黑欖角及芋條同蒸，是市面上絕無僅有的古早味，單是這一點便一定要支持。芋條吃起來很"粉"，欖角肉又甘又鹹，排骨肥肉多過瘦，愛健康之人的大敵，不過遇着我這亭以美食行先之流，卻是夾完一件又一件呢....來多一道古早之味鴨腳扎吧。肉的部份還是以較肥的為主，入口滑溜也多汁；相反鴨掌本

Heard about this local restaurant recently and wanted to give it a try. Went in today, a heavy rainy day. We got wet while stepping into the restaurant. We were lucky that we got 2 seats, sitting with the other 'regular visitors or regular customres' - they have been to this restaurant for many times and they carried smiles and recommended us to try the dim sum here. We were immediately served by the waiter/waitress - they were friendly and warm - better than those served at Lin Heung of Central

大概係11點左右去到, 好多人, 搵唔到位, 搞左好耐先搵到位, 本身想食"中"頭飯, 仲係聽到好多人話D飯唔熟, 於是叫左切雞飯, 但係D飯好硬, 但係雞就好食, 有雞味, 唔太肥, 另叫左山竹牛肉,金錢肚~唔好食, 又UN D 味又怪節瓜脯,煎魚餅~好味喎蝦餃~最好味

一早突然想去飲早茶, 諗起有哩間酒樓, 係度住左咁耐都冇去過, 去試下啦.入到去, 我地係最細個既茶客, 有d異類, 要自己搵位, 之後就有人問你飲咩茶行去搵野食, 叫左.....1.煎腸粉~都幾多油, 但係唔覺得肥, 好滑好香,條條都似山水幅畫, 有莞茜有蝦米~2.春蛋燒賣, 係乾蒸燒賣黎架3.蝦餃, 必食呀, 超好味4鴨腳扎, 兩條美腿, 裡面有豬肉同戶頭, 戶頭吸左鴨油 又香又粉~5.豆苗餃 , 勁足料, 同蝦餃一樣皮薄餡靚7.蒸蝦腸, 又係必食, d腸粉滑到,呢, 我地兩個爭食d腸粉唔食d料8.蘿蔔糕~煎得好香, 粉同蘿蔔比例好好9.腐皮卷~咬咬卡卡聲, 好脆~!好味仲有好多野未試, 但真係太飽啦~~~~~~裝修古雅, 燈飾又正, 咁食都係百零蚊有找....抵!

寫下寫下赫然發現自己又寫到第二百篇食評，真係時光飛逝，近呢幾個月真係覺得時間好似過得越黎越快咁，唔通開心既時光真係過得特別快？不過無咩特別需要憂愁既日子我就已經當佢係開心既時光架啦，做人都係唔可以太奢求架!今日又同媽咪黎到SSP，因為上次買完架衣車返去唔識用，所以今日特登要去學下點用同埋順便行下街睇下有無野買。行街之前當然要醫飽個肚先啦，我地兩個人就黎到信興飲個下午茶啦，一入到去即刻有位，不過要同其他人搭檯的。入面燈火通明，樓底又高，而且熱鬧非常，人聲鼎沸，真係好似去到另一個環境咁，可能我平日都比較少D去呢D較舊式既食店啦，所以又有另一種感受。媽咪仲話鍾意呢度多過蓮香樓喎，話覺得呢度感覺乾淨D衛生D，睇黎上次蓮香樓俾左佢一個唔係太好既經驗喎。XD一坐低個肚已經餓到咕咕聲，梗係要即刻叫野食啦。過去拎點心，見到D蝦餃大隻得好緊要，所以就要左籠啦。佢個餡做得幾好呀，D蝦好爽，有蝦味，同埋好實正，唔會一夾就散哂。不過個皮厚左少少，如果簿返DD就好啦。之後媽咪話想食蓮蓉包，就要左碟啦，個阿姐話D包係佢地自己做，又話有蛋黃係入面，幾HARD SELL喎，哈哈。不過都OK既，其實佢個皮係厚左少少，但

今日約了豬豬女友入高登買電腦;自己早左d 黎到深水;單人匹馬, 食乜好呢?今日自己一個, 冇乜所謂; 自己可麻甩麻到底, 獨自去信興整個燒味飯先!話晒呢d 麻甩70年代的酒家, 都不會是港女或公主想和男友去食晏的地方吧12點, 已坐滿人 想搭檯都要找一陣;無可否認, 我肯定係比較後生的一個客仔, 其他的客人都平均有50歲.見出面d燒肉不錯, 同檯的阿叔的燒肉也ok, 就咁拍板喇;另外, 阿組剛推架點心車行過; 見蝦餃好新鮮, 也叫了一籠.燒肉果真好食, 肉唔算太多肥, 皮夠脆, 皮下肥也不太多, o岩好.飯也好食, 夠淋;點心方面, 一人食一籠係多左d, 但皮薄蝦靚, 冇投訴.再飲口茶, 正;之後阿姐推住車蒸飯, 嘩, 佢簡直俾人圍咁, d 飯好快俾人攞晒了!才22蚊, size 唔細, 真係幾抵呢.坐住等豬豬女友; 飲多啖茶先; 此時, 奇怪的事便發生了.隔離的大叔, 臨去埋單果陣, 竟自己執好檯面上的骨,逐舊逐舊的執返入個碗入, 仲用少少茶沖一沖d 碗, 筷子等, 等佢冇咁油. 再疊好埋添.都幾有手尾吖, 我在想.但當另外兩個阿叔, 分別離開果陣, 佢地都咁做, 執好晒, 個伙計一

要搵懷舊式酒樓風格及味道，香港島代表係中環《蓮香樓》出名外，九龍區代表應該要首選深水埗桂林街93號地下《信興酒樓》 推入大門第一步，woww!!全間舖都係退休男士飲茶，舖內設計及擺設好有60年代feel lor..大約等了5分鐘就有位(註：有位坐時間係上午10:15)，內心一想好彩幾快有位wor..快過《蓮香樓》慶幸沒有旅遊人士識路來到掙位座啊！第一時間叫咗香片茶先，估唔到水滾茶靚，首選值得要讚係茶與水份量恰當，沖三轉仲好好味，好飲！點心方面味道好出色，雖然我哋2人食咗7碟點心較少(註：2hrs 內食勻２餐西式及中式早餐都算係咁La...）下次一定約多幾位好友到信興酒樓再度品嘗多幾款美點。註：信興酒樓賣點心ah姐及茶客好鬼nice ga...一見我地後生仔女就講過不停，介紹邊樣好食，下次再見她們吧

第一次見信興，經已為其古舊風味著迷，終於週六中午與龍前往一試。 進到酒樓內，昏黃的燈光、懷舊的佈置，感覺似是回到七八十年代；紅膠洗碗盤與破舊餐具，更加增添風味。再看一看幫襯的，全都是白髮斑斑的老一代，我們在場內顯得非常不合襯，但二人都同時樂在其中。信興沒有寫點心紙，食客都是在點心檯、點心車揀點心；參考了同檯熱心伯伯的介紹，二人吃了：　雞扎(大)-吸收了多款食材精華的腐皮與棉花雞最美味，但火腿、雞肉、芋頭都過於巨型，似乎舊式點心以大為主。蓮蓉包(小)-初上檯是凍的，幸而伯伯提我們可以要求返蒸，可見舊式酒樓豐富的人情味。返蒸過的皮包好味有限(不過包包本來也非新鮮出爐，也不介意再蒸多次)，幸而蓮蓉味道甜又純，我忍不住吃下兩隻，超飽。而這裡的小點，才賣$9兼不收加一!牛肉布拉腸粉(大)-腸粉也是伯伯的推介的，皮厚厚的，不過真的做得十分滑身，配以微甜鼓油滋味不錯。伯伯打趣：這個鐘數仍有幸食到腸粉，你們要去買六合彩啦!三色燒賣(特)-伯伯大力推介豬肚燒賣，但正如蝦餃、燒腩卷等熱門點心，都是極早沽清必須晨早來到才有；後來見有豬肚+叉燒+冬菇的三色燒賣，也來一籠。伯伯很肉緊：哎呀，三色算是特點，比豬

同4079既Babies行SSP見到酒樓門面已經比佢吸引，好耐都冇飲茶。於是就飲"下午茶"啦~冇經典既雀籠呀...但全場都係老伯伯，即刻覺得啱啱2字頭既我地只係小女孩明顯係熟客啦，睇佢面都知有歷史呢其實同Nat baby係Lily baby黎之前已經食左坤記既黑白配(芝麻糕+白糖糕)但仲要左件馬拉糕、蝦餃、雞紮、腸粉....味道就冇咩特別隔離位叔叔推介我地食豬肚燒賣...佢話係最好食架um...個樣唔似燒賣，但真係幾好味我地share豬肚黎食....好難咬既豬肚ar~邊食邊傻笑Lily Baby想要既鳳爪排骨飯仲一早賣哂添臨場加映一個打扮好爆既伯伯，戴住粗銀鍊...一直想偷拍佢，走時Nat Baby好勇咁影佢.食客有d起哄佢地話"識野喎" 於是又影多幾張...反v手勢ar...

在老深蹓躂多年, 從來都知道這家酒樓的存在, 周曰趁行山前即管一試. 推門而入恍如穿過時光隧道, 放眼盡是七八十年代的光景, 除了當年正值盛年的茶客都變作耆英矣. 搵位敬請行自動波, 侍應阿哥阿姐最多給你一個仙人指路, 如何插針則看閣下造化. 年輕一輩或者不習慣這種沒有排隊帶位的遊戲規則, 但自己搵食其實是香港生存法則. 不是不禮讓, 而是不能等別人讓. 茶客過半數是公公婆婆, 基本上都是獨行俠或孖咇. 全場爆滿, 每桌沒有空位, 三個人要搭枱得先找空位坐下, 再等有人離開才行. 好不容易安定下來, 取食又得靠自己. 雖然有靚姐推點心車, 但人多路窄, 等得嚟人亦化骨矣. 拿著點心卡去點心檔處擠了一陣, 托回來一大堆久違的味道. 椒絲肥腸, 鳳瓜, 糯米雞, 山竹失肉, 义燒腸. 賣相自是不及星級酒樓精緻, 但老練的功夫做出來的味道比當道的大集團遠遠尤有過之. 難得再見雞球大包和豬肚燒賣, 以前在屋村酒樓做的不好, 覺得這個很好吃, 且別處難尋. 馬拉榚的印象也很好, 香軟蛋味濃, 最後要了碗燒肉飯分吃, 肉脂相間分明, 皮脆味香, 相當不錯. 價格相宜, 難怪早午茶市座無虛席.

深水埗這類舊式粵菜酒樓，相信令很多女士們卻步，而事實上，這裡的客人多數是勞工階層和中下層的市民，大部份都是男性，加上這一類食肆都不會著重門面包裝，故此愛美的女士們都不會選擇在這裡用膳，除非是一大夥人或是附近的居民吧！信興每天都供應老火例湯，如果閣下沒空入廚，又很想喝一口靚湯，這裡總不令人失望，事關廚師的資歷都很深，所以炮製出來的例湯從不例牌，還是喝完想要再喝哩！例湯分大中小三種，如果兩口子的話，中湯已經每人分到三四小碗，足夠了，是日例湯是西洋菜煲生魚豬踭，內加羅漢果及老陳皮，這湯水在這個季節最稱心，滋潤有益，而且火候十足，連豬踭也煲得很“淋”，老人家沒牙齒的也吃得下，這道湯水頂瓜瓜！酒樓部長不斷介紹我們吃魚，當然我們也心知海鮮是酒樓較為賺錢的食物，反正沒有特別喜惡，就跟他的意思好了；但這魚實在弄得不好，肉質“鞋”口而不佳，早知吃陳皮蒸泥鯭！芥蘭炒牛肉菜式很平凡，但在平凡中很真章，尤其信興廚師的巧手鑊氣很不錯；雞蛋焗魚腸．．．，比起之前我在食為先的差，十分腥味，可能是用料問題吧，就是天大本領的廚師都難以處理得好，所以不是廚師推介的東西都是想清楚才落單好了！

信興酒樓在深水步區早茶屬中價茶樓，不是用平來招徠客人，沒有特價點心~點心水準及份量不比蓮香樓遜色，試左以下 豬肚燒賣，豬肚大塊厚身，燒賣肉香彈牙， 比蓮香樓更正~味菜大腸，略油膩，兩個人分着吃，仍覺份量很多~菜乾豬骨粥，下火好~3 款點心加埋2個茶錢 50 有找~

對於這家酒樓，在未曾光顧之前都常常存在著一個根深蒂固的誤解。從門口的玻璃門外看進去，盡是上了年紀的中年至老年人仕，而巧合地亦以男性為主。基於不想女友進場時自動成為全場焦點，所以一直都沒有跟她進來光顧。今天是一個很特別的日子，首先是在昨晚已預知今天不用上班的可能性在八成以上，第二是早已跟一位相熟食友在昨晚的飯局之內約定了今天的 - 風暴中的飯局。在起床過後，上網看了天氣資料，也就安心的致電給他相約好時間。到了差不多是相約之時，我跟女友早一步先到酒樓找座位。一進店內，沒有我之前所預期出現的"注目禮"，各個客人都在埋頭手上的報紙，又或是在跟旁邊的朋友/茶客談天說地，好不熱鬧。 幸運地，在寸土必爭的這裡，不到五分鐘便找到了座位，而同檯的叔叔都很客氣地問我們有多少人。他知道後更主動說當一會我的朋友到來，便會起身讓座。對於如此熱情的對待，我倆實在是惶恐不已~ ^^"過了十分鐘左右，友人便到達了，因為一會十時後所有巴士將逐一停駛，我們便把握時間啟動"為食功能"。<<滑溜蝦腸>>，米香味略遜，不過蝦肉爽而有鮮味，腸粉晶瑩剔透口感如蛋白般滑，很不錯~ <<