何蘭正 (已搬遷) 新店位置

是日與戰友來到中環Soho區, 誤打誤撞到了何蘭正。走到身水身汗不如入去Happy hour一番。響門口打了卡進內，已經被那極搶眼的霓虹燈牌「鬼佬涼茶」深深吸引，相信這四字對香港人對說都不陌生。一位女待應一來就很粗魯地問道要什麼，不知道她是否聽不懂中文，我們再用英文點選4款「鬼佬涼茶」。她心不在焉反覆幾次才確定。而且她一直把我們跟另一枱單身男士的單混淆了，他一個人明顯是單點… 過了5分鐘, 她又衝過來「拍」「拍」兩聲丟下了兩碟佐酒小食 – 枝豆，把我們和男士頓時嚇一跳，是否真的有必要在如此chilling而沒有客人催促的時候提供如此急促而混亂的「服務」節奏?幸好, 我們來Chill的心態沒有被打亂, 依然享受著4款手工啤酒。由淡至濃的順序喝法就是:4 – 夏日麼麼啤7 – 獅子山下9 -南丫島11 – 冰山雪蓮首兩款比較「甜」, 有點像水果茶的感覺; 慢慢變麥味重而且帶苦。最後女侍應收拾枝豆餐具時因太急促還把餐具弄跌… high efficiency不果反倒連番失禮, 何必呢? 

上班過後想跟朋友鬆一鬆，在中環有不少酒吧可選擇，不過還是喜歡這裡輕鬆的氣氛，以及支持本地啤酒。第一次來的時候不知道選擇哪一款啤酒，於是就點了Beer Flight，隨意選四隻不同味道的啤酒品嚐。有啤酒當然要有小食。這道Crispy Chicken配泰式辣醬，非常惹味，配啤酒一流。然後是粗薯條，味道可以，配上甜蕃茄醬及香口的Alioli，讚！因為很喜歡吃cheek，所以也點了一道20hrs beef cheek pasta，味道較普通。

因為Amasing Race Asia 第四季第一集係呢度玩遊戲我對藥材啤十分有興趣所以call 齊友好去試試點知十分失望店員通知 藥材啤只係節目效果於是乎只有試手功啤一共有十二款手功啤我地四個叫咗兩set Beer FlightBeer Flight 係任選四種口味我試香茅 同天山雪蓮未食過天山雪蓮所以唔識comment香茅有香茅味 我接受到 但朋友唔多喜歡另外叫咗fish and chips 同炸雲吞味道唔錯

同好朋友約左好耐話去飲嘢終於成團 呢間又係想去左好耐 最主要都係因為佢個名「何蘭正」 我承認個人比較俗 最鍾意啲玩食字諧音 同粗口有關係既野 行中環啲斜路行到死死下 終於行到上蘇豪區卑利街 星期日夜晚7點未算好多客人 去到9點左右啲客人先開始黎 佢既裝修用左好多懷舊既中式家品 有高圓櫈 吊扇 鐵閘 公雞瓷碟等 仲有霓虹燈牌 港式得黎充滿工業風既潮味 「鬼佬涼茶」燈牌位係佢既icon 成日都會響潮人既社交平台見到 係環境有啲黑 睇餐牌嘅時候有啲辛苦 如果有個爉燭仔會比較好 佢有長枱吧枱同埋圓枱 我哋坐高身圓枱嘅高櫈唔係挨凭櫈 坐得耐好攰 店員姐姐好nice主動問我地需唔需要介紹下餐牌上嘅嘢 每枱都會送一碟枝豆佐酒 酒未送到黎已經比我地食哂 食極都唔夠好想嗌多碟呀 Mini burger（$108）一籠有兩小個 分別係龍蝦肉同芝士和牛 個包好鬆軟 和牛係比較出色 20hrs beef cheek pasta w truffle n shiitake 慢煮黑松露牛面珠意粉 （$148） 佢相對比較普通 但啲肉都幾嫩滑 不過因為晚餐時間想食啲飽既野 所以點左餐牌上呢個唯一選擇 酒方面呢度主打本

之前睇過openrice介紹手工啤既餐廳/bar, 見到依間玩gimmick既何蘭正就決心要黎試一試！地點唔算難搵，只係soho區間7仔上少少，不過我發現之前經過咁多次都好似發現唔到佢，可能因為佢開4點。同朋友約左放工過黎happy hour同食飯，黎到7點幾都仲未有太多人，一入去個Leon light 好正地「鬼佬涼茶」四隻字，又係打卡扼like既好地方😂之前睇其他人介紹都知佢除左手工啤之外，野食都幾出色，我地叫左個beer flight可以揀4杯唔同味既啤酒，如果第一次黎既話我都幾recommended。野食我地叫左個crab cake, fish & chips先，因為份量唔多其實唔夠飽，所以後來叫左個french fries。個crab cake真係好食！佢上面有d酸酸地既sauce令人好開胃，感覺似nachos果種。不過得4件兩個人share先夠數！個fish & chips都唔錯，無平日咁炸到成舊都係粉，但份量太少了，感覺唔係幾抵食。French fries既辣粉都幾辣，所以點完佢個醬就好食d, 但佢炸得幾好唔會太油或者太乾身。份量反而ok。下次佢想試佢其他手工啤同野食，好

被網上的報導吸引 也見到instagram很多朋友打卡 所以吸引我前來 何蘭正的名字很逗趣 疑似玩廣東話粗口諧音 裝修玩港式懷舊 sell手工啤酒和小食 所以晚上與朋友一同三人前往 一於試試她的手工啤酒 我點了名為獅子山下的啤酒 peach味 不過不失 女仔比較容易入口的口味 其餘見到有咖啡味 香茅味 太重口味我不敢點 食物方面覺得太少選擇 所以沒有點吃的 但店員有附送枝豆給我們佐酒 另外環境很舒適與朋友來吹下水 chill下還可以的 支持本地創作！

好耐都無同朋友去Happy Hour，係時候要去中環出動下。最近好多foodies都話依間餐廳無論環境同食物都好正，而我梗係湊熱鬧，要黎光臨下。位於soho區的'好L正' - 何蘭正，主力都係賣手工啤酒。佢大部份啲嘢食物都係beer snacks，款式多，而且價錢合理! 依個係Risotto Ball with truffle mayo，內脆外軟，完全係送酒佳品，個truffle 醬好香。點一下、食一口、飲一啖，真係爽YY😝😝

Our team outing was arranged at this place near midlevel. Obviously most people picked here for drinks, but I am more emphasizing on food. For the food, we tried many different dishes like hamburger, pasta, fries, chicken, grilled octopus. I really recommend the grilled octopus, its really delicious and fresh! Must try! Others are creative fusion food but the taste is standard.Regarding the environment, the decorations are quite interesting but it is quite noisy.

相信唔少人都俾呢間餐廳嘅店名吸引，何蘭正 - 只要係香港人，相信都知道係廣東話粗口諧音：Ho L Jeng店名、裝潢風格都充滿香港本土特色，舊式通花鐵閘、霓虹燈、吊扇、呆燈泡、水泥地面、公雞圖案瓷碟等。而我最鐘意就係呢度以中式筷子用餐，刀叉本來就唔太符合我風格，如果鬼佬黎到都要學下揸筷子呢。不過店內環境較昏暗，加上當日落雨，天色唔好，好難拍到清晰嘅照片。印有「正」字嘅餐紙：螢光紅燈都係呢度嘅icon，「鬼佬涼茶」亦即係啤酒。酒吧供應多款來自本地啤酒廠嘅啤酒，例如獅子山啤、門神、少爺麥啤等。此外仲有其他手工啤、紅/白酒，非酒精嘅就只有檸檬汁。小食有十數款，漢堡、炸雲吞、薯條、炸雞等，定價中上，如果一班人飲酒叫幾款share還好。Beer Flight $140/200ml (任選4款)一set四小杯，自選口味，餐牌上由1至12號按酒精濃度顯示，由4%-7%不等。之前未飲過，由店員輕作介紹，最終揀左2、6、7、12號。盤上寫有序號，方便客人分辨。2. Cha Chaan Teng Gose鹹檸啤：青檸檬酸味較啤酒味突出，酸味喺口腔停留，容易入口。6. MilFree Porter：呢款係黑

何蘭正個名太正！好local嘅港式文化，所以草根姐妹決定會一會佢，睇下係咪真係禁 Ho L Jeng😂Soho區有咁多酒吧，要突圍而出的確要花d心思，呢間好明顯係主打港式路線，以粗口諧音做店名的確有gimmick呢間bar最出名嘅打卡位一定係佢個霓虹燈logo"鬼佬涼茶"，係香港人都知即係啤酒，呢個都係其中一個好代表到港式文化嘅本土詞彙除左最搶眼嘅霓虹燈，店內裝修都好具型格去番戲肉，望一望個Menu有咩食先....Single Batch Mango Coriander Wheat Ale（$80／450ml）(Fruity/ Mango/ Orange Peel/ ABV 4.0%/ IBU 10/ Yardley Brothers)去得bar冇理由唔叫番2杯飲下。Menu上面寫晒酒精濃度，大家可以睇番自己能力去揀。草根叫咗比較低濃度嘅酒🍻不過真係平日冇飲開酒，所以半杯就係極限🙈好頭暈😪好眼訓💤雖然呢杯比一般啤酒較少苦澀，但水果味不突出。係學習飲酒嘅過程中，係一個唔錯嘅選擇。Lemon Lime Hop 0.0% ($80)如果有朋友仔要去酒吧又唔飲得酒,其實可以選擇飲呢款檸檬汁🍋

哩排熱氣，去飲翻杯鬼佬涼茶先 ：P 未去到就遠遠見到好搶眼嘅霓虹燈牌寫住「何蘭正」，門口仲擺咗個好懷舊嘅理髮舖燈箱同舊式嘅瓷磚。無諗到下晝4點都會有咁多人落嚟飲翻杯吹吹水。入到去又見到另外一個霓虹燈牌「鬼佬涼茶」，好多嘅擺設同裝修都係中西合璧嘅style，好特別好懷舊。I like it .... - Signature Pale Ale（$80）哩度嘅啤酒標榜係手工啤酒，揀咗哩款啤酒，貪佢有蜜桃味，ummm ... 飲落易入口兼爽口，啲泡好飽滿，時不時仲有陣淡淡嘅蜜桃味，好啱女仔飲。隨啤酒附送枝豆一份俾你送酒，好貼心啊！Happy Ending ！

這日happy hour來到Soho的「何蘭正」。這酒吧走懷舊老香港風格的同時又帶點中西fusion元素，氣氛輕鬆隨意。其中最搶眼的影相位就是這「鬼佬涼茶」的霓虹牌。「何蘭正」主打香港本地手工啤酒。本地釀製生啤選擇就有約10款。另外亦有廿多款來自世界各地的瓶裝啤酒。啤酒選擇多之餘亦按酒精度、IBU苦澀度及品牌等分類得相當仔細。除了啤酒，亦有數款雞尾酒、紅白酒等選擇。不過既然「何蘭正」主打手工啤酒，我們當然就選啤酒。大家分別選了2款本地生啤。我的是Oh，Bacon! Ale ($80)，由香港的品牌黑鳶釀製。琥珀金色的啤酒，帶點煙燻香。入口麥香突出，不算太苦澀。雖然沒有了預期的煙肉味，整體來說頗討好。朋友選的淡金黃色生啤，是由本地麥氏釀酒廠出品的Lemongrass IPA ($80)。我嚐了一口，味道清香，香茅香淡淡，不錯。這裡點啤酒，會送上免費的枝豆作為佐酒小食。另外我們再從食物menu選了數款小食。當中Ho L Jeng crispy chicken ($92)是我們最喜歡的。炸雞炸得皮香脆、而肉仍juicy，就算不蘸附上的甜辣醬汁已經很好吃。微微香辣的炸雞配杯冰涼啤酒，感覺的確很

I opened an account on Open Rice just to say avoid this place at all cost. Beer: fineService: non existent I've never seen anything this bad in my life. Maybe 5 staff maybe 5 customers. Staff on their phones. One asleep on the bar. I had to go behind the counter myself to get somebody to take an order. Forget food. I never got that far and it's been 1 hour.

何蘭正聽個名就知佢「何蘭正」啦，正既係環境，飲野傾計 feel so goodhomemade beer 幾吸引，仲有個叫beer flight 既item 比你揀，意思係$140/4 小杯，看上去都不少，任選4款，有12款你揀，朋友都大讚咖啡味既啤酒好飲，可惜本人係唔飲啤酒，但都試了一口，喜歡咖啡的理應喜歡這個似黑啤既啤酒。另外要讚吓個淮鹽枝豆，通常酒吧小食都不太健康，但呢度好特別，味道很不錯，不少人還加點甜品tiramisu 賣相不俗，乾橙皮伴著，不喜甜點既我都被吸引了

This place is a hidden gem in Soho. I wonder why not many people visiting this place. The mix of HK and western style interior setting is pretty cool. They offer a wide variety of beer and delicious snacks. My friend and I got french fries and beer. French fries are soft heart with crispy skin and coupled with tasty sauce. Beer is not exciting but still fine.It's a good place to chill after work.