更多
2018-05-02
15304 瀏覽
身為張敬軒嘅超級歌迷捧偶像場係必需,男朋友都好細心係呢度幫我慶祝生日😆期待左一個半月,懷住好緊張嘅心情希望一睹偶像嘅真面目之餘,可以同佢影一張合照😂🏆🎻🎺無論係環境同專業唱歌表演都融入左我最鍾意嘅懷舊元素💓配合傳統法國菜,眼見咁豪華嘅水晶燈、玻璃天窗加咁浪漫嘅環境。喺門口已經感覺到一股藝術嘅氣息無論係裝修擺設入面嘅環境都一絲不苟,天花上面嘅水晶燈靚到令人窒息,舞台嘅表演者演出都係滿分!我自己係好鍾意呢一種懷舊嘅氣息,基本上成餐飯值得影相嘅地方實在太多!食物方面講真。。都希望同偶像講一句要好好改善一下呢度嘅食材。。一開始嘅麵包開咗個好靚嘅頭~麵包溫度啱啱好而且好軟熟,最正係個舊高級嘅牛油,我冇記錯應該係有少少蒜蓉係入邊。"Amuse bouche"前菜係番茄雪葩,味道上面屬於酸酸甜甜有微微嘅蕃茄味,但我身為一個女士認為呢一個凍冰冰嘅雪萉放係前菜好唔貼心。。加上餐廳嘅溫度都頗凍,食完唔覺得開胃好似食緊一舊蕃茄冰咁。。😞伴碟好靚,帶子味道係好食嘅,但最敗筆係上面兩個紅菜頭片。。有啲酸酸地同嘅帶子味道一啲都唔夾。睇Menu見到係Black truffle同鵝肝,等我滿心歡喜嘅時候佢上左一碟黑松
🏆🎻🎺無論係環境同專業唱歌表演都融入左我最鍾意嘅懷舊元素💓配合傳統法國菜,眼見咁豪華嘅水晶燈、玻璃天窗加咁浪漫嘅環境。
喺門口已經感覺到一股藝術嘅氣息無論係裝修擺設入面嘅環境都一絲不苟,天花上面嘅水晶燈靚到令人窒息,舞台嘅表演者演出都係滿分!我自己係好鍾意呢一種懷舊嘅氣息,基本上成餐飯值得影相嘅地方實在太多!
食物方面講真。。都希望同偶像講一句要好好改善一下呢度嘅食材。。
一開始嘅麵包開咗個好靚嘅頭~麵包溫度啱啱好而且好軟熟,最正係個舊高級嘅牛油,我冇記錯應該係有少少蒜蓉係入邊。
"Amuse bouche"
前菜係番茄雪葩,味道上面屬於酸酸甜甜有微微嘅蕃茄味,但我身為一個女士認為呢一個凍冰冰嘅雪萉放係前菜好唔貼心。。加上餐廳嘅溫度都頗凍,食完唔覺得開胃好似食緊一舊蕃茄冰咁。。😞
伴碟好靚,帶子味道係好食嘅,但最敗筆係上面兩個紅菜頭片。。有啲酸酸地同嘅帶子味道一啲都唔夾。
睇Menu見到係Black truffle同鵝肝,等我滿心歡喜嘅時候佢上左一碟黑松露鴨肝通心粉。。原來係將黑松露同鴨肝醬釀埋一齊。。出面嘅意粉咬口好硬(我明白傳統嘅法國意粉其實口感都硬)但入面嘅配料真係令我有啲失望,完全食唔出鴨肝同黑松露嘅香味。。好似食緊一劈醬。。
主菜係羊柳加法式雲吞,我夠膽講個牛柳係一啲味都冇😔
反而甜品比主菜出色好多,尤其係個朱古力味道香濃而且又唔同嘅質感。
順帶一提我眼見呢度好多客人都係以慶祝生日為主,我之前去過好多高級嘅餐廳食完飯都會有專人幫每台客人影完即print相,甚至乎連埋當日嘅Menu,呢一個舉動對我黎講係好窩心我自己都好鍾意收集,如果有嘅話我相信食客會食得更加開心同難忘。
即使係咁呢一餐生日飯依然食得開心,依然有一個美好嘅回憶,我亦都願意搵一日過嚟試一試佢嘅lunch😆希望到時食物質素可以有所提高🤣
張貼