仙后餐廳 (已結業)

記憶會褪去唯味覺猶新對於一間餐廳的好壞全靠味蕾指引有好些人說不喜歡仙后覺得味道普普嚐過後我認為其實不俗只是他比較法式，不是大眾的港式喜好- 一場味蕾之旅由酸酸甜甜的醃魷魚牛油果雞心豆醬掀起序幕魷魚🦑qq的 沾上汁醬很開胃沙律🥗的雞件是slow cook的嫩法式豬肉批覺得很讚🥰但它是偏內臟味的不會腥跟膩❤️湯品清清的把纖維都濾掉（有點時日了忘了材料😛）- 有點特別是有德國的Spaetzle 小小的很有嚼勁creamy的黑松露跟它很搭- 甜品部分不會很甜然後做的很有特色荔枝蛋白酥外型很討喜千層酥鬆脆的想要再吃一次我是挺喜歡這裡的細心場地來說比我想像中小跟不是很好拍但廁所很精緻🥰整體不錯～ 報告完畢

環境設計好有心思，很有氣質嘅設計。餐廳中間嘅花花樹好靚，不過好難過去影相留念，因為樹旁邊有其他客人用膳，也不好意思打擾到別人，只能遠觀。。藝術性很高嘅甜品，樹枝係朱古力餅，蝴蝶同花都食得嘅，不過冇乜味，口感好似紙咁😂幾得意。底層綠色嘅係綠茶蛋糕。。甜點層。中層鹹點全部食物都很有設計，精緻，靚。影相，打卡一流。賣相滿分，味道可以改善，味道唔夠鮮明突出，我食完全部食物，如果有一件係令我有特別深刻印象，好食到要懷念嘅話就更好了。。因為普遍去食tea set，都會有一兩件小點心，會覺得超好味，好食到要encore嘅感覺。希望下次黎可以感受到🥰。

十一假期嘅最後一日，到仙后餐廳食Lunch，都唔算難book，我係5日前上網book嘅。 環境的確係美輪美奐。因為Full House嘅關係，唔好意思周圍影相，只係影咗個天花。佢啲檯都幾密。食物方面，我哋每人叫咗個Set Lunch (連湯同甜品)，仲叫咗4隻生蠔。生蠔，正正常常，冇咩特別。湯，唔記得係薯仔湯定椰菜花湯。包，反而麵包好味，食到有少少酸，唔知係唔係sourdough嘅原因。前菜，Burrata Cheese, Parma Ham 同無花果，咸之中有無花果嘅甜，都幾夾幾好食。朋友個紅菜頭他他幾靚。主菜，我叫咗魔鬼魚。朋友叫咗牛肉批同埋青口薯條。個牛肉批，附有一碟菜，呢個價位嘅餐廳，我Expect 侍應會講下點食，事實上冇，可能因為食法冇特別，碟菜純粹擺盤。甜品，我哋叫咗千層酥，都正常好味。食物質素正常，冇啲咩係非常好食。是次用餐非常趕，基本上一食完，侍應即刻收碟就嚟下一碟，呢點我係唔鍾意嘅。同埋侍應其實冇同客人有咩交流，冇介紹菜式，連我哋搵廁所都冇人理。咁嘅價位，我覺得個Service 係Fail. 埋單每人$500幾，雖然唔係好貴，但唔值，第一次嚟當睇裝修，唔會再嚟。

呢間餐廳係張敬軒開幻想過嚟食飯會唔會見到老闆返嚟唱兩嘴好喜歡佢 但可惜冇啦～一路都好想嚟呢度 可能還是疫情期間今晚比我即興book到枱 據聞平時係好難book 呢餐廳分為兩個 Area 本來係去咗門口轉左手邊比較光嘅卡位就好OK 但係走廊其他嘅位就好細張我同朋友自己帶咗兩支酒開瓶費每支$500 咁有個小原因 同經理講 extra $1000開瓶費張枱 放四杯酒 加食物好逼request 可否坐另外一邊經理幫我哋調去另一邊係有舞台 係四個人嘅枱 隔離有位置可以放手袋（呢邊無論情調同埋成個華麗感覺都係靚好多）但絕對需要提早預約～～今次真係急咗少少 ～～相信有歌手喺正前面唱歌都真係好特別不過唔知係真係歌手定係請返黎嘅歌手始終疫情一日未走餐廳都未必回復到正常運作今晚點左四個appetiser頭兩個portion好少所以後邊再叫多兩個法式香蒜牛油田螺 $190 有六粒🐌🐌🐌🐌🐌🐌熱辣辣上碟 OK啦但冇乜特別蒜香田雞腿配香草蛋糕 $240🐸呢個係好西式嘅做法 好似都係六隻腿可能要擺放decoration食落口已經變咗係微暖 味道OK不過旁邊嘅凍冰冰蛋糕就冇乜點幫襯牛肉他他配青醬$240🐂味道唔錯

我地果日食dinner，叫左左2個set 再加左一個龍蝦帶子批意粉，首先，個set頭盤我地食burrata cheese with parma ham 同 nicoise salad，冇咩特別好講，普普通通，parma ham只有一片的湯係白洋蔥湯來的，我個人麻麻地洋蔥，如果你ok洋蔥應該會中意到主菜我地一個牛柳一個雞胸，雞不太滑真係好雞胸的，用料很普通，到牛柳都是很普通，個汁冇咩特別，我都食唔晒份牛加左個龍蝦帶子批意粉，呢個完全俾佢個名呃咗，佢係啲龍蝦碎同帶子碎加啲蔥粒係個蒸蛋入面，而且個意粉好細碟，$380唔知係值係食龍蝦帶子定係意粉？ 應該係值係餐廳打卡果到，同埋個批一啲都唔好食我覺得成個餐最好食就係啲薯條去到最後個甜品，明明係我男朋友生日，佢將個Happy birthday寫去我個甜品度，我覺得呢樣野係最過分，明明我Booking嗰個係女仔，呢個level餐廳點解可以咁都搞得錯🤦🏽‍♀️ 嗰個無花果配雲呢拿雪糕，夠無花果就暖暖地，隔離放舊雪糕，成個配搭唔知咩事我地$23xx埋單，但係呢個價錢喺出邊同level嘅西餐廳，人哋一定好食好多，呢間野想試好耐，但係真係好失望，差！

特登預早一個月book下午茶。今次做嘅主題係蝴蝶，侍應介紹翻靈感係取材自張敬軒薄扶林大宅。一入到去先後餐廳，裝修好瑰麗堂皇，係十分之適合影相打卡用嘅。有一棵好靚嘅假玫瑰花樹適合影相。洗手間都好靚。今次去食下午茶叫咗一支still Water，埋單900幾。甜品嗰個唧花好靚，十分精緻。整體來講，咸點做得好少少。啲甜品個味道冇乜特色，十分之普通，而且味道偏甜。鹹點有蟹肉三文魚子餅乾，呢啲都係好食嘅。依個係蝴蝶花樹，棵樹嘅樹枝係用類似百力支餅乾做嘅，下面係綠茶慕士，都係一個用嚟影相就好，食就麻麻哋嘅甜品。下午茶有大量蝴蝶形狀嘅擺設。叫咗一杯拿鐵，味道還可以啦。呢度嘅下午茶來講，價錢係比起酒店貴嘅，我覺得可以試一次同埋影吓相，但係就真係冇乜特色囉。順帶一提，張敬軒已經退出咗佢係呢間餐廳嘅所有股份，所以食品上嘅監督，唔係由張生主理既。

小編同閨中密友一同慶祝生日月😀一枱難求在後補第二終於有枱！在電話reconfirm table 及取枱時從未有説明有用餐限時，我們在12:15準時到達，食至差唔多14:15 就有侍應提醒要在14:45前走，又在14:30分左右又提一次，不過我們在14:40分就走！當時還有很多客人都未走，眼見侍應們也好努力去提醒客人用餐時間！要有咁好控制範圍，不防在訂枱及reconfirm 時也提提客人呀🤣也可能餐廳裝修過分華麗有好多客人都掛住影相，侍應們都習以為常不會主動幫忙！就算客人有要求他們都好似機械人一樣影咗一張就俾返個手提電話比客人，看得出他們已經好累🤣笑料說完，有待進步🤣🤣🤣加錢有頭盤食原來加70幾蚊就係比罐頭油浸吞拿魚你食😂濃濃密密充滿牛奶味嘅湯😋，但係侍應冇介紹到係咩湯喎我呢就揀咗豬肉腸，味道唔錯而且腸衣脆口內裏夠實淨😋😋，只係響啲薯蓉加咗太多芝士，覺得比較有點滯口，所以係食唔晒嘅！朋友就揀咗牛肉批點知原來個批係擺喺個焗盤裏，面頭係好香牛油味同鬆脆嘅，但食到去底嗰度就見到有好多牛油用晒係個底，完全係嚇到個心離一離，唔使咁多牛油呀嘛👎🏻好彩到咗甜品就加返好多分啦，當然啦呢一個都係要加錢㗎！

Step into the revolving door and it teleports you back to the good old European days with the vintage design and the exquisite decorated stained glass ceiling.  Overall the food is on the briny side but they are definitely tasty.Appetizer - the crispy pork confit went well with the yogurt dressing and the poached egg added an extra flavor to it; Soup - the cauliflower soup was rich and creamy which I liked it a lot; Main - the beef parmentier and toulouse sausage were slightly briny for my taste

今日係我老公帶我去慶祝一週年的日子，我唔知道佢帶我去邊間餐廳，但竟然擇左我好耐之前提過佢地有小皇子Tea Set(雖然完左好耐😂😂）既仙后餐廳。一坐低就有一張Menu在枱面，選擇唔多，所以都係叫左套餐，再加兩個小食在我地擇完水再過左幾分鐘後就有位女侍應，同我地介紹餐牌同酒水，感覺到個位同事傾餐牌可以的，不過幾抗拒同我地傾關於酒的安排（例如單點或支裝），不過到最後我地點左佢推介既house champagne同一杯我曾經飲過唔難入口既紅酒。其實我覺得Menu背後嘅設計幾好，但都未睇到已經在點完餐就收左，我太慢了😔在位侍酒師倒緊酒既時候都有種好急既感覺，好似想快d倒完就走，在用餐中途佢都有不停咁幫我地refill 酒，在其中一次，都有問過下問題，但好似都唔係好想點解答，只係想急急咁講完就走，又或者只係我錯覺🤔其實兩個前菜其實用料好好，味道都唔差的，但我地都唔係太明白點解要落咁多橄欖油，好似沉住個前菜，個菜一落枱都有個女仔拎住支黑胡椒問我地要唔要？👍🏻跟住到呢兩款前菜，冇咩驚喜，不過不失🤓在上湯前，我問左一問個女仔，應該係散工，我問點解隔離枱有個包？跟住先發現原來冇俾到我地😅個湯係我咁多個菜

1）服務質素差 Waitress 做嘢無heart, 為做而做 無人唱歌2）食物質素一般，但係好貴 啲麵包續件夾比你，好似坐監派飯咁 仲要兩個人得一碟牛油. 茶餐廳都豪過佢.絕對唔會有下次

環境🌟🌟🌟🌟🌟食物🌟🌟🌟🌟服務🌟🌟🌟🌟🌟 重要：一定一定要提早book‼️//因為女朋友生日，一直都好想黎呢到打卡，所以提早差不多一個月上網book位，但依加疫情原因，早幾日都book到。//因為疫情停左live band同埋無再分貴啲個區，所以早book位會安排你坐去貴啲果個區域，真係靚好多，對正個空舞台和係個水晶燈下面，反光有啲彩虹🌈//野飲方面：睇你係咪飲紅白酒啦，因為house red or house white一支有65折優惠，抵好多。佢地一杯都150蚊，兩個人都飲一定叫一支抵飲既，所以我地叫左一支白酒都差啲飲唔晒//野食方面，我地都叫個set dinner 6xx一位，有4個course,比起散叫抵食好多既我覺得main course果雞胸幾出色，一來好多種配料，食落口感好豐富和一啲都唔乾。而牛柳就一般，啲肉有啲散//甜品方面，叫左一個蛋白霜和拿破崙。如果慶祝生日一定要提早同餐廳講，佢地會幫你寫happy birthday 和點蠟燭🕯️//總括然而：✅ 環境氣氛都一流，適合影相打卡 ps.廁所一定要打卡✅ 好適合慶祝生日或者紀念日✅ affordable luxury 適合大

昨日女職員已打電話來confirme 我的booking,我預定的沙發位，今日幫朋友慶生，來到才告知沒有沙發，沒有解釋沒有道歉，並且令我覺得是我的錯我野蠻，我并沒有大吵大鬧只是講道理也不可以嗎？由於已是食飯時間臨時去其他餐廳已不可能有位，我們只好生著氣食少少走人，可能你們餐廳覺得少了我們兩位客人無所謂，但是這真的對我們來說很糟糕👎你們的錯為什麼要我埋單？我從未去過服務如此之差的餐廳，當然以後也不會幫襯，必竟貼錢買難受，一次已經夠了！

🥰慕名而來🦩睇吓見唔見到明星？疫情期間，終於比較容易網上訂位，今次專登揀平日晏晝食lunch，希望唔好咁多人，保持距離去到門口，非常華麗，不過入到去，就好似比較殘舊，唔知係懷舊feel, 定本身真係折舊左Anyway, 叫咗兩個set lunch，首先個餐湯係薯仔忌廉湯，跟兩個餐包，個湯就比較hea，完全冇乜味，個包比較硬，又唔熱，真係比較失望到主菜係，忌廉青口，煮到啱啱好，半生熟咁，呢個比較鮮味好似係活青口咁，佢餐牌又冇講藜麥沙律配煎三文魚，呢個都幾驚喜，三文魚外脆內軟，感覺比較複雜仲有加咗兩個甜品，超好食，千層酥皮，非常多層次，又大件，十分滿足另外一個係Crème brûlée, 入面仲多咗酸微微嘅Berry，份外醒神，必食

懷舊法國菜，回味六十年代的時尚位於灣仔胡忠大廈的仙后餐廳，由開業以來都想試食! 終於得償所願，吃了一個Lunch Set，味覺和視覺都相當滿足! 仙后餐廳由歌手張敬軒主理投資，設計風格都相當有心思，將六七十年代的懷舊風呈現眼前，彩色玻璃穹頂、水晶吊燈、華麗窗簾、萬紫千紅的花樹、古舊鋼琴及舞台，彷如時光倒流，復古味十足! 簡單說過裝潢，接下來的法國菜亦相當驚喜!前菜:薯仔沙律配煙三文魚、脆薯片及九芽菜沙律擺設得很精緻，材料新鮮清甜! 煙三文魚夠味又唔會好咸，配沙律最夾! 是日餐湯:薯仔湯 湯好香濃，食得出好多材料Blend埋一齊!主菜1: 黑毛豬梅頭肉配法式燴雜菜同樣擺盤真係好有心思，靚到都唔想整爛佢XD 黑毛豬好嫩，但亦有少少較口，應該都係慢煮完再煎封表面，火喉剛好!主菜2: 白汁煮法國藍青口配炸薯條個白汁好無輸，真係好濃細滑，藍青口新鮮，好鮮甜，唔會煮到老，超易入口!薯條都係粗身，外脆內軟法式車厘子燉蛋最後食埋甜品，其實都係焦糖燉蛋，因為加左酸酸的車厘子，就唔會覺得膩，仲愈食愈想食落去!

估唔到第一次黎仙后餐廳食環境，裝修，服務，食物一流$190/4隻新鮮肥美生蠔前菜流心溫泉蛋配豬腩肉紅菜頭沙律好健康好惹味好吸引椰菜花忌廉湯好好飲超級好飲薯條脆炸熱辣辣好好食碟青口好多隻好抵食好美味德國腸配薯蓉 侍應服務一流，會不斷過嚟refill水我不斷打卡叫侍應幫我影相佢哋都冇嫌我煩^_^一路食飯一路會聽到好懷舊嘅音樂好啱大家帶年紀大嘅爸爸媽媽或者長輩嚟食飯估唔到灣仔有間咁有情調嘅餐廳已經急不及待約咗閨蜜月尾嚟嘗試佢哋嘅下午茶😘😘