五要素食堂 (已結業)

今日同朋友喺呢個商場行街行到一半都肚餓喇 見佢午餐唔貴就決定係呢間餐廳食飯呢間餐廳嘅風格都幾休閒，簡單嘅水泥牆身配木製嘅餐枱叫咗兩個午餐朋友就揀咗燒美國黑毛和牛丼，我就揀咗個火腿蘑菇薄餅佢午餐有跟配濃厚男爵薯仔沙律同自製洋蔥湯，淨係呢兩個前菜都令我地好滿意。 我本身就好鐘意食薯仔所以個沙律真係啱晒我口味，食到粒粒薯仔，而且唔係重重沙律醬張口個種，好味。 洋蔥湯清香，飲落少少辣味，比起成日飲忌廉湯，呢個洋蔥湯更啱我口味！朋友個黑毛和牛丼一上檯，滿滿牛肉佈滿飯碗，開頭擔心d牛肉睇起嚟唔係好多油脂，驚會好乾同鞋，點知一啲都唔會，食落唔係重油脂，但就好有牛味，而且口感唔會乾，配埋少少炸蒜，更香，連飯上面嘅醬汁都好好味，覺得有少少後悔無跟佢點呢個餐，太好味。好彩我個餐一啲都唔輸蝕，薄餅熱辣辣送上，類似手拉薄餅，批底薄薄地又唔會太脆，反而有啲煙韌口感又唔會太厚。上面嘅茄汁醬好有意式風味唔係嗰種好甜茄汁味道，上面嘅芝士烤到非常熱同埋嫩口，香口再配埋蘑菇同火腿，兩個人話咁快就食曬個pizza整體食物質素非常令人滿意，絕對納入我哋再嚟尖沙咀時嘅餐廳選擇之一。

無意中search到呢間餐廳，之前一直冇留意到the one有間咁嘅fusion餐廳。午餐去到1630，$78起，按款式加錢，包洋蔥湯同薯仔沙律，飲品需要加錢。午餐款式都多，有飯有意粉有薯條有pizza。套餐的洋蔥湯，睇落好油咁但飲落ok的。薯仔沙律，面頭有啲芝士粉薯仔有啲稀和牛+牛舌丼有驚喜，牛舌好爽口，冇乜筋唔會咬唔到，有8舊左右。和牛都幾香，有4塊，幾大塊，夠軟熟。個汁甜甜地，幾夾。加配小食巴馬臣蒜牛油雞翼面頭啲芝士粉超濃，都好多蒜香粉係面，都幾牛油香，皮脆卜卜，雞翼幾大隻多肉juicy風乾豬面肉蕃茄手作意粉汁偏酸，豬面肉超鞋又乾又硬，唔係好咬到。意粉似係兩條長通粉痴埋咁，唔似平時啲手作意粉咁爽口彈牙。檸檬胡椒薯條配特製醬特製醬類似酸忌廉，都幾濃另外都真係好檸檬同胡椒午餐比想像中大份同抵食，啲野食都大份，最後食到超飽想打包。另外食物全部即整，有心理準備要時間等候，呢日去得3-4枱客，都要整15-20分鐘，真係逐樣野整。淨係計牛舌和牛丼絕對正評，但拉埋其他就中等。服務唔錯，冇叫飲品，飲晒成支玻璃樽水，店員都好樂意換。

今日去咗尖沙咀行街，喺The One見到一間日式餐廳，門口餐牌非常吸引即刻入去試吓。Fifth Element Shokudo 地址喺The One商場3樓308號舖。餐廳裝修非常整潔，感覺非常舒適。餐廳係用QR code自行落單，感覺方便。浜松名物牡蠣井128元 牡蠣味道非常鮮甜，鮮味十足，一口吃下鮮味在嘴裏停留。紫菜份量都好多用嚟送飯真係一流。自家咖喱黑毛和牛飯配溫泉玉子 118 元賣相非常吸引，和牛嘅份量都好多，而且仲係好鮮嫩，入口食到濃濃嘅牛肉香味，肉質非常嫩滑，加上係厚切好有口感，咖喱汁唔會辣，味道香濃，將溫泉蛋加上牛肉一齊食味道層次更加豐富，真係好好食。巴馬臣蒜牛油雞翼 60元 雞翼煎到金黃色，蒜蓉非常入味，咬落去雞翼保留到肉汁，雞肉肉質嫩滑，好有水準。Iced strawberry latte 42元真係好味，加上清新嘅士多啤梨味，賣相又吸引味道又清新，值得推介。

朋友說這店的燒美國黑毛和牛丼不錯，這天就來一試。一行二人，點了兩客午餐。除了點了和牛丼，還點了夏威夷薄餅。每客午餐包括自家日式洋蔥湯、濃厚男爵薯仔沙律和主食。洋蔥湯：黑胡椒的味道重了一點。沙律：一向不太喜歡薯仔沙律，但這沙律挺好吃的，有驚喜。燒美國黑毛和牛丼：上面有四五片薄燒黑毛和牛，牛味足，味道好，下面的是日本珍珠米，飯粒飽滿，好吃。夏威夷薄餅9‘’：這薄餅令我們非常失望！吃薄批，我們喜愛脆脆的批底，但這薄餅的批底又濕又軟，不香不脆，一點也不好吃，不知道這是不是日式薄餅的特色，結果我們只吃了一半就沒吃了。另外想一提的是，我們點的是兩客午餐，應該有兩碗洋蔥湯和兩碗沙律，但侍應只給了我們湯和沙律各一，我問一個男侍應，他竟然告訴我薄餅午餐不包括湯和沙律，幸好另一女店員聽到了，立即為我們補上。我覺得作為侍應，沒可能連午餐包括湯和沙律也不知道！

The One 呢間Fifth Element Shokudo成日見到佢openrice都好高位置，一於試下佢！佢比我感覺係沖繩feel,waiter 都係外國人, 要同佢地講英文~日西fusion 永遠都係簡單又美味既配搭，見menu都覺得吸引，又多款式，丼飯，沙律，pizza，意粉乜都有～我地兩個人唔太肚餓就叫左美國黑毛和牛沙津同蟹肉手打意粉。Matcha Latte蟹肉手打意粉：手打意粉軟硬適中，依加出街食開手打意粉已經唔想再食ｄ普通意粉了，因為呢種意粉先食得出屋企整唔到既味道。美國黑毛和牛沙津：比起一般餐廳後講，佢牛肉比好多片，個份量對女仔黎講係可以以正餐黎食得飽肚，而唔係一個前菜。蒜片黑毛和牛好香，色香味俱全～火箭菜同沙津菜都有，加上佢用olive oil調較好個汁，愈食愈開胃！ 

同男朋友行街見到呢間 Fifth Element Shokudo，見到佢menu好似係食日式x美式食野，都幾吸引，同埋我見到有我岩食既野！（最近生酮唔可以食碳水化合物），呢度有我想要既肉同菜～岩晒我！呢度QR code下單, 幾方便～大大支水比大家飲～我叫左美國黑毛和牛沙津，男朋友叫左蟹肉手打意粉。先黎既係我個美國黑毛和牛沙津，好香，上面有幾粒蒜片點綴，賣相好好～黑毛和牛肥瘦適中，肉味濃，而沙津佢用左火箭菜，好有fusion 感覺，應該係沖繩菜的特色吧～我大力推薦比生酮人仕！我地生酮成日出街都唔知食咩，好多又貴又唔岩食。呢個美國黑毛和牛沙津我覺得好好！如果真係嚴酮可以走汁，但我呢ｄ唔係嚴酮覺得又美味又抵食，同行人士又可以食佢地想食既碳水化合物～蟹肉手打意粉黎到好香，熱辣辣，男朋友話食得出佢手打意粉做得幾好，亦炒得岩岩好，唔會太硬或太淋，可惜我就只可以望住佢食了。下次要試下甜品～

尖沙咀食店多，今日就腳黎左尖沙咀某商場入面既fifth element食晚飯餐廳環境舒適，光猛而且座位都舒服。餐牌雖然選擇唔多，不過美食貴精不貴多，今次選擇左咖哩黑毛和牛飯配溫泉玉子同美國黑毛和牛丼。黑毛和牛肉質嫩口，而且有牛肉既香味，又一啲都唔鞋口，食落去仲好juicy!咖哩香而不辛，配飯食就一流！另外仲點左一客檸檬胡椒薯條，份量超多，而且即炸，脆卜卜，配上少少酸酸地既檸檬胡椒粉份外惹味，食唔停口～

今日約左朋友去尖沙咀食晚餐，由於落大雨既關係，所以選擇左近近地係商場入面既呢間日式餐廳。餐廳提供手作pizza, 牛丼飯，手打意粉同創意輕食。最後是地二人太肚餓既關係，選擇左咖哩黑毛和牛飯配溫泉玉子 和 美國黑毛和牛丼。估唔到黑毛和牛幾有驚喜，食落口似牛舌甘滑嫩，咬落啖啖肉，牛肉份量都唔少。之後點左檸檬胡椒薯條，大大份，薯條面灑左胡椒檸檬既味粉，唔太酸，好開胃！有機會下次會試埋佢既自家製pizza,聽職員講係發酵左24小時面粉手工製作的。

呢間餐廳位於The One商場入面，地點當然方便，行完街就可以去食嘢食完嘢樓下仲有甜品同埋珍珠奶茶所以我特別鍾意過嚟呢個呢個商場，早一星期先食完越南河粉今日就試新嘢，西式嘅日本餐廳呢度落單係用QR code非常方便落完單之後仲可以睇返自己叫咗啲乜成張單嘅價錢日本A4牛匠岩手和牛沙律 188元 ,和牛嘅份量都算好多,望落去肉質非常鮮嫩,和牛牛肉味非常香濃而且重好多肉汁,香氣撲鼻,最適合鍾意食牛肉嘅我,完全可以食到牛肉嘅鮮味,牛肉同埋脂肪嘅比例非常均勻，配沙律菜食帶出一份清新嘅口感整體味道非常配合,好好食 😋健康之選愛知大葉燒雞肉丼 青森溫泉玉子 88元 人氣推介,雞肉肉質非常嫩滑,而且份量都好多,將温泉蛋蛋汁沾上雞肉食,多一份香甜嘅感覺,而且味道層次更加豐富,最重要每粒飯都食到雞肉同雞蛋嘅香味,配埋紫菜一齊更加惹味,無論口感同味道都做得好出色，仲要熱辣辣好值得推介

The One商場出名多餐廳，每上一層喺電梯都見到唔同種類嘅餐廳，喺呢個商場食完嘢仲可以行埋街非常方便疫情之後仲好多店舖執咗，亦有好多店舖新開呢間新開嘅日式餐廳價錢非常合理而且選擇咗好多淨係Pizza嘅款式都已經超過十幾款今日我揀咗堂食望出出邊亦都好多人等叫外賣坐低最值得一讚嘅就係環境非常衛生每個人都有屬於自己嘅口罩套同洗手液安全又衛生而且職員仲非常有善， 感覺良好和牛溫泉蛋丼份量都算多，和牛非常厚身而且仲有好多片味道香濃有好濃郁嘅牛肉味肉質又夠嫩滑巴馬臣蒜牛油雞翼$60望到個樣就知道做得非常好蒜蓉嘅香味夠突出外皮炸到脆脆地好好食最重要係入面嘅雞肉完全唔乾身性價比非常高Iced strawberry latte $42 平時飲開朱古力味嘅latte😄今次就試吓人氣打卡之選嘅士多啤梨Latte😊有非常香濃嘅士多啤梨味😀加上牛奶同埋忌廉😆外觀非常吸引👍🏻仲有淡淡果肉☺️味道極有層次感😁用新鮮嘅士多啤梨加上微糖打成嘅沙冰，😁咁炎熱嘅天氣飲一啖涼浸浸嘅飲品真係好舒服

今日黎到the one 嘅Fifth Element Shokudo，這家的餐牌相當吸引，每次經過都會留意到日本丼飯❤️而且還有牛舌的選擇！今日就嚟試吓。❤️熟成厚切牛舌丼 配青森溫泉玉子 HKD 98 (+18 跟餐配濃厚男爵薯仔沙律，日式洋蔥湯）- 洋蔥湯十分香，薯仔沙律也不錯，跟餐性價比高！主菜牛舌丼賣相相當不錯！牛舌是厚切的，吃下去口感有彈性，十分juicy! 很高質！玉子蛋味不錯，飯有不同的配菜，配上醬汁，好像加了牛油，醬汁偏濃，我比較喜愛少醬汁的飯。❤️靜岡燒姜綠茶 HKD 28 - 今日唔想飲咖啡，所以就試吓呢個特別嘅茶，姜味香又不過濃，不錯。這家店還有很多不同款式的食物，如手打意粉，黑毛和牛丼，味噌麵團薄餅都很吸引，下次一定會再光顧。座位舒適和服務很不錯。

位置極佳，適合逛街後稍作休息，也是在The One午餐的經濟首選！甜品賣相不錯，很適合閨蜜約會，店內坐得舒服，服務都很殷勤，店員會及時根據餐點更換餐具。我們叫了兩款甜品，蘋果窩夫窩夫及香蕉蛋糕，睇相覺得好治癒，只係一個簡單嘅下午茶，所以沒有叫主食，不過見到其他檯的食物，出品也似乎不錯👌全部都等了超過二十分鐘，看來甜品師是即時製作的，窩夫香脆，cream 也十分順滑，搭配得宜！推薦試窩夫，賣相及味道都不錯👌

尖沙咀和風洋食簡約工業風裝潢 ▫️美國黑毛和牛丼青森溫泉玉子牛肉煎到脆邊，仲保持到肉汁口感嫩滑，肉質唔會韌拌埋流心蛋同香口炸蒜一啖入口大滿足～ 主菜可加$18配湯同沙律 🧅🥗日式洋蔥湯，洋蔥嘅甜味好突出但可以再濃郁點薯仔沙律口感不會很蓉爛，份量剛好

疫情之後都好耐冇出過尖沙咀行街今日行過發現好多店舖都換咗呢間新開嘅日式餐廳 價錢合理 選擇亦都夠多於是就同朋友試一試啦佢嘅格局比較開陽 所以喺門外都可以望到餐廳入邊嘅 餐廳係行日式西餐嘅風格入到去店員就會俾個QR code你然後自己掃QR code落餐佢有日式嘅丼飯有西式嘅意粉或者Pizza依家錢可以轉做套餐有餐湯同埋沙律先上嘅係Pizza我哋揀咗馬格麗塔pizza揀咗個細嘅九吋但其實上枱望落去都唔細如果兩個人share就啱啱好 個Pizza底仲係脆嘅 上面鋪滿左茄汁但又唔會太酸 粒蕃茄仔係Juice嘅 一咬落去會爆汁每一片pizza都有忌廉芝士 而家Pizza邊咬落去係外脆內煙靭嘅 難怪係日本元組店推介然後再叫咗個美國黑毛和牛丼整個飯total有6塊和牛亦都有啲沙律菜個飯個汁好特別 燒汁之餘又會甜甜地咁啲和牛係好淋嘅 望到佢唔係全熟 而係有少少紅紅地咁 咬落去好大浸牛油嘅香味跟餐嘅係薯仔沙律 入邊有啲青瓜片食落去都幾清新呢個湯係好特別係洋蔥湯 唔係普通嘅麵豉湯個湯飲落去亦都係有少少甜甜地嘅洋蔥味再加幾片嘅菇 好好飲嘅其實餐廳仲有啲甜品望落去都幾吸引下次去一定要再試下

昨天lunch time, 唔想Monday咁blue, 自己一個搵好野食 去到The One 3樓， 有間餐廳都幾多人等外賣 我見裏面仲有位 就入左去喇第一感覺侍應們都好有禮貌好好service 環境乾淨舒服 見到個menu真係花多眼亂 好多款式熟成厚切牛舌丼＄88名實相符 每一件ge牛舌都好厚 好足料 燒得好香口 丼上面加左好多沙律菜 感覺好健康 好fresh加配 濃厚男爵薯仔沙律 加 日式洋蔥湯＄18記得記得要加配 個薯仔沙律好好食 佢加左d沙律醬 配料 好香 100分個洋蔥湯幾特別 加左少少黑椒加配 青森100％蘋果汁 ＄22加配 靜岡香煎香蕉焦糖批 ＄38呢個一定要讚 明明食到好飽 食甜品真係有另一個胃 d香蕉超香 唔會太香 朱古力醬 加焦糖 再加好似奶蓋ge cream 簡直完美組合 真係好好食呀 呢個menu上面冇 唔知係唔係期間限定 總之見到呢個係必點啦總括而言 呢間餐廳各方面都好出色 又近公司 一定會再幫襯