五要素食堂 (已結業)

喺The One行行吓街，求其入咗間餐廳食，估唔到有驚喜。幾個朋友都唔係好肚餓，所以就叫咗幾樣嘢食一齊share，埋單發覺性價比幾高，下次有機會再嚟試埋其他嘢食~喺手機落單嗌嘢食之後冇幾耐好快就上菜，首先嚟咗個牛舌沙律，牛舌份量比想像中多，唔止一啲餐廳咁好孤寒得幾粒，同埋粒粒都肉厚多汁，燒到啱啱好，唔會過熟咬唔開，亦都冇筋，下次去想試埋個和牛沙律。第二道叫咗蟹肉闊意粉，係我覺得咁多嘢食中最好味。首先同沙律一樣，蟹肉份量超級多，幾個朋友share都夠食。另外佢主打手打意粉，啲意粉比平時食到嘅有咬口，少少煙韌，幾有蛋香，必嗌之選。最尾叫咗個甜品tiramisu，因為我本身唔太好甜品，覺得呢個甜品中規中矩，唔會太甜。

同朋友係附近睇完戲，所以就係the one到食野。睇呢到既餐牌都幾多選擇，主打西餐。叫左個熟成厚切牛舌沙律，好香! 呢個味道有少少日式咁，有D麻油香，仲有D蒜片，牛舌又真係全部都好厚切，而且唔會UN，成個配搭都好fresh。主食都叫左蟹肉意粉，係手打闊意粉來的，唔知係咪因為咁，比平時的有咬口。蟹肉撕成碎塊，基本上每食一啖意粉，都一定有蟹肉，yumyum!而且仲好香蒜味，食到唔停口! 另外都叫左Margherita pizza，份量都OK，薄批邊，幾脆口。甜品都有好幾款，掙扎左好耐要食邊款，見waffle都好正咁，但最後簡Tiramisu，呢到既Tiramisu同平時既賣相都幾唔同，不過佢個咖啡味唔算好濃，岩曬比較怕苦既我! 面個D cream仲好smooth! 見佢都好多野飲好吸引，不過今次好飽了，就冇叫左。下次再黎會叫埋野飲試試佢!

What a surprisingly traditional Japanese restaurant in TST😍十分推介👍🏻The decoration is beautiful and stunning 🤩 it is also very eye-catching too ! We ordered this beef 🥩 (和牛）with salaD 🥗 And the meat is yummy ! We love the taste so much ❤️💖 the sauce is perfect match with the beef & salad 😍It is fresh . Of coz , we won’t miss this signature dish- Shrimp 🍤 spaghetti 😋 very yummy ~ must give it a try as it is very special . Very special . The sauce is strong . 扭紋意粉All set include a 味增湯 & potato 🥔 salad

今日又去了『The one』閒逛，人流比之前好多了。行了數層，太多美食佳餚，有新的店，特色的店，左選右擇，最終落腳於『五要素食堂』。開闊的店面，無間隔的設計，溶入在商場之內，簡約美一覽無遺。這裡以牛肉為主，Pizza為從，漢堡為輔，飲料為特色。各司其職，配搭得宜。前菜薯蓉沙律，一啖一清新，一咀一嚼，開胃益脾。主食是"黑毛和牛丼"，雖然它有“特大黑毛和牛丼”，不過基本的份量已經足夠，如果大家好吃牛肉，當然建議可以叫特大份，這樣也可以和朋友分諸同好。牛肉煙韌適中，有炭燒香味，再沾些許檸檬清香，令人回想在日本吃牛肉的經歷，水平最少在七八成上下，當然調味略重是要注意一下。忘了加一個青森温泉蛋，因為珍珠米煮得很好，水份足夠，夠彈牙，如果再沾少少蛋醬，其妙無窮。叫了一杯凍静岡草莓拿鐵，之所以是特色，三層分佈，奶蓋，拿鐵，草莓各有分工，互有替補，奶蓋襯托草莓的清淡，草莓分擔咖啡的濃郁，咖啡溶入在奶蓋的香滑。希望大家不會覺得太淡味，會欣賞其中配搭。

The One日式和牛丼飯🇯🇵#kiugor食日本菜 #kiugor食在尖沙咀🚩五要素食堂 尖沙咀彌敦道100號The ONE3樓L308號舖燒美國黑毛和牛丼青森溫泉玉子🥩和牛切得薄身而且肉質夠嫩 加咗少少乾蒜片 紫菜同黑芝麻 燒到7至8成熟 一啲都唔難咬 珍珠米仲索曬和牛嘅燒汁 撈埋溫泉蛋超級香~~ 丼飯有配火箭菜同埋一細塊檸檬可以 中和返比較油膩嘅和牛同燒汁凍靜岡草莓拿鐵🍓拿鐵微甜 泡沫份量適中唔會太多 飲落有淡淡嘅士多啤梨香味#hkfoodie #hkeat #hkig #hkfood #hkgirl #hongkongfoodie #hongkongfoodblogger #香港美食 #尖沙咀cafe #尖沙咀美食 #尖沙咀好去處 #香港好去處 #放假好去處 #打卡好去處 #人氣美食 #吃貨日記

夜晚係尖沙嘴打算食個快飯，見到The One有間丼飯就go go go！係牛舌同黑毛和牛丼之間糾結咗好耐，最後都係揀牛舌啦！同好多鋪頭一樣，雖然有實體menu睇，但落單都係scan QR code自己落就ok.等咗一陣就上菜啦！//厚切牛舌丼配青森溫泉玉子//+$18 要咗定食（有湯同薯蓉）啲牛舌超！級！好！食！厚切個口感真係無得頂，加埋啲蒜片好惹味！分量仲要唔少！超級推介！個洋蔥湯就偏鹹少少，薯蓉都幾butter。.口痕嗌多個日本和牛薯餅🤣分量好多有四大舊個餡又係好creamy，食到有和牛粒、薯蓉。食完超級飽肚！個醬有少少酸鹹味，但唔係好估到係啲咩🤣Overall都係個唔錯嘅dinnerI will be back for the 厚切牛舌！

今天工作來到尖沙咀，午膳時間烈日當空，真會把人熱溶了。炎炎夏日，最好就是行商場，和同事來到「The One 」的「五要素食堂」食lunch。餐廳有室內和室外，天氣咁熱，一定無人坐室外啦！店前有幾張大餐牌，午巿套餐選擇多，也有甜品和特色飲品。洋蔥菇湯和沙律薯蓉都好味《燒熟成厚切牛舌丼》丼飯有新鮮沙律菜伴碟，牛舌份量多，味道香濃，較煙韌，喜歡彈牙和有牙力的朋友，可以一試。《燒雞肉丼》雞肉丼除了有沙律菜，還有很多紫菜絲，雞肉有日式照燒汁的味道。

我發現呢度既兩人餐真心抵食,但我今次獨自一人快樂,叫唔到。我只叫了一個和風煙肉pizza,有紫菜同埋焗到香脆有油香既煙肉,只是9吋,已經好夠我一人食。中意意式工藝既批式,好chewy.甜品係matcha紅豆窩夫,主要係面頭有好多matcha粉,紅豆好有驚喜,煮到好綿密甜甜地,而個cream就咸咸地,正呀!窩夫其實仲有咸點,都好有睇頭咁,但因為我叫左主食,所以想試甜點。見佢平日午餐menu都幾抵食。

Happy Friday好心情，所以去左The One呢間Fifth Element Shokudo食個靚Lunch。兩個人分別點左美國黑毛和牛丼同熟成厚切牛舌丼，兩個丼飯都有另加青森溫泉玉子。加配定食就會有埋濃厚男爵薯仔沙律同日式洋蔥湯，兩樣都OK，日式洋蔥湯都幾濃味。兩個飯既牛肉都幾Juicy，唔會太油，牛舌都幾好，但我鍾意和牛多Ｄ。兩個飯都有配火箭菜同烤蒜片，都算幾豐富。另外叫多左個靜崗柚子胡椒雞翼，雞翼上既胡椒好惹味，同有柚子汁滲透左既雞肉好配合。飲品就只係要左個Iced Mocha，奶味偏重，都OK。

星期五無飯帶，同老公一齊出去食lunch。我揀左間餐廳地點好方便，位於The One 3/F既Fifth Element Shokudo。餐牌上大致上分為飯、扒類、沙律、手工意粉、雞翼、薄餅、小食、甜品、飲品既類別，唔駛驚揀唔到岩心水既野食。我地揀左兩個丼飯，一款雞翼同一杯野飲。日式洋蔥湯好濃黑椒同胡椒味，食濃厚男爵薯仔沙律開下個胃先。美國黑毛和牛丼青森溫泉玉子溫泉玉子篤爛再撈飯食最正，lunch食到一片片和牛有種高級既享受，和牛幾有牛味，仲有沙律菜伴碟。熟成厚切牛舌丼青森溫泉玉子牛舌有好多粒，而且粒粒都好厚身，但又一啲都唔韌，唔錯。靜岡柚子胡椒雞翼有5件，都幾大隻，胡椒味幾出，炸得幾香脆。凍咖啡摩卡叫返杯凍飲消下暑，咖啡味比朱古力味出啲，面頭有奶泡做裝飾。

呢間喺The One樓上，佢哋都有好多款式，睇到我花多眼亂🤓-午市套餐（平日限定12:00～16:30）美國黑毛和牛沙律 $128我今日唔想食咁飽所以冇叫飯叫咗沙律😁但佢個沙律都好好食，食得出材料好新鮮，蕃茄應該係醃過嘅，咬落去一咬爆汁，好fresh~黑毛和牛熟度啱啱好，濃郁肉香，軟嫩口感❤️-肉桂富士蘋果日式窩夫 +$38濃郁既肉桂蘋果，仲好重手比好多cream我，唔通知道我鍾意食cream🤣配埋窩夫一流呀！

呢日同女朋友喺尖沙咀睇完戲諗食咩好，見到間餐廳明明係一d 西式菜式為主，偏偏做到好日系幾得意，見晚餐時間尚早可以walk-in 就即刻試下先！原來大部份食材都係日本產，係真．和洋食屋，月手機落咗order 之後好期待佢嘅手勢！其實除咗京都宇治抹茶出名之外，靜岡抹茶都好有名氣架！第一次試到呢種抹茶嘅Matcha Latte，抹茶味濃郁，估唔到都可以咁好飲！薯條點味噌醬咁特別？仲要有蟹肉！隻醬嘅蟹味好出，拎嚟點薯條有驚喜，鹹香味配搭幾好，薯條面仲有紫菜粒點綴，超正！牛舌燒得啱啱好，外脆內軟，入口好甘香，落埋檸檬汁夠晒fresh！想講佢個米係用富山縣天盛米，係從來未試過嘅飯。係珍珠米無誤，但係粒粒分明唔會一pat 飯咁，有口感得嚟又香！呢兩樣跟丼飯加$18就有，但係一d 都唔hea 嘅薯仔沙律，調味上平衡得好好，鹹鹹地又有青瓜、洋蔥同沙律菜補充口感，加埋芝士碎，幾種香味係個口入面齒夾留香，絕對唔比其他菜式失色！係洋蔥湯胡椒味太搶，d 洋蔥味同菇味出唔到，少少可惜。當然要有甜品埋尾啦！d 蘋果同肉桂煮到焦糖化，上到枱係超香！女朋友係肉桂控即刻好興奮切嚟食。食落去連個窩夫都有驚喜！唔係脆口即散個

呢排有套戲好旺場，為咗要買到靚位，今晚收工就過左去尖沙咀買定戲飛，再食返晚餐先返屋企！地點方便嘅The One有非常多餐廳，今晚就揀咗日式洋食 — Fifth Elements。餐廳算半開放式，感覺幾開揚，未入餐員工就已經好客氣地招呼，而估唔到嘅係，員工全部都係講英文，令我有置身係西餐廳嘅感覺🤣熟成厚切牛舌丼（$88）呢度用料幾用心，用咗日本產富山縣天盛米，粒粒珍珠米食落好香，落咗少少醬同紫菜增加風味，牛舌煎到外面好香，入面肉質好軟嫩又juicy，加埋炸蒜片一齊食真係幾正！另外，加$18可以加配定食，有濃厚男爵薯仔沙律同日式洋蔥湯，個人好鍾意個薯仔沙律，有洋蔥、青瓜同薯仔，面頭芝士味超濃！蟹肉味醬薯條 （$68）非常特別嘅送酒佳餚，新鮮炸起嘅超香口薯條，蘸一蘸有唔少蟹肉嘅沙律醬，完全食到停唔到口！肉桂富士蘋果日式鍋夫 （$68 ）全部係自家製日式鍋夫，比起平時食嘅牛油味同蛋味冇咁濃，比較脆身，配埋好香嘅肉桂同酸酸甜甜嘅富士蘋果，係好好嘅飯後甜品。凍靜岡抹茶拿鐵（$42）奶味好香但抹茶味唔算太濃。下次黎要約多幾個朋友試吓佢嘅手工製作薄餅、創意料理同飲下酒！

餐廳位於The One裡面，相當就腳，建議去之前就訂左先。燒美國和牛丼肉主要係半生熟，加上蒜頭同埋燒肉汁，份量啱啱好。甜品抹茶大倉紅豆窩夫好重抹茶味，加埋帶甜嘅紅豆同埋好脆嘅窩夫，鍾意甜品嘅唔可以錯過。

同朋友係尖沙咀行街 兩個人黎the one 呢間日式cafe 食野😍我係俾lunch menu 個咖哩吸引左入黎🥰 而lunch set 本身包咗洋蔥湯仲有薯仔沙律，薯仔沙律有芝士碎 洋蔥 青瓜 好fresh 好開胃❤️ 得一款咖喱揀 係慢煮牛舌 一上菜好香 碟飯好熱好香 係日式甜甜地既咖喱 半生熟蛋又滑🥰🥰🥰朋友就食特大黑毛和牛飯 份量好多 唔駛咩汁 牛味已經好出色 🤤 而我覺得最正係雞翼呀 食lunch set 加$38就有5隻雞翼 我覺得呢個係勁抵加 雞翼好香脆 入面juicy 。有幾隻味道揀 我地揀左 蒜蓉牛油 無得輸。 雖然呢到店員都唔識講廣東話 係自助落單 但係佢哋都好有禮貌。