五要素食堂 (已結業)

無意中search到呢間餐廳，之前一直冇留意到the one有間咁嘅fusion餐廳。午餐去到1630，$78起，按款式加錢，包洋蔥湯同薯仔沙律，飲品需要加錢。午餐款式都多，有飯有意粉有薯條有pizza。套餐的洋蔥湯，睇落好油咁但飲落ok的。薯仔沙律，面頭有啲芝士粉薯仔有啲稀和牛+牛舌丼有驚喜，牛舌好爽口，冇乜筋唔會咬唔到，有8舊左右。和牛都幾香，有4塊，幾大塊，夠軟熟。個汁甜甜地，幾夾。加配小食巴馬臣蒜牛油雞翼面頭啲芝士粉超濃，都好多蒜香粉係面，都幾牛油香，皮脆卜卜，雞翼幾大隻多肉juicy風乾豬面肉蕃茄手作意粉汁偏酸，豬面肉超鞋又乾又硬，唔係好咬到。意粉似係兩條長通粉痴埋咁，唔似平時啲手作意粉咁爽口彈牙。檸檬胡椒薯條配特製醬特製醬類似酸忌廉，都幾濃另外都真係好檸檬同胡椒午餐比想像中大份同抵食，啲野食都大份，最後食到超飽想打包。另外食物全部即整，有心理準備要時間等候，呢日去得3-4枱客，都要整15-20分鐘，真係逐樣野整。淨係計牛舌和牛丼絕對正評，但拉埋其他就中等。服務唔錯，冇叫飲品，飲晒成支玻璃樽水，店員都好樂意換。