五要素食堂 (已結業)

今日放工去尖沙咀行下，見呢間都幾多人食，又係日本洋食咁就試下。值得一讚係佢環境衞生好，坐底每人都有口罩套同洗手液。.野食我地叫左三樣，有雞沙律、海苔意粉同味增pizza！.個溫泉蛋雞沙律好好食，又健康。雞扒、蛋汁撈埋d醬味道好夾。.Pizza係重芝士，所以食唔出味增味道。pizza面又有好多蝦同蟹肉，足料！.意粉佢寫係home made。因為闊條面，所以食落都好有口感。.同埋見好多人都有食牛，下次黎都可以試。

今日難得去尖沙咀食飯，緊係要揾下有咩好食。上網睇到有間西餐廳係The One入面，有丼飯同牛扒pizza。入到去個環境就好舒服，靜静地坐係到，連order都係用電話落單，可以自己靜靜地一個人chill下。塩麴名水豚豬扒配和風沙律及田薯餅 $178揀呢個餐之前Google過名水豚（日本佐賀名水豚係喺完全無污染嘅高山上牧場飼養，脂肪甘香油潤，肉質特別鬆化）睇完之後就即刻揀咗呢個餐。豬扒嘅肉質嫩滑，而且煎得好香，咬落去亦都好鬆化。薯餅其實係可樂餅，用紫薯同栗子做可樂餅，口感好特別，平時食嘅可樂餅一咬落去就係好鬆嘅感覺，呢個可樂餅加咗栗子，食落會多咗一層芋泥嘅感覺，唔會食落去就太散。

平時行經過The One都冇為意呢一間舖頭，今日趕住食完去做運動，就試吓呢一間。餐廳主打日式洋食，有丼飯，意粉，沙律，pizza。 我一見到個餐單就深深被溫泉玉子燒雞腿沙律吸引咗，因為我有做gym，減低碳水化學物吸收，增加蛋白質會好啲，不加思索就要食呢個。另外我女朋友叫左一個Pizza同pasta。題外話，我覺得呢間餐廳嘅套餐選擇好多，唔似其他餐廳咁局限於某幾碟菜。如果可以飲酒嘅話都可以考慮下叫套餐。味噌蟹肉蝦pizza，唔會好咸，餅底幾好食。據說意粉係手工掣，咬落覺得好煙靭，充滿着蛋香，味道唔錯。全餐最好食係個沙律，個溫泉蛋配上朝燒雞腿肉，甜甜酸酸，食完都唔會有罪疚感。覺得呢個最抵食。我或者未必會為個Pizza同意粉回頭，但係佢有幾款沙律，又好食又健康，我會為沙律而翻食。

點左taco同烤雞 甜品就cheesecake三樣入面最好食係spicy lamb taco烤雞有啲乾 cheesecake太甜整體都不錯因為餐廳有半價優惠所以就黎試左 餐廳環境 音樂 菜式都很好 值得一試

今日係大喜日子, 因為終於恢復晚市堂食!! 我同愛人當然就要出街食飯去左TST The One, 果日因為都唔早啦, 所以我地只係輕輕嗌左兩樣野 -有一個細pizza, 個Pizza 有prawn & wasabi 味道好特別的! 另外就食飯, 都幾好味的物輕 情義 重希望疫情快點過去, 每日都有得出街食飯

尼間餐廳晚上叫外賣真係好抵!!!可惜吾係住附近, 唯有親自黎食一次~!入座前已經見到餐廳坐左7成人客左右, 我地見到淨返一張獨立既2人枱, 即刻同侍應講我地希望可以安排坐個到, 因為本身侍應有講一陣有BOOKING, 點知最後都安排尼個獨立位比我, 好好人!~1️⃣美國黑毛和牛丼 – 睇圖寫住特大牛丼, 以為黎到會係超大份啦, 點知睇落就一般般啦, 不過當撥開D菜, 都會發現好多片肉, 肉既熟度都煮得岩岩好, 講真份量好夠, 只係未放得特別靚仔咁啦~ 2️⃣巴馬臣蒜牛油雞翼 – 個樣煮得幾靚仔, 蒜香味幾出, D邊位都脆脆地, 幾好食!3️⃣辣肉腸薄餅 – 吾係薄批, 不過足料搭夠!真係超多芝士!!!4️⃣檸檬胡椒薯條配特製丘比醬 – 又真係幾好食!吾係講薯條本身~而係個醬, 其實係用左藍芝士去做既, 勁香又濃芝士味!冇諗過又幾夾!不過如果吾食藍芝士既朋友就叫第二款好D啦~5️⃣凍靜岡抹茶拿鐵 – 只可以話奶味濃D~我係好鍾意重抹茶味所以爭小小咁啦~不過杯野攞分位係佢既牛奶好香, 我自己估味道似係北海道特選3.6牛乳, 所以尼個係加分位

落雨唔想出街 商場其實都有好多選擇 經過見到呢間日式餐廳好多選擇平日仲有lunch set 揀 就入去試下了坐低揀比較抵食既lunch set 對有選擇困難症既人的確有d難度除左好多日本材料外和牛應該都係佢地既主打又有手工意粉 同 pizza 揀左蟹肉靜岡大葉手打意粉 （$108）Set 跟 自家日式洋蔥湯濃厚男爵薯仔沙律自家日式洋蔥湯洋蔥湯 甜得黎有d 黑椒味 幾特別 濃厚男爵薯仔沙律薯仔沙律 除左mix 左青瓜外仲配左少少沙律菜 好fresh 好開胃 蟹肉靜岡大葉手打意粉 嚟到見到份量都好大份呢個蟹肉意粉比較特別嘅地方係加咗好多菇一齊煮但個味道都好夾闊意粉索晒啲汁 好入味啊Set 可加錢配飲品/啤酒/ 甜品所以我加左原價$68 野莓日式窩夫 （$38）佢既cream 唔係平時好挺身嗰隻有少少似咖啡上面個層泡沫食落去相對上比較light配埋窩夫鬆軟嘅口感 呢個lunch 好滿足啊

呢排興起低碳水化合物飲食， 所以行過幾次見到呢間食店有牛扒沙律，就一直好想食， 今日朋友放飛機，一個人就去食牛扒沙律好彩今日唔使等位一早已經諗定要食牛扒沙律，原來仲有和牛呢個選擇，我掙扎咗一輪，最尾都係食咗黑毛和牛 牛扒沙律， 另加18蚊有一個薯仔沙律同埋洋蔥湯一盤咁樣送上嚟，感覺好齊整牛嘅份量都幾多，而且生熟程度剛剛好，重牛味，（ 食完後一個鐘返到屋企,個口仲有一大陣牛味,爽）下面沙律菜份量啱啱好,食完唔會太飽菜非常新鮮食到甜味,蕃茄又係一個細心位，蕃茄烤咗一烤，食落唔會凍冰冰或者硬掘掘（ 個人而言對全生嘅蕃茄仔一般般,所以呢個啱口味）本來我係唔鍾意洋蔥湯,係因為懶健康所以就飲洋蔥湯， 呢個洋蔥湯係有驚喜嘅，飲落有少少辣，有黑椒味，我自己就可以接受到呢一碗洋蔥湯薯仔沙律雖然唔係好大兜，但有一粒粒嘅薯仔喺裏面， 略帶少許粉質感，食落係覺得大滿足埋單嗰陣發現原來唔使畀加一 咁真係好抵食喎下次再試埋個和牛

今日同朋友去咗尖沙咀嘅呢間餐廳食飯 我哋係透過電話book位 一去到已經見到有一張留位嘅牌 覺得餐廳都好細心🥰我同朋友兩個人叫咗一個蟹肉醬薯條，和牛溫泉蛋丼同一個鰹魚芝麻雞翼。三個食物嘅份量好大，我同朋友都差啲食唔晒！🤭🤭🤭我同朋友覺得最好食就係嗰個雞翼！雞翼大大隻，而且拎到上嚟都仲係熱辣辣😍 雞皮脆卜卜🙈🙈而且啲雞油鎖得好緊 所以食落去都好juicy!!! 我覺得個蟹肉醬薯條都幾好食😆😆😆份量好大 又香噴噴😎仲有真蟹肉！！所以真係非常滿足😘😘和牛溫泉蛋啲和牛又大嚿又厚身😚而且餐廳整得非常之香😍😍所以食完個口仲係有一陣牛香味😎😎😎😎覺得下次再去都會推薦朋友去食！！！！

Fifth Element Shokudo 係一間位於尖沙咀THE ONE既日式洋食餐廳。有日一個人行到攰就打算搵個地方食野，見呢間餐廳環境舒適，仲有戶外露天位置，就決定試一試。美國黑毛和牛丼 $98青森溫泉玉子一個丼飯有五大片和牛，肉質嫩，不會乾同柴口。和牛下面既飯充滿左醬汁，醬汁微甜開胃，一啖沙律菜一啖飯，超級滿足。南蠻風炸雞 $78呢份炸雞份量唔算多，雞肉肥瘦均勻，唔會炸到好柴，醬汁酸酸甜甜，可中和炸雞既油膩感。Lunch set十分划算！lunchtime 就開始陸續有客人入座，於尖沙咀中心來說，這個價錢實屬十分抵食。

🐮抵食日式西餐😍有日行The One發現開左間新日本餐廳食日式西餐🤩見價錢都ok就入左去食😙我地去過2次食唔同既野,所以放埋一齊介紹😬🐮黑毛和牛扒丼青森溫泉玉子 $88呢個賣相好得🤣好適合用黎呃like🤭和牛既份量都唔少,但我地覺得食落有少少韌難咬口同埋唔夠味咁🥲兩個丼都係冇乜汁食落有少少寡,所以我地問左staff拎左類似係燒汁撈落個飯同啲牛到😝另外,個丼仲會有一堆火箭菜比你解下膩🥗篤穿左隻溫泉玉子連埋啲和牛同飯一齊食好滿足😋🐔巴馬臣蒜牛油雞翼$48/4隻 $78/8隻雞翼都好推薦！雞翼外皮好脆😍仲加左蒜蓉係上面😌好香口蒜蓉味好重好正😋仲要熱辣辣入面啲肉都好嫩口🐮厚切牛舌丼青森溫泉玉子 $88厚切牛舌丼同啱啱介紹既黑毛和牛丼差唔多,都係配有火箭菜同採用珍珠米🤫厚厚既牛舌粒好有咬口好彈牙😍食極都有咁🤣粒粒都好有牛味,啲珍珠米都特別好食啲🍝蟹肉靜岡大葉扁意粉 $98本身見佢個menu都好似主打丼咁,估唔到個意粉咁有驚喜😍！呢個意粉係手工意粉黎🤭食落去好有口感,同平時食嗰啲唔同,每一條意粉都好掛汁好有味😋連埋啲蟹肉同菇類一齊食仲正😌份量唔係好多唔係好夠喉😝我地覺得呢個係必試🤫 📍Fifth

The one 3樓有間西日fushion餐廳，擅長將日式味道融合西式菜式，餐牌款式都幾多。味噌燉牛舌配意大利軟包味噌係日本人最常用的調味品，估唔到用來燉牛舌別有一番風味，牛舌牛味香濃，口感爽口；意大利軟包多士加咗香草同芝士粉，焗得香脆可口，不過嗰邊稍為焗得有啲焦静岡柚子胡椒雞翼雞翼都幾大隻，肉質嫩滑，加咗胡椒有少少辣幾惹味，再點酸酸甜甜嘅柚子醬好開胃👍🏻美國Prime肉眼扒配和風沙律及薯餅肉眼扒好大塊，牛味香濃，肉汁juicy, 肥瘦適中；紫薯餅炸得好香脆。🦐味噌大蝦手打扭紋意粉🍝估唔到美珍仲可以攞嚟煮意粉，大蝦幾大隻，爽口彈牙，扭紋意粉煮得有啲淋，醬汁味道加咗味噌係幾特別。凍靜岡抹茶拿鐵，凍朱古力拿鐵飲品就比較遜色，兩款飲品都只有非常淡嘅奶味，抹茶味同朱古力味都欠奉。

好耐冇去The One 行街，係3樓見到間外表平凡但高質素既餐廳，叫做「五要素食堂」，如果只行樓下果幾層boutique好難發現到佢，佢主打和牛，日式和牛有 ，美國黑毛和牛都有，同埋有不同款式既飯，扒，沙律，仲有手打意粉同pizza ，餐廳裝修企理，坐得舒服，我叫咗個美國黑毛和牛井，係屬於細size， 同埋叫咗一杯 Chocolate cappuccino食物好快上枱，美國黑毛和牛井，大小適中，份量剛剛好，黑毛和牛大大件，咬落好冧身，飯底係用日本米，燒汁撈飯，正呀! 食落煙煙UN UN ，仲有少少美式沙律，感覺配撘好清新仲有杯Chocolate cappuccino ，咖啡味唔重，似飲緊杯熱朱古力加泡，唔太甜，今次食唔到咁多，下次有機會要試埋佢既手打意粉同埋甜品。

首次光顧，四人點了夏威夷Pizza ,茄醬手工麵、南蠻炸雞、牛舌配蒜蓉包，全部都好重口味，好鹹。不同菜式，但味道差不多，變化不大，只感到都是鹹。沒有下次。不會再光顧了。

愛知大葉燒雞肉丼青森溫泉玉子套餐 $78呢個真係大人細路都好岩食, 啖啖肉嘅嫩雞肉煎得香香的然後拌上甜鹹的醬汁本身已經好好味再加上滑蛋同紫菜撈勻一齊~真係可以食哂一大碗! 燒美國黑毛和牛丼套餐 $88香煎後再微微炙燒令肉味更濃郁, 面頭鋪上炸蒜片, 一啖夾埋片牛肉一齊食就簡直絕配！而且個飯撈左滿滿嘅燒肉汁, 令人一啖接一啖套餐仲包埋一份薯仔沙律同味噌湯, 好開心宜家好似外賣仲有6折優惠真係值得一試, 岩哂附近d上班一族