今日放假約咗朋友出去食飯，朋友帶咗我去尖沙咀食燒肉，呢間餐廳據說喺大陸好出名，食物質素有保證。 西塔路太太烤肉。餐廳喺尖沙咀科學館道14號新文華中心地下 招牌烤肉二人餐 698元，性價比高 套餐包括老太太特色肥牛 一份 老太太特色瘦牛一份 燒汁橫隔膜一份 雪花肋條一份 豬五花 一份 錫紙金針菇 一份 芝士粟米粒一份 芝士粟米粒味道好香，面層嘅芝士燒到有啲蕉香味，食落去有拉絲效果，又香又甜 燒肉店員會幫你處理，服務態度真係好好 特色肥牛牛肉味香濃，肉質嫩滑，油脂分佈均勻食落去特別香口，配上餐廳嘅燒汁令到牛肉味更加突出 燒橫隔膜，第一次食燒橫隔膜肉質好嫩腍，肉味比較濃鬱，配埋生菜一齊食減低油膩感 雪花肋條油花均勻，肉厚而有口感 豬五花油脂比較多，燒到金黃色，邊位有啲焦香，特別香口惹味, 如果覺得油膩仲可以加埋生菜一齊食，生菜是無限添加。

好耐冇食過韓國餐，今日喺元朗見到呢間韓國餐廳，門口闊落，燈光夠光猛，吸引咗我入去試吓 一坐低就有六碟前菜小食，有翠玉瓜，魚仔，腐皮，海帶，泡菜，土豆絲，全部都非常開胃，食到停唔到口 濟州嘅豬腩肉份量非常大塊，非常多汁，油脂好豐富一層脂肪，一層肉，肥瘦分明，又夠爽口，非常juicy , 職員仲非常好，會幫我們燒到豬腩肉金黃色，仲聞到非常香嘅五花腩油香味，加埋自製嘅醬料，酸酸甜甜嘅味道，仲可以連埋生菜一齊食鮮綠色嘅生菜夠晒新鮮又清爽，旁邊仲配有一片秀珍菇仲印上咗logo，寫咗韓文，夠晒特別 韓國人蔘雞湯，經過長時間蒸煮，雞肉變得軟嫩，肉質變得非常柔軟，湯汁濃郁而鮮美，而且有很香的人蔘味，雞湯仲熱辣辣，韓國人蔘雞湯可以增加體力、改善血液循環、促進新陳代謝和增強免疫系統，非常有益

天氣凍凍的最好就係打邊爐，今日揀咗位於佐敦莊士敦廣場12樓嘅大窩口海鮮專門店火鍋，放題都係$200左右一位，超級抵食，全部飲食出邊嘅醬料雪櫃嘅飲品都係任飲，肉類，海鮮，丸類，蔬菜雞煲乜都齊晒 肥牛肉質非常鮮嫩，嘴裡咀嚼，越食越出味，肥牛肉質入口非常細膩，牛肉肉片的柔軟，口感豐富，肥牛的肉質與脂肪，融合了牛肉香和脂肪的滋味美味的牛肉，又鮮嫩、又多汁 豬肉片的肉質鮮嫩，入口在嘴中咀嚼，嚼勁十足。豬肉片中含有油脂，雪花脂肪紋，肥瘦適中，口感豐富。豬肉片入口帶有柔軟嫩滑的質感，鮮嫩、香氣四溢和多汁 鮮蝦串，選用食材新鮮，鮮蝦入口爽脆鮮甜，而且蝦肉十分彈牙，蝦膏甘香，好正 還有很多食材有白鱔片，非常新鮮切到有夠薄，手打墨魚丸拼雞軟骨，鮮鵝腸，鮮蝦滑，墨魚滑，還有非常之多的丸類，講得出都有，蔬菜類，菇類等，飲品汽水多選擇 麻辣雞煲香氣撲鼻，入口香香麻麻，辣得來又很惹味，雞肉入口嫩滑，配上醬汁非常好食。這個價錢有那麼多選擇，性價比很高，食到最尾加湯打邊爐，再放入蔬菜吸晒湯底入邊嘅濃湯，令到味道非常出眾

今日放假入咗元朗行街睇戲,睇完戲喺附近搵啲嘢食下,朋友仔帶咗我去一間咖啡小店,食物質素好好。 87 coffee ,地址喺元朗水車館街66號錦榮大廈地下,餐廳地方雖然唔大但係裝修得好整潔,感覺幾舒適。 紐西蘭一級肉眼 168元 肉眼扒size好大,入口牛肉味香濃,肉質嫩滑,牛扒煎到啱啱好,有入口即溶嘅感覺,旁邊有少少脂肪食落去有啲油花香味,另外配上薯條,翠玉瓜 ,薯條炸到金黃色,香脆惹味，配埋茄汁令味道更加昇華 紐西蘭香草烤羊仔架 188元 賣相真係勁吸引,羊架一啲騷味都冇,香料醃得好入味,肉質嫩腍,羊肉味香濃,第一次食到咁好味嘅羊架,又香又滑非常好食，主導七成熟真係剛剛好 熱桂圓紅棗茶,入口清香潤喉,暖暖地真係好滋潤。 凍黑咖啡,咖啡味好香濃,味道甘香,入口好順滑 餐廳地方雖然唔大,食得出廚師用心製作,所有食物都處理得好好，我會再來幫襯

喺朋友口中介紹咗呢間omakase日本餐廳,我一行到入門口已經見到環境非常有格調又寧靜，餐廳入面劃分左唔同嘅area,仲有幾間大房可以包場,不但有私人空間，而且入邊仲有得唱K同埋獨立嘅洗手間，方便一大班人聚會，想點玩都得 今日就決定食佢個$550特價嘅set，個set仲有sake送埋170 mL，sake 甜甜地, 容易入口,味道啱晒我 餐廳最有特色嘅就係見到呢張心形枱，可以望住師傅串燒，最重要係唔會俾啲煙燻到 前菜日本水果蕃茄沙律，蔬菜上面放有酸酸嘅醬汁，食落非常開胃，蔬菜又夠嫩，蕃茄鮮甜，顏色程鮮紅色，夠晒新鮮 廚師發辦四款刺身 鶳魚，深海池魚，拖罹，赤蝦，四款刺身都非常新鮮，夠晒鮮甜，我最鍾意食嘅就係赤蝦，夠晒大隻，蝦肉又爽口，肉質結實又彈牙 炭火燒物（ 廚師發辦六款） 牛舌，加咗少少清酒去燒，燒到大約八成熟左右，厚身柔軟臉又有鹹香味，口感帶有少少爽口 玻璃蝦，先落第一轉牛油，然後再加鹽能夠令蝦嘅肉質更加爽，牛油味非常香濃，完全唔亁身 燒翠玉瓜，豉油同埋牛油燒，充滿着水份 免治雞肉串燒燒到非常香，能夠食到一粒粒嘅雞軟骨，加強口感，再加埋蛋黃醬汁，真係美味可口 食事（ 迷你香蔥碎吞拿魚腩飯） 迷你香蒽吞拿魚腩飯 飯用日本米粒粒分明加上少少醋入口味甜微酸，口感緊實有嚼勁，上面鋪滿吞拿魚魚肉味香，香蔥除咗好睇仲增添口感同味道層次 止碗（ 蟹味噌湯） 熱辣辣嘅麵豉湯，味道清香，入面仲有幾片海台，口感順滑，營養又夠美味，清爽香氣 甜品（溫室蜜瓜信玄） 蜜瓜有博博的兩片味道非常清甜，信玄感覺有點似紅糖冰粉，香甜又解肥膩

呢間元朗係一間非常出色嘅小店雖然唔太起眼，但人流非常多，店舖嘅地方雖然不大，但係食物質素相當高，拉麵價錢仲非常合理，性價比高，除咗拉麵，仲有非常多嘅小食 一個叫拉麵一碗有得送一罐飲品，我就揀咗忌廉味嘅可樂，朋友就加$8要咗支烏龍茶，飲品夠晒凍冰冰，天氣咁熱，最基本飲品梗係要夠凍 黑蒜油雞白湯拉麵，配料非常多有豚角，叉燒一件，慢煮雞胸一件，雞肉丸，一粒味玉，紫菜一塊，竹筍，洋蔥同埋青蔥，配料相當多，而且外觀仲非常吸引，湯底非常濃郁，加埋黑蒜油味道更加香溢，棉質嘅軟硬度剛剛好，而且份量仲非常多， 豚肉有燒過嘅香氣脂肪一入口就已經溶化一層脂肪一層肉，口感已經比滿分，雞肉丸經過炸之後非常香口，雞胸肉夠晒軟滑，容易入口，糖心蛋不得不提生熟度做到剛剛好，而且味道仲非常入味， 南蠻炸雞$26，雞肉炸到外脆內軟，入面仲唔乾身，廚師相當有水準，上面鋪滿特製嘅調味醬，入口相當惹味 蟹籽沙律$36， 青瓜絲上面鋪滿大量嘅沙律醬蟹籽同埋蟹柳絲，蟹籽嘅份量仲非常澎湃，份量相當多，全部嘢撈埋一齊食味道清新，入口夠爽口，健康，每一啖都食到有蟹籽

好耐都冇飲過茶，今日嚟到尖沙咀，見到呢間好出名嘅富豪酒樓，當然要黎試吓，位於美麗華商場嘅4樓，一踏入酒樓感到非常豪華又寧靜，牆上面仲有好多名畫，高雅的陳設，非常有格調 今日叫咗幾款點心，我都非常滿意，全部都熱辣辣，新鮮做起 順德鯪魚球 一放低就聞到果皮嘅香味，爽口又彈牙，肉質嫩滑，好香嘅魚肉味道 鮮蝦滑腸粉$98，蝦嘅份量非常多，每一隻都好爽口，腸粉做到非常滑，又唔會太厚，配埋豉油一齊食，飽肚又好味 瑤柱珍珠雞，一籠點心有兩隻，非常熱辣辣，雞嘅肉質非常細嫩，味道甜美多汁 鮮蟹肉小籠包兩隻$130，咬一啖肉汁已經流出，非常鮮甜，豬肉味有夠香濃，細滑，小籠包嘅皮做到非常薄，容易入口，睇得出師傅用心製作 香煎家鄉金薯糕，外表有啲似蘿蔔糕，炸到外脆內軟，仲金黃色，非常吸精， 有好香嘅甜薯仔味，一碟有三件，食完非常飽肚 甜品（ 蛋白杏仁茶） 甜品非常熱辣辣，好香嘅杏仁味道，入面仲有一絲絲嘅蛋白令口感增加，杏仁茶仲有美白去班嘅功效，非常受歡迎嘅中式糖水，味道又唔會太甜 富豪酒樓係不容錯失嘅餐廳，值得推介，會再來幫襯

燒美國豬肉眼扒伴蘋果果醬$138 燒烤煲芝士牛肉漢堡$138 Grapefruit. Lemon soda Avocado smoothie 喺長沙灣返工每日食lunch都會週圍搵嘢食,近期經常幫襯呢間餐廳 ,INN i,m Not Nothing 餐廳位置喺荔枝角長沙灣道883號億利工業中心2樓 ,餐廳空間好足夠,環境優雅,裝修得好整潔,喺度食個lunch放鬆下感覺都幾舒適。 燒美國豬肉眼扒伴蘋果果醬$138 賣相勁吸引,厚厚嘅肉眼扒上面放咗蘋果醬,肉眼扒咬落去外脆內嫩,外面燒到啱啱好,入邊仲係好juicy,咬落去豬肉味香肉,濃濃嘅肉香味帶點酸酸甜甜嘅蘋果香味,食落去味道好有層次仲可以中和個肥膩感。 燒烤菇芝士牛肉漢堡$138 大大個漢堡包,入面加咗燒烤菇,芝士,牛肉漢堡,外層嘅麵包好鬆軟,入面嘅芝士仲有拉絲嘅效果,啖啖都食到芝士同牛肉真係好惹味,燒烤菇肉厚多汁，牛肉煮到全熟，但肉質依然唔鞋口，入口非常嫩滑，牛肉味重 Grapefruit. Lemon soda （荔枝檸檬梳打） 荔枝味道好香甜,檸檬梳打酸酸地特別開胃醒神，咁落重凍冰冰，味道清新 Avocado smoothie（牛油果奶昔） 呢個飲品好有特色,牛油果味道香濃，口感非常豐厚，仲有跑肚嘅感覺

呢間餐廳真係令人感到非常舒適,室外嘅空間有又夠寛敞，鍾意寵物嘅朋友仲可以帶埋貓貓狗狗一齊享受晚餐 坐低叫完晚餐之後職員就送上三款麵包，是一種酸種面包，有的就入口香脆，配埋麵包醬，真係食到停唔到口 餐湯揀咗龍蝦湯，味道夠晒濃郁，又夠鮮味，入邊仲有龍蝦仔嘅肉粒，真係真材實料 芒果蟹肉牛油果塔$188，最第一層係由芒果作為底部，上面有蟹肉，最頂係用咗牛油果，蟹肉非常多而且仲加咗洋蔥調味，外觀真係靚到不得了，三種唔同種類嘅食物混合在一起，味道非常夾，帶出蟹肉嘅鮮甜 凱撒沙律$108 加配雞胸$38 ，沙律菜非常新鮮，仲有粟米粒,加埋醬汁一齊食非常清新 墨魚汁鮮帶子海蝦扁意粉$188 呢款墨魚汁意粉食完之後嘴唇會變得很黑的有點尷尬，但係真係非常美味，意粉嘅軟硬度適中保持咗彈性，而且墨魚汁味道鹹鮮不腥，非常惹味，上面仲有兩隻大蝦同埋兩粒非常大嘅帶子，帶子夠厚身，又鮮甜，食落有口感 炭燒糓飼澳洲肉眼扒（八安士）配香草牛油焗波士頓龍蝦尾一隻$428 龍蝦嘅份量非常多，肉質又爽口鮮甜，廚師仲非常細心，將龍蝦肉已經起掉，令客人食得方便 主菜入邊有好多配菜有翠玉瓜同一粒蕃茄仔仲有椰菜花，旁邊仲有南瓜蓉令到食物嘅鮮味提升，牛扒啲肉一啲都唔鞋口，肉質啱啱好，有彈性，叫咗七成熟，火候控制得啱啱好又唔會過生又唔會過熟 飲品我們揀了番石榴汁$38，菠蘿汁$38，酸酸甜甜，有果汁嘅鮮味，又夠晒凍

好耐都冇食燒肉，今日去完The One行街，就比我發現呢間燒肉店，門口望入去地方闊落見坐得都舒服所以就入去試吓，餐廳主要以紅色為主，價錢仲非常親民 叫咗個午餐802 set , 300g $208, 午餐加左$8 叫咗罐可樂，午餐set仲有碗麵豉湯加埋一碗飯，麵豉湯味道偏濃，而米飯嘅軟硬度適中，啱晒我口味，呢個午餐有齊雞肉豬肉同埋牛肉，呢個餐三款都齊晒，能夠滿足晒三個願望，今次揀咗個Double份量， 腹前牛小排，牛肉嘅脂肪比例非常平均，而且肉質重夠嫩，有非常濃厚嘅牛肉味，相當突出 黑毛豚無骨小排，蔥鹽味雞腿肉，雞肉夠爽口，好有咬口大有少少雞肉汁，燒完之後配埋餐廳嘅醬汁，味道更加出眾，送白飯食一流 極上厚切牛胸腹柳$138， 油花分明,非常大塊,職員仲主動行過來教我們怎樣掌握火喉，服務態度相當好，肉味香濃,又夠厚肉,非常Juicy，食到停唔到口 黑毛豚無骨小排$68，豬肉油花非常靚，厚度切到剛剛好，燒到帶點焦，入口非常惹味，非常有驚喜