五要素食堂 (已結業)

今日去咗尖沙咀行街，喺The One見到一間日式餐廳，門口餐牌非常吸引即刻入去試吓。Fifth Element Shokudo 地址喺The One商場3樓308號舖。餐廳裝修非常整潔，感覺非常舒適。餐廳係用QR code自行落單，感覺方便。浜松名物牡蠣井128元 牡蠣味道非常鮮甜，鮮味十足，一口吃下鮮味在嘴裏停留。紫菜份量都好多用嚟送飯真係一流。自家咖喱黑毛和牛飯配溫泉玉子 118 元賣相非常吸引，和牛嘅份量都好多，而且仲係好鮮嫩，入口食到濃濃嘅牛肉香味，肉質非常嫩滑，加上係厚切好有口感，咖喱汁唔會辣，味道香濃，將溫泉蛋加上牛肉一齊食味道層次更加豐富，真係好好食。巴馬臣蒜牛油雞翼 60元 雞翼煎到金黃色，蒜蓉非常入味，咬落去雞翼保留到肉汁，雞肉肉質嫩滑，好有水準。Iced strawberry latte 42元真係好味，加上清新嘅士多啤梨味，賣相又吸引味道又清新，值得推介。