丼瀛 (已結業)

一大碗載滿刺身的日式丼飯已夠吸引，如果加多一隻原隻龍蝦，更是一個沒法抗拒的誘惑。這間位於廟街的丼飯店，就提供多款丼飯、壽司、刺身等，價錢大衆化。龍蝦刺身雙層爆丼 $268 - 這是一個雙層爆丼，分為上下兩層。上層是一隻龍蝦，還有多款刺身和半熟雞蛋。原隻龍蝦肉厚多汁，加上新鮮的刺身，單是看到已覺得很吸引，喜歡吃龍蝦的一定不能錯過。下層是海膽沾醬烏冬，這個汁醬有著濃濃的海膽味，烏冬沾滿汁醬，味道突出。築地壽司杯 $168 - 壽司杯最底層是加州巻和磯煮鮑魚，另外還有五杯壽司杯，分別是三文魚子加三文魚腩、蟹子魷魚、蔥吞拿魚腩蓉、牡丹蝦、海膽黑松露。每一杯賣相都很精緻，刺身又新鮮, 又可以試試多種口味。麵豉湯內在環境餐牌

位於觀塘工業區嘅海鮮丼飯店丼瀛自開業以來一直人氣高企，除左因為價錢實惠之外，丼飯嘅刺身新鮮之餘仲要爆多先係重點。佐敦新開呢間分店係廟街入面，今日收工因為約左細佬同表弟睇戲，所以趁機黎個三個人食好西，去呢間分店睇下有冇本店咁有水算。我地6點半已經到餐廳，當然我地仲要係晚市第一枱客，不過7點後就開始多人，而且仲有好多客人專程黎買丼飯外賣。餐廳唔大間，裝修富有日式風格，同廟街附近嘅環境反差都幾大。餐牌設計好簡單，只有兩頁，一頁是丼飯，其他食物飲品就係第二頁，我地三個人點左一客丼瀛龍蝦刺身爆丼同埋一客築地壽司杯share食。丼瀛龍蝦刺身爆丼 $268呢個海鮮丼超誇張，分兩層，上層係龍蝦刺身丼飯，下層係海膽汁沾烏冬，龍蝦好大隻而且勁多膏，龍蝦肉混蟹籽，口感更爽脆。刺身足料，丼飯混入魚子同糖心蛋食，非常惹味，下層的海膽蒟蒻沾麵今日缺貨轉左烏冬，烏冬彈牙爽口，海膽汁入面混有海膽肉，味道濃郁，整個爆丼份量好多，一個人應該食唔哂。築地壽司杯 $168呢個$168嘅壽司杯好抵食，總共有7款食物，當中我最鍾意當然係海膽杯同吞拿魚腩蓉杯啦，海膽入口鮮甜味濃，另外隻鮑魚都好軟腍入味，三個人share都好滿足。埋

見FB推緊樂師傅新開的店，就去佐敦試下魚生飯。環境都幾日式。枱有點小，不可一次放多樣食物。先上麵豉湯龍蝦刺身爆丼$268雙層架，係幾有gimmick。上層除左龍蝦，仲有時令海鮮刺身，三文魚、帶子、北寄貝、油甘魚腩、劍魚腩、針魚、八爪魚、吞拿魚、三文魚子，附糖心蛋醬油漬1隻，好豐盛。壽司飯係底，可以再酸少許。下層係冷稻亭烏冬，配海膽汁。龍蝦好大隻，成隻上，肉質不錯，仲有羔添。將烏冬放入個汁度，發現仲有海膽係入面，不過，芝士汁咸左d。築地壽司杯$168，擺得美輪美奐，有五款壽司，包括黑松露海膽、甜蝦、三文魚子三文魚、香葱吞拿魚蓉、蟹籽魷魚，磯炙鮑魚和三件加州卷。三文魚子三文魚夠肥美，磯炙鮑魚唔錯，有咬口又入味。

這間日式料理店「丼瀛」隱藏於遊人如鰂，有平民夜總會之稱的廟街內。廟街是一條富有香港本土特色的街道，有不少售賣香港特色紀念品的攤擋，亦有不少大大小小的食肆，當中包括小食、煲仔飯、東南亞菜、甜品等等。這間餐廳是廟街少有的日式食肆，以丼飯為主打，取價公道，丼飯價錢由$98起，平日星期一至五，中午十二時至下午三時，更有七五折優惠，還有精選的外賣自取爆丼，只需$48。另外還有沙律、刺身、壽司等供應。麵豉湯（免費）築地壽司杯（$168）👍👍👍👍👍層層疊的壽司杯，多款口味，最適合多心又想試多幾款口味的朋友，每款刺身和壽司飯都放在精緻壽司小碟內，視覺上已加分了。▪️最一層 - 磯煮鮑魚和加州卷，鮑魚口感柔靱，醬汁很入味，已預先一開為二，方便食用。加州卷內有青瓜、蟹柳和雞蛋，還有外面的蟹子，口感豐富。▪️第二層 - 三文魚腩和三文魚籽，肥美的三文魚腩和爆鮮的三文魚子一起放入口，爆發濃濃的文魚味道。▪️第三層 - 蟹子魷魚，脆脆的蟹子和柔滑的魷子，口感對比強烈。▪️第四層 - 蔥吞拿魚腩蓉，加入芝麻，令味道倍添。▪️第五層 - 牡丹蝦，肉質甜美，入口柔滑。▪️第六層 - 海膽黑松露，軟綿細密、入口即化的海膽配合芳香的

平時去廟街都係食煲仔飯或炒小菜，但係今日我地選擇食丼飯....店內環境是簡單既日式格局...呢度既爆丼飯既係雙層....第一層係海鮮刺身丼飯，第二層係海膽蒟蒻沾麵 ...沾麵係用蒟蒻制，所以口感比較爽口彈牙...配上芝士海膽蔬菜汁...味道清新美味而上層亦有多款不同既海鮮刺身...龍蝦一點亦都不遜色⋯⋯燒河豚魚乾...燒得火喉剛剛好，唔會太乾、都幾有咬口...配上清酒🍶芝士年糕...炸到外脆內軟...一咬就有滿滿芝士流出來...特上十點壽司🍣盛合....有十款不同壽司...有其中款魚類壽司係油甘魚，劍魚腩，金針魚...刺身是新鮮..鮮甜的！

今日到廟街遊逛，揾個美食的地方醫肚是常識吧，本人十分喜愛食日本美食，一於前進食丼飯我點選了一份 A)築地壽司杯 $168有牡丹蝦、海膽、魷魚、吞拿魚、三文魚做的壽司杯，另外還有燒鮑魚及加州卷，壽司很別緻，令我可慢慢細嚼，燒鮑魚很好味友人點左份 R ）吉列黑毛和牛雜錦海鮮雙層爆丼，一份套餐，兩款食法，先食吉列黑毛和牛、吉列薯餅、玉子、紫菜，然後再食海膽蒟蒻沾麵配芝士蔬菜海膽汁，蒟蒻麵爽口又清新，又有芝士的香味，海膽的鮮味有好多海膽芝士年糕燒完，外脆內軟，還有少少流心的感覺有不同的小食很多款式的丼飯樹立在廟街內，很有特式

之前Honey膝頭哥韌帶扭親，要去佐敦睇跌打敷藥，今日係最後一次覆診，師父話無事㗎喇，包保行得走得，生蝦咁跳都得。從醫館返出來，經過廟街，Honey話食埋嘢先返歸。一直行多幾步，就見到間新嘢，專食丼，一於去食。坐正對住廟街嘅座位，餐廳唔算大，不過就有幅好靚嘅牆畫。 餐具都幾精緻。餐牌有兩版。既然師父話Honey 可以生蝦咁跳，我哋就食個至豪嘅龍蝦刺身爆丼$268，再食多個羽衣甘藍無花果黑醋沙律$78。【麵豉湯】跟餐附送的。一般的日式餐廳的麵豉湯都較鹹，這個味道適中。【羽衣甘藍無花果黑醋沙律】賣相好靚，各款食材放埋一齊，好襯。黑醋汁竟然可以凝結成珠粒附在羽衣甘藍之上，這個是什麼物理現象呢?無花果生食都係第一次，原來係好腍，好鮮甜。藍莓新鮮，爆汁，好甜。【龍蝦刺身爆丼】有兩層。上層放滿魚生、一大隻龍蝦和開邊流心蛋，咁多材料砌在碗丼之上，相信廚師要花一點功夫才辦到。下層是蒟蒻沾麵和海膽芝士汁。等我慢慢將個龍蝦剌身爆丼拆解先。好食到不得了。龍蝦頭有好多糕喔，極邪惡，but I like it!用蒟蒻來做成麵條，我都係第一次見，蘸上海膽芝士汁來食，真係一絕。個汁真係無花假，有好多海膽。正呀!

一毎人經過廟街，見到這間新開無耐的日本食丼丼的餐廳，入去試試。可能是新裝修關係，有淡淡的灰水味，地方比較細，所以座位比較狹窄。這裏主要是食丼，款式都幾多。先叫了個羽衣甘藍無花果黑醋沙律，除了羽衣甘藍外，下面主要以西生菜墊底，有些藍苺及無花果，配上黑醋汁，幾開胃。之後要了個推介的龍蝦刺身爆丼，龍蝦身已去殼起肉，方便食用，刺身有三文魚、吞拿魚、帶子等各一片，可以樣樣試到，下面配上白飯。下面一層是海膽芝士汁沾麵，份量不多，加上爆丼剛好夠一人份量。

見附近開咗間日本野，餐牌有成20幾款丼，價錢唔貴，仲有新野喎，一於試吓。我地叫左兩個丼食，等吃期間周圍望吓先。廟街來說鋪位都唔算細，坐到20-30人左右。都有八成full 啦，似多係街坊客，亦不乏外國人，新店果然有點號召力。擺枱幾精緻，枱亦夠大張唔會迫。終於有得食了......北海道海膽雜錦魚生雙層爆丼 $ 138嘩！超爆丼呀！實物真係比餐牌吸引好多。大堆頭之餘仲要有兩層，真係好花時間去砌架！上層係雜錦魚生，全部都新鮮好味，剩係板海膽已經值回票價 ，出面食$40-$50 走唔甩啦！我用大片紫菜包左，食落真係超 good 呀！兩隻刺身蝦亦唔野少，好抵呀！下層係海膽汁蒟蒻麵 ，新野喎，仲有唔少青瓜絲，食落好清新！食完魚生丼，再戰另一個，蒲燒原條鰻魚雙層爆丼$148。同樣地，一見到已經好有滿足感了！佢堅係原條鰻魚上架，而下層亦係砌得靚靚的蒟蒻麵。用鰻魚配蒟蒻麵食都好得喎，一個肥美一個清淡，又一新食法。女侍應Service 很好，知我地 share 食會自動俾碗仔，每道菜式都詳細講解菜名同埋食法，非常有禮貌，超抵讚！平過食迴轉的價錢便已經食到魚生丼，抵到爛，我估好快會有排隊人潮了。

今日同男朋友去左永安百貨買野，買完諗住係附近食埋野先返屋企，點知行行下落雨，見到有間日本料理店，新開張，賣相幾吸引，所以就入食晚餐🇯🇵入到餐廳，員工服務好好，好細心又介紹下食物！牆上掛左好多日本嘅裝飾！餐牌：丼瀛龍蝦刺身爆丼～成個丼好豐富，上層係刺身飯，下層係海膽蒟蒻沾麵！龍蝦仲要係原隻，肉質好爽口好鮮甜！刺身都好新鮮！下層沾麵，係要配海膽汁黎食，海膽汁好濃好香，有勁多海膽香桃蟹籽沙律～呢個配搭都幾特別，仲要係用海葡萄，第一次食，味道唔錯，好有口感一口炸芝士～炸到好香脆，一咬落口勁多芝士，好正汁燒雞軟骨串～雞軟骨好爽口，好脆整體來說，餐廳食物用料新鮮，賣相同味道都唔錯！

今天試下位於佐敦廟街188號地舖嘅「丼瀛」， 朋友同我講廟街開咗間日本餐廳， 所以我不妨一試， 從遠處已經看到這店， 門外掛上大大個紅色燈籠。 店内日式裝修為主，地方寬闊， 環境舒適。 首先來個《羽衣甘藍無花果黑醋沙律》， 份量都唔少，感覺非常清新， 真係既清新又健康。羽衣甘藍非常翠綠，咬下去仲特別爽脆𠻹， 無花果又香又甜， 加上黑醋， 酸酸甜甜好開胃。 丼瀛提供各式各樣嘅丼，款式真係好多，當然仲有刺身、 沙律同壽司等等啦！ 附送日式麵豉湯： 我鍾意食長腳蟹， 所以叫咗個《北海道松葉蟹腳三色雙層爆丼 》 ， 果然係「爆」丼， 有大大隻長腳蟹、三文魚、三文魚子同海膽， 好豐富呀! 厚肉肥美嘅三文魚腩，佈滿魚香，肉質嫩滑。 金橙色嘅三文魚子， 魚子非常豐滿， 咬落去魚子油載滿口腔， 非常爽脆。 長腳蟹， 肉質細緻，味道鮮甜可口， 啖啖肉， 好味。 海膽甘甜可口， 入口即溶， 非常香滑， 仲有少少creamy 口感。仲有我至愛嘅溏心蛋， 半生熟嘅蛋黃， 蛋味濃郁， 仲好滑㗎！ 最特別係有「雙層」享受， 攞開個丼，好驚喜， 原來有個芝士海膽醬汁。 幼身嘅蒟蒻沾麵，囗感爽口， 加上醬汁一齊食，

去廟街不一定吃煲仔飯的，和朋友在圓方看完電影後便到佐敦搵食醫肚。走到廟街見到門口有一幅大大的日本布寫著「丼瀛」兩字，甚具日本風，進入店內，牆上刻意的佈置，感覺尤如置身日本一樣。店內招牌的丼飯，有超過20款選擇，奉勸有選擇困難症的朋友，最好先在網上選擇好食物才來，不然應該可以在猶豫點什麼餐上也花30分鐘😂🥗羽衣甘藍無花果黑醋沙律（$78）羽衣甘藍的青澀獨特味道，配上香甜的無花果，最後淋上黑醋，酸甜又開胃。雙層丼飯除左好睇得 味道仲好好👍🏻👍🏻👍🏻集視覺👀與味覺👅享受於一身丼飯顏色配搭上明顯花過心思，令一眾港女無法抵擋相機食先的誘惑，一不小心就拍了超過十五分鐘🙈✨丼瀛龍蝦刺身爆丼✨（$268）👉🏻原隻龍蝦🦂👉🏻多款刺身🐟👉🏻下層䈮篛麵配海膽芝士醬🧀🦀北海道松葉蟹腳三色雙層爆丼（$178）👉🏻松葉蟹腳🦀👉🏻海膽刺身👉🏻三文魚刺身🐟👉🏻下層䈮篛麵配海膽芝士醬🧀食物新鮮，食材配搭新穎，有創意👍🏻還點了兩罐梳打汽水🥤📌店名：丼瀛‘📍地址：佐敦廟街188號地舖

去佐敦唔一定食煲仔飯嘅，日式丼飯都好吸引架😍我同朋友經過丼瀛門口，瞬間就被佢日式裝潢吸引，想來個即興的「日本之旅」😁丼飯款式仲層出不窮，保證你選擇恐懼症發作呀😝丼瀛龍蝦刺身爆丼 $268店內的招牌，一定要試！睇下份量幾澎湃，有各式刺身，新鮮肥美！重點係隻大龍蝦！原隻上😍好多龍蝦膏，回味無窮😋刺身下面有飯，而最底層則是「海膽蒟蒻沾麵」，麵質爽口，配海膽汁食好清新👍🏻北海道松葉蟹腳三色雙層爆丼$178不但有松葉蟹腳，仲有好多肥美的三文魚，而最正就係果板海膽，店家毫不吝嗇，份量極多，甘甜美味，好正呀☺️羽衣甘藍無花果黑醋沙律 $78選用羽衣甘藍為食材，非常特別，酸酸地，開胃又有益😋整體來説性價比好高，食材質素佳，份量絕無欺場。最正係比到你置身日本嘅錯覺，飛日本癮起嘅時候就黎呢度啦😂