丼瀛 (已結業)

之前見完客，屋企冇飯食，唯有自己一個搵食喇! 喺佐敦搵左一陣，見到廟街有間食丼飯，好吸引架! 就被吸引左去醫肚喇。丼瀛位於廟街旁，地點都幾方便!! 食晚飯時間，都多人，好彩一個人，即刻有位!!!餐牌大大張，有哂圖，選擇非常多，而且仲有串燒同沙律等，真係令人心大心細唔知揀咩好。最好揀左好得意嘅築地壽司杯! 壽司杯飯量唔算多，款式都多，可以試多啲，又唔會太飽!! 仲有隻磯煮鮑魚添。甜蝦杯有兩隻大甜蝦，差啲睇唔到啲飯!!三文魚親子壽司杯賣相都唔錯!! 刺身味道都正正常常，唔會話腥。店舖空間比較細，所以同其他客人坐得比較親密。

吃過中環S2 Kitchen，得知老闆在廟街開了分店，特意前來一試。 門口掛滿日式燈籠，非常奪目。 叫得做「丼瀛」，當然以丼為主。 十九款丼任君選擇，由刺身到熟的都齊備。而且價格夠街坊，為廟街帶來新選擇。 每晚9:30PM後還有半價優惠，絕對是宵夜之選。 築地壽司杯 $168 一貫相機食先的作風，招牌壽司杯一層層的，賣相夠豐盛。 吞拿魚腩蓉、海膽、鮑魚⋯⋯ 用料華麗。 刺身還算新鮮，但壽司飯略嫌不夠軟綿，醋的份量也較少。 而丼為主，但我覺得燒物更值得讚。 豚肉金菇串（$18）非常juicy，豚肉燒得外脆內軟嫩。鹽燒牛舌（$38）味道亦夠濃郁。 燒白鱔 $38 白鱔外皮烤得香香的，肉質結實、彈牙。 明太子雞翼 $18 明太子雞翼很猛料，使雞翼更juicy、更顯嫩滑。 咬一口，肉汁四濺，絕不欺場，更讓人回味。

甘既價錢，其實真係好抵！但質素好差，仲要有隻蚊係飯裡面！原來book吳book檯都一樣架！所以吳book都冇咩所謂！油尖旺太多食市，比我再選，一定不會再食！最後，又要搵第二間食過！

唔知點解，身邊總會有個迷信嘅朋友。今晚本身同佢行完波鞋就諗住返屋企。但朋友突然抽起條根話要去廟街睇掌，睇完一檔又一檔搞到成九點幾先完，於是就直接掃入廟行揾到呢間丼瀛，要佢請食補數。因為兩人食就點左兩個丼飯，首先係龍蝦刺身烏冬雙層丼。龍蝦彈牙配上三文魚子增加鮮味及口感，而三文魚都算肥美所以油脂味都豐富入口滑嫩。不得不讚係龍蝦頭十分多膏，味道又夠晒濃香。撈落去烏冬個白醬度食十分滋味。白醬微甜中帶點蛋黃及奶香味，跟煙韌烏冬同食清爽而不膩。如果烏冬再多返啲同個白醬杰返少少做到掛麵就最好了。而個溏心蛋蛋香味濃，半熟得啱啱好，同樣係一整粒就VERY GOOD了。築地壽司杯。朋友戲言佢叫碗仔飯，有三文魚／蟹籽墨魚／黑松露海膽／拖羅腩蓉／加州卷／甜蝦及汁煮鮑魚。三文魚子飯如果再多啲魚子就好了，因為醬漬味配飯真係食多兩碗都無問題。海膽雖然奶滑但配上黑松露醬就蓋過左個味道，單獨咁食會好好多。而蟹籽墨魚彈牙爽口，蟹籽邊咀嚼邊爆開，同墨魚滑溜對比口感不錯。加州卷就唔算持別，但相當飽肚。拖羅腩蓉好香，配上碎蔥，油香同蔥香嘅味道十分好食。而甜蝦反而唔係咁夠甜，可能同體積有關覺得細隻啲嘅會更鮮甜。汁煮鮑魚好入味，雖

廟街除了是遊客感受香港道地文化必到的景點外，講到食，最出名的一定是殘忍的煲仔飯🤣 最近連日本🇯🇵的丼飯都加入餐廳門面相當搶眼，掛上多個紅噹噹的日本燈籠🏮餐廳地方不大，座位只有約三十個，位與位之間則較狹窄，不過光顧的人挺多，翻枱好快丼瀛主要的賣點一定是爆丼系列，款式種類令人目不暇給，睇到我花多眼亂❤️ 除此之外，仲有串燒，壽司，刺身，佐酒小食，沙律等等，值得一提的是9點半後部分食物有半價，算是抵食😊有齊日本茶，豉油，餐巾提供爆丼系列有成18款之多，視乎個人喜好及口味，價錢由$58-$268不等，豐憸由人，我就簡左最貴的丼瀛龍蝦刺身雙層爆丼$268，上層有原隻龍蝦極為吸引🤤 加上溏心蛋、雜錦刺身、三文魚籽鋪面，足料到完全覆蓋著丼飯，旁邊仲有塊脆紫菜可以包飯吃🤓下層都內有乾坤，本身是蒟蒻麵轉了冷烏冬，配以鮮味的海膽汁，用沾麵的食法，透心涼之外仲夠創新🙂龍蝦頭滿滿都是蝦膏，不禁讓人垂涎欲滴🤤餐廳提供了鉗（細心位）方便食客鉗到蝦殼，原隻龍蝦體形不小，彈牙的肉質啖啖肉，食起來很爽😆一早拆好的龍蝦肉混埋蟹籽，青瓜粒同芥末，口感過癮，嗆鼻刺激得來很開胃這個築地壽司杯賣相極為吸晴👀 而且用木架層層地擺放更

之前聽朋友介紹廟街有間雙層霸氣丼飯幾好於是今日收早就相約友人去試一試佢我地book左18:30去到見場面比較冷清，可能係時間尚早未到食飯時先睇menu價錢唔太貴又多選擇，搞到我啲選擇困難症又發作經過一輪討論最後叫左A同B一上枱就嘩一聲原來真係咁豐富👍🏻鮑魚已經一開二俾我地share，好貼心味道唔錯幾鮮味又唔會太濃醬油味黑松露海膽本人對松露已經特別喜愛再加上海膽真係別有一番風味好濃海膽味唔腥足料細細碗已經有兩隻蝦，鮮甜又大隻呢個丼好有霸氣，上層係吞拿魚加吞拿魚溶另外一細板海膽同一隻糖心蛋呑拿魚同魚溶好肥美新鮮海膽加魚溶呢個配答既新鮮又岀奇地夾，唔錯糖心蛋堅流心撈壽司飯又係另一種食法整體成個上層都好滿意食完上層到下層係海膽汁撈面第一次聽感覺怪怪地，抱住一半一半既心情試一試第一啖食落去好有驚喜有別於平時沾面個啲，個汁唔腥有海膽既鮮味加埋個冷面🍜真係一個另類既組合，鍾情於海膽既人應該會喜歡💕食到一半既時候成間餐廳已經坐無虛席。整體黎講兩個壽司丼都各有千秋，啲刺身都幾新鮮。最後走個時門口已經排長龍估唔到廟街都會有間有驚喜既日式餐廳

尋日經朋友帶路下嚟到廟街食下呢間日式小店，朋友話佢出名一個雙層爆丼，務必要嚟食下！小店坐位有限，主打2-4 人檯，我見到好多客人都預先book左檯，可想而知大家都係慕名而來！除左主打既刺身，壽司外，小店仲提供左其他如串燒，日式料理等菜式！小店主打刺身飯，精選左既食物相信都用相片印左喺餐牌上面！價錢都幾經濟實惠，怪唔之得都吸引咁多人嚟食！我今日就食朋友推介既雙層爆丼，睇相已經覺得好吸引！落完order, 小店提供左麵鼓湯俾我哋暖暖胃，味道都唔錯，唔會太咸，仲有d豆腐粒喺入面！我同朋友今日叫左兩個菜，先嚟係築地壽司杯，用料十足，精選左幾樣唔同既刺身，再鋪喺飯面上，感覺好似加大左既壽司咁！ 其中拖羅碎 鮑魚，海膽比較出色！海膽鮮甜，鮑魚彈牙有咬口，拖羅碎都有少少肥肉，可以食到魚肉既鮮甜味！而主角爆丼都跟住出場！賣相同餐廳真係幾乎一模一樣咁精緻，成隻小龍蝦放到面前！而龍蝦旁邊仲有好多唔同款式刺身，例如三文魚，魷魚，吞拿魚等等！一次過可以食晒多款刺身，刺身底下除左飯外，仲有一層冷麵，記得拎開上層刺身飯，先會發現中間有兜酸酸甜甜點冷麵既汁，冷面煙韌，個麵本身無咩味，點汁會比較好食！是次晚餐埋單4百

一行二人到佐敦廟街整完嘢見肚餓就喺附近揾地方食晚飯，因為天氣太熱有成35度，所以決定食日本嘢無咁熱。見呢間丼瀛門口個餐牌上面嘅丼瀛龍蝦刺身雙層爆丼好吸引，而家仲要有“試食價”當然要走入去幫襯下。我哋叫左份丼瀛龍蝦刺身雙層爆丼(試食價$268)，同一份築地壽司杯($168)。龍蝦刺身雙層爆丼上層係全隻龍蝦加上八款的鮮魚刺身，帶子、三文魚、墨魚、八爪魚……等等。龍蝦好大隻，蝦肉做成沙律，蝦肉爽口彈牙，加上做自家製嘅沙律醬，好好食。幾款鮮魚刺身都好新鮮，仲有半隻味美溫泉蛋，材料非常豐富，叫“爆”丼真係實至名歸！下層係海膽蒟蒻沾麵，中間個醬係海膽芝士醬，海膽同芝士嘅味好夾，蒟蒻麵非常爽滑，撈埋青瓜絲一齊沾個醬食，令人印象深刻！築地壽司杯賣相精緻，每一個杯入面係壽司飯加同嘅刺身，甜蝦、魷魚、他他、三文魚、黑松露海膽，仲有蟹子反卷同原隻鮑魚，材料夠晒豐富。刺身新鮮好食，其中他他、黑松露海膽味道濃郁，好好食！醃過嘅鮑魚一D都唔韌同時又保持到鮑魚本身嘅味道，正！我哋呢日比較早六點鬆少少就到，餐廳入面仲未有咩客，但到七點左右就已經坐滿人，下次再嚟幫襯就記得要訂位先！

平時去廟街食煲仔飯就食得多，呢日嚟到呢間新開嘅日本料理店。地方唔大，空間比較狹窄 但待應姐姐好好服務！店面雖小，但裝潢幾好feel~可以見到廚房師傅準備食物一坐低，待應姐姐就好貼心推介咗有咩好食，我地第一次嚟到就照嗌咗～先上嘅係築地壽司杯，賣相都幾精緻！有五隻壽司杯，三件卷物，同一隻鮑魚仔。我地都覺得海膽杯最好食而唔太食吞拿魚嘅我地都接受到佢嘅吞拿魚杯最驚喜嘅反而係飽魚仔，好貼心咁一開二比我地share食，入味而且幾彈牙 又好juicy 真係好鐘意跟住就嚟咗個龍蝦刺身雙層爆丼，加埋海膽蒟蒻沾麵，呢個十分推薦！實物都幾壯觀，龍蝦肉實而不老～底下係魚生同飯，夠哂飽肚不過食龍蝦真係要好有技巧 慢慢拆殻 先可以食到但辛苦係值得架龍蝦真係又大又正沾麵有啲似海膽汁加埋蛋黃汁，我地兩個都好好鍾意食～亦有啲三文魚籽作點綴呢個沾麵汁好食到我地用埋嚟撈魚生飯整體而言，丼瀛雖然地方淺窄，但服務幾好，而而食物企企理理，可以一試！

放工已經9點半，黎到見到有半價，所以坐底左。叫左迷你魚生飯x2，幾款壽司，芝士年糕，楊枝甘露沙律。送了2杯飲品。迷你魚生飯+壽司：魚生新鮮。敗筆的是飯，不是日本米，疑似未熟/唔夠水。壽司一夾便散了。芝士年糕：正常炸物。楊枝甘露沙律：份量很少，是半價關係嗎？飲品：選了乳酸飲品，正常口味。另可選酒精飲品和紙包飲品。正常魚生飯和燒物都沒有優惠。豉油和wasabi 採用配給制。環境頗逼，郁少少都會撞到後食客。

廟街最經常同出名就係食煲仔飯 今次同家姐出動搵好野食🤣 順便接佢放工 就簡咗係廟街既丼瀛☺️ 見有唔少好評 賣相又唔錯 一於試下🙇🏻‍♂️雖然大概從餐廳環境相片睇得出餐廳空間細 實屬小店 但入到去又唔算太細 大概容納二十人左右👍🏻 不過位與位之間如果加多少許距離會更好😝 我地坐低就簡定咗兩款野食因爲係有備而來😎第一樣就係丼瀛龍蝦🦐刺身雙層爆丼 份量唔細 分為上下兩層👇🏻實行一餐兩食 上層有大大隻龍蝦 蝦膏相當充足🤤 蝦腳亦長長既 又夠肉 有較剪就方便食😆 側邊有唔同款式既刺身 整體都幾夠新鮮 值得一讚👍🏻 仲有隻溏心蛋 味道都唔錯 上層好快就食完🤣下層係海膽蒟蒻沾麵 平日好少機會食蒟蒻麵 更加無試過海膽汁配食 所以期待感頗高☺️ 口感幾清爽 彈牙 外貌真心似烏冬 但就比烏冬健康😛 撈埋海膽汁食幾開胃 仲有配菜食落幾fresh😗築地壽司杯😍 賣相擺明就係相機食先 完全加哂分😏 共有五款口味 款款都係三至四口份量 唔會太多 食落唔會滯 食量唔大岩哂 刺身夠鮮甜😽 大推海膽同甜蝦 兩款質素都算幾好 而鮑魚味道亦唔差 如果各碗飯更凍就會更吸引😂 整體黎講 餐廳雖然空間唔算太大 小店係廟街黎就夠哂出色

很久沒有與一大班朋友到油尖旺逛街，趁著天氣還未算太熱的時候就走出來逛逛。世界不斷在變，不來一段時間又會有些不同，出來逛逛亦可看看現在時下流行甚麼。去到廟街，連俄羅斯導遊都識得有煲仔飯，不過因為有間食丼飯的日式店子新開張，老闆請我們去試食及給予意見。店舖面積不大，但總算整齊，反正是食丼飯的一般都只是用小桌或吧枱的型式。牆上也簡單地繪畫了一棵樹，還標示了店舖的名字。原來店舖新開張有優惠，有些佐酒小食做半價，但我們沒有要酒，所以沒有刻意要這些。另外較為吸引我們的是雙層爆丼，所謂雙層爆丼是每款上層是自選的丼飯，配下層的海膽蒟蒻沾麵，這個是用清涼爽滑蒟蒻麵配以由師傅特別用新鮮海膽做的沾醬同吃，雙層就是一餐兩食。除此之外，雙層爆丼還跟糖心蛋醬油漬一隻或日式麵豉湯。不知份量有多少，於是我們先要了丼瀛龍蝦刺身雙層爆丼($268)、築地壽司杯($168)及羽衣甘藍無花果黑醋沙律(半價$39)，當然是不足夠我們幾個人的，之後再加。首先送到的是丼瀛龍蝦刺身雙層爆丼，雖然是最貴的一款，但果然很亮睛，龍蝦擺放得很有霸氣，除了保留了龍蝦頭、尾及蝦鉗之外，其餘的做了龍蝦肉明太子沙律，還配以一些魚生魷魚及北寄貝等刺身

佐敦平價雙層海鮮丼 上層龍蝦刺身丼飯 下層芝士海膽沾麵 份量十足 食一層都飽啊😛 除左有原隻龍蝦 仲有三文魚 金目鯛 赤貝😀 仲有個築地壽司杯 mini壽司丼 有拖羅 甜蝦 海膽 三文魚 相當豐富 大胃者可以挑戰👍========================三個90後吃貨會不斷開心share美食💓*喜歡睇我地美食分享的，不妨按👍及share，讓更多人睇到我地既post🙆🏼‍♀️*💡Facebook:三個90後吃貨 3bad_foodies🚩Instagram: 3bad_foodies📍OpenRice: 3bad_foodies📬大眾點評:三個90後吃貨 歡迎在不同的平台 繼續留意我們的推介🙆🏼🙇🏼‍♀️大家亦可以向三個吃貨介紹美食👻我們一定會去試👅#愛吃也愛分享 #三個90後吃貨 #3bad_foodies#三個90後吃貨_佐敦美食推介======================= #hkfoodblogger #foodlover #foodie #hkfood #hkfoodie #hk #hkig #foodiehk #instagram #instaeat #insta

係佐敦做完野，諗住周圍搵下嘢食，就被呢個龍蝦同沾麵吸引左有好多各式各樣既丼😍，不過今次我目標明確，首先就叫一個龍蝦刺身雙層爆丼先😎每位客人都贈送一碗麵鼓湯等待丼既來臨🐣鋪面唔算好大，店員亦準備好莫龍蝦嘅道具比我地丼瀛龍蝦刺身雙層爆丼$268哇！好大份！首先視覺上已經好呃Like大大隻龍蝦再加上吞拿魚，三文魚，希靈魚刺身，仲有青瓜同三文魚子粒而且仲有兩粒好蛋嘅糖心蛋添刺身望落色澤靚，食落亦都鮮味重，確實夠新鮮爽口至於龍蝦上面亦起左d龍蝦肉伴沙律醬，雖然龍蝦有d難mock，但肉量也算多，嫩口彈牙而下層則係樂師傅沾麵，其實就係海膽汁蒟蒻麵，蒟蒻麵直接食落口冇咩味，需要點上特製嘅海膽醬，蒟蒻麵比起平時嘅面彈牙，點上海膽汁好滋味裏面亦會見到海膽嘅蹤影，唔係淨係汁咁簡單來到日本餐廳梗係想再食多少少刺身，於是我哋再點左築地壽司杯$168，用唔同顏色嘅碟仔裝住加上高低擺設，好似藝術品咁樣每一杯都有自己嘅主題，分別有海膽，甜蝦，三文魚，青瓜蟹子同吞拿魚。比貪心嘅你可以試晒咁多樣嘢，下面有放咗少少飯俾你清一清味蕾再試另一樣另外仲有鮑魚同加州卷，呢度嘅刺身全部都鮮味十足，呢個質素，價錢合理，雖然有少少隱世不

最近沉迷魚生飯（海鮮丼），放假自己一條友由旺角行到落佐敦廟街，用openrice 發現呢間新開業鋪仔幾吸引。可能新開張關係，係廟街巷𥚃，所以食晚飯時間都唔多人。北海道海膽雜錦魚生雙層爆丼係我花多眼亂毫無頭緒情況下，以滿足我一個人大食貪心要求，揀龍蝦丼又食唔哂，就揀左呢個乜都有啲丼。賣相好靚足料極吸引。一個丼有七款魚生有兩隻蝦仲有大大份海膽實在太吸引了。仲要有兩層，教埋點enjoy 個沾麵魚生好新鮮喔，份量好夠，心思在日本飯帶芝麻幾香，而美中不足在飯唔夠軟身同唔夠暖，欠左少少醋味。隔離枱玩緊corona 啤酒cocktail ⋯ 餐廳仲有好多野食揀