丼瀛 (已結業)

早就聽過呢間丼瀛... 幾出名食刺身.. 因為男朋友鐘意食, 今晚就特登帶佢黎一齊食啦^^(自己唔食得多生野都帶佢黎..非常24孝女友^v^!!!)但係黎到先發現原來多數人都有先訂位...我地7點半黎到都己經full晒... 等到8點左右先入得座地方雖小但係幾鐘意佢既小裝飾呢~! 右手邊一大塊純白牆貼左一顆紫色樹~~天花仲掛滿唔同款式既旗幟 好Colorful好靚💕Menu上半part係刺身丼飯類, 下半part就係壽司/串燒/小食類~男友超鐘意食魚生...所以我地先叫左個築地壽司杯$168一次過可以試到5款刺身🍣::馬糞海膽, 吞拿魚, 甜蝦 , 三文魚全部都不錯特別令我深刻既係魷魚🦑特別 鮮甜新鮮 咬落爽口~!!另外仲有磯燒鮑魚同加州反卷架鮑魚係熟既😍有微微既甜味~ 加州反卷就不過不失^^~另外 刺身跟既飯全部都加左青瓜同香蔥架 更加清新🌱跟住我地叫左佢呢期新推出既丼瀛龍蝦，刺身雙層爆丼$268其實Menu上所有雙層爆丼都係配海膽蒟蒻沾麵🍜龍蝦盤一試真係不得了😍不可不試!!食龍蝦身時已經覺得彈牙有咬口但更正既係蝦蚶位😋一拆開已經爆晒汁勁juicy又鮮甜...但但但仲未完架😍千其唔好

好耐冇食一份份嗌嘅日本野（放題除外）因為呢種貴精不貴多，但又性價比高的日本餐廳難求。今次食呢間就可算唔錯，主打嘅幾道菜都有好有心思，食材新鮮得黎又有創意！鋪頭係廟街之中，店面唔大，位置比較迫，我地接近9點先食唔算多人，所以坐得還好。餐牌已經有幾個推薦必食龍蝦刺身雙層爆丼 $268大大隻龍蝦鋪係中間，周邊全部係8款唔同嘅刺身圍住，龍蝦身啲肉已經去左出黎做沙律，啖啖龍蝦肉！另外龍蝦鉀都仲有好多肉，拆出黎都好方便，因為煮個陣有調味，所以係鹹鮮味較重，至於各款刺身比較出色嘅係吞拿魚，其他都係爽口而已。不過個飯有點遜色，醋唔夠之餘，有啲飯粒係生嘅... 所以食完啲龍蝦同刺身就算...龍蝦頭勁大，好多膏可以食，唔好晒！！海膽蒟蒻沾麵非常清新同輕盈嘅配搭！麵係蒟蒻麵，食落就好似芋絲咁嘅口感，做沾麵非常特別，配合creamy的海膽食一流，不過海膽汁就唔係好夠濃味，喜歡清淡的人可以一試。築地壽司杯 $168因為冇乜點食丼飯，所以試多個壽司杯。外形好靚，擺放得好有心思，仲有隻磯煮凍鮑魚！三文魚腩好肥美，同埋飛魚子都幾新鮮～最好食係吞拿魚～油份十足，配埋飯食係超超超幸福，今次啲飯又冇唔熟。海膽加左黑松露味道

丼瀛位於廟街內，走平民路線。店舖裝修很簡單，畫上簡單壁畫，帶來點點可愛感。當日早到關係，人客不太多，不過每張枱面積很細，枱貼枱，背貼背，坐得很擠迫。打算叫上熱門菜式，就叫網上見到的爆丼飯加築地壽司杯。築地壽司杯築地壽司杯用特別設計的木架高高低低放上幾杯不同的刺身加飯。刺身有好幾款，有吞拿魚蓉、海膽、鮮蝦、三文魚加三文魚籽及魷魚加蟹籽，印象較深刻的有海膽及鮮蝦，海膽很鮮甜，海水味濃，鮮蝦食味爽口中帶綿滑。築地壽司杯外另有一隻切半磯煮鮑魚，鮑魚被濃郁湯汁包裹住，肉質鮮嫩彈牙。丼瀛龍蝦刺身雙層爆丼原隻波士頓龍蝦蝦身起肉製成沙律，肉質結實爽口彈牙，龍蝦頭切半內裡有很多膏。刺身每款有一片，食到出係新鮮貨。下層海膽蒟蒻沾麵味道似烏冬但較淡較腍身，沾上海膽汁食用很特別。

最中意四周圍搵好野食既我又俾我發現多間高質日本餐廳！哩間日本菜餐廳不大，算係小店，但環境新淨，店員態度有善。打開menu 見到有近20款丼物，而且價錢都幾抵食，我今次黎主要都係想試下龍蝦刺身雙層丼！龍蝦刺身雙層爆丼 $268飲住熱茶等左15分鐘到就見到哩碗巨型丼喇！哇！賣相係超得呀，一定要餵飽左電話先呀😆龍蝦肉夾埋左芥末基本上唔洗點醬油就食到佢好新鮮。龍蝦肉質係好爽口嫁！仲會配時令幾款魚生，真係好肥美同新鮮。雙層丼另一亮點係下層既海膽伴蒟蒻麵😍第一次食蒟蒻麵，麵質好彈牙，好有趣，撈埋海膽汁食真係冇得輸，非常有新鮮感！蒲燒原條鰻魚雙層爆丼 $148哩碗既鰻魚原條上太吸引喇😍 鰻魚肉好厚，哩個價錢係幾抵。鰻魚汁流埋落碗果度好好味。流心蛋係亮點加分位呀😆 下層依然係蒟蒻麵，好野！食到勁飽呀2個人一人一個丼，咁多野食。

佐敦開左間新餐廳主打雙層丼❗️有十幾款選擇😆花多眼亂好難先揀到一款🍱北海道海膽三色雙層丼雙層丼個賣相超級吸引😍有海膽、拖羅蓉、魚子，除左海膽麻麻之外，其餘魚生都還好👌🏻每款丼都會附送糖心蛋🥚可惜不太流心😫至於個飯有d乾，如果有得揀醋飯/有飯素會更好其實食完上面個層都飽左7成😂下面個層係海膽沾烏冬，不過我麻麻地個汁☹️室溫食落怪怪地🤔同埋烏冬無乜彈性，其實個丼賣相一流，但味道仍雖改善

係 Openrice 揾到間係佐敦嘅平價嘅日本餐廳，有魚生丼同串燒食，所以帶埋女朋友嚟試下。雖然係閒日，但係都幾多人。築地壽司杯 ($168)有五款壽司杯，再加一隻鮑魚同一份加洲卷，真係掋食到爆。壽司杯分别有甜蝦、花之戀、海膽等吞拿魚蓉。好精緻，又可以一次過試多種口味。北海道海膽雜錦魚生雙層爆丼 ($98)竟然俾我揾到個唔洗100蚊嘅魚生飯。海膽以板上，賣相超吸引，魚生多到真係有爆丼效果，吞拿魚蓉好香。下層係蒟蒻沾麵沾麵，但好似煮得腍咗啲。蒜香貴妃蚌 ($28/隻)呢個超香吃，貴妃蚌勁肥美鮮甜，加埋蒜蓉燒好惹味。價錢又平，真係好掋食。焦糖菠蘿脆脆 ($26)呢個燒菠蘿甜品好香甜又juicy，咬落去先食到脆卜卜嘅焦糖，口感有層次。少不免飲返罐日本嘅提子汽水喇～

今晚同男朋友出佐敦開飯，朋友介紹我呢間丼飯又平又抵食，所以早幾日已經book定位呢間餐廳座位數目不太多，為免等位需時，建議大家都可以先行訂座。因為我看到其他食客很多都有訂座的看到餐牌，很多不同的丼物。而且這裡很特別，主要以雙層丼為主，上層是鋪得滿滿的刺身飯，下層便是海膽蒟蒻沾麵。而且價錢都相當合理。由於刺身款式太多，我的確想了很久很久最後我們一人點了一個套餐先黎一人一碗麵豉湯，為開動大餐前濕一濕口一會兒後，壽司杯便送上賣相很精美。有五款細細碗的刺身飯，仲有幾件壽司跟鮑魚，十分滋味魷魚刺身飯魷魚爽口彈牙，切成一條條的，容易入口而不飯粒都很綿，甜甜的，很好味花之戀刺身飯幾片肥美的三文魚配上幾粒晶瑩剔透既三文魚子。食起來令人感到十分滿足蝦刺生飯兩隻又大又彈牙既蝦鋪在飯面，賣相好吸引。而且蝦又大隻。睇到流曬口水吞拿魚蓉刺生飯吞拿魚蓉綿綿的 而且很新鮮。一啖吞拿魚蓉配上一啖飯，很滋味這款海膽刺身飯是我的最愛因該海膽新鮮，鮮甜無比海膽上還有黑松露，香氣撲鼻海膽跟飯很配合。很惹味鮑魚已切成兩半，方便進食鮑魚彈牙可口配上了芝麻，香香的，十分滋味豐盛的龍蝦刺身雙層丼上層看到有滿滿的食材有龍蝦、三文魚子、

食日本料理最著重鮮味，今次想介紹一間位處於廟街既平民價，但好有鮮味既刺身丼飯同其他日式料理。廟街一向多人黎搵食，所以6點30黎到餐廳已經頗多人，餐廳唔算大，但坐落都ok。餐牌入坐每人一碗麵豉湯，但我同朋友都唔太好香港製麵豉湯覺得好重味精，所以只要左一碗，但飲落又ok，味道比較清，有豆腐紫菜等配料。飲完湯店員送上羽衣甘藍沙律，第一次食羽衣甘藍，都幾fresh，聽講好有益，仲有鮮無花果，甜甜地，幾match 個黑醋汁。之後黎龍蝦爆丼飯！不單止有原隻龍蝦，入面估計仲有超過8款刺身！師傅把龍蝦肉切成粒粒，再混合醬料，爽口鮮甜！其他魚生雖然每款只有一塊，但每塊都好食同新鮮，最正係三文魚腩，食完個口仲有魚油香。龍蝦頭入面仲爆哂蝦膏，掛住食無影相.食完飯仲有驚喜，下面係海膽蒟蒻沾面，蒟蒻面彈牙，海膽汁中間有原塊海膽，汁比較淡，食落似芝士海膽味！築地壽司杯整得好精緻，每一個小杯也有不同的刺生，有甜蝦、三文魚、魷魚、吞拿魚腩蓉、海膽、鮑魚刺身同加洲卷物！海膽肥美鮮甜很足本！至於吞拿魚蓉match飯一直係perfect match ！甜蝦都幾大隻，但個味未夠最鮮甜。鮑魚好有口感彈牙無肉不歡既我試埋牛舌，燒

話好好食又唔係好覺， 同老婆2 個人食， 唔算特別好食， 有點普通。 但鹽燒雞翼唔錯個壽司杯就真係完全唔值， 168 蚊可以食到好好食ge 野。 個人建議可以食其他野， 如元氣，板長。 簡單講⋯ 唔抵食唔抵食！ 千萬不要來不要來不要來！唔得唔抵唔好來，粗口太多， 食到唔開心唔開心i’m so sad to eat here . too expensive , my wife just wanna to break up with me! how come! so sad but true

今晚同朋友食飯 諗住搵啲好野食下見到依野啲賣相都好似唔錯於是訂左枱去食點知去到好似冇訂位咁 都等左一陣咁是但啦 一陣入到去 連水都冇俾我 都唔緊要 當佢地忙 唔記得左叫左幾串串燒 一個龍蝦丼個串燒係唔錯既個龍蝦丼就....我都唔知佢將啲野放左係室溫幾耐暖暖地成隻龍蝦最好食係個沙律醬 龍蝦啲肉質感覺上好似係我出街食日本野既贈品咁如果唔計啲魚生係暖既話都還好 普普通通下面個麵可能係個人口味問題 食唔係好慣 覺得麻麻全單總共四百幾連加一結果我同個朋友成個丼都冇食完就買單出左去搵其他野食

今日想同朋友去廟街食煲仔飯， 但天氣太熱， 突然轉咗去食日本嘢！ 餐廳環境唔錯， 以日本裝飾做主題， 十分舒適！ 店員俾咗張大大餐牌我， 嘩！ 有多種唔同口味嘅丼飯， 真係唔知點揀好呢！ 咁唯有揀個主打介紹《丼瀛龍蝦刺身雙層爆丼 $268》 ， 見到大大隻龍蝦刺身， 梗係要比相機食先啦 ！原來師傅心思十足， 將龍蝦肉起肉， 做成龍蝦沙律， 再將沙律放回龍蝦身， 真係又食得， 又睇得， 又靚又好味！ 龍蝦刺身丼有上下兩層，上面有龍蝦同好多鮮甜嘅刺身， 下面係一個海膽麵。實在太豐富， 大滿足。 外表美麗大方嘅《 築地壽司杯 $168》， 有七種唔同嘅壽司杯。 三文魚子同三文魚好夾， 三文魚肥美鮮甜。海膽杯味道好creamy, 海膽鮮甜，松露清香撲鼻。 有二大隻甜蝦嘅甜蝦杯， 味道鮮甜， 口感十足。食物質素又好，位置又方便， 價錢亦算合理， 有機會再來試吓其他「丼」。

走著廟街發現有家性價比高的丼飯，看看餐牌喜見原來又是樂師傅的手筆，質素有保證，當然要去試試。舖位約有八張二至四人桌，自由組合便可讓我們一行六人一起坐。幸好我們七點前到達，沒有訂座也可，但後來吃著吃著舖面都坐滿了。另一邊是壽司吧，雖然不能坐吧枱看著師傅的工藝，可是半開放式的壽司吧也能讓我們遠距離看見料理成品。這裡主打的是丼飯，還要是雙層的。甚麼是雙層丼飯？原來就是除了上層可選不同配料的丼飯外，下面多了一層海膽汁沾麵，在炎炎夏日吃正好不過。 除了丼飯外，還有不同即點即燒的串燒、前菜、散點刺身及壽司，選擇很多。先來一個無花果羽衣甘藍沙律清清口腔。羽衣甘藍是近年興起的超級食物，不過我總覺得很難處理。難得這裡即使當沙律菜也沒有難入口的苦澀味，保持了其爽脆口感。新鮮無花果、藍莓和車厘茄十分甜美，配陳醋更是調起了甜味。逢點丼飯都會包一碗麵豉湯，內含滑豆腐和海帶。築地壽司杯用了層架盛著，十分美觀。五杯刺身飯分別是牡丹蝦、墨魚、吞拿魚蓉、三文魚親子，以及黑魚子海膽，用料非常豐富，適合多心的我們，可以試均不同口味。 刺身比飯還要多，味道鮮甜。冰鎮醬油鮑魚更是爽口，十分好吃。外加三件加州卷，份量很足。餐廳招

次次去廟街都係食煲仔飯，呢排咁熱，一於去試試日本野啦！一開始就上左味噌湯先～再慢慢上其他野食龍蝦刺生雙層爆丼（$268）：一上菜我同朋友都忍唔住嘩左聲，超大隻龍蝦呀！有成隻碟咁大！影相selfie岩晒📷📷下層仲有海膽醬冷麵，麵質有小小jelly感覺，都幾得意！築地壽司杯（$168）：其實二個人食完上面既爆丼都飽飽地，不過見到咁靚，都忍唔住食埋！D海膽超大舊呀！當然又係忍唔住影相📷📷環境都算乾淨整齊架～

天氣好熱呀!梗係去食D凍冰冰又鮮味既野啦2個女仔行街行到去佐敦特登行去廟街附近睇下有咩野食!見到日本丼飯已經流哂口水,價錢仲要唔貴,梗係試下啦我地叫左築地壽司杯擺盤已經嬴左,款式又多又新鮮!有海膽吞拿魚腩同三文魚子等等~中間仲有大大隻既飽魚真係要讚下師傅既細心呀有將D野一開二,分享既時侯好方便之後就到戲肉喇~雙層丼!真係香港其他地方食唔到巨型龍蝦我地2個女仔見到都O哂咀呀當我地影相好興奮既時間店員仲提我地下層都有野架係海膽沾麵呀好香好濃既汁,當我夾落D麵到既時候有D唔一樣既感覺, 原來係蒟蒻黎架!嘩真係估唔到勁有創意~食落好爽唔會肥膩i like it!真係食到攬到個肚呀!店內店員好熱情,雖然座位有少少迫,但係位置夠哂方便!絕對推薦

佐敦丼瀛主打雙層爆丼，當晚座無虛席，唔知同J2節目介紹過有冇關係呢?呢個吸睛嘅雙層爆丼叫龍蝦刺身雙層爆丼 ($268):上層係刺身丼飯，最搶眼當然係大大隻原隻波士頓龍蝦啦~龍蝦肉撈左自家製芥末蜜糖沙律汁，肉質鮮甜；再加上包括三文魚、油甘魚、赤身、立魚、八爪魚、帆立貝、針魚、墨魚等八款刺身(刺身款式或有不同)，口感豐富，仲有蟹籽、三文魚籽同糖心蛋，啱晒鍾意食海鮮丼嘅人。如果壽司飯可以濕潤D就更好。下層係海膽蒟蒻麵，口感清涼爽滑，仲要係健康食物黎，高纖低熱量；沾上餐廳自製嘅海膽沾醬，適合而家咁熱嘅天氣食，亦啱晒鍾意食海膽嘅人呢。