上戶酒場 (已結業)

今晚爸爸想吃鰻魚飯，記得群組有人推介此店，便外賣試試。我叫了鰻魚飯及三文魚炒飯。鰻魚飯有兩塊鰻魚，爸爸說有味道，好吃。我吃的三文魚炒飯，有些燶味但又覺得入味。一口一口地吃，不知不覺就吃完一碗炒飯，份量剛剛好。

專誠來捧相識了十幾年的經理場， 也差不多兩年多冇見， 很感動。 由她拿主意幫我們點菜， 每道菜也看出他們在每一個細節位也花了心思， 龍蝦兩食阿囡食到唔停得口； 天婦羅飯賣相立體有驚喜感；日本空運刺身很新鮮，不用多說; 連送的麵豉湯一點也不馬虎，很好飲; 煙燻芝士黃瓜也是另一驚喜， 從未想過可以這樣烹調， 味道也出奇地夾。 員工也訓練有素， 每一道菜上枱時也有精簡介紹，很滿足的一頓午餐， 也在此祝你們繼續努力，生意蒸蒸日上。

友人話新開，口碑幾好，所以特登試吓！店員都好nice, 會自動拎前菜畀客人，$30幾蚊再加一，如果唔要就記得提早講聲！不過大家可以試吓，個醬鹹鹹地，好重魚香味，好正，配新鮮嘅蔬菜條食好夾，店員好細心講解，我幾鍾意❤️櫻花蝦炸豆腐豆腐好滑，淋咗汁上枱，外面唔算太脆，唔油利，可以送清酒食，唔會搶味。三文魚丼，正正常常，冇乜特別，但我自己就覺得三文魚親子丼好味D，有三文魚子鮮味好多刺身拼盤5款，全部刺身都新鮮好味！蝦頭可以加$40滾湯或炸整體而言，一分錢一分貨，店員友善，環境舒服唔拘束！大家可以試試。

之前睇唔知邊度個post話九龍城有新日本餐廳所以今日去左試唔知係太肚餓定就放假心情好覺得都真係幾好味舖頭唔算多人網上卜左枱，留左卡位俾我地我叫左三色火炙丼 (左口魚、三文魚、赤蝦) ($108+10%)午餐連湯同前菜要提提個湯唔係普通味噌湯，除左豆腐同海帶，佢仲有兩隻大蜆同兩隻蝦個飯既火炙魚好唔錯，赤蝦好大隻朋友叫左刺身盛配烏冬，見啲刺身好足，好靚仔啲食物都對得住個價錢午餐加$50仲可以任飲啤，可惜要返工🤣🤣🤣🤣都仲想試下其他嘢食，感覺都會幾好味，會再想返黎試

老伴帶我去慶祝，由佢發板揀餐廳。 ▶️野菜條伴鯷魚醬第一次食呢個配搭。又幾爽喎，鯷魚醬單吃會有點鹹，配清甜的青瓜條、 蘿蔔條則剛剛好，作為開胃菜好適合。 ▶️時令活蠔刺身▶️原隻 響螺刺身 ▶️山葵八爪魚漬老伴點的前菜，我自己就麻麻山葵，老伴話好食。 ▶️北海道海膽壽司係我最愛，滿滿的海膽真令我倍感幸福~ ▶️黑松露帶子壽司 黑松露增添香氣，同帶子相輔相成，又不搶帶子風頭。 老伴話松葉蟹腳壽司  和油甘魚壽司  都好得。 ▶️香葱牛肉薄燒 類似日本鐵板燒內的牛肉主菜，以牛肉包著燒過的乾葱，香上加香。好滿意呢道菜。 ▶️豆芽韭菜炒砂肝筋 顏色好靚的一道菜色! 特別欣賞豆芽和韭菜炒得好香口又好脆。砂肝筋同鷄腎差不多的口感，都好食，個人認為豆芽和韭菜好索味，砂肝會稍為顯得淡口一些，如加些黑椒調味相信會更香濃。▶️煙燻牛舌▶️煙燻日本豚腩肉 最後甜品上枱，係老伴特別預先叫既福餅碟，寫左祝福語句，好有心思。酒類而家仲做緊買一送一，都幾抵。順帶一提，餐廳廁所好乾淨，女士唔會投訴。😆

聽朋友分享，九龍城開咗間新嘅日本料理,質素都唔錯,今日約埋好朋友一齊試試🤗🤗 侍應介紹清酒買一送一，我同朋友都唔蝕底，叫返一set來試試， 侍應問我地喜好，我地話要易入口，她推介了這支“一酌一景”，入口香醇，甜甜地，酒精成份15％，配搭很有特色的玻璃酒杯，不錯不錯😚😚 我地先來頭盆， 野菜條伴鯷魚醬（＄32）多春魚及沙甸魚肉蓉， 沾上生紅蘿蔔、青瓜和沙葛， 魚肉味重， 鹹鹹地， 沾上生嘅蔬菜，感覺清新。😋 磯煮鮑魚（＄88） 大大隻鮑魚，肥大肉厚，抵食💥💥 伊佐木魚原條刺身（＄488），肉質煙韌， 夠曬新鮮 ，沾上特有製的醋汁， 能帶出刺身的鮮味👍👍 侍應建議我們將剩下的魚骨滾湯飲， 魚湯有濃濃的魚鮮味，不錯的提議。 火炙牛小排壽司（＄64／件）火炙後帶點焦香味, 肉質嫩口 ，牛肉味濃。 葱吞拿魚腩簿脆（＄58）吞拿魚蓉配上米通簿脆，鮮魚入口即融，米通夠脆，這個配搭很新穎，不錯。 黑松露帶子手卷（＄68／件）我至愛係帶子，這裏帶子很新鮮，可切上3片，鮮味帶入味蕾，其實好想食多件，但叫了很多其他食物，下次再食。 松葉蟹膏甲羅燒（＄78），我對蟹膏又愛又恨，因膽固醇實在太高😒但自己又太愛吃

疫情稍緩馬上相約朋友出來聚聚， 朋友介紹屋企附近有間新開日本料理不錯，所以就來試。店內環境舒適具日本風情，菜式方面亦多選擇，經過一輪研究，終選出我們最想食的菜式。前菜:鯷魚醬(沙甸魚+多春魚)採用沙甸魚和多春魚打成蓉，盛載在用蠟燭保暖的器皿中，讓魚醬保持和暖，不會有魚腥味道，只有陣陣的鮮味，配合蔬菜條清爽口感和清甜味道，真是不錯的前菜。磯煮鮑魚鮑魚用汁醬浸泡了一整晚，食下去清甜又帶有酒香，十分入味，口感嫩滑，真係食多幾隻都唔多。京姬 一酌一景清洒環看店內有很多清洒樽擺設，心想點枝來飲都唔錯，異話不說店員便介紹了我們飲一款清酒，告知我們有買一送一優惠，果真抵飲。講返枝清酒，是一枝大吟釀，用研磨50%白米來釀成，味道清爽順喉，又易入口，洒精不算高 15%，還帶點花香，真係一枝不錯的清酒。活魚刺生:伊佐木店員再為我們推介活魚刺生，因當日有空運貨到店，特別新鮮，亦有較少見的魚品種給我們選擇。今次點了「伊佐木」，是一款白身魚，魚身帶有淡淡的微黃斑紋。「伊佐木」這魚品種油脂含量比其他白身魚高，所以肉質特別肥美嫩滑，又鮮味十足。白魚湯我們食過伊佐木刺生後，店員跟我們提議將魚骨淆個湯。奶白色的魚湯，十

一個值得慶祝的日子，我選擇了朋友介紹的上戶酒場。雖然沒有駕車，在富豪東方酒店巴士站行過來也是幾分鐘而已。 真的很久沒有在外吃個輕鬆寫意的晚飯了！所以我們都特別興奮。店員推介酒精買一送一，正合我意，就選擇了清酒。店員細心給我試味後再放入冰桶保溫。我先淺嘗一下，酒體圓滑，清醇微甘，很易入口。 另外點了兩隻西班牙生蠔配搭清酒。試了一隻原味，另一隻加上 酸汁 。生蠔超新鮮，沒有半點腥味，而且較為厚身，啖啖肉。回味無窮！ 本來想加多兩隻生蠔， 但又想試一試其他海鮮， 因此追加一份象拔蚌刺身。沒有選擇錯，口感爽脆，沾上豉油更提鮮。壽司點了四款試下🔸️ 火炙吞拿魚腩金壽司🔸️ 火炙左口魚邊壽司 🔸️ 磯煮鮑魚壽司 🔸️ 吞拿魚腩壽司 我食左口魚邊壽司 係好肥美，達到入口即溶嘅境界， 然後吞拿魚腩壽司也是一樣，好幸福。 🔸️松葉蟹膏甲羅燒我們好喜歡吃甲羅燒，這裡也有，當然也要點來一份。😍 我們把它清得一乾二淨～ 🔸️煙燻牛舌我倆係牛脷控，平時吃燒牛脷最多，見到這裡的牛脷竟然是煙燻，一於試下。我想講，喜歡煙燻味的人一定要試。這裡的煙燻味特別濃郁，一上菜就嗅到濃濃的煙燻味。吃下去也感到好有特色。 🔸️煙燻日本豚腩肉既然

九龍城新開居酒屋，坐得舒服不限時，服務好，加茶快，食物好食！前菜：野菜條伴鯷魚醬，大家唔要記得出趕，要收錢唔係免費！不過個醬好食！火炙吞拿魚腩筋壽司火炙左口魚邊壽司蔥吞拿魚腩手卷穴子壽司壽司手卷整體新鮮好食！厚薄適中！櫻花蝦炸豆腐超多櫻花蝦！炸得香脆！清酒煮蜆清酒味超重，蜆新鮮！松葉蟹甲羅燒超足料，蟹膏味好出，必食香蔥牛肉薄燒燒得香，汁夠味！煙燻羊架煙燻味超勁，羊架燒得剛好肉嫩！白魚湯海鮮泡飯魚湯味濃，海鮮超足料！燒芝士年糕好食！芝士味濃！

好朋友生日，雖然因限聚令不能大事慶祝，我也要請他食餐好的，九龍城就有上戶酒場，以日本風嘅居酒屋設計，採用優質食材，正好我請好朋友食生日飯的好地方！首先來杯三得利生啤，祝他身體健康！前菜野菜條伴鯷魚醬，用三文魚和沙甸魚製成的鯷魚醬味道鹹中帶香，有點像梅香鹹魚的味道，用沙葛條、蘿蔔條和青瓜條點來食，味濃又爽口。火炙左口魚邊壽司，左口魚邊火炙過，油份十足，吃落又軟又嫩，十分滋味。牡丹蝦壽司，蝦肉厚肉爽甜，配上少許蟹籽更有口感！時令活魚刺身：𩶘魚刺身外表為淡紅、白身魚肉，肉質爽口、鮮美，食落煙韌有咬口，散發著淡淡甘甜; 師傅將魚薄切成刺身，透光度十足，刀工了得！蔥吞拿魚腩薄脆，吞拿魚腩加上大蔥剁成蓉，幼細香滑，軟綿綿的口感加上魚的油香，配脆卜卜的薄脆，雙重口感非常美味！煙燻豬腩肉，好少居酒屋有煙燻菜式，一定要品嚐一下，豬腩肉即叫即燻，熱辣辣原窩上檯，即時香氣四溢，豬腩肉肥瘦相間、肉質腍滑、鬆軟。鹹香味剛剛好！煙燻番薯，味道有點特別，番薯味道帶點甘香，低甜度。

九龍城是美食集中地，好多人去九龍城 都會食泰國菜，不過其實除了泰國菜之外，九龍城仲有好多特色餐廳，今晚我同老公去一間居酒屋，名叫上戶酒場，餐廳裝修擺設雅緻，好有日本居酒屋feel。野菜條伴鯷魚醬:鯷魚醬鹹香十足，將鯷魚醬用小碗暖住，配以青瓜條、蘿蔔條及沙角條，清新又帶點鹹香味道。穴子壽司：穴子又稱為星鰻，肉質會較軟腍及鮮味；配日式蟹籽口感清脆。蒲燒鰻魚：鰻魚經烤過後再塗上蒲燒醬汁，可去除本身的魚腥味。鰻魚外脆內嫩，吃起來香甜可口。刺身盛合五款：北海道海膽色澤為淺橙黃色，味道濃厚甘甜，極其鮮美。牡丹蝦有極甜美的蝦肉，豐腴甘香的蝦膏，還有細綿帶爽的口感。油甘魚肉厚肥嫩， 魚肉細緻甘甜、滑嫩多膠質。生吞拿魚白色雪花脂肪平均分佈，放進口裡散發濃郁魚油芳香，口感滑膩到喉嚨。三文魚：三文魚刺身呈橙紅色，肉質鮮美，油份濃郁。煙燻帆立貝：帆立貝煙燻過帶子微焦，完美地保留本身肉汁， 煙燻的香氣很濃。白魚湯海鮮烏冬：烏冬和湯分開上，壺內盛有熱騰騰雪白香濃嘅魚湯，烏冬上亦放滿海鮮和紫菜。將湯倒入烏冬，令海鮮烏冬吸收魚湯的精華，海鮮有蝦、魷魚、帆立貝、三文魚，爽口彈牙，鮮味十足！烏冬亦滑溜彈牙！沖繩Orion

食下日本野當自己去左日本旅行啦！今次去左位於九龍城既上戶酒場，好滿足呀😍😍首先黎返杯 Suntory 生啤，而家做緊買一送一優惠呀！前菜 - 緹魚沙律用多春魚同沙甸魚嘅魚肉整成醬，然後配以紅蘿蔔、青瓜、沙葛一齊食，個醬味道好濃魚香味，配返清新爽脆既蔬菜食係一個幾新鮮既配搭，用黎佐酒都正呀時令活蠔刺身大大隻，蠔肉鮮甜肥美！油甘魚腩夠厚切，入口魚味香非常滿足！鯛魚薄切刺身晶凝剔透，配上醋食更能提升鮮味！上戶酒場既熟食都令我好回味！煙燻牛舌同埋煙燻五重芝士pizza岩哂鍾意煙燻味既我！牛舌爽口，牛味香濃！芝士pizza有5種唔同口味芝士，有味道淡同濃味既芝士，再加埋煙燻香，味道好有層次！A4和牛壽喜燒鍋見到塊和牛已經流哂口水，和牛入口即溶，好嫩好滑

相約好友去九龍城相聚，本來打算食泰菜，但好友想吃日本菜，一於帶佢去尼間抵食又有水準嘅日本餐廳門口裝修很有日本風，內裏空間大，我哋揀了近門口一個透著天然光的玻璃窗位置，先來一點飲品，午市時段只要加$50啤酒任飲，最啱我尼D酒鬼，啤酒仲要係我最愛的冲繩啤同Premium Malt, 先來一杯清淡的Orion 啤酒配頭盤的剌身拼盤和九格壽司盛，店員溫馨提示先食奶白色的左口魚，火炙過的左口魚魚脂豐富，另外還有海蝦，三文魚，帶子，鰻魚，當中以吞拿魚腩壽司最出色，入口即化魚油香剌身帶子大大粒又鮮甜，面層灑上魚子，食落更有層次感，牡丹蝦彈爽口，還有新鮮三文魚和油甘魚，分量少少哋剛剛好啱我哋兩個女仔吃味增湯也做得一點也不馬虎，蜆肉大大粒又鮮味，加入大䓤香味更加好喝鮑魚入口不單只彈牙又入味，原來是醃了一整夜，怪不得非常入味再來一杯黑啤，味道比較清淡，沒有濃烈的苦澀味，就是喜歡他們細滑的味道豆腐外層沾上櫻花蝦，跟軟熟滑溜的豆腐一起吃，非常匹配，這個櫻花蝦豆腐，值得一試最後來一個甲羅燒，濃郁香滑的蟹膏加上餅乾上一起吃， 十分滋味

在FB見到九龍城group友介紹過，所以趁放假去食個午餐，午餐全部由$78起，有丼飯、刺身及壽司等，款式很多。而且有任飲生啤可自己加，不用整枱加，同唔飲酒的朋友一齊食飯都無問題。壽司盛有8款壽司。赤身的吞拿魚腩入口溶化，滲出大量魚脂，充滿脂肪甘香。火炙左口魚略燒至油脂滲出，每啖都有魚油滲出，超級好味。磯燒鮑魚味道較爽彈。黑松露帶子厚切且鮮甜。其他的油甘魚、赤蝦、油甘魚、鰻魚等都是飯團少而刺身大件，新鮮且鮮甜。煙燻豚肉腸：煙燻後的豚肉腸離遠都已聞到很香的煙燻味，入口爆汁，肉腸外脆裏面多汁，充滿燻香。蟹味噌甲羅燒：甲羅燒味道較濃郁及咸味較重，所以以餅乾配送，更能突顯蟹肉鮮甜。

今日去了九龍城這間上戶酒場食午餐，午市有多款套餐選擇，另加$50任飲生啤及沖繩啤酒。前菜是野菜配沙甸魚及多春魚醬，濃郁咸鮮味的魚醬配上清甜的蔬菜，別有一番風味。上戶刺身盛配迷你烏冬刺身分別有赤蝦、油甘魚、三文魚、帶子，魚類全部厚切，油甘魚及三文魚鮮甜，入口有魚油脂香；帶子腍滑厚肉；赤蝦爽甜。烏冬爽滑用了鏗魚湯底，味道簡單清爽。鹽燒三文魚頭鮫燒至表面帶焦，魚皮香脆但魚肉依然保持嫩滑，而且還帶點魚油脂，加了些檸檬汁可減輕油膩感。愛飲啤酒人士必試。生日的甜品糯米糍密瓜果香濃郁，是最好味；其次是焦糖、櫻花及芝麻，裝飾別緻，開心過收花。