上戶酒場 (已結業)

九龍城出名食泰國菜，今天520老公竟然帶我來九龍城食日本居酒屋。天氣很熱，先試了沖繩啤酒，爽口清涼。前菜有蔬果配堤魚醬。刺身拼盤有五款，包括三文魚、赤身、大蝦、油甘魚和海膽，最欣賞是鮮濃海膽配紫菜，而厚切刺身亦是特色之一。蝦頭一點也不浪費，拿來煮魚湯，鮮甜可口。蘆筍炒豚肉，蘆筍脆綠爽口，配上肥瘦適中的豚肉，充滿蒜香和洋蔥香。餐廳有不少煙燻料理，是次試了煙燻芝士黃蘿蔔，感覺很有趣，黃蘿蔔清脆配芝士的鹹香。重頭戲是龍蝦甲羅燒，龍蝦肉爽口彈牙，醬料濃郁，配餅乾剛剛好。

今日有約了上朋友屋企，所以一早安排好在附近餐廳吃餐飽然後行過去。野菜條配鯷魚醬($32)，有青瓜條、紅蘿蔔條、沙葛條，而鯷魚醬是多春魚和沙甸魚混合而成。為了避免蘸醬變腥，還提供一個小燭台明火加熱，保持醬料味道水準。我們叫了兩個午市定食，跟餐付海鮮味噌湯及前菜。海鮮味噌湯材料十足，有蜆有蝦各兩隻，而前菜中華海草沙律則味道清新爽口。我要的伊比利亞豬配三文魚炒飯($88)上檯時賣相吸引，油脂分佈均勻，肉質軟嫩，炒飯粒粒清晰可見，上面有櫻花蝦，而入面有粒粒三文魚，味道和伊比利亞豬很搭配，性價比很高。朋友點了$98鐵板海鮮炒烏冬，有帶子、蝦、三文魚、魷魚，非常足料，炒烏冬表面被鐵板煎香，朋友很喜歡吃。午市時段堂食可加$50任飲啤酒，叫兩杯已經回本。因為很少見到有魴鮄魚的餐廳，所以訂檯時事先預訂了。果然不負所望，刺身鮮甜，嫩滑彈牙，沾上配以蘿蔔蓉的醬料後，味道清新。另外店員問需不需要把魚頭魚尾魚骨製作成炸骨，魴鮄炸骨加上檸檬汁，鬆脆骨香而且炸過得魚肉一點也不腥，無論刺身和炸骨都很好吃。龍蝦甲羅燒(伊勢海老)大大隻，肉質結實，鮮甜彈牙，超多膏，超好吃，幸福感滿滿。最後我過了馬路才發現自己大頭蝦漏低了

原本在這裏的茶餐廳，過年之後結業，換上了一間日本料理，每天上班時候，都會路過這裏，今晚終於忍不住，便來這裏吃日本料理。前菜$32，自家製的魚醬，味道甘香，點上蔬菜，可以增加味道層次感。時令活蠔刺身原味兩隻$156，來自日本的生蠔，空運到港，蠔肉味道香濃，加些檸檬汁，可以提升鮮味。煙燻厚切三文魚$78，煙燻過的三文魚腩，喪失了三文魚原本的味道，卻增加了魚肉的香氣，令到三文魚的層次感更加豐富，沒有想到三文魚腩，可以這麼美味可口。三文魚腩的脂肪，非常豐富，甘香可口，令人一試難忘。煙燻芝士黃蘿蔔$58，黃蘿蔔肉質香脆，加上軟綿綿的芝士，非常香口，既然是邪惡又是美味可口。鹽燒吞拿魚魚腩筋$85，平常吃吞拿魚腩，甚少吃到這部份的，想不到這間日本料理，將這部份燒香之後，帶出了吞拿魚腩的鮮甜味道之餘，亦可享受脂肪的甘香，是必點的一道菜色。👍👍👍👍👍燒自家製一夜干雞翼兩隻$76，雞翼以一夜干的做法，非常罕見，外表香脆，肉質豐富，是一個不錯的嘗試。

記得好一段時間之前曾經有去過九龍城食日本嘢，雖然已經唔記得咗嗰間餐廳叫咩名，但係記得嗰間日本野都幾好食，今日心血來潮同朋友又去返九龍城搵日本嘢食。去居酒屋第一時間當然係嗌左嘢飲先啦，朋友嗌左任飲啤酒，我自己就揀咗梳打。前一日book位果陣問咗店員有咩時令刺身，店員話係魴鮄魚。早排又係另一間餐廳食過同一款魚刺身，覺得非常之好食，所以就落定order。果然今日嘅刺身都係好好食，魚肉非常新鮮，鮮甜彈牙，我超鍾意🥰 餐廳仲provide咗めんつゆ同香蔥蘿蔔蓉去代替豉油Wasabi，朋友好鍾意呢個食法，覺得比較清新。食完魚刺身之後，店員仲主動過嚟問我哋要唔要炸魚骨，既然店員問得，我哋當然係應承啦。勞起左啲魚骨非常之鬆脆，入面仲有少少魚肉，加埋少少檸檬汁好香口好好食。龍蝦甲羅燒係意想不到地大隻，龍蝦尾嘅肉足足有成隻手板咁長，加埋蟹膏一齊燒，鮮味十足。龍蝦頭有膏，擺喺餅乾上面加埋蟹膏一齊食，啖啖甘香超滿足😋lunch set跟餐有麵豉湯，麵豉湯入面竟然有兩隻蜆同兩隻蝦，超級足料。鐵板烏冬上枱嘅時候仲有滋滋聲🤩 配菜好豐富，有三文魚、蝦、魷魚、帶子，我超鍾意烏冬有少少煎燶咗嘅口感，對於呢個炒烏冬非常之

九龍城不只有秦國菜，日本菜也不失禮，還有清真菜，另外茶餐廳也不錯，就連蛋撻也有。野菜條伴鯷魚醬，鯷魚醬有濃郁鹹香味，跟爽脆的青瓜條及紅蘿蔔條非常配合，野菜甜甜，魚醬鹹鹹，使人非常開胃。還來一杯凍乳酸飲品，在炎炎夏日下，這種甜甜的感覺使人幸福。原隻響螺刺身，味道真的不得了，響螺片軟硬適中，爽得來帶點硬的感覺，跟新鮮的日本芥辣簡直是絕配。前菜再來一個山葵八爪魚漬，八爪魚軟軟綿綿，加上非常刺激的山葵，不但使人開胃，更使人有莫名其妙的刺激感覺。再來磯煮原隻鮑魚，鮑魚的外表看上硬朗，但師傅處理得當，質地軟軟熟熟，每啖都滲出絲絲的鮮甜味。剝皮魚刺身，真的是不得了，日本直送的貨色，魚肉呈現晶瑩剔透的視覺享受，師父把剝皮魚的魚干打成醬汁，魚肉跟魚干醬一起在口內細嚼，鮮味不斷在舌尖上翻滾。煙燻厚切三文魚，三文魚肉還呈現粉紅的鮮嫩狀態，經過煙燻增添風味，這個三文魚做法真是特別。味道: 值得一試環境: 舒適衛生: 整潔服務: 尚可價錢: 明碼實價

本來打算去九龍城食泰國嘢，行行下見到有間日本餐廳，思量幾番，最終還是選擇日本美食。我們被安排坐在吧枱，店員的服務幾好，餐牌款式甚多。<野菜條伴鯷魚醬>野菜條有蘿蔔條、青瓜條和沙葛，我覺得沙葛點鯷魚醬是最好食，沙葛爽口清甜，鯷魚醬有鹹香味。 <磯煮鮑魚>鮑魚肉質夠腍，咬下去有彈性，味道鮮甜。<響螺刺身>部份響螺的口感較韌，部份較腍身的卻很爽口，味道鮮甜，很適合做刺身。<剝皮魚刺身>剝皮魚切成薄片，魚身呈白色，味道較淡口，頂部的魚子卻為剝皮魚帶來一點鹹味，通常會點蘿蔔蓉和蔥一起吃，味道雖有微辣，但很夾；另一款醬汁是用剝皮魚肝醬烤製而成，有點特別，淡中又夾有甜味。<煙燻五重芝士pizza>看似沒什麼特別，入口卻有一種特別的味道，有一種似櫻花木的香味，但又夾着煙燻的味道，這兩種味道中和了邪惡的芝士味。<火炙吞拿魚腩筋丼>吞拿魚很軟滑，入口即溶，由於火炙過，油分逼出，用紫菜包著加蔥和芝麻食，油香味重，食一片真的唔夠喉。食完豐富的晚餐，我們捧住肚子，今餐印象較深刻的是能夠品嚐剝皮魚刺身和吞拿魚腩筋丼。

友人推介九龍城內分開的日本料理，今晚便和愛人一起來到。鏡山純米酒$230，雪凍了的米酒，味道甘甜可口，加上可以自選酒杯，感覺好像去了日本旅遊一樣。伊佐木刺身$488，由日本飛機直送的海魚，味道鮮甜可口，加上擺盤精美，未吃已經享受了視覺效果。白魚湯兩位 $96，吃完刺身之後，侍應建議可以將魚骨及魚頭煲湯，魚湯味道鮮甜，一魚兩吃，很有日本料理的感覺。煙燻五重芝士pizza $108，第一次吃用煙燻製成的Pizza，煙燻香味十足，芝士可以拉絲，餅底鬆脆香口，非常滋味。松葉蟹膏甲羅燒$78，甲羅燒內的蟹膏混合物，味道甘香，搽上香脆的餅乾上，香脆可口。

返左一星期工作咁辛苦，星期六晏晝要食餐好嘅慰勞吓自己。今次同朋友喺九龍城覓食，見到呢間佢就有午市套餐幾抵食，就入去試吓。響螺刺身分量比想像中多，分了兩小碗。響螺刺身咬落好爽，好有咬口，而且十分新鮮，加埋Wasabi豉油帶出鮮甜味。香蔥牛肉薄燒配三文魚炒飯將牛肉片捲埋新鮮香蔥同炸蒜，然後拎去燒，出邊燒到香脆，入面仲有啲生既牛肉，牛味好重，肉質咬落去軟稔，牛肉冇乜筋，而且脂肪唔多，唔會話食完好油膩。而三文魚炒飯都有幾多三文魚係入面，味道啱啱好，幾抵食。煙燻厚切三文魚一開佢就聞到好濃烈嘅煙燻味，三文魚切到勁大粒，而且好多油脂，好肥美，係煙燻之前佢又係表面火燒過，食落更加香。

今日放假約咗去朋友屋企玩，上去之前朋友就帶我去樓下嘅日式居酒屋食午飯先。/午市啤酒放題🌟呢度午市只需$50就可以日式啤酒任飲！今次試咗日本沖繩生啤，同埋Suntory生啤，前者味道淡少少，清清地易入口，後者味道較苦少少，校適合男士飲多啲，佢另外仲有日本黑啤，下次有機會再試。午市套餐配麵豉湯、前菜麵豉湯都好足料/黑松露帶子手卷🌟追加左的手卷，師傅一卷好就即刻上枱，未食已經聞到黑松露香味，店員建議紫菜仲脆時快啲食。帶子好新鮮，食落味道好甜，黑松露食落好香，而壽司醋飯仲係好熱辣辣，真係新鮮包好。/上戶海鮮丼🌟入面有勁多刺身，海膽、蟹鉗、帶子、赤蝦、拖羅、蟹膏同蟹籽，淨係海鮮都超級豐富。而且全部都好新鮮同鮮甜，唔係點加壽司豉油味道都已經好鮮甜，推薦！

叫了3個set lunch,刺身配烏冬，刺身厚切，新鮮爽口。如果個蝦頭可以炸埋黎食就更好。鰻魚飯正常發揮。薄切牛舌配炒飯無影相，個炒飯多料，有櫻花蝦，幾香既。牛舌煎完都唔會好un,但好似無落鹽咁，無乜味。櫻花蝦豆腐外脆內軟，但又係點埋汁都無咸味，如果師傅可以注意返啲調味會好好多。

疫情終於有好轉的跡象晚市堂食終於開返了二話不說相約了好耐冇見嘅朋友出嚟食個飯見吓面傾過計身邊朋友都有食過位於九龍城的上戶酒場見到網上一致好評及啲食物圖片太吸引了終於有機會嚟到呢度朝聖大擦一番店員服務殷勤親切隨即安排我哋坐卡位嘅位置並為我們附上兩杯熱茶及餐牌隨即我哋一口氣點了十多款美食當然我們也不忘叫了這裏的特飲巨峰梳打及乳酸梳打同樣地都要相機飲先 哈哈飲落去好夠氣好濃郁這個有火燒住去keep住溫度的醍魚醬入面混合了多春魚及沙甸魚所以食落去鹹鹹地如果鍾意食濃味啲就咁食就得但係我就比較喜歡配佢附上的配菜食落去脆口硬身的蘿蔔條點少少醬食原來味道都幾特別㗎平時最鍾意食白身魚因為鍾意佢味道夠晒鮮甜這一份大大盤的伊左目刺身每一片的色澤條紋分明估唔到食落佢係咁Fresh㗎一叫兩食 夠晒抵食這個透明好似水晶粉的鰻魚苗刺身真係第一次去食從店員口中介紹得知原來這是鰻魚BB我就點少少酸汁一齊食煙煙靭靭嘅口感好特別呢然後就是我最鍾意的火炙和牛壽司牛魔王來到一定要試吓因為佢嘅肉質夠晒軟身之餘仲有好濃郁嘅牛肉味道炭燒厚切三文魚中間是半生熟所以食落去特別滑溜而且滲透着三文魚油這種味道夾雜炭燒香很特別呢還有我最喜歡的

心血來潮想吃日本菜，就同朋友去到九龍城覓食，最後我哋比呢間以木為主裝修的上戶酒場所吸引，一於入去試吓晚餐先得。一打開餐牌食物圖片非常吸引，而且款式種類很多，樣樣都想試吓添。先來一份Open Food前菜 - 多春魚沙甸魚Mix醍魚醬，配搭淡味的青瓜條、蘿蔔條及生菜等一齊食，能夠中和味道，而且好開胃呢。然後就是好特別的鰻魚苗刺身，即是鰻魚BB，平時食鰻魚食得多，BB真係未食過，估唔到都幾有咬口㗎。到咗我最鍾意食嘅壽司系列，一口氣叫咗三款包括，火炙左口魚邊、火炙牛小排及磯煮鮑魚壽司，師傅建議我哋由左邊火炙左口魚邊食先，一啖咬落去有入口即溶嘅口感，而且魚油香四溢，好正。然後就是好宏偉賣相的伊左目刺身，這種白身魚味道很鮮甜，點少少Wasabi豉油或者酸汁更加開胃，鍾意佢可以有兩個食法食完之後個骨可以攞去炸，脆口的口感好滋味呢。還有今期推介的煙燻芝士黃蘿蔔，好濃郁嘅炭燒味道，令到整塊黃蘿蔔非常入味，中間仲有好Creamy嘅芝士，舌尖上有幾種層次的享受。除此之外，還有煙燻厚切三文魚、煙燻羊扒、A4和牛壽喜鍋，梳打特飲等等，實在太豐富了，不能盡錄。最後我朋友同我都食到棒住個肚出門口，這一餐真的非常滿

［九龍城新開嘅日式餐廳🤤］放工既時候 見到有個新嘅Adv,住喺九龍城 梗係要約人去Try try.我好似返咗日本咁🤪呢一餐嘅MVP係$438 刺身六款（拖羅、油甘魚、原隻活赤貝、三文魚、帶子、三文魚籽）好新鮮~厚切程度係成個口滿咗~好滿足！$248 A4和牛夀喜燒蔬菜甜湯煲咗之後，將和牛放係湯面~拖兩拖~~食得！入口即溶！完全唔捨得吞！係日本呀~~~~總結：刺身大大舊又新鮮🤤 和牛真係溶左出嚟🤤鰻魚炒飯兩人食唔夠喉🤤可以再去🤤 我平時係會買日式黃蘿蔔返屋企食嘅人，所以叫左新野試伏 煙燻蘿蔔芝士 ，巧啱我口味，巧香🤤嗌咗個殿粉質：鰻魚丼，估唔到係炒飯，圖片不附呀~但係真係好好食~原來炒飯仲，平時晚餐唔食飯既我，係咁問仲有無飯😂環境服務質素：店舖不大，勝在服務周到，我哋細聲討論想要嗌多樣野試，廚房師傅聽到，立即同侍應講我哋嗌人，叮一醒加咗好多分比佢，係高大又細心既師傅丫，女士表示 「心心眼」，侍應們對於我嘅好奇心都好詳細咁解釋我知~小黃瓜我真係怕酸，好彩有溶芝士中和返~唔係彈Q普通芝士~🥰九龍城又多一間高質日式店🤤#遲post系列 日本感覺👉🏻上戶酒場

九龍城cafe就多不勝數，正宗日式居酒屋就不多，而這家酒場就更特別，以煙燻料理為主打～看過有關餐廳的介紹後馬上按奈不住要和住附近的朋友一試！平日時份晚上8點居酒屋已經全店滿座，幸好有預先訂座，不然就白行一趟了！酒場當然少不了酒～酒場提供多款來自日本的清酒、燒酎和果酒，選擇多元化，可以配合各式各樣的菜式和小食～遇上選擇困難時也可以請教一下店內職員，他們都非常樂意推薦。重點是！晚巿還有酒類買一送一的優惠～買！一！送！一！可以省下不少，可以足夠多點幾份小食呢～💕【鈿女 天女之舞】純米吟釀入口略帶花香和微甘，甜度恰到好處，襯托出本身獨有的米香，香味餘韻悠長～【磯煮鮑魚】磯煮鮑魚用上秘製醬汁及昆布烹煮，保留了鮑魚的新鮮度，讓肉質鮮嫩彈牙，同時又讓濃郁的湯汁完全滲進鮑魚之中，非常入味，還有提鮮的效果。【蔥呑拿魚腩薄脆】將軟綿的吞拿魚腩蓉鋪滿在香脆的米通薄脆上，口感相當特別～而吞拿魚腩中師傅亦特別混入了少許醃菜，所以味道份外清新，順便減輕吞拿魚腩的油脂感。【原條時令活魚刺身】鱲魚原條即點即劏，可以望著師傅從魚缸撈起處理，保證新鮮！鱲魚刺身外皮淡紅，魚肉透白，肉質非常爽口彈牙，帶有嚼勁，同時鮮魚肉肉質

九龍城區除左泰國菜，其實都收埋唔少特色餐廳 😌 今次黎到尼間開左無耐既日式居酒屋試下，佢地有好日式既裝潢，仲有唔少特色既菜式提供 😍 本身想A4和牛壽喜燒，可惜無曬和牛 🥺 咁就試佢其他特別菜式啦‼️🐻食後感‼️✨「野菜條伴鯷魚醬」🐟如果唔預先講，佢地每枱都會一定上尼個收費沙律，本身唔感興趣，但食落口真心有驚喜 🙀 鯷魚醬會用蠟燭台燒熱，好鮮味咁配上新鮮野菜條 😋 好開胃‼️✨「伊比利亞豚肉鍋」🍲湯底都係壽喜燒既甜湯汁，配上來自西班牙🇪🇸既豚肉，每一塊都肥瘦均勻，咬落好爽嫩 🤤 如果再多幾塊就好啦 🐷😛✨「煙燻牛舌」🐮尼間店既特色煲仔櫻花木🌸煙燻菜式 😌 煙燻味超強烈‼️愛食牛舌既🐻覺得每塊牛舌都爽口，但相信未必個個接受到個煙燻味，🐻就接受到，大家不妨一試 😌✨「蒜香三文魚炒飯」🍚 櫻花蝦鋪面既炒飯很不錯，蒜味十足，而且炒得粒粒分明，不過三文魚碎唔算好多 😂 ✨「三文魚腩刺身（五切）」新鮮肥美 😋 每舊都唔細啊‼️ 正常發揮啦✨價錢‼️$32 「野菜條伴鯷魚醬」$158 「伊比利亞豚肉鍋」$98 「煙燻牛舌」$78 「蒜香三文魚炒飯」$78 「三文魚