三品 燒鳥專門店 (已結業)

今日去元朗玩咗一日，晚上去到呢間專食串燒嘅同老婆二人世界， 門口俾人感覺有啲似居酒屋但係知道呢間野專門日式串燒多啲嘅 入到去已經見到有幾個位，有兩個師傅 兩位師父好用心機咁慢慢消啲串燒而且一入去就已經聞到好多好香嘅串燒味 這樣叫嘅嘢食係雞泡魚乾雞泡魚乾係非常難燒嘅， 又要燒得香又要燒得脆又要燒得滑又入味， 我夠膽講我一輩子食過最好食嘅雞泡魚乾 第二樣嘢係佢哋大力推薦嘅北海道長腳蟹，價錢可能令人覺得有少少貴，但係如果你哋去嘅話我一定推介你食依個，因為佢哋只係季節上嘅限定，第二佢嘅蟹係真係靚得好緊要，燒蟹腳你講要燒到佢又有海水味又唔乾，咬落去好似食蟹柳一樣，難度十分高，而且好食到不得了 食完蟹腳之後再寫一個難度極高嘅燒物就係燒豆腐，爛得地燒到皮脆內滑比起以前嘅臭豆腐有仲要好，如果鍾意食豆腐嘅朋友一定食呢個 燒物當中點少得燒魷魚呀 ，燒魷魚皮脆又唔韌， 而且非常新鮮非常好味 小鵪鶉蛋方便 唔知係咪我之前食嘅嘢令到我感覺上 鵪鶉蛋經驗都有糖心蛋而且佢個鵪鶉蛋皮燒到香脆香脆 好正 燒牛肉亦都非常好味 牛肉嘅香，再加上去燒得非常香脆 呢個係店長推介免治雞肉捲 將蛋黃同豉油撈勻再變成一個醬汁 在點上

之前經過都留意到呢間店, 上網睇食評介紹都幾好, 今日就黎品嚐下! 睇餐牌, 食物都幾多元化, 有日式定食, 串燒有海鮮同肉類, 仲有多款酒類選擇! 可惜海鮮串燒要晚上才能供應。店內環境寬闊, 裝修簡潔乾淨, 坐位舒適。午市多款日本定食任君選擇, 有鰻魚, 吉列豬扒, 牛肉, 三文魚定食等等。。。。。我選左個燒饅魚飯定食, 饅魚都幾多, 面層燒至微焦, 幾肥美, 燒汁好香濃, 皮脆肉滑, 好好味!前菜有3款! 呢個煙肉燒蠔必食, 燒到微焦, 日本蠔味濃又多汁, 好鮮味! 燒雞翼, 師父好好心機起晒骨, 燒到皮好脆, 雞肉夠嫩滑。雞肉釀冬菇, 都好好味! 免治雞肉棒, 配上1隻雞蛋加秘製醬油, 燒至皮脆, 雞肉味濃又多汁。好味道!蜜桃梳打唔太甜好夠氣。

今日同男朋友入左元朗食飯，去左一間日式串燒店，聽聞由米芝連一級大廚主理，質素好期待呀！吧枱好有Feel！和牛餐都好吸引！另有廚師發辦。坐低就有小食。酸酸的芽菜入口好開胃，伴上獅子狗。南瓜薯仔沙律。叫左一個廚師發辦的套餐。沙律是餐牌沒有的，南瓜蓉香甜伴上薯仔好粉粉的好滿意。餐廳主力推介的雞肉棒串，由雞肉碎製成，入口雞肉非常滑溜肉汁豐富唔會乾身，伴上雞蛋和醬汁，好滋味！燒梅肉飯團。梅肉是第一次試。梅肉酸酸的好開胃，飯團脆卜卜好香口。燒鰻魚。必食鰻魚肉質嫩滑魚味好濃，燒得香口唔會有腥味，鰻魚起骨入口好豐富。燒帶子也是餐廳的主力推介。帶子入口微暖，燒到剛好熟入口嫩滑鮮甜，加上少量明太子調味，咸鮮味十足。

今日同女朋友入左元朗食飯，知道佢好鐘意食日本菜，特登去左一間主打串燒的日式料理店，食個串燒晚餐。元朗的三品。晚市都有套餐，價錢好抵食，主打串燒的餐廳我地決定散叫，定食留待下次。餐廳的簡介！先來前菜小食。獅子狗沙律醃菜。酸香芽菜醃得酸酸，好開胃。餐廳極力推介雞肉棒棒，我同女朋友都試下。雞肉非常滑溜，入口肉汁豐富肉香重，雞肉唔會好乾入口濕潤鬆化，記得連同生雞蛋和醬汁攪拌食用，味道非常驚喜。雞皮蒜頭。另一款最愛。蒜頭唔辣口入口蒜味香濃，雞皮燒得爽脆，用鹽調味已足夠。冬菇雞肉和雞翼。雞肉類的食物非常好，肉質滑溜肉汁豐富，連同剛剛的雞肉棒棒醬汁，味道滋味。帶子是女朋友最愛。帶子暖暖入口剛熟，帶子入口軟腍非常鮮甜連同明太子入口咸鮮味極高！燒白鱔。驚喜的脆口卜卜脆魚皮極為欣賞，魚油高魚香重！最後多叫一串。梅肉飯團好少見！梅香酸甜解膩，入口有一種開胃感覺！

今日放假, 落元朗行下街, 午餐時間搵下食, 見到間新開既店, 裝潢都幾新幾舒服。有串燒同日本定食, 試下先。午餐有多款選擇, 而且一D都唔貴。加上店員服務好殷勤! 好有禮貌!叫左個咖喱吉列豬扒飯定食, 相當大碗, 豬扒大大件, 皮脆內軟, 咖喱汁好香濃, 飯又夠多, 前菜有麵鼓湯, 中華沙律, 同西式沙律, 一應俱全。午市有幾款串燒做特價! 呢個煙肉日本蠔卷$24 1串, 燒到小小燶, 剛剛好, 入口隻日本蠔好多汁, 好有蠔味! 連埋煙肉一齊食, 真係好甲。燒魷魚都好好食白葡萄梳打好好飲, 好夠氣!

呢間串燒店之前經過已經好想試，成間店喺外面係望唔到入面嘅，好有神秘感。不過望一望個餐牌，見到佢都唔係平，所以一直都無去試。一直到最近發現原來佢午市係有午市餐牌，終於的起心肝出去試下啦。星期六嘅1點左右，入到去好似無咩人咁。午餐包前菜、沙律同埋湯，個湯唔錯，唔會太鹹！店員嘅服務態度都十分之好，係咁清枱面嘅野，又係咁加水。叫左滑蛋吉列豬扒定食同埋三味串燒雞家食。滑蛋吉列豬扒塊豬扒唔算好大塊，滑蛋都幾多包住左塊豬扒，豬扒上面嘅紫菜絲好香。吉列豬扒唔會炸得太乾，滑蛋又唔會太甜，唔錯。三味串燒雞定食有三種串燒，燒物果然係呢度嘅主打，比吉列豬扒飯更出色，如果第一次嚟好應該試呢一款。佢嘅汁亦都唔會好鹹，我最怕就係d汁太鹹整到本身食材嘅味道都食唔到！午市真係抵嘅對比本身散叫，下次再試下其他Lunch set先！

本尊閒唔時就會去元朗出巡食好野，今次就一試呢間專食串燒嘅三品。為免霸氣盡露，今次本尊放過條喜知次先，燒物好食下次就黎encore，品嘗呢條魚中貴族。串燒選擇甚多，花多眼亂，都係叫翻D普通野試下先。明太子外脆內軟，咸辣鮮層次分明，做下酒小食堅一流!肥甘厚膩Oiishi鰻魚飯!! 呢條鰻魚只應天上有，醬料味道恰如其份，肉質嫩滑油脂恰到好處，咬落仲有少少彈牙，一咬就仿單係本尊口中融化一樣，返工有咩怨氣，食一食呢個飯都會煙消雲散。呢個套餐除左鰻魚飯，仲跟一個油豆腐麵豉湯，加一個是日串燒，一次過滿足3個願望，做晚餐份量都已經好足夠。是日串燒係雞軟骨，雞軟骨係坊間十分普遍，呢度嘅雞軟骨就比出面嘅多一份Juicy感覺。一個餐只係HK$168，咁嘅質素無得彈。本尊決定下次出巡行過都要encore呢間三品，仲要儲定彈藥食喜知次

不經不覺已搬入元朗兩年半，上個夏天每週總會游泳一到二次，習慣從家中步行致體育路的元朗游泳池，每次都取道教育路，因此總會路經一家名叫三品的居酒屋，這家食肆我已留意良久，早已看過不少貼在門外的介紹文章，今天終於找到長期飯腳力士同往。門外環境室內環境是正宗爐端燒居酒屋格調，空間不大，座位不多，大概只有30左右。不論吃鮨店、鐵板燒或爐端燒，總愛坐在吧頭，特別是吧頭的正前方，可以看到手藝，嗅到香氣，聽到聲响，感到誠意。如果廚師健談，邊談邊吃，大家分享飲食知識，甚或生活點滴，絶對美事一樁！可惜不是熟客，縱然在訂座時已跟負責人說希望坐在吧枱，仍被安排在角落位置，既沒機會跟廚師言談互動，也未能看到所點食物的烹調過程，唯有在點菜前把一些在烤製中的美食攝入鏡頭。某些串燒，製作時會浸泡在醬汁中一會，讓汁醬滲入燒物之中，這炮製方法常見於日本本土的爐端燒館子，香港則連下圖這種傳統醬汁罎也不常見。目測所有爐上燒物都是正宗的生燒，生燒是小弟對爐端燒物的最基本要求，食物不能在燒前油泡煮熟，現在幾乎所有日式放題及低檔日餐的爐端燒都是先拉油至接近全熟，再隨便放上燒爐隨便輕烤便奉客，燒物又嚡又乾，質素慘不忍睹，奉喧大家，吃

元朗美食多, 卧虎藏龍的也不少, 作為元朗人對教育路這越夜越美麗的食街當然不會陌生, 平時行過一間金屬大門的食店, 一直也只是過門而不入, 沒太多留意. 直到朋友介紹三品的燒物很不錯, 往網上查看才知悉主廚曾在尖東米芝蓮串燒店「錦」 工作了二十年, 並於今年加盟元朗的三品任主廚, 來頭不少, 既然名氣甚響, 當然要拉老公去試試. 按門口的門鐘自動門打開, 先看見有一個大大酒櫃在右手邊, 內裡有多款清酒, 大吟釀, 啤酒等, 好適合一路吃串燒, 一路飲兩杯的氣氛.店子比我預期中小, 大約只有6,7張枱, 另有一排吧枱, 但感覺挺有日式屋酒屋的感覺, 客人可一邊吃一邊看着師傅燒烤食物, 跟廚師的距離較近, 氣氛親切.店內用上鎢絲燈泡和灰調佈置, 頗有格調.未點菜前先送來兩碗前菜, 其中一碗是海藻和冬菇漬, 不太鹹, 有好香冬菇味, 幾好味.食物方面, 都以燒物為主, 有海鮮, 肉類, 串燒, 野菜等, 選擇頗多. 反而粉麵等款式較少, 但周一至四另設幾款定食, 怕不夠飽的話可以點選.燒年糕($28) - 以乾脆紫菜包着烤香的年糕條, 造型似手卷, 入口十分香脆, 微微硬身, 內層煙韌, 沒

小妹又出動到元朗市覓食，在教育路遊遊下見到這間門面不錯的日本餐廳，就進去了（其實之前成日都經過但真係冇留意到..）。既然是串燒專門店,於是就選了78蚊嘅午市三品串燒定食，侍應先送上沙律、漬物及湯，我差不多吃完主菜也沒送上，只見到司傅吧枱上放著飯碗，一串一串把燒物放上，大概15-20分鐘之後，終於等到了！先吃放上面的野菜，哇，不得了，又香又juicy, 串燒雞翼/ 燒五花肉/ 燒免冶雞肉棒無論在調味、香脆度都恰到好處，不枉這20分鐘的等待！馬上上openrice看看這店，原來來頭不少，由米芝林一星司傅主理，我真係大鄉里出城。午市定食也這麼認真，有空跟老公來試試晩餐，期待！。

元朗多美食係人都知，今晚尼間居然係星級大廚主理，而且每串都不假預人，自己親自燒。標榜食材新鮮，絕不冰鮮，尼個已經夠曬吸引，經經理悉心介紹，我地點左日本雪場蟹腳，新鮮空運到港，差不多係每台必點，蟹腳肉厚，而且大廚處理得好好，好彈牙，海水味和海鹽的餘香，調味料絕不重味，只食到蟹肉嘅甜味，絕對係超值，超水準享受。碳燒鰻魚，首先鰻魚係超滑，外面脆，肉好嫩滑，入口即溶，份量岩岩好，尼個係我食過咁多鰻魚好超水準的一間、雞粥好綿，粒粒雞肉，雞肉係新鮮先煲得出鮮甜味，賣相更加係落足心機。鹽燒白鱔，距系可以燒到岩岩好，皮系極脆，顏色金黃，肉系滑嘅，淡淡嘅海鹽，不蓋過魚嘅鮮味，真係好有心機，對食物要求好高，而經理就每一串都會細心解說返，好專業！尼支白桃汁汽水系超好味，值得一試👍雞皮系最考功夫嘅，大廚將雞皮底層肥膏處理掉，好薄一層，燒至金黃、每口都食到脆脆，但係又唔會張口嘅感覺，超強👍仲有餐前小食，好窩心，尼餐食得好開心，好少有客人同大廚甘多交流，距吧台就係即燒即遞俾客人，新鮮食，而且會分享返食物的味道做法。完全系老朋友吹下水，好窩心。下次會再見🤗👍

元朗區一向美食眾多，由平民街頭小食到高質Fine Dining也有，這次便來到豐年路輕鐵站附近的日式居酒屋「三品燒鳥專門店」。餐廳環境非常乾淨，開放式廚房設計，卻絲毫沒有油煙味；金屬吧台配合鎢絲吊燈，格調不俗。後來上網一查，始知這居酒屋大有來頭，由米芝蓮一星燒鳥專門店「錦」前大廚基師傅，和「天空吟龍」前副主廚禧師傅主理，多選用日本直送的時令食材。一進門便被這落地酒櫃吸引，內有多種罕見清酒、純米吟釀和啤酒，價錢相對不算貴。爐端燒燒鳥專門店，顧名思義就是燒雞專門店，除了常見的雞柳、雞軟骨和雞翼，還有雞皮、雞尾、雞心、雞頸肉、雞肝、雞腎等，基本上整隻雞也齊全了。少不了和牛、豬、羊和海鮮。侍應非常熱心有禮，點餐時會主動講解和推介，原來此店的串燒以汁燒為主，鹽燒為副，前者用每日定時熬煮的滷水汁，後者則用沖繩雪鹽和喜馬拉雅山岩鹽，以提升食材原味。蒲燒鰻魚 $68 肉質肥美嫩滑，醬汁亦香濃。炸南瓜薯蓉餅 $48 炸得香口，略油，南瓜肉跟薯蓉溶為一體，很配。煙肉日本蠔卷 $48 意外驚喜！本來不太吃蠔的我也覺得不錯，煙肉香脆可口，包著肥美多汁的廣島蠔，一咬肉汁迸出，相當治癒。牛肋肉 $48燒得油香四溢

香港素有美食天堂的稱號，要找好野食易過借火，大連鎖店林瑯滿目，中式、日式、西式等等⋯⋯近年香港人愈來愈支持小店，全靠是廚師的一份心情、用心和堅持，做食的一係賺大錢，一係好快執笠，味道固之然重要，更重要係整個氛圍，而我係三品燒鳥就感受到。居酒屋的旗幟掛在門外，有日本的影子，一打開門已經見到好多種唔同嘅酒水，鍾意酒嘅朋友應該沒有唔黎嘅理由，因為呢度嘅酒都偏平，性價比高，一次打孖上先叫盡興。飲酒嘅飲酒，唔飲酒嘅飲介紹白桃同白提子汽水，仲有波子汽水，細細個嘅最愛。串燒一般都會驚唔夠飽，所以三品一至四係飯嘅定食，叫左飯打個底，再叫串燒，咁先係皇道，所以俾左個藉口自己叫燒鰻魚飯，鰻魚飯都係日式燒嘅好食，真係佢個汁＋燒＋鰻魚兒，真係無敵，冇咩骨，健康，好食，唔肥⋯⋯太多太多原因可以令你一個人食哂全部哈哈。三文魚有豐富維他命B，佢燒得咁靚向我招手，皮脆肉厚，幾乎每次都會叫燒三文魚食。招牌雞肉棒是靚女侍應特別介紹，又係沒有不吃的理由，佢介紹左佢地個汁係秘製，可以點其他串燒，而且雞肉棒係新鮮自家製，食住雞肉棒，蛋汁同雞肉極之配合，美味係口裡面徘徊，特別係呢道菜更顯廚師功架、用心同堅持，對鮮味嘅堅持，如果可