三品 燒鳥專門店 (已結業)

話說今日同女朋友慶祝紀念日，係IG見到有廣告同埋有人俾超級好評。懷著興嘅心情，一個星期前已經準備盡情食一餐。點知，人算不如天算，天都算唔到佢啲肉串，係超級普通！留意返，真係超級普通！肥牛cheap過惠康，sorry，我知咁講會得罪好多人，惠康啲人。豆腐係街市5蚊一大磚嘅貨式。最出事係個牛肉煲嘅甜豉油湯底，同吉野家相比，係輸足成條街，留意返吉野家係69一個煲，而佢係成個套餐四百蚊⋯⋯炸蠔配叉燒醬！望落扮晒正宗日式餐廳，但播嘅竟然係韓文歌😂唯一值得好評嘅係啲服務。