一鼎‧台式火鍋 (屯門時代廣場北翼)

營業中

休息中

行完屯市見到新開有間台式火鍋膽粗粗就試下，聖誕就到就食好啲！呢度係一人一鍋既，湯底我揀咗個”麻油雞”😬原隻雞髀咁上，最正係啲炸過既蒜頭放落去一齊滾，麻香好出又有蒜香我哋叫咗個$399 “M8和牛+西班牙伊比利亜豬梅花吃到飽”餐 (限90分鐘) 淨係食多兩盤M8和牛油花好靚夠嫩滑，食2碟已經回到本，個豬半肥瘦都好好食，仲有240日穀飼牛都係任食既火鍋配料係自取既，竟然有王子麵同新竹米粉，甜不辣同台式咸蛋丸呢啲平時少見既配料，係幾得意既，但唔建議攞太多丸打飽自己台式小食(熟食) 都可以任點，好似去咗夜市咁，地瓜球、台式香腸、鹽酥雞、鹽酥杏鮑菇、皮蛋豆腐、鹽水雞，全部細細碟 可以食多幾款最回本既除咗M8和牛，肯肯定係佢跟餐既台式飲品，每人至少order兩至三杯 “爆檸”真係好特別一定要試，另外個奶蓋青妍(綠茶) 飲落好清香舒服唔甜，飽飽地飲杯茶又可以食多兩碟小食-好彩我哋早入座 一開始出餐都快，店員都好有禮貌，用餐時間剩20分鐘就無得再落單 所以記得睇時間last order，希望下次去 食物水準依然keep到啦，性價比算高既！

好耐都冇出街食晚餐，朋友同我講先知屯門嘅時代廣場開咗一間新嘅台式火鍋😲趁今日早收工，即刻過嚟試下先😚😚舖頭裝修得好靚，簡潔得嚟又有啲設計感，而且環境好乾淨，坐得舒服😌今次叫咗澳洲M8純和牛+西班牙伊比利亞豬梅花嘅套餐 $399全包，台式飲品仲可以任飲添一入座即刻叫咗杯芒芝芒芝，呢個係芒果芝士奶蓋嚟嘅，估唔到裏面真係有好多芒果果肉！！湯底叫咗紅燒牛肉鍋，經理好貼心咁提咗我哋話呢個鍋會越煮越辣嘅，一上枱真係有少少嚇親😂😂咁多辣椒嘅🙈 不過其實又唔係好辣，係幾惹味🤤不過呢個湯底裏面冇牛肉嘅，我另外嗌咗啲鴨血加落去😄澳洲M8和牛食落口感軟化，有少少咬口，好夾個湯底😝西班牙伊比利亞豬肉質同一般嘅豬真係好唔同，肉質特別細膩，食落絕對唔油膩呢度大部份嘢食都係一碟一件，啱晒啲眼闊肚窄嘅人🫢大部份嘢食都可以經電話app落單，仲有少部份嘅可以喺自助區度拎飲品區，仲有啲特色嘅茶飲，消滯一流😁😁聽講呢度嘅師傅咩茶都識沖😲😲臨尾食返個3.5牛乳埋尾就最Perfect😚

啱啱新開，冬至放早啱啱有位。但通道略嫌偏窄。自己夾既食材唔太多。大多要手機點，點選食物唔算太多。但員工上菜太慢。要改善下。食物份量偏小。但有幾款台式飲品可能住點。

最近時代廣場大執，千色對面有幾間餐廳裝修緊，原來開咗間勁高質嘅台式火鍋。加上近排天氣咁凍，唔打邊爐真係對唔住自己，所以就同個friend 嚟試下呢間新開嘅台式火鍋。朋友揀左紅燒牛湯鍋，雖然有啲乾辣椒，但唔會好辣。我就揀左麻香蒜頭雞鍋，好香麻油味，仲有大大隻雞脾，雞肉都好嫩。由於本人都算係一個食肉獸，所以就揀左可以食90分鐘嘅「澳洲M8純和牛」，因為除左有超高質嘅澳洲和牛、西班牙伊比利亞梅花肉，仲有冠軍草飼羊、黑安格斯穀飼封門柳等等，成九款咁多。每款肉嘅肉味都好香濃，羊肉唔羶。M8純和牛同伊比利亞梅花肉啲油脂分布靚到呢！封門柳係我平時去食牛扒都會柯打，因為牛味極濃極嫩，所以大推黑安格斯穀飼封門柳！雖然一鼎主打火鍋，但台式小食都同樣高質，鹽酥雞、滷肉飯、三星蔥燒串花枝、古早鹽酥豆腐全部都好正。仲有另一樣勁正嘅係個餐有好幾款台式飲品任！飲！平時喺出面飲一杯都要30幾40蚊，芝芝芒芒同一鼎西柚果肉爆多！芝士綠妍茶底清香！黑糖珍珠牛乳，奶味香濃，甜度適中！如果有帶小朋友嚟，佢哋一定會好鍾意3.5牛乳雪糕同白桃味Yogurt雪糕。職員同我地介紹左佢地個app，登記做會員可以儲分，$1有1分。202

今日收工買完聖誕禮物，就跟媽媽係附近揾野食。我們經過見到開左間新野，是一人火鍋打邊爐，睇過餐牌覺得好吸引就一於試下。地方好大又闊落，裝修時尚光猛，樓底高，非常開揚。醬油可以任意添加，配料也有多款，感覺乾淨衛生。一人一個鍋，自己鍾意食乜就放乜，唔洗左就右就，實在太好了。QQ骨膠原膠原豬王骨鍋，當中有紅朿，杞子，蔥花，還有含豐富膠原豬骨，湯味濃郁，味道非凡。澳洲純和牛一碟有六大片，顏色鮮艷奪目，可見非常新鮮。肉質香嫰，大大片放入口，肉汁爆滿，非常滋味。澳洲黑安格斯榖飼封門牛牛肉切成一小片，肉質帶點煙韌，口感完全不同，一盒自己都食得晒，完全未夠喉，要再encore。特選榖飼牛牛肉摺在一起，打開原來比澳洲純和牛更大片，灼熟後竟然一d都無縮水，油脂分佈平均，牛肉味香濃，吃到停不了口。放題黎講有咁高質既牛肉食，性價比超高，真係抵返晒。澳洲嚴選牛這款牛肉脂肪分佈會多d，但吃入口又唔會好油好肥膩，略帶少許牛蘇味，非常特別。除咗主打食牛之外，我地叫左麻辣鴨血，墨汁墨魚滑，牛骨髓，台灣腸，鯛魚和牛筋。我鍾意每樣都係一小碟，份量小，這樣可以嘗試多款不同既台式食物，非常體貼。丸類，蔬菜類，麵類都有好多款，款式

天氣轉冷，想食暖笠笠嘅火鍋。屯門時代廣場新開台式火鍋店，一鼎台式火鍋。一行二人叫左：晚市套餐 澳洲240日穀飼牛 $319位 90分鐘有六款台式湯底，我哋叫咗豬骨湯底&鳳梨茄濃湯鍋。自取食物：丸類區超有水準，類別超多，最鍾意食鹹蛋丸，麻吉燒，三杯魷魚燒，金沙魚餅，好多都好特別。蔬菜區特別啲嘅菜有 紫色羽衣甘藍，紅心蘿蔔，紫淮山片，皇帝菜苗，新鮮爽脆。除了自助區外，仲有用電話QR code落單，有大量自助火鍋配料及肉類海鮮，仲有台識特飲同台式小食，都係無限量供應。熟食方面有鹽酥雞、滷水牛展牛筋、皮蛋豆腐、椒鹽滷水豆腐、鴨血、蒜片台式腸和滷肉飯等。香濃惹味，味道正宗。最鍾意食係和牛肩胛肉同封門柳，肉質嫩滑而且牛味超濃。任點海鮮有鮑魚、帶子、蝦、魚片，物超所值。😋雪糕🍦兩款口味3.5牛乳雪糕 & 白桃雪糕台式飲品大大杯。芒果芝芝好足料，啖啖果肉，好滿足。招牌一鼎西柚酸酸甜甜地，食到粒粒西柚肉，好正！宜家去呢到食嘢，即有機會獲贈 Alan Walker Walkerverse The Tour 香港站門票兩張，嘉賓有Mirror，下載app登記做會員仲可以儲分，$1有1分啊，儲到2023年1月

🇹🇼🍲之前喺屯門時代廣場行街已經見到圍板裝修緊一間台式火鍋，最近見佢開咗就即刻book枱去試吓😋😋 餐廳裝修幾靚，座位寬躺又舒服，仲要係一人一鍋 每人都有自己既爐 可以揀自己鍾意嘅湯底😍😍 我哋食晚市，有四款90mins套餐可以揀，我哋就揀咗澳洲240日穀飼牛 $319+10%。呢個餐肉類已經好多款 有5款牛肉、2款豚肉、1款羊肉同埋花雕雞可以選擇，仲有海鮮、特色火鍋料、台式飲品。我要左台灣麻辣鴨血湯底，湯底香濃唔係死辣。🥩🥩牛肉顏色同埋油花望落都好靚，而且每一round既order都係靚既。其他火鍋料就自助形式去拎，應覺比一般嘅任食火鍋選擇比較多，啲蔬菜都好新鮮。我另外呢度提供好多款，台灣小食同主食都好多款，而且味道都唔錯，個人比較推介滷水牛筋同金錢肚，好入味好稔😋😋台式茶飲有4款，我試晒咁多款🤭 最推介係香水爆檸，酸酸甜甜 好開胃，食都食得多啲🤣🤣

時代廣場板長壽司個位開咗間台式火鍋放題，而且仲要係一人一鍋，咁可以試多啲其他湯底😂首先呢度環境幾好，而且好大間吓，連之前嗰間藥房都變做呢間舖👍🏻價錢方面有$399到$269揀，$399都係可以接受範圍，同埋真係好啲選擇，最緊要既係有得揀芝士茶飲，真係飲兩杯都係番晒度🤫而家呢個餐既m8和牛同伊比利亞豬肉真係好正，肉嫰油香，嗌幾多都唔會厭🤤🤤湯底揀咗麻痹鴨，即係麻辣鴨血，味道比較想像中清淡啲，比較冇咁一味得個辣字，食到啲食物原有嘅味道😚除咗火鍋配料，呢度仲有好多台灣小食，鹵水 雞排 鹽酥雞 滷肉飯 都有😆滷肉飯非常有風味 一個唔留神，已經可以爬晒成碗飯😂滷水亦都係合格之上，尤其是牛筋牛肚炆得非常之淋😆甜品就食個白桃雪糕，勁香桃味，啱晒我😍呢度用qr code落單 非常方便👍🏻員工亦都好有禮貌又幫到手，呢間都非常推薦朋友食👍🏻👍🏻最後都提提大家，呢度可以用App儲積分，有機會抽到Alan walker喺香港演唱會嘅門票（有mirror做嘉賓嗰個😛）都夠哂吸引了，而且仲有其他優惠😙😚

天氣凍凍地，打邊爐就啱哂🍲見屯門新開左間台式火鍋，一於去試下先，湯底有6款選擇，每日新鮮熬製🧑‍🍳有麻痹鴨、呷醋豬、QQ骨膠原等，佢呢度食物種類非常多，肉類都超過10款，仲有前菜、小食、海鮮、滷水，連台式茶飲都有，性價比好高。餐廳地方闊落，座位舒適，自助區有多款醬料，估唔到會有青花椒、杞子米油提供，仲有大量蔬菜🥬台灣直送配料等都可以任攞，比較少見的有麻吉燒、台式咸蛋丸、台灣黑輪條、紫羽衣甘藍、紅心蘿蔔等。🥩澳洲M8純和牛+西班牙伊比利亞豬梅花 $399一人一鍋，酸菜白玉鍋可以刺激食慾，裡面有不少酸菜、豬肉片，好惹味。呢嗰餐已經包括左所有肉類，包括澳洲M8純和牛、西班牙伊比利亞豬梅花、澳洲穀飼牛、澳洲冠軍草飼羊等，選擇非常多。特別推介幾款以下必點嘅食材俾大家🤩🔸 澳洲M8純和牛🐮份量非常多，好靚雪花紋，帶有香濃嘅牛香味，必叫👍🏻🔸 西班牙伊比利亞豬梅花🐷擺盤好靚，薄切伊比利亞豬肉，油脂比例啱啱好，輕輕碌幾下已經食得，入口即溶，好香滑。🔸澳洲黑安格斯封門柳 色澤鮮紅，厚薄剛剛好，咬落比較有口感，但都好軟腍，重牛味🤤🔸澳洲冠軍草飼羊🐑羊肉一卷卷放好，食落好有羊味，但唔會有羶味，一啲都唔鞋口，

( ͡° ͜ʖ ͡°) 一鼎 ∙ 台式火鍋 ［ @toppotasia ]——台灣嘢——❝ 屯門時代新開張性價比高 台式一人一火鍋 ❞天氣咁凍緊係要打邊爐！見到屯門時代新開吃到飽，當然要同朋友試吓啦～特式湯底麻痹鴨、呷醋豬、QQ骨膠原等，一人一鍋自己揀自己湯底，唔使爭～QR code落單，夠晒方便 座位舒適空曠 景觀開揚 食完唔會成陣味 唔錯👍主打澳洲240穀飼牛、澳洲M8純和牛、西班牙伊比利亞豬梅花、海鮮、前菜、小食、鍋物、主食、滷水，就連台式茶飲都有任飲！✿ 澳洲M8純和牛＋西班牙伊比利亞豬梅花 $399位🥘自選湯底 每日新鮮熬製：✿ 麻痹鴨我揀咗台灣麻辣鴨血鍋超級足料 湯底香濃 絕不馬虎一滾起已經飄來陣陣麻辣香氣麻辣唔會死麻令到你食唔到再加埋必encore嘅鴨血 真係Perfect match！✿ 紅燒火牛朋友揀咗呢一個 紅燒牛湯鍋神還原台灣紅燒牛肉麵嘅湯底 好有風味湯底夠味 就算再加湯都重keep到食完唔會有口渴感 唔錯！✿ 西班牙伊比利亞豬梅花平時好少食豬嘅我 試咗哩個好有驚喜豬肉鮮甜冇雪味 豬梅花入口即溶一試難忘 會令你不斷係咁食！✿ 澳洲M8純和牛和牛油脂比例平均 牛肉薄切軟

𝗗𝗲𝗰𝗲𝗺𝗯𝗲𝗿 最近天氣涼左好多，食慾大增！所以作為屯門牛嘅我去左附近新開嘅放題店試下伏💩餐廳位於時代廣場天仁茗茶隔離，而餐廳主打台式邊爐，挺吸引的！仲有門面嘅裝修非常簡潔，有種紓壓嘅感覺٩(ˊᗜˋ*)و-澳洲純和牛吃到飽套餐🐄$299-我自己就叫左QQ骨膠原豬王骨鍋以及蕃客為主嘅鳯梨蕃茄濃湯鍋🥫前者豬骨湯湯底較清淡，唔會覺得油膩或有負擔感。挺適合涮牛肉+菜後者蕃茄湯較濃郁，相對會較重口味！適合用嚟煮麪食！𝗼𝘃𝗲𝗿𝗮𝗹𝗹-真心好過連鎖放題店嘅重味精湯！-肉類方面🥩最鐘意係澳洲純和牛同埋封門柳錄5秒已經可以拎起！油脂分布平均，不沾醬已經食到牛嘅鮮味之餘仲有牛肉味嘅餘韻留係口中，千祈唔好煮好耐，否則就喪失左其嫩滑易咬的質感(⁎⁍̴̛ᴗ⁍̴̛⁎)‼ 至於羊方面，我自己係麻麻食重騷味嘅羊🐑所以呢間嘅羊味不算騷！-菜類//面類//丸類//豆類製品🫘超級驚喜嘅，係呢間舖頭居然有百頁豆腐仲有甜不辣同埋麻吉燒係必食嘅！菜類我覺得羽衣甘藍係解膩嘅不錯之選！至於面類嘅選擇，我自己覺得王子麵同埋刀削麵都幾吸引🫶🏻-最滿意嘅小食同埋飲品🍶-真心推介佢哋嘅台式小食，蛋餃食落去挺香口的！鹽酥雞同花枝丸係必食，鹽酥雞還原

係屯門區入面有好多既放題火鍋店，但同frd食過屯門入面最高質既一定係呢一間。同朋友試下新開既呢間火鍋店，第一眼門口望入去裝修好企理乾淨，右面既水吧可以堂食同外賣，坐落比其他火鍋店既感覺較闊落。而且呢間餐廳真係好乾淨，因為外面既放題啲碗都係洗碗姐姐洗完就放出黎濕濕地咁俾人用，但我地食飯既途中見到佢地洗完仲要放入一部機入面，我估係類似消毒作用咁然後再俾客人用👍🏻入去既時候侍應哥哥會問要咩湯底同咩set，一共6種湯底4個set，而我地今次就揀左澳洲M8純和牛。麻油雞湯底同紅燒火牛湯底，主打一人一煱🍲。坐左幾分鐘左右個湯底就上左黎先，我見到咁精致就知道個湯一定飲得🤣試完一淡之後真係哇左聲，因為比之前去台灣食既牛肉麵個湯底更加有濃厚既牛味，而且小小既辣椒更加惹味。啲肉上檯既時候睇到肉身既花紋已經覺得呢餐係值得，食落去就更覺得肉質脂肪比例好fit，好新鮮🤤🤤食既全程完全可以靠個肉質本身同埋個湯底，係真係好食到唔洗點醬料調味🤫到呢間餐廳另外一個特色就係台式特飲。野飲真係高質，只要飲落第一淡就會覺得用料好靚，我地兩個人都飲左四杯野飲，一啲都唔覺得好甜好化學🧪，反而果汁真係有成塊肉係入面，茶又真係靚茶葉

經過見到新開咗兩日嘅台式火鍋有新嘢梗係要試下啦‼️我同小芙爸即刻衝入去🤣一人一鍋嘅一鼎 ∙ 台式火鍋除咗有放題肉類仲有台灣夜市小食、自家製滷味最欣賞嘅係佢哋門口有埋茶飲店指定放題套餐包埋㗎‼️好有台灣風味😍我哋揀咗澳洲純和牛放題😋呢個餐係有埋茶飲湯底就揀QQ骨膠原同麻痺鴨✨QQ骨膠原係用豬王骨熬製，滿滿骨膠原🤩湯底配有紅棗杞子非常養生✨麻痺鴨就係麻辣鴨血鍋💕湯內有好多鴨血，材料十足，好惹味✨澳洲純和牛放題嘅肉有齊牛、豬、羊而牛肉有澳洲純和牛、黑安格斯封門柳、穀飼牛等，口感由軟稔到嚼勁都有❤️滿足唔同人嘅口味✨台灣小食同滷味種類繁多‼️今次試咗鹽酥雞、台灣腸、午餐肉、老油條、金錢肚同牛筋🤭推介午餐肉，勁厚勁酥脆👍🏻金錢肚同牛筋滷得好入味，自家製確係唔同㗎🫶🏼✨飲品除咗汽水、花茶，一定一定要試茶飲👍🏻 黑糖珍珠牛乳味道濃郁香甜而不膩，珍珠好煙靭😊鍾意酸酸甜甜嘅一定要試香水爆檸💕味道微酸有消滯感覺，青檸味好出好清新小芙爸平時好少品評食品好唔好食🤭呢間係佢開口話性價比好高嘅火鍋店👍🏻話下次要帶埋黑糖珍珠牛乳控嘅小芙嚟喎🤣🤣

途經屯巿時代廣場，見到這間新開張的台式火鍋店，趁著天氣驟寒，立刻就決定進去暖一暖身！餐店裝璜簡約，以米白色作主調，柔和順眼。座位是一人一鍋設計，很是闊落舒適。店內設有火鍋配料區、飲品區、醬料區及雪糕區。多款湯底有辣有養生，我選了麻鴨鍋，即是麻辣鴨血鍋！而且鍋裏的鴨血更能無限量添加！澳洲M8純和牛：薄切的和牛片，刀功細嫰，下鍋一焯便已可食用。肉質不算滑溜但勝在油香味足，齒䶝中留下不盡的餘香。澳洲純和牛：亦是薄切的和牛片，但這款油脂相對較少，而且牛肉味更徧濃重。墨汁花枝滑：花枝滑配上墨汁更特出鮮味，花枝肉爽嫰有嚼口。黃金豆皮：在香氣滿溢的麻辣鍋上走一趟，表面掛著湯汁，內裏吸滿麻辣精華，一口吃下簡直將味覺昇華！紅糖麻糬：餐廳還有很多台式小吃及主食，例如這款紅糖麻糬，口感十分煙韌，甜而不膩，滋味不錯！飲品更是種類繁多，除了飲品區內的茶類、汽水等，更有多款特飲可下單選擇！

最近比我發現。屯門市中心偷偷地又開左間新餐廳開咗喺屯門時代廣場千色店對面天寒地凍，最啱就係打邊爐既然就嚟到節日，梗係決定食返餐好啦澳洲M8純和牛+西班牙伊比利亞豬梅花 $399吃到飽一人一鍋夠晒衛生，又可以揀選自己鍾意嘅火鍋湯底QQ骨膠原🥰夠晒滋補亦都養顏，重有大大嚿豬骨夠曬味道我選既menu主打澳洲M8純和牛，質素非常之高檔，肉質呈鮮紅色，非常之嫩滑，入口濃香封門柳肉質濃郁帶韌性口感另外重有好多款肉類、海鮮、前菜、小食、鍋物、主食、滷水等等⋯⋯小吃之中我推介地瓜丸，熱辣辣又煙韌有咬口連台式茶飲都都包埋，我試左芒芝芒芝，濃香帶鹹嘅芝士味配上香甜嘅芒果🥭另外更有啲自家泡茶飲，菊花普洱菜清肝明目！就算食飽飽之後，仲有一部自助雪糕機！多元化既台式火鍋放題