一鼎‧台式火鍋 (屯門時代廣場北翼)

營業中

休息中

新年年初一去屯門「一鼎台式火鍋」，本來以為好多人要排好耐，點知用GULU等一陣就有位，佢有平有有貴，最平果個無揀，因為無手搖飲品任飲，所以揀貴一級果個餐，呢個餐已經有澳洲和牛同封門柳，肉味濃又夠咬口，好唔錯！蝦又新鮮夠實淨。另外驚喜就係有好多台灣小食任揀，例如鹽酥雞、炸地瓜條、地瓜球等等，另外還有冷盤同台式滷水可以揀。令外在自助區，比個白桃雪糕驚艷到我，一食就知唔平，真係好好食，仲有Oreo粉任加！另外有台式手搖飲品任叫，雖然我個餐得三款，但一啲都唔流，杯杯都好飲，本人推介 香水爆檸，好重香茅味嘅檸檬水，好正！有啲打邊爐煮咗嘅嘢，好難用筷子夾出嚟，如果有匙羹會更好！值得推介

今日食既呢間係位於屯門既台式火鍋，呢度係岩岩先整好營業，我食既當天係第三日開張，所以環境我比100分同大部份既台式火鍋一樣，呢度主要分自助吧，配料區，同甜品區位置好大而且好闊落，所以進食體驗都不錯因為係一人一鍋既關係，所以大家可以嗌自己鐘意既湯底去食，每個人都可以食到自己鐘意既湯底呢度超多台式食物，火鍋配料同熟食都有，仲要係用手機app落單，唔怕會漏單呢個辣底火鍋真係超紅超好味，加埋d配料夠哂高質，性價比超高最後可以用app登記會員儲埋分，我見到大獎仲可以贏門票，相當不錯

自問我倆係火鍋🍲控，屯市食肆又有一番新景象，好多唔同品牌進駐🤩🤩見到這家一鼎台式火鍋放題吃到飽，仲有台式飲品店一定要過嚟試試😆😆排隊排長龍，所以特意早少少過嚟揀咗，299澳洲純和牛套餐 任食和牛一定回本 🤪🤪仲有澳洲安格斯封門柳，海鮮配菜飲品 選擇真係好多純和牛口感就是不一樣，牛味濃郁😋😋紋理清晰，肥瘦適中，入口即溶喜歡食牛嘅一定一定無法抗拒 ，當然不斷encore再encore啦🥳🥳封門柳口感較有咬口，牛味同樣濃，各有千秋澳洲谷飼羊 柔軟、有肉香，冇蘇味，品質不錯👍丹麥梅花肉-肥瘦相間，油脂豐富切得薄薄地，幾秒就食得仲有幾款海鮮連鱔片 海蝦都有啊台式特色小食每次都必點炸地瓜條特別香甜外脆內軟台式香腸好香口台式飲品方面選擇非常多，我鐘愛黑糖珍珠鮮奶，不比其他台式飲品點差 珍珠Q蛋茶味和鮮奶嘅比例剛剛好 飲咗兩杯😍😍其實counter門口仲可以直接買走添🥰真係唔錯👍無論食物質素，環境服務喺屯門區來講應該數一數二吧！新年假期再來😎😎

最近屯門多了幾間台式火鍋，朋友推介我去吃這間在上個月剛開張，又大又乾淨，不過門口就被裝修的圍板擋住了，不多人知道。我和朋友早一點到，避開晚市的人流，可以清靜地享受這一餐。📍位置：在千色店的對面，媽咪雞蛋仔旁邊，根本不是3樓，地址不對。🏠環境：面積非常大，全部座位都是卡座，有落地玻璃窗，雖然景觀一般，但採光和燈光十足，以白色為主調，門口位是售賣台式茶飲🧋，左邊是自助區，首先是軟雪糕機🍦，提供3.6牛乳味🍦和白桃味；其次是🥬蔬菜和🧆丸類區，有比較少見的紫色羽衣甘藍和紫色蘿蔔片；最後是醬油區🧂，設備齊全。🤵🏻服務：用QR Code 下單，並收取加一。🍽️晚市：澳洲M8純和牛+西班牙伊比利亞豬梅花吃到飽 (90分鐘) $399🥢提供六款湯底🍲，我們選擇了🐷膠原豬王骨鍋和🐔麻香蒜頭雞鍋，不會覺得油膩或有負擔感。每人一個鍋，吃得方便又乾淨衛生。任食餐單有肉類、涼拌、台式鍋物、海鮮、特色鍋物、台灣小食、熟食、紅燒滷水等，真是多到眼花繚亂😂。🥩推介肉類：吃了幾款牛肉和豬肉，👍最嫩口是澳洲純和牛🐄和伊比利亞豬梅花🐖，如果不想吃得見膩，特選穀飼牛也是不錯的選擇。🧆台式小食：😍必吃梅香地瓜條🍟，香脆又甜；其次

澳洲M8純和牛+西班牙伊比利亞豬梅花 $399.00 / 位-膠原豬𡈼骨鍋-麻香蒜頭雞鍋（澳洲純和牛、澳洲240純穀飼牛、澳洲M8純和牛❤️推✨、澳洲黑安格斯穀、飼封閂柳、一鼎鹽酥雞、三星蔥燒串花枝、手作地瓜球、梅香地瓜條❤️推✨、古早鹽酥豆腐、酥炸菇菌、黑糖麻薯、芝芝芒芒❤️推✨、、芝士桂花烏龍❤️推✨）本年最佳邊爐🫕我的最愛😍一開還猶豫好不好選$399 的組合。當澳洲M8純和牛入口的時候什麼都值回票價😊❤️。最愛原因如下：❤️地方又大又舒服，乾淨度高❤️台式小食，絕對可以自成主角，特別是鹽酥雞和炸梅香地瓜條，差啲吃到其他東西都吃不下😂❤️很多特色蔬菜和丸類，有驚喜，其他店比不上。❤️免費任飲的手調飲品，絕對高質，一定會回頭光顧😍無得電子下單時手動改少甜少冰，不過同冰店員講聲就可以，口動改單🤣❤️電子下單，方便快手。就算過了最後下單時間，都可以請店員幫忙。

屯門新開嘅台式火鍋店，有多款任飲任食嘅套餐，今次揀咗澳洲純和牛90分鐘晚市吃到飽套餐，真係食到肚腩都凸埋出嚟🤰🏻湯底有六款揀，我揀咗麻油雞（麻香蒜頭雞鍋），一路滾住時麻油香氣撲鼻😌肉類有好多款，啱哂我呢啲食肉獸👍🏻澳洲純和牛油花豐腴，牛味濃郁，肉質比較結實。另外仲有澳洲黑安格斯榖飼封門柳澳洲嚴選牛、特選殼飼牛，呢幾款肉相對牛味冇咁濃郁但就薄身嫩滑。如果鍾意食羊嘅就一定要試澳洲冠軍草飼羊，羊味濃又薄身。丹麥梅花肉同丹麥豚五花都好味，雖然係豬肉但一啲都唔靭，仲好嫩滑海鮮有三款：爽脆白鱔片、鮮甜海蝦同台灣鯛魚片。我覺得鯛魚片最好味，魚質嫩滑鮮味，完全冇腥味。仲有好多火鍋配料，滮湖墨汁花枝滑同一鼎啖啖蝦滑都值得推介套餐包咗除咗罐裝飲品、自家冷泡茶，仲有三款台式飲品係任飲：黑糖珍珠牛乳、香水爆檸同芝士綠妍🤩超正啊，平時就咁買一杯都三十幾蚊，係回本之選。黑糖珍珠牛乳係好濃厚個種牛乳。香水爆檸青檸味好濃，酸得嚟好正👍🏻最後當然唔少得食雪糕啦，有白桃味同北海道牛乳味，有埋甜筒正，脆卜卜🍦餐廳環境寬敞舒適，張枱好大，嗌到成枱嘢食都唔怕逼

一到冬天就會勁想打邊爐，今日我地去屯門時代廣場行街，經過見到新開了一間台式任食火鍋。餐廳環境非常闊落，枱與枱之間有一定距離，座位亦寬敞，坐得非常舒適。餐牌由$269至$399放題，我地今次點了$399任飲任食澳洲M8純和牛+西班牙伊比利亞豬梅花，以到我覺得最特別係可以任飲幾款台式茶飲。以到湯底都幾特別，有台灣麻辣鴨血鍋、一鼎酸菜白玉鍋、膠原豬王骨鍋、麻香蒜頭雞鍋、一鼎紅燒牛湯鍋、鳳梨蕃茄濃湯鍋，有6款選擇，一人一鍋。膠原豬王骨鍋和一鼎紅燒牛湯鍋，兩款湯底都好濃郁，膠原豬王骨鍋好重豬骨味，而紅燒牛湯鍋甜甜地辣辣地，食到最尾，湯底味道都仲係好濃郁。點完湯底，侍應就好快送上澳洲M8純和牛+西班牙伊比利亞豬梅花，澳洲M8純和牛油花平均，滾一滾就食得，肉質非常軟腍，食多幾碟都唔覺油膩，而西班牙伊比利亞豬梅花最鐘意切得夠薄，一樣軟腍。除左肉類，亦可以用QR落單，我地點了幾款海鮮、小食，以到既食物相當有質素，海鮮新鮮，帶子飽魚都好大隻。另外來到一定要食下台式小食。QR落單之外，出面亦有自助吧，自助吧有多款丸類、蔬菜類，麵類，超多選擇，樣樣都想食。以到既飲品有自家製既茶、罐裝飲品，即沖茶包之外，仲有幾

.♡ —————— 𝗗𝗲𝘁𝗮𝗶𝗹𝘀 —————— ♥【餐廳】一鼎 ∙ 台式火鍋 @【地區】#Dr_eat_屯門【類型】#Dr_eat_放題 #Dr_eat_火鍋【價位】中價位【用餐時段】晚市【餐廳主打】主打澳洲M8純和牛，西班牙伊比利亞豬梅花等台式火鍋放題【𝗛𝗶𝗴𝗵𝗹𝗶𝗴𝗵𝘁】超過三十款台式鍋物，小食、古早味滷味，自家製花茶，台式茶飲────────────────────【環境/服務/衛生】。以純白及木系為主色調顯得份外簡約清新。門口設茶飲吧，供應放題飲品及外賣。座位寬敞，空間感大。設自助吧，飲品吧，雪糕吧及調味料吧.【價錢：澳洲純和牛吃到飽 $319/人】。90分鐘任食任飲火鍋放題. 【六大特色湯底】。共有6種台式湯底。台灣麻辣鴨血鍋，酸菜白玉鍋，膠原豬王骨鍋，麻香蒜頭雞，紅燒牛肉鍋，鳳梨蕃茄湯────────────────────。小評：每人一鍋，既可以「獨食」又可以大家Share湯底👍 選擇左人氣最高嘅麻辣鴨血鍋及酸菜白玉鍋，前者加入不少藥材熬煮，湯頭濃郁，辛辣惹味，後者嘅特色係酸香開胃，酸而不嗆.【食肉獸食到飽】。有澳洲純和牛，澳洲黑安格斯穀飼封門柳，特選榖飼牛，澳洲冠軍草

屯門新開呢間任食火鍋餐廳，開張無幾耐就已經咁旺場，當然有佢嘅道理啦，性價比極高👍🏻今日未夠六點嚟已經咁多人，晏少少一定要排隊，呢度環境舒服，空間感夠，光光猛猛，而且招呼周到，服務員好有禮貌😊自助食材區乾淨企理，排放整齊，選擇頗多，全部任吃任喝，仲有雪糕機，真心唔錯，我哋揀咗$299 澳洲純和牛 任食90分鐘🤗除咗汽水之外，佢哋自家製嘅台式飲品都好吸引，唔使成日淨係飲汽水咁單調，睇得出佢哋好用心經營，見微知著🥰湯底我地揀咗，蕃茄同白肉豬骨湯，一人一鍋特別衛生，第一個round嘅澳洲和牛，好靚好吸引，肉脂比例完美，厚薄適中，望落去已經知道係高質☺️無花無假，片片都咁靚，係澳洲純和牛，而且係任食，電子落單，快捷準確👍🏻特別鍾意呢個蕃茄湯底，配上等澳洲和牛，更能帶出牛肉嘅肉香，味道層次提升了不少，絕對係我至愛嘅湯底😋任食火鍋真係好開心，一路食，一路出去拎下唔同嘅火鍋食材，建議打邊爐要食得健康，一定要食返啲蔬菜先得㗎，乜嘢都要講平衡😬特別推薦呢個墨魚丸同埋蝦丸，好鮮好甜好彈牙，大大粒，不過小心辣親咀仔😂差啲唔記得介紹佢哋嘅台灣特飲，特別推薦爆檸茶、黑糖牛乳珍珠奶茶，以為佢哋會好甜，點知佢哋嘅甜啱啱

今日一早入到屯門做野，接近5點放工 又全日未食過野好肚餓，黎到屯門時代廣場3樓見有間新開舖頭門口聚集左堆人，原來是一間台式火鍋店，門口有外賣台式茶飲，長長的排隊人龍。這間台式火鍋主推一人一鍋，我幾鐘意呢個概念，一大班人唔駛遷就大家，可以自己選擇自己喜歡的湯底。在門口入座時先選擇好想要的套餐及湯底，湯底選擇多，最受歡迎的台式鍋底基本上都有齊。包括:麻庳鴨(台灣麻辣鴨血鍋)呷醋豬(一鼎酸菜白玉鍋)QQ骨膠原(膠原豬王骨鍋)麻油雞 (麻香蒜頭雞鍋)紅燒火牛 (一鼎紅燒牛油鍋)蕃客為主 (鳳梨蕃茄濃湯鍋)我地選擇了鴨血同蕃茄，這兩個鍋底無論係配牛肉定係魚皮響鈴油炸鬼都是完美配搭食唔停口！麻辣湯底非常惹味不算太辣，另可不斷追加鴨血蕃茄湯底加入大量蕃茄以及鳳梨熬煮，超級濃郁．酸甜醒胃。套餐方面我們選了$299澳洲純和牛，這個套餐肉類選擇足夠。有澳洲純和牛，澳洲嚴選牛，澳洲黑安格斯穀飼封門柳等等。我自己就比較喜歡澳洲純和牛，外表雪花紋平均，輕輕淥５秒已經可以！入口鮮嫩，不沾醬食到牛味十足，牛魔王大愛，澳洲黑安格斯穀飼封門柳肉質鬆軟而且牛味濃郁。 出面有兩個凍櫃，旁邊有醬料區，單係醬料選擇已經唔少，蔬

(晚市) 90分鐘澳洲純和牛吃到飽套餐 $299以一人一鍋形式提供，有6款每日新鮮熬製的台式湯底選擇。我們分別選了一鼎紅燒牛湯鍋、麻香蒜頭雞鍋，每人一個鍋！自己涮自己吃！😋澳洲純和牛吃到飽套餐，任點任食！最驚喜係仲可以任點任飲芝士奶蓋綠妍、香水爆檸、黑糖珍珠牛乳！！🧋 普遍茶飲店一杯台式特飲都要價$35-$48不等，來這邊吃到飽套餐可以任點任飲！😍 而且3款台式茶飲都好飲！無hea做！值得一讚是，於繁忙時間進餐，即使是以一人一火鍋形式，都不需與其他陌生食客搭枱～ 而且經理及樓面的服務態度有善，收碟速度快。🥤 任飲 ： 罐裝汽水、罐裝茶飲，更有4款自家冷泡茶 + 3款台灣特色茶飲！🥤 (自取任飲)自家冷泡茶 ： 菊普茶、金萱烏龍、洛神花茶、玄米綠茶🧋 (QR Code Order任飲) 台灣特色茶飲 ：芝士綠妍、香水爆檸、黑糖珍珠牛乳🍦(任食) 自取甜品 ： 白桃味乳酪雪糕、3.5牛乳雪糕，另有提供雪糕脆筒、朱古力醬及5款 topping🍲 (任食)選單類別： 有肉類、涼拌、台式鍋物、海鮮、特色鍋物、台灣小食、熟食、紅燒滷水👩🏻 J妹 自取任食心水 ： 翡翠豆苗紫羽衣甘藍炸魚皮 (蒜香味

時代廣場店鋪重組，在眾多圍板角落中，原來有間開業不久的台式火鍋店。餐廳為火鍋店外，還設有外賣台式飲品櫃枱，品嘗後覺得此餐廳茶飲出色帶獨特風格，閒時逛街必定購買。晚餐時間門外人山人海，幸得朋友較早前來取票。場內燈火通明，空間感十足，枱與枱及座位之間有足夠空間走動，既舒適又寬敞。共有4款火鍋套餐及6款湯底，套餐以牛肉級別及涵蓋食物種類分類，價錢由$269-$399不等，各套餐均包捨豬牛雞羊、海鮮、鍋物、前菜、小食、主食、紅燒滷水、甜品及台式飲品，朋友與我點選中級價錢$299套餐都已經覺得款式足夠。入座前服務員已協助我們湯底下單，就座後10分鐘內湯底也隨即送上，酸菜白肉鍋的酸菜味輕微，有醉碎酸菜蹤跡，加湯後味道更淡。溫和麻辣鴨血湯底，小麻辣不會蓋過食材原味道，不過鴨血無經醃製過味道清淡。每人一盆子供自助夾食物，冷凍櫃可自取丸類及蔬菜，其他食物均需手機下單醬料區提供基本調味料及特色台灣烏醋，暖和酸味不刺喉，與古早豉油混合增開胃度。這裡有多款罕有特色而好吃的丸子供應，食物眾多以下推介好吃的：三杯魷魚燒：頗彈牙魚條內藏粒粒魷魚，感覺有點與章魚燒相似.芥末丸：芥末與豬肉均勻混合，並包裹著豬肉蓉餡，餡

屯市時代大裝修，多左好多新食店，是日就同朋友黎試下新開張嘅一鼎，主打台式火鍋，仲有唔少台式飲品添呀。星期日嘅下午茶黎食，店內都唔少食客，卡位全部坐晒啦。我地四個人黎到，都好彩仲有窗口位坐到😁揀左食澳洲純和牛餐，$269/位食90分鐘，正常價位啦。自助區都唔少食物可以拎，醬料都好齊，環境唔錯好乾淨。四個人揀左四款湯底，如果愛辣麻痺鴨係堅辣嘅，個人就覺得麻油雞好食，湯頭濃郁又夠香。澳洲純和牛🐂賣相幾得，入口雖然唔算好滑，但有牛味有咬口，呢個價錢收貨啦。封門柳🐂同羊肉片🐏都唔錯呀。白鱔片大推～肥美無骨。菜方面有比較少見嘅紫色甘藍同紫色蘿蔔，顔色幾好睇😝主打台式火鍋又點少得台灣小吃，有鹽酥雞、排骨、台灣腸等，幾有台味～另一樣台灣主打就係台式飲品，黑糖珍奶🧋、芝士奶蓋都可以任飲😍正呀～唔想食甜都有好幾款冷泡茶揀㗎。食飽飽又點少得甜品，有軟雪糕機，是日係3.6牛乳味同白桃味，個人鍾意後者多啲，又香又甜又軟滑，正🤤食到好飽呀～勁滿足😝

台式火鍋最正嘅地方就係1️⃣台式湯底2️⃣台式手搖飲品3️⃣台式夜市小食呢間就三樣都有齊😻如果你都鍾意，咁呢間試得過呀！新開張，裝修走明亮路線一人一窩，六款湯底任揀食物大多以QR code落單菜類麵類飲品就以自取型式自己拎自助bar衛生整齊同埋refill幾快其中有幾款麵食同菜類出面街比較少見非常值得一試😋抵唔抵食當然唔少得要睇埋肉類嘅質素我哋今次試呢個澳洲純和牛套餐🐄澳洲和牛的確幾靚仔食落牛味濃郁，口感都唔錯！每個人頭上湯底前會送一盤牛但一時間忘了問嗰隻係咩牛😅因為呢隻真係幾好食！不過係一次冇得添另外仲有幾款牛同豬肉不過落左單幾次都冇嚟🤔我估可能係當日冇貨？其他值得試嘅有大蝦同鱔片蕃薯條，鹽酥雞同雞扒，台灣腸等手搖飲品都係任叫㗎！有黑糖鮮奶同芝士奶蓋茶等🧋QR code冇得揀甜度，要留意返因為我唔鍾意甜所以都係飲返自助區算自助區嘅冷泡茶其實幾好飲㗎😋最後要講下甜品🍦佢哋有個自助軟雪糕吧3.6牛乳同白桃味兩款，另有不少toppingsQR CODE內有一個叫黑糖麻薯我個人覺得甜品有待加強因為芋圓呢啲係可以加好多分嘅甜品總結一下💬餐廳新開張，員工training有啲不足上菜同收碟都幾慢有漏單，落四碟

認識我的朋友都知道，燒烤和火鍋我都比較少吃，但台式火鍋總是吸引到我，今次來到屯門時代廣場新開的這家火鍋店，令我們非常驚喜，朋友和我一樣不愛火鍋也愛上它。首先環境新裝修乾淨舒適闊落又雅緻，火鍋湯底比較特別，很多款都有興趣，一人一鍋感覺更開心，我選了麻油雞湯，朋友選了紅燒牛湯鍋，後者有少許辣的牛湯，我的麻油雞湯幾香甜。我門選了澳洲純和牛吃到飽套餐$299，肉類方面選擇了澳洲純和牛、草飼羊、嚴選牛、封門柳，特選穀飼牛、丹麥豚五花，花雕雞，肉色十分鮮嫩，切得薄片，牛肉灼幾十秒已可以吃，很有牛香，款式之多，吃一轉不同的肉已夠飽。海鮮方面我就獨愛海蝦，新鮮程度是頂級，幾乎是活的哪種，有少少蝦膏，啜到的蝦汁也超有蝦味，肉質爽彈，忍不住再吃多一轉。澎湖墨汁花枝滑也是必吃的，它的口感柔軟有彈性，有著墨汁花枝香，很特別。小食有鹽水雞時蔬、冰釀梅汁蕃茄、古早蒜味小香腸，蕃茄酸微微好開胃，小香腸好有地道風味。在外自取的蔬菜，款式很多，狀態也非常新鮮，個人比較喜歡鮮蟲草花、木耳和水蓮菜，一吃再吃。這裡供應軟雪糕也令趣味up，它帶點沙冰感，吃火鍋熱辣辣後吃雪糕降溫很舒服。台式茶飲也有驚喜，怎麼火鍋店可做出這麼出色