影片
更多
2022-12-20
119 瀏覽
係屯門區入面有好多既放題火鍋店，但同frd食過屯門入面最高質既一定係呢一間。同朋友試下新開既呢間火鍋店，第一眼門口望入去裝修好企理乾淨，右面既水吧可以堂食同外賣，坐落比其他火鍋店既感覺較闊落。而且呢間餐廳真係好乾淨，因為外面既放題啲碗都係洗碗姐姐洗完就放出黎濕濕地咁俾人用，但我地食飯既途中見到佢地洗完仲要放入一部機入面，我估係類似消毒作用咁然後再俾客人用👍🏻入去既時候侍應哥哥會問要咩湯底同咩set，一共6種湯底4個set，而我地今次就揀左澳洲M8純和牛。麻油雞湯底同紅燒火牛湯底，主打一人一煱🍲。坐左幾分鐘左右個湯底就上左黎先，我見到咁精致就知道個湯一定飲得🤣試完一淡之後真係哇左聲，因為比之前去台灣食既牛肉麵個湯底更加有濃厚既牛味，而且小小既辣椒更加惹味。啲肉上檯既時候睇到肉身既花紋已經覺得呢餐係值得，食落去就更覺得肉質脂肪比例好fit，好新鮮🤤🤤食既全程完全可以靠個肉質本身同埋個湯底，係真係好食到唔洗點醬料調味🤫到呢間餐廳另外一個特色就係台式特飲。野飲真係高質，只要飲落第一淡就會覺得用料好靚，我地兩個人都飲左四杯野飲，一啲都唔覺得好甜好化學🧪，反而果汁真係有成塊肉係入面，茶又真係靚茶葉
同朋友試下新開既呢間火鍋店，第一眼門口望入去裝修好企理乾淨，右面既水吧可以堂食同外賣，坐落比其他火鍋店既感覺較闊落。
而且呢間餐廳真係好乾淨，因為外面既放題啲碗都係洗碗姐姐洗完就放出黎濕濕地咁俾人用，但我地食飯既途中見到佢地洗完仲要放入一部機入面，我估係類似消毒作用咁然後再俾客人用👍🏻
入去既時候侍應哥哥會問要咩湯底同咩set，一共6種湯底4個set，而我地今次就揀左澳洲M8純和牛。麻油雞湯底同紅燒火牛湯底，主打一人一煱🍲。
坐左幾分鐘左右個湯底就上左黎先，我見到咁精致就知道個湯一定飲得🤣試完一淡之後真係哇左聲，因為比之前去台灣食既牛肉麵個湯底更加有濃厚既牛味，而且小小既辣椒更加惹味。
啲肉上檯既時候睇到肉身既花紋已經覺得呢餐係值得，食落去就更覺得肉質脂肪比例好fit，好新鮮🤤🤤食既全程完全可以靠個肉質本身同埋個湯底，係真係好食到唔洗點醬料調味🤫
到呢間餐廳另外一個特色就係台式特飲。野飲真係高質，只要飲落第一淡就會覺得用料好靚，我地兩個人都飲左四杯野飲，一啲都唔覺得好甜好化學🧪，反而果汁真係有成塊肉係入面，茶又真係靚茶葉沖出黎，就連黑糖珍珠奶平時都會覺得甜到漏，呢間餐廳竟然可以沖得唔會好甜但又會啱啱好夠黑糖味，仲高質過出面啲飲品舖。
一邊打邊爐食高質既肉一邊任飲值幾十蚊一杯既特飲，我同個frd計埋條數都覺得抵到爛，性價比真係高到頂點。
經店員介紹下，下載佢哋個APP，因為做咗會員可以儲分，一蚊一分，儲到23年1月2號之前最多積分嘅頭三位會員，有機會會得到Alan Walker Walkerverse The Tour 香港站門票兩張，嘉賓係Mirror 呀🤩🤩🤩仲有好多其他優惠，可以留意舖頭入面嘅宣傳品或者問店員詳情。
最後真係要講用料真心靚，咁好食既餐廳真係希望老闆可以長做長有🤥益下我地屯門既街坊👍🏻
張貼
