一鼎‧台式火鍋 (屯門時代廣場北翼)

營業中

休息中

屯門時代廣場北翼三樓千色店對面新開咗間台式火鍋吃到飽店；提供總共六款湯底全部每日新鮮熬製；每人獨立火鍋可以按照個人喜好選擇湯底麻油雞(麻香蒜頭雞鍋)採用原隻雞髀夠哂足料而且肉質嫩滑加上麻油同埋蒜頭濃香惹味蕃客為主(鳳梨蕃茄濃湯鍋)湯底加入大量蕃茄以及鳳梨熬煮超級濃郁夠哂酸甜醒胃肉類澳洲純和牛肉質柔嫩而且油花分佈均勻同時脂肪比例適中完全唔覺油膩澳洲黑安格斯穀飼封門柳等同橫膈膜肌肉屬於稀有部位肉質意外鬆軟而且濃郁特選穀飼牛肉質相對柔韌而且油脂含量較高；套餐同時提供澳洲嚴選牛總共四種牛肉選擇牛肉以外同時提供丹麥豚五花以及梅花肉同埋澳洲冠軍草飼羊或者花雕雞等肉類選擇海鮮三款海鮮包括爽脆白鱔片以及台灣鯛魚片同埋鮮甜海蝦；其中台灣鯛魚片色澤粉嫩而且口感爽脆鮮甜真心正特色鍋物必點澎湖墨汁花枝滑同埋一鼎啖啖蝦滑口感緊緻爽彈強烈推薦台式鍋物八款台式鍋物個人嚟講鐘意台灣鴨血軟嫩柔韌同時微辣刺激手工水餃分別提供粟米雞肉以及韭菜鮮肉同埋芫茜牛肉三款餡料飽滿同樣出色自助區單係醬料選擇已經唔少；蔬菜以及丸類直頭塞滿兩個凍櫃同時提供幾款麵食種類保證滿意台灣小食所有吃到飽套餐同時提供台灣地道小食以及主食包括手作地瓜球

今日同同事放lunch 去試新餐廳， 入左黎屯門打邊爐！最驚喜係飲品，後來芝芒芝芒同茉莉青提爆檸味道十分好飲。無諗過邊爐餐廳手搖飲品質素可以咁高！平時路過都可以專登過黎買杯野飲和牛十分好食，質數十分高質！最特別嘅有得食麻吉燒，出面好少餐廳有得食，值得一讚！蔬菜選擇亦十分多，用料亦新鮮☺️下次一定會再幫襯

如果鍾意食台式打邊爐呢一間絕對推薦👍🏻👍🏻肉款多之餘食物質素高😍😍岩晒我哩啲食肉獸😆其他台式火鍋店嘅台式飲品都只係配角一鼎既台式飲品好飲到直頭可以做主角😆😆唔怪得午市除咗火鍋要排隊之外，飲品個邊都要排隊😝十分推薦各位屯門友來嘗試🥳🥳

偶入屯門探朋友，一大班人原本諗住去酒樓食晚飯，但路經時代廣場發現了新開的一鼎，二話不說，即轉場去打邊爐。因為太新，所以試業期間未算爆滿，所以我地一行7人都有位。餐廳設計走文青路線，以白色和橙色為主，有別於一般火鍋店的昏黃燈光，這裏光猛潔淨，設有卡座，座位寬敞，好年輕活潑。晚市套餐有4款，由$269起，分別係澳洲純和牛、澳洲240日穀飼牛、澳洲嚴選牛和我地今日揀嘅澳洲M8純和牛+西班牙伊比利亞豬梅花，全部都任食90分鐘！鍋底有6款選擇，麻痺鴨、呷醋豬、QQ骨膠原、麻油雞、紅燒火牛、蕃客為主，以一人一鍋形式提供。我就左麻痺鴨，麻辣味道做好好，入面好多料，麻香帶辣，仲有大大件鴨血，冬天食最正暖身。除了食物，呢度一大賣點就係有超多款自家製台式小食同台式飲品，自家設有茶飲部，即調的茶飲可以俾人外賣買走，而堂食的每個套餐分別都可任飲指定茶飲！啱晒鍾意一邊打邊爐一邊拎杯野飲嘅朋友。自助吧的有不少丸類都由台灣直送，芥末丸、芋泥丸、咸蛋黃奶皇丸等等。蔬菜新鮮翠綠，尤其羽衣甘藍、皇帝菜、紫淮山等。主角的牛肉，全都高質，嫩紅帶白色油脂花。澳洲M8純和牛牛味和牛脂並重，入口腍嫩帶油花。澳洲240日穀飼肉味最濃

今日放假天氣凍, 最適合打邊爐同朋友去屯門時代廣場新開嘅一間高質台式邊爐:一鼎台式火鍋，價錢亦都唔太貴，90分鐘任食。入面地方好整潔,拎野食既地方都好乾淨企理,服務抵讚揀左M5和牛任食套餐, 湯底就揀左紅燒火牛湯底,愈打愈食到藥材味,正湯未滾可以先點台式小食醫下肚先，有台灣腸、鹽酥雞、肉燥飯、值得一提係滷水金錢肚、牛腱同牛筋滷得好入味同好腍,超好味啲肉上檯既時候睇到肉身既花紋已經覺得呢餐係值得，牛肉有澳洲純和牛、黑安格斯封門柳、穀飼牛等食落去就更覺得油脂分布平均，好新鮮🤤🤤食既全程完全可以靠個肉質本身同埋個湯底，係真係好食到唔洗點醬料調味墨汁花枝滑：花枝滑配上墨汁更特出鮮味，花枝肉爽嫰有嚼口。到呢間餐廳另外一個特色就係台式特飲。野飲真係高質，我同朋友揀左芝芝芒芒，果汁真係有成塊肉係入面，茶又真係靚茶葉沖出黎， 濃香帶鹹嘅芝士味配上香甜嘅芒果，正其實一鼎台式火鍋仲有好多好野食,可惜已經太飽,唯有下次再試

近排天氣凍冰冰，打邊邊是必須的😝經過屯門時代見到新開一鼎·台式火鍋店，查問之下原來係吃到飽，一人一煲，睇埋餐牌都唔錯，仲可以叫埋手沖台式飲品，正爆喇！因為同行友人係台飲怪，岩晒！我地想乜都試，揀左$399 吃到飽套餐 ，入座前揀埋湯底就入去啦！入內環境都唔錯，幾濶落，舒服😌仲有強大冷氣；餐廳會先安排M8 同240日飼養牛先送上枱；唔好浪費時間，掃code 點多啲食物先！好多台式小食，鹽酥雞滷肉飯鹽酥菇，鹽水雞，仲有滷水牛肚牛展，古早鹽酥豆腐都有😍都幾多選擇，我每樣都點左1款試下，嘻嘻！我地分別叫左QQ骨膠原同麻庳鴨（即刻台灣鴨血）湯底！等湯底慢慢滾既時間就出去睇下有咩野食先😁蔬菜都幾新穎，有紫色雨衣金蘭，紫淮山片，紅心♥️蘿蔔，花生豆芽😙丸類方面都幾特別，台灣黑輪條，台式蛋黃丸，唔錯唔錯👍手沖茶飲先到，見到已經嘩嘩聲，香水爆檸同一鼎西柚，一鼎西柚爆多西柚肉，超足料，爆juicy, 正正子👍香水爆檸唔係好多地方有，呢度整得超有水準，巧巧飲，我地呢2杯叫左2個round🤣之黎後又叫埋芝芝芒芒，仲有d金萱烏龍同洛花神茶！呢度茶飲冇得輸，叫完再叫，超爽又有水準飲品放題🥰食物都好快上枱，擺到成枱都

一鼎台式火鍋，位於屯門時代廣場3樓，係區內一間以高質肉類放題嘅台式火鍋，餐廳佈置光猛舒適，座位間隔相當寬敞。餐廳以高質肉類為主打，午餐$269澳洲純和牛放題吃到飽，單看碟澳洲純和牛，油花分明，肉質鮮紅，感覺高質超值，配搭餐廳店員推介QQ骨膠原湯底，和牛入口即溶肉味香濃。套餐仲有其他高質安格斯封門柳，丹麥豚五花，草飼羊肉等等放題。午市套餐仲包其他30多款台式食品放題，台式滷水牛肚軟嫩，滷肉飯味道正宗，前菜肉鬆皮蛋豆腐都相當好食。套餐仲包一杯台式飲品，分量大杯又好飲。食飽飲飽，仲可以食埋軟雪糕甜品，非常大滿足的一個午餐。

已經數唔到近排食咗幾多次火鍋🥹最滿意的在這裡 屯門牛必須Save❤️‍🔥屯門時代廣場新店 #一鼎台式火鍋$299 澳洲純和牛吃到飽套餐除了火鍋也有台式小食(重點)🤩有諗過台灣開關就快閃食完之後覺得唔需要了😂完全滿足了台灣小食的胃梅香地瓜條/古早鹽酥豆腐好好味呀呀呀～～麻油雞湯底我覺得唔錯想食麻辣就可以試吓麻痹鴨🥹除咗自助飲品，有幾款台式飲品都係任飲大滿足des🐽仲有台式肉燥飯都想試 不過實在太飽了…

呢間新店係我最近食過最高質嘅台式吃到飽火鍋位於屯門時代廣場，最近新開張就試試佢❗️晚市90分鐘價錢由＄299起多款特式底湯底(麻痹鴨、呷醋豬、紅燒火牛等）選擇實在太多太多，真係講唔晒鹽酥雞間間都有 但仲有夜市大熱嘅鹽水雞台味十足的勁高質肉燥飯都要留肚食滷水牛展牛筋超級入味樣樣都咁好食真係食唔哂 肉類方面，黑豚係驚喜，肥瘦比例，平時放題少食豬肉都要食多兩碟.海鮮方面 鮮蝦同鱔片 幾好食大大隻鮮蝦唔係急凍貨鱔片肥美勁滑少骨 encore 好多次-數十款肉類、海鮮、鍋物、前菜、台式小食、台式主食、紅燒滷水等30多款自助蔬菜類、丸類及飲品區仲有自扭兩款口味軟雪糕、yogurt-被火鍋耽誤了的台飲店餐廳自家台式茶飲就算我食最平既餐都可以任飲黑糖珍珠鮮奶、香水爆檸、芝芝綠唔使講緊係全部試哂🤤幾杯到咁好飲 難分高下芝芝奶蓋勁濃厚 勁推薦咁高質嘅台式飲品真係未試過任食都包小tips:食嘢下載app登記做會員仲可以儲分，儲到2023年1月2日前最多積分嘅首三位會員，即有機會獲贈 Alan Walker Walkerverse The Tour 香港站門票兩張* 聽講Mirror仲做埋嘉賓-————————

最近又開始凍，最想就係打邊爐，路過見到有人派傳單，原來係今日新開張既台式火鍋店😳😳除左普通打邊爐仲有好多台式小食、飲品任飲，好吸引呀！環節就冇咩特別，行光猛路線🤣湯底選擇多，一人一個湯底，我就揀左麻痹鴨，其實就係麻辣火鍋湯底加鴨血，湯底好濃郁好麻，用黎煮乜都好入味要食當然食最好既，揀左$399澳洲M8純和牛+西班牙伊比利亞豬梅花套餐😌咁就全部肉類都有得試齊啦！澳洲M8純和牛雪花超級靚😍入口即溶既感覺，而西班牙伊比利亞豬梅花都唔錯，可以拍得住牛肉呀！另外我地仲試左下一級別既牛肉，質素都ok窩😳外面自助區有好多台灣入口既丸，甜不辣、芋泥丸、魷魚燒、鹹蛋丸，同平時食開既好唔同，有驚喜😂呢度既炸魚皮好好食，必夾！菜好新鮮，仲有好少見既紫色羽衣甘藍、紅心蘿蔔同花生豆芽除左打邊爐，仲有好多台式小食可以叫，炸物類同鹵水類都有。個人最鍾意炸糍粑，煙煙韌韌，好好食。不過最值得推薦既一定係呢度既飲品，除左冷泡茶，呢度仲可以任叫手搖飲品！我飲左黑糖珍珠鮮奶、奶蓋四季春、滿杯西柚，三杯都好好飲，同其他出面既茶飲店有得揮！其實呢度仲有其他味可以免費任飲，不過我真係好飽試唔曬😅😅

依個十二月凍冰冰，當然要打邊爐暖一暖身啦。係fb屯門友group見到有推介，仲要係好周腳既屯門時代廣場，價錢好吸引，平日大人只係$299重點係飲品居然有奶蓋，珍珠奶茶⋯值回票價！一入鋪頭感覺好好，非常乾淨坐位舒服。蔬菜非常新鮮，除左一般生菜，皇帝菜同羽衣甘藍都有齊，丸類種類多之餘都幾特別，第一次食咸蛋黃流心丸，外型味道都好好。個人另外最鐘意係芋頭丸，粒粒芋頭非常出色。當然重頭戲係肉類，依個價錢有咁高質素，實在喜出望外。臨走前侍應仲推介做會員草分，依家草分仲趕得切Alan Walker Walkerverse The Tour ！嘉賓有Mirror架 。推介大家一定要試

天氣咁凍當然要去食熱辣辣火鍋，見有新開既火鍋店就想去試試一黎就要揀咗鍋底先，我哋2個人一個要麻痹鴨一個要麻油雞（一辣一唔辣🤭）揀咗個$399 有（澳洲M8純和牛+ 有澳洲240穀飼牛+西班牙伊比利亞豬梅花）仲有好多款肉類、海鮮、前菜、小食、鍋物、主食、滷水，及台式茶飲，款式都好多選擇首先點咗飲品先，一鼎西柚同香水爆檸，兩款都係超水準，有果肉及味道清甜，並唔係死甜既味道，甜得黎係清香，比起好多街買既台式飲品優勝M8純和牛及240榖飼牛相當出色，睇花紋就知靚野，肉質嫩滑及重牛味我更加欣賞佢既台式小食，紅燒鹵水（金錢肚、牛筋及金錢𦟌）、鹽酥雞及古早小香腸，好有台灣既味道另外我只揀咗台灣特色既丸黎試，台式咸蛋丸好得意，佢係一粒丸但我好似食緊一個流沙飽咁，仲有芫荽牛肉餃，我就覺得自己食緊山竹牛肉球咁飲品咁出色我梗係想再試下其他款式啦，所以再要咗芝士 綠妍（茶底夠清，可以消消滯）芝芝芒芒（果肉豐富且甜，餐後甜品）餐後甜品原本係有雪糕（白桃及牛乳味），但真係太飽食唔到喇

台式飲品任飲嘅火鍋店同老公兩個人拍拖👫平時生酮有cheat day 我哋都會食好啲，經過一鼎台式火鍋店見到係新開架，就係喺中媽咪雞蛋仔格離咋！見到$299任食澳洲純和牛真係好抵！-湯底-老公就叫番客為主，係鳳梨番茄濃湯🍅酸酸甜甜咁，而我呷醋豬係酸菜白玉鍋，酸酸地好開胃❤️-食物-台式火鍋放題最緊要係豐富除咗可以出面拎鍾意嘅食物亦可以手機下單有好多海鮮、前菜、小食、鍋物、主食、滷水熟食，仲有鹽酥雞、鴨血、酸辣湯、牛筋、金錢肚通通都有，好有驚喜丫！而且仲係好入味好好食。同埋呢度有牛骨髓、手工芫荽牛肉餃係我最愛呀！肉類方面除咗澳洲純种牛，仲有得點其他肉，例如係：特選穀飼牛、澳洲嚴選牛、丹麥豚五花、丹麥梅花肉、澳洲黑安格斯榖飼封門柳（呢個超推介）同 澳洲冠軍草飼羊，好多花款💗海鮮都有架，我哋就叫咗蝦滑同蝦，好新鮮。同埋我想講岀面拎嘅蔬菜超新鮮，連紫色嘅羽衣甘藍🥬都有！同埋都係衛生乾淨。-飲品-有三款台式飲品任飲😆 芝士綠妍，好香茶同芝士味呢杯係我嘅大愛，另外香水爆檸都好多人叫，不過我就麻麻地青檸，而老公飲嘅黑糖珍珠牛乳都好值得一試！如果台式飲品唔啱飲，都可以出邊攞汽水同支裝茶架🫶🏻有玄米茶好香😆

差不多冬至 特別想打邊爐🔥 屯市岩岩新開左間台式火鍋吃到飽 終於唔洗出城先食到同類放題🥹 試左最貴既$399放題! 特式湯底有麻痹鴨 呷醋豬 QQ骨膠原 紅燒牛等等 味道夠曬濃郁開胃🤤🥩澳洲M8純和牛+西班牙伊比利亞豬梅花澳洲和牛同豚肉賣相都幾靚仔😍 偏薄切易熟 肉質都好嫩滑 肉幾香濃有油香另外仲有其他級數既澳洲和牛 封門柳等等~🦐海鮮竟然有鮑魚仔同大帶子😳 食落幾爽彈 當然唔會expect佢充滿新鮮海水味 但放題有呢d食都算係咁~ 仲有海蝦 白鱔片 鯛魚片 墨汁花枝滑 蝦滑🥟鍋物有無限鴨血! 餃子類店員大推牛肉餃 皮滑餡料彈牙飽滿 出面自助區亦有多款蔬菜豆腐丸類🍢小食巨大蔥油雞扒酥脆juicy 最癲係有成兩寸厚肉 叫之前真係要留定quota😳滷水金錢肚牛腱都炆得好淋仲有好多款夜市小食 鹽酥雞 炸花枝串 台灣腸 地瓜球 滷肉飯等等 當日既小食都係即製熱辣辣 大概等左20分鐘留意返~🧋台式手搖茶飲有久違既芒芝芒芝 黑糖珍奶等等 芝士奶蓋味道都合格以上 啖啖芒芒果肉碎好足料 甜度岩岩好唔會太artificial🍦甜品有北海道3.5牛乳同白桃雪糕 桃味香甜有奶香 唔錯整體食物款式有驚喜 店員

屯門時代廣場新開了台式火鍋放題，賣點除了台式火鍋配料，還包括指定台式茶飲任飲，感覺頗化算的。趁天氣冷，和家人去湊湊熱鬧，晚上8時去到，要等位約十分鐘。我們選了$299一位的澳洲純和牛吃到飽套餐，一人一鍋最好不過，可以各自選喜歡的湯底，我選了鳳梨蕃茄濃湯鍋，家人選了膠原豬王骨湯鍋。喜歡台式火鍋的丸類，款式多而特別，例如乳酪蛋腸、甜不辣片、台灣燕餃、蜂巢豆腐，未能盡錄；而這裏的蔬菜類也超豐富，特別款式如紫淮山、紅心蘿蔔、羽衣甘藍都有，都是自助取的。還有軟雪糕自由斟，白桃味酸酸甜甜超好吃。而其他肉類、小食、台式飲品，就需要掃QR code下單。覺得鳳梨蕃茄濃湯味道不錯，因為加了鳳梨，令湯底有甜味，配番茄酸酸甜甜，配料煮起來特別惹味的。豬骨湯比較清淡，家中長輩就最適合。飲品黑糖珍珠牛乳，奶味香濃，配微甜的黑糖珍珠，口感滑溜，邊火鍋邊飲珍奶，很有滿足感。但會飽肚，不要喝太多，留肚吃其他食物吧！這裏的牛肉質素非常高，見到廚房是即點即切的，澳洲純和牛、特選穀飼牛是我最喜歡的，脂肪不會太多，吃著不油膩但又夠滑，可以多吃兩盤。其他還有羊肉、豚肉，款式足夠多了，整體肉的質素都很高，又夠新鮮，吃著特別有香味