一鍋堂 (大鴻輝(荃灣)中心) (已搬遷) 新店位置

荃灣呢間放題邊爐已經響荃灣出囇名,同事話日日都好多人排隊,門口人多到無訂企,聽到都知旺場.而且話百 零蚊任食,出面邊度搵.甘岩6:00夠鍾收工,同事話不如博一博上去有無位,我地就盲中中甘中上去,最辛苦就係呢個商場既LIFT,又耐天慢,等佐成十幾分鐘先上到去,門口果然係好多人,我地無BOOK位試下WALKIN,又得喔,侍應姐仔即刻帶入場,可能因為早掛.店內無咩人,唔知點解出面就企佐甘多人.店內光猛舒適,位都唔係坊間講到甘窄.抽風大煙囪有點韓式感覺,抽風系統甘企理食完應該唔會有成陣邊爐味,呢個比較貼心.餐前小食一般湯底選擇較多有16款我地簡佐推介既櫻花蝦湯,個煲好大下,奶白色既湯底面頭一大堆紫菜加幾只蝦干,係咪櫻花蝦就唔知了,不過任食來講,佢有甘多款係少有的.飲品同菜都分別擺響雪櫃自取,飲品種類都幾多下,冬瓜茶.....由於極為肚餓.第一ROUND既野上佐來已經無人遂樣影相就開餐了.佢既設計好好,食物細細份用方形盒唔阻定,就算叫20幾份都唔會無位擺.令我最意外既就係蟮片同埋脆脘,出面唔係任食都未必有甘爽,而且無泥味.要追加多幾份,當我再叫第2Round既時候,就出現問題,等佐成45分鐘都未

佢個訂坐電話超難打，我打左3日先終於有人聽，我都明白新店一定多人試，估唔到爆得好利害，我只可以book 9:30pm ，不過當日入坐，發現原來10點後只係138，覺得自己豬左，差半小時差30元位架，侍應服務唔錯，俾左張4人枱我，實際我得2人，枱遇枱之間都好闊，唔會迫埋禁坐，而4人位實際可坐6人的，吸煙情況幾好，唔會好多蒸氣焗人禁，枱上放左小食，尖椒皮蛋和咸酸菜，豆泡，有點潮洲風味喎，選湯底真係諗左好耐，因為好多特色湯底，有8款特別都想試，如果試2個要加50元，我得2個人，最後選左潮汕湯底，湯底一黎到，我即刻飲左啖，有d魚蛋粉店感覺，仲見到成條大地魚，芹菜，豆腐泡，咸酸菜，胡椒粒，湯底望落奶白色好吸引，叫左羅白，牛肉 (本地果隻仲好味) ，豬肉(唔鞋幾好食)，鱔片，田雞， 雞子， 花膠， 元貝， 響鈴，山根， 豆腐，木耳……不能盡錄， 必需推介係花膠，食落好林好膠，真的好吃，雞子大都不得了，田雞又滑，我喜歡佢真的有上等食物，而蔬菜，飲品，湯，都可以係雪櫃囉，當日我揀左西洋菜，發現菜中有菊花味道，非常清甜感覺，我都唔明因為湯底定什麼原因，反而冬姑當日又大又厚，但食落有怪味，可能潮左，唔食得

十一點放工同同事去宵夜湯底有好多選擇不過鴛鴦加$50就貴左少少可能係閒日夜晚 所以都冇乜人冷氣仲幾凍添揀左沙參肉竹鯊魚骨湯底 聽個名都幾補😂😂入面真係有料 尚算唔錯野飲選擇都好多 比其他任食火鍋略勝一籌蔬菜都係喺雪櫃到自己揀有通菜西洋菜生菜等野食嚟得好快過個湯底質素都幾好呢到竟然會有田雞食！冇乜幾多火鍋有得叫但可惜每碟食物分量唔多如果多人就建議每樣叫2碟或以上先夠分近門口位可以任吱乳酪雪糕 仲有cone提供每個鍋上面都有個煙通 所以d煙唔會攻擊到客人同埋打完邊爐都唔會整到頭髮笠晒

新開張..早排阿E同朋友食完話好味，依日攪個家族聚會一齊打邊爐大鴻輝越開越多食店，但大堂等LIFT位真係有待改善，LIFT慢人太多上到樓層..食店門外水洩不通，人多到不得了。我地因為book左檯所以夠鐘就安排入座..限食2.5小時。整體食物比預期新鮮，可能新開張關係..希望keep住係咁啦加湯,飲品,蔬菜,熱水都係自助，走廊一排大雪櫃..睇見都興奮飲品種類非常多，蔬菜refill得好快又多款..而且仲好新鮮場內地方好寬敞，冷氣超勁凍，打完邊爐食埋乳酪雪糕先都係自助形式..見有d人用cone拉雪糕成手都係(哈哈)我都係用碗上好d..雪糕味道普通，爆珠都幾甜整體食物新鮮好味，服務員較為新手..但火鍋料點完好快送上

呢間新開張，不過已經好多人排隊，好彩一早已book左位唔洗等一入去就揀湯底，淨係湯底已經有15個比你揀，多到唔識揀，樣樣都好吸引，最後揀左藥膳湯 （推介給女孩子），呢個都係其中一個店鋪推介食物種類超級多，而且都新鮮，肥牛切得夠薄，放落湯一分鐘多d食得 本人推介海蝦，肥牛，帆立貝甜品仲有雪糕、乳酪比你揀5:30pm-10pm$174（已包加一）任食2個半鐘

想打通佢地個電話而又有人接聽係數超難 接聽而又成功book到枱係難上加難 只接受14日內booking，真係第一次見 最後我地無訂枱情況下, 五點幾就去排walk in, 由於1800先營業所以仲係落左半閘, 門口貼出是日非booking由19:15開始 好喇~到1800職員講左句先處理有訂枱客人, walk in坐埋一邊等, 係~淨係叫你坐住等~ 無登記無人理，坐位係圍住等位區一圈有分龍頭位(開始位，在門口櫃檯旁), 坐位好快滿哂，之後人潮不斷湧入，keep住唔派飛淨係叫人企埋一邊等, 有去過大鴻輝嘅食客都知等位area有幾大，過百人塞係再，迫到係人地"唔該借借"你要按住幅牆借力側身先比人過到，無位坐嘅人應該係要排隊，但職員無講，加上現場塞爆人根本排唔到隊，最嬲係佢有大把枱唔放人入去，門口等位亦有好多人鬧點解唔派飛，攪到大家塞哂係到，不過職員依然故我

不同媒體爭相報導這間火鍋餐館，讓我心思思決定一試。本想以電話訂座，但線路一直繁忙。在用餐當天直接到那邊等算了。六點鐘已經有大約二十人在等walk-in （還沒有計算訂了台的客人）...結果差不多九點才能就座！可能是卡位的原因吧，整頓飯均坐得挺舒服。食品的質素跟普遍任食火鍋沒得比！點菜紙只有一張，來得簡約。可以在等候期間先點，就座那瞬間就遞給服務員。餐館無限量提供飲料，也有兩款涼茶可供選擇。聽說紫背天葵不錯，但九點多已售罄了⋯這裏亦提供甜品，是自助形式供應的雪糕。有綠茶、原味乳酪等選擇。好好食！見到不少食客在最後一刻邊食雪糕邊走，滿載而歸！整體來說，這間餐廳很棒！唯須改善訂座/walk-in 安排。感覺有點亂了⋯

今日下午打左N次電話無人聽，唯有親自上去book位，1815去到book今晚2200，眼見店舖已經貼出告示寫明walk in 訂位最快2130，就知道好爆了，所以有心去試既朋友一定要訂位。雖然湯底選擇多，但我都想試下比較傳統的胡椒豬肚湯，初時都覺無咩味，點知時間滾得越來越出味。其實除左湯底，鮮肉丸，豬皮，花膠比較ok之外，其他食品都一般般。喜愛薑味朋友，一定要試薑汁皮旦貢丸。剛好我倆2人坐了唯一半張卡位，其他2人枱都比較細同逼。

見某視頻廣告看似環境、食物及價錢不錯，所以決定一試。上到去要等個半鐘唔緊要，食物及環境Ok就值得了。入到去二人坐位極擠擁，擠擁嘅情度係同搭枱無分別，可能我見識少，就算任食打邊爐我從未試過搭枱及坐得極奇擠迫，係連出入都有問題👈我唔係講笑，係真的。Order剔左牛肉、黑豚、墨丸、芝心丸、蝦、響鈴、是日海鮮等等.......👈係咪好似好多咁！？少年你太年青了😌，一個鐘內黎得兩三樣，期間有加新order及摧促，職員嘅答覆係“跟緊同好快”，一個鐘後職員拎張order紙黎話漏單，🔥🔥🔥即刻上頭，摧咁多次宜加先同我講，無事丫ma!?任食都唔洗咁🔥🔥🔥之後食物黎到再order，結果都係漏單、漏單、同漏單......老實講咁食飯真係幾心力交瘁😂😂總括黎講食物不錯，但環境及服務質素雖加改善。其實香港地好多都會兩個人打邊爐，坐得咁迫都係第一次。如二人去想坐得舒適就唔好諗，因卡位及鬆動d嘅枱只供人數較多嘅客人，多次光顧任食餐廳但此店相比漏單情況極嚴重，食物再好但服務如此，好難會有下一次，滿心歡喜入去，但一肚火出黎，呢種感覺好耐未試過，太奇妙了罷😂

想打電話訂位同個朋友食餐飯，因為佢就飛走，點知由19:00打到19:22，打極都係話繁忙Okay fine，新開張做緊優惠又無限時，多人打電話訂位而打唔通我接受到但打通左一直長響無人聽電話囉，打左成62次，3次接通響到斷線其實係咪做生意！？唔接受電話訂位就講明只接受現場攞位其他食客讚啲環境，食物同服務好，捧到佢地天上有地下無都無用，剩係電話訂位依項已經失哂分啦，真係未食已經成肚氣

話說近期不論在社交平台、報紙、雜誌,都見到荃灣新火鍋店''一鍋堂''因試業中而不斷地賣廣告招客,愛試新事物的青蛙又拿拿臨推介最愛任食的豬大人,結果......豬大人竟然極快手地BOOK了位,兼且兩日後就可以去試喇~~~~話說當晚本來BOOK了18:30p.m.但由於青蛙要加班的原固, 要勞煩豬大人改成19:30p.m.本來店家都說座位緊張, 未必能更改,但最終都能成功, 很開心呢 ^^ 我倆最後在19:00p.m.到達食店,一出電梯, 見到人頭湧湧, 都心怕真的要等到19:30p.m.才有位,意想不到的是, 我倆不用乾等, 竟然可以即時入座。 不過呢.....我倆被安排的座位就在門口旁,人聲沸騰不在講,最慘是出入的通道位置認真夠窄,幸好青蛙還緊緊能入到去就座 = =''其實店內尚有上圖這種設有抽氣管道的卡位,可惜入座時間太晚, 已不能二人舒舒服服地坐喇~回歸正傳, 抓緊兩個半小時任食時間為上,其他事都不要理了, 當然第一時間選擇湯底啦~~湯底選擇都不少, 而且圖文並茂,還寫上了各種湯底對身體有何功效脾益, 實在貼心!不過呢~ 青蛙一心都是想吃麻辣火鍋,所以其他如藥膳湯、鯊魚湯等比較吸引

一鍋堂新開試業價$148任飲任食，真希望佢永遠keep住這個價錢😁店內環境很舒服寬敞，不會感到勁嘈雜。食物種類多，居然有冷門而我又極喜歡的田雞、牛骨髓同雞子。碟碟細細碟可食多幾款餸，牛肉新鮮，豚肉更贊，只是蝦不太好味，可能是冰蝦，湯底加$50就可有鴛鴦湯，點了蕃茄牛肉湯同沙爹，味道較淡，但餸菜好味湯淡少少加上會點辣椒是油，所以影響不大。餐後甜點有軟乳酪雪糕同軟雪糕任食添。我較喜歡這裡淡淡的洛神花茶，不似出面的勁酸甜反而更好飲👍

裝修特色場地寬敞舒適～所有食物新鮮優質湯底多款特色選擇又好味特色飲品同乳酪雪糕都正又有卡位仲有VIP房間～一定約埋三五知己成日去呀！仲要百零蚊位～～～真係物超所值鍋底選擇多， 疏菜凍櫃自取，自家涼茶夠特別不太甜，仲有軟雪糕食,每樣食物都唔錯，起碼叫做樣樣都得,好有特式的任飲任食火鍋~~就湯底就有15款可以選擇~配料又多又新鮮,~地方寛敞~服務一流,值得推介...

早幾日見到蘋果日報講梁思浩搞咗個活動，係幫助低收入家庭，安排一家人一齊打邊爐，今日約埋班朋友去食，荃灣區好難搵到間咁靚，又大間坐得又舒服嘅打邊爐店，仲要係放題，最緊要係平。。