147
21
6
餐廳: 一鍋堂
資訊:

為鼓勵食肆透過提供食物份量選擇和採取減少廚餘措施,與顧客共同從源頭減少廚餘,環境保護署推出了「咪嘥嘢食店」計劃,參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼,以供張貼於店舖內和宣傳,供顧客識別。此計劃全年均接受申請,申請費用全免。

詳情可瀏覽:http://www.foodwisehk.gov.hk/zh-hk/food-wise-Eateries.php

港鐵荃灣站 B1 出口 繼續閱讀
所有分店 (2)
電話號碼
24083771
營業時間
今日營業
17:00 - 02:30
星期一至日
17:00 - 02:30
付款方式
Visa Master 現金 銀聯
座位數目
250
其他資料
Wi-Fi
深夜營業
酒精飲品
自帶酒水
泊車 詳細介紹
電話訂座 詳細介紹
外賣服務
加一服務費
電視播放
食評 (230)
等級4 2019-03-15
187 瀏覽
依間火鍋店無論係咩時間都係大排長龍真係好誇張開左咁耐,都不減人氣因為我覺得真係抵食又好食我都食過好幾次,每次都會好滿足同會期待下一次,真係嚟幾多次都食唔厭今日係一個普通得無得再普通既平日晚,由入去食到食完出嚟,都有人等緊真係超厲害醬料飲品同菜依啲就自己出去攞其他就電話落單,好方便都有啤酒,價錢都算可以接受沙嗲係每次都會叫既湯底好香好濃,做打邊爐湯底真係一流另一邊為左適合下偽健康既朋友,所以嗌左清湯又唔差喎,清得嚟甜甜地用嚟淥菜幾好擺得整齊係我每次都要讚既嘢就算疊到成座山咁高,都可以搵到自己想食嗰碟有好多手工丸啊餃啊可以揀咁多款入面,我就鐘情韮菜餃皮薄餡靚,好香既韮菜味唔覺意自己食左半打肉就嗌左羊同牛擺係沙嗲嗰邊,真係一流菜就係出面拎都拎左幾轉用清湯淥菜好似更加清甜我都好少咁健康咁打邊爐感覺又唔錯打完邊爐就可以食雪糕有我最鐘意既焦糖醬、oreo餅碎同爆爆珠一流雖然好飽,但都食左2杯168加一食到飽飽湯底都好食難怪每次同朋友食完都話正 繼續閱讀
(以上食評乃用戶個人意見 , 並不代表OpenRice之觀點。)
等級4 2019-01-13
6381 瀏覽
約左朋友食飯, 今次都係選好多野食的荃灣舊英皇食,聽過一鍋堂通常要排隊所以一直都冇試過, 但朋友堅持話好味, 一定要試下所以今次都要排左廿分鐘先入到去食一鍋堂整體格局整齊, 乾淨, 唔會有某D任食火鍋油淋淋既感覺湯底多選擇, 有特色的, 有辣的, 有唔辣的我地選左胡椒豬肚湯底, 有胡椒既辣味刺激我地既味蕾, 令到我們更開胃飲品都係任飲的, 基本飲開果D都齊全菜都係以自助的形式去扲, 都幾新鮮海鮮都幾多選擇, 而且好新鮮, d個價錢任食火鍋都有咁既質素海鮮真係超值, 蜆係完全冇沙的, 魚肉彈牙冇比, 真係估唔到咁好味火鍋必食牛肉, D度既牛肉牛味重, 肥廋比例適中, 我地一致都覺得正, 而且最重要係, 你點三份, 佢真係比三份你, 唔會求期比一份你就算數, 等我地食得有預算, 唔會唔夠嚨/浪費食物魚皮都係另一樣必食的, 脆口冇比, 淥二秒再食係好正的食飽後仲有軟雪糕比你自助食, 蜜瓜味係正, 係完美的句號總結黎講, 食物好好味, 服務都唔錯, 用WECHAT掃QR CODE落單既SYSTEM都做得唔錯, 但環境較逼, 但比得D個價, 有唔錯的食物食兩個半鐘, 我地都覺得係值得排隊食的! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-01-06
2356 瀏覽
天氣咁凍,成班fd一致贊成打邊爐荃灣區大鴻輝中心最多火鍋店一出𨋢就見到好多人等位,相信除左價錢吸引,食物質素都唔會差等左一陣,安排左窗邊卡位俾我地完全唔迫點餐只需要scan QR code同neway唱k點歌一樣,真係好方便餐牌有埋圖,唔會揀錯餸朋友唔食得辣,加$50要左個鴛鴦鍋侍應介紹美人鍋係新款,即管試試自助醬料區有兩個,唔使排隊雪櫃嗰邊放左唔同類型嘅罐裝飲品仲有一碗碗菜任拎似係有洗過,好放心旁邊有熱飲,唔同嘅茶,同埋冰糖燉檸檬火鍋店有咁多熱飲選擇,啱哂戒左凍飲嘅朋友湯底都一壺壺放好,隨時可以添加上菜速度好快,最驚艷係 蟹爪棒肉真係好大條🦀肉一放低大家都即試款款都叫左少少,完全無漏單以下幾款推介大家試肥牛 (牛肉味濃,見到雪花紋,脂肪分佈平均)真係花膠 (真係花膠,張口架)自家制胡椒麵 (好彈牙)超甜粟米(真係甜,飽都想再食)鮮萵筍 (好好食,encore左兩次都即刻秒殺)魚皮餃,韮菜餃 (皮薄餡料多)總括而言,一鍋堂$168任食,食物種類都幾多選擇環境又衛生,一定會再嚟Ps: 如果客人用膳時間喺兩小時內時同10點半前埋單,仲有95折 繼續閱讀
(以上食評乃用戶個人意見 , 並不代表OpenRice之觀點。)
荃灣大鴻輝中心,一個中西美食集中地,種類包羅萬有,今天就以隨機試試看的心態選了位於11樓的一鍋堂。一出電梯已有幾批客人在等候進去,看看手錶,只是5點多已經有這麼多人,心想食物應該不會太差吧⋯⋯在等候進去的同時,看到電視廣播,原來該店以鹼性還原水作食物清洗,有效地令食物的農藥及雜質等清除,比一般火煱店更具特色。進店後,坐在較中排的位置,拿飲品配料還算方便,後方的落地大玻璃可看到街外環境,晚上用餐時別具一格,邊食邊看窗外周邊,不會變得太無聊。適合一家大細及一班朋友聚會之用。點餐也不同以往,不用到外面取食材,只需用手機scan店舖給我的qr code便可,內裡圖文並茂,只需按下所需的碟數就可以,值得一讚的是上菜速度超快及沒有漏單的情況出現,碟空置了就有專人幫你拿走,不會造成擺放位置爆滿的情況。火煱配料,覺得韮菜餃及豬肉片好好味,真是值得一試喔!韮菜餃皮夠薄,滾熟拿出來時皮薄到連內裡都看得一清二楚及沒有爛開的情況,豬肉片肉質較軟,吃多幾片也不會覺得撐胃。另外,黑松露墨魚滑,和蟹籽墨魚滑也相當不錯,店員仔細教導食用方法,黑松露氣味亦相當香,吃上來不會覺得淡而無味。yummy !!!!火鍋放題,埋單找數一共370元,平均每人185元 。都幾抵食啊。(想補充一句 ,原來這裏吃放題只要兩小時內埋單就可以有九五折優惠,如果1.5小時內埋單就有九折優惠) 繼續閱讀
(以上食評乃用戶個人意見 , 並不代表OpenRice之觀點。)
等級4 2018-12-20
3561 瀏覽
係荃灣做完身體檢查,打算食埋晚餐先打道回府~ 聽朋友友講平靚正"一鍋堂"係佢近來最愛的飯堂,所以鎖定目標!晚上7:00 前已經到達目的地,但大堂已經擠滿人潮在等lift 上樓⋯⋯真係好誇張!等咗一輪終於可以入座了!入座前已經Order 了鴛鴦鍋,分別烏雞美人鍋及蕃茄薯仔牛粒鍋晚上全場爆滿,外面仲有長長人龍在等入場,好受歡迎!餐廳走電子化服務,需要scan QR code 用手機order食物,都幾方便!上菜快而準!效率高!自助調料區自己混醬!仲有多種新鮮蔬菜放在冰鮮櫃,任君選擇!食物選擇甚多,任食黎講絕對平靚正!朋友果然冇介紹錯!而且每份食物都用小碟盛裝,份量對於我地兩個人黎講剛剛好,又可以試多幾種唔同食物,仲唔會造成浪費!牛肉口感不錯!又大又厚的花膠,快點補充下膠原先!連田雞都有⋯⋯食落口感爽彈,比雞肉更嫩滑,比想像中好吃!仲有每枱都點的長蟹柳,手工餃及蔥爆牛丸,都是值得一試!2 個鐘內結帳離座仲有95 折優惠,兩個人都係食左$400 蚊!超抵食!難怪會大排長龍喇! 繼續閱讀
(以上食評乃用戶個人意見 , 並不代表OpenRice之觀點。)