一鍋堂 (大鴻輝(荃灣)中心) (已搬遷) 新店位置

本來諗住去食大窩口，但係招待員話九點後先可以攞籌，之後做上咗呢間點知黎到呢度都係等等等...最後等左一個鐘佢個場都幾大，裝修都算唔錯叫咗藥膳湯底，個湯落足料，超級甜！佢哋嘅墨魚丸幾彈牙，幾有口感！不過份量就...凡立貝都幾大粒～不過墨魚滑超級唔掂！勁淋勁鬆散，一d質感都無肥牛都還可以，不過脂肪分佈唔係好平均！蔬菜都幾新鮮，成個湯底就更加清甜！雞子咬落去無汁，好奇怪但d蝦幾新鮮大隻，咬落去蝦肉好實。因為過咗夜晚九點半，所以價錢比較平，如果正價就無咁抵。

豬就吾好去食 *鞋烚烚推薦食牛 好味 有好多湯底揀架 啲湯底好白 我覺得好似係嗰啲化學野 但我朋友話吾係 九點放工去都差唔多要十點囉總之就唔使等位唔會話唔好坐囉但又唔係話好好坐 佢有樣好就係好似系收凌晨二點

今日係女皇牛一所以今晚全權交由女皇話事，上次女皇同班朋友去過就贊過幾句，今晚再上去仲帶多件咀尖尖嘅小弟去，早幾天已經訂位所以企幾分鐘就入坐（成班人在門外等位）坐低點湯底先有拾幾款比你選擇小弟叫個芫荽皮蛋湯唔錯，其他食物都好快上齊，每款叫少少試一試先佢上菜用日式四方膠兜層層疊起咁上夠慳位款式雖然唔太多！但都幾新鮮由其係D菜小弟好肯定係有用水沖過，因為佢一份一份咁放在雪櫃要自已拎，我拎芥蘭同黃牙白都係濕淋淋咁食得比較放心，全晚唯一唔掂係牛肉，切到好薄都比較難咬扣少少分，其他食物評分都合理合格，2個人都係$348不過記得訂位

昨晚食呢間野有D不愉快經歷，來到第一轉單叫左4隻蝦同其他野食，第一次點潮汕湯底，好味，個湯好足料，食物賣相OK，我朋友也讚，不過花甲唔新鮮，有D臭，食左一隻已吃不下去，本來食得開開心心，點知食到差不多尾聲落單叫多8隻蝦，冇黎到，於是問一位女服務員仲有冇蝦，個女服務員話冇，隔離枱5個男人剛入黎坐低未叫野食的，那位服務員同果5位男人應該似是朋友關係，隔左一陣一人食一隻蝦，我忍唔住再問返那位女服務員乜唔係冇蝦咩，她說沒有了，我問點我隔離枱未來之前我點蝦話沽清，點解佢地比我遲來就有呢？她的解釋就係賣哂了，然後轉身走人，答案好敷衍，我估可能蝦係有限量供應而不是任食的其實已不只第一次幫襯，今次第一次帶朋友來吃，還跟朋說這間好食，店員態度好，食物新鮮多選擇，估唔到最後發生呢件事，希望店主可改善店員這問題

一早經網上訂位，成十點去都好多人門口排隊唔使等，有十六款湯底選擇湯底仲可以自己任加，飲品選擇也多，今日嘅海鮮推介係花甲超新鮮⋯因為夜食所以都係食到幾多點幾多唔好浪費，兩round已經好飽喇，不過仲可以塞得落個我至愛雪糕，出面一般都係雪糕柸，哩度一部雪糕機一部乳酪機，加埋mix可有六種口味$148加一咩都抵晒，

約好3位朋友想食呢間餐廳; 早一晚CONFIR了BOOKING; 到當日其中一位朋友腸胃炎黎唔到，咪即刻打去同佢地講; 點知職員話前一天CONFIRM了3人就是3人，不可更改! 要吃2位來都要比3位錢!!呢D究竟係咪規則; 唔想比3位就要取消BOOKING 然後WALK IN.....勁無耐。呢項規定未免太HARSH了。

已經第三次食，但每一次都係好好好多人！8點去到，等到10點左右先坐低，第一件事叫湯底（胡椒豬肚），一黎到就緊係試下湯底個味啦！口水都流埋 睇見都已經覺得好肚餓～睇落好似好清，一試就覺得個湯底味道好濃郁、好重胡椒香帶少許的胡椒辣味、而且仲有d酸菜調味 飲落辣辣地又酸酸地非常入味，當湯飲我都制～哈哈 雖然坐底時間係10點幾，但都仲有D比較搶手既食物，例如花蛤、花膠。而且都幾新鮮！不過鮮蝦就賣晒了 而其他基本食物都有~特別推薦既係墨魚滑同埋響鈴，d墨魚滑真係好滑好鮮好彈牙！不過就得好少，要畫幾次都夠食。響鈴就夠晒香脆可口！仲有d粟米好甜！其實我覺得呢到所有既食物用料都較為上等有質素 唔似係平價貨 除左火鍋之外佢仲有雪糕任食汽水任食，全自助式～想食幾多飲幾多都得～雖然每次都好多人，要等好耐，但次次食完都好滿足

我同老公夜晚十點幾帶埋個3個月嘅BB去食，問門口個姓胡嘅收銀可唔可以安排個位可以擺到BB車，佢話無位可以放到BB車，我都算數！然後我見到有卡位吉左好耐都無人坐亦無人等人等位嘅情況下就問佢可唔可以安排卡位比我地坐可以比我放BB訓，佢答我卡位係只限3-4位坐！真搞笑，寧願吉左個位都唔比有需要嘅人坐！我又算數！然後同我講喺個雪櫃隔離有半張卡位係比較鬆動，大概等十五分鐘就可以有枱，如事者，我等左半個鐘，之後呢個姓胡嘅收銀安排左第二張窄到莫講放到BB車，我諗連兩個肥啲嘅人坐都會覺得迫嘅枱比我地，嗰刻我即刻投訴，呢個收銀竟然荒謬地講問我地"介唔介意"比多一個小童嘅錢去坐個卡位，當然如有嬰兒食品係任食，我都好樂意比錢，否則請問憑咩要個3個月嘅BB比錢呢？一怒之下，我做左最正確決定，就係唔幫趁！外面有兩位小姐等緊枱，聽到我地呢段咁荒謬對話後，亦立即唔食！所以各位有BB嘅就千萬唔好諗住去食，因為你地嘅下場將會一樣！

朋友好幾次向我推薦過一鍋堂，天氣終於够凍，可以黎一次熱辣辣的邊爐大會。 其實之前有黎排過，要等成兩個鐘，於是放棄。今次早早出門，唔洗排隊。原來入邊好大間，環境幾好。 看menu隻隻湯底都好正，驚heavy我們試咗個潮汕鍋，湯底都幾豐富🤔 有筆有紙想食咩自己tick，有很多選擇。 推薦豬潤！新鮮到不得了，又紅又潤又大塊，灼得啱好够曬爽口。 海蝦推薦+1，好甜好鮮(食太快來唔切影😂) 仲有豬頸肉，彈牙到飛起，追加咗三次。 蔬菜同飲品係雪櫃，要加湯都係自己去拎，好方便。黑糖薑茶好好飲🤔出邊好少見有買。 食完去門口再去自製一份🍦，有朱古力雪呢拿同士多啤梨yogurt，簡直perfect。Btw，佢每份都俾足料，又比起其他火鍋放題時間長，可以食兩個半鐘，絕對够誠意呀！會繼續幫襯。

很久前看過這店食評便很想試，今晚與同事們共享晚飯。十分欣賞這店把食物層層疊的設計，可以慳位，又夠睇頭：）這店的款式非常多，肉質嫩滑及夠薄。是日海鮮是大蜆，真的大，而且有肉地，很鮮甜。鱔片及脆魚滑都薄切，我鍾意：》響玲是細細條的，炸魚皮夠脆。菜是自己取的，已一碗碗排列在雪櫃，這樣更顯乾淨及整齊，而且很新鮮。除了一般選擇外，更有豬肺、田雞、花膠等特別的選擇。這裡的手打丸很爽，款式亦多。除了食物，這裡有很多款湯底的選擇。我們㨂了沙蔘肉竹鯊魚骨，湯內真的有齊配料，正！飲品的選擇亦豐富，除汽水，還有道地各款飲料，如：烏龍茶、黑糖薑茶、冬瓜茶等等。兩個半小時是絕對充裕，不需狼吞虎嚥。還有乳酪雪糕，有原味、雲呢拿、朱古力及士多啤梨，在飲飽食夠後加上這乳酪甜品實在好到難以形容。抱歉的是，掛住食，唔記得影相😅一句：值得推介！！！

見佢好full 朋友話book親要早1-2星期今日咁啱walkin 成功 仲想話好好彩黎到揀湯底 鴛鴦加$50就試佢個推介酸菜魚湯同麻辣湯湯再加已經是清湯 相對個辣加完湯後個味已經淡晒安格斯牛咁吸引 $168 就試一碟啦…不錯嘅 牛肉夠滑 任食紙 係丸類比較多花款 其他1般大同小異食物份量多少可自己選擇整體食物尚可除了海蝦真係好差 啲蝦肉霉嘅

天氣開始轉涼，又是打邊爐的最佳時間。這晚兩口子在荃灣閒逛過後，忽然記起雜誌上曾推介過的打邊爐新店，於是就到了位於英皇中心(現稱大鴻輝中心)樓上的一品鍋，來一個暖笠笠的晚上。在英皇中心樓上的食肆用餐，首先就是被電梯大堂的人龍嚇怕了。晚飯時間，人們都在打蛇餅輪候電梯，場面也頗為墟陷，不過實際輪候的時間也不長，不消五分鐘就能到達了。一出電梯，已見到長長的櫈陣橫列眼前，等到大約半個鐘頭，終於被安排入座，以假日的晚上而言，也算可以接受。這店子有著15款的湯底，除了有著正常的清湯，麻辣，沙爹和皮蛋湯底外，當中還有著較為特別的藥膳，櫻花蝦，潮汕和鯊魚骨湯，均是較罕見於一般火鍋店。火鍋放題每位158元，在節假日期間及前夕加收10元，價錢也頗為合理。我們兩口子選了藥膳湯底，有著當歸，杞子，紅棗，黨蔘等的材料，據餐牌的介紹，有著益氣暖胃的作用，看來也頗適合秋冬時食用。湯底用著一個巨型的鍋般上檯，相較其他火鍋店的鍋也來得比較大。湯料也是足料的，至少在煲滾後，清清藥材的味道撲進鼻子裡，好像是為肥膩的火鍋中和了一下，展開了一個不錯的序幕。還有特別的是，湯底看來沒有很滾的模樣，但是卻很熱，例如將響鈴放進湯裡，不消

雖然已經過左個幾月，但係有朋友問呢間野得唔得，我都仲好嬲。服務差，質素一般，份量少，所有食品種類多，但超級限量供應。九月頭知呢間野開，已經試打電話訂位; 打左幾日都唔通，我親身上店訂位。門口寫5:30開門，訂位個姐姐話最早訂5:45。好啦，訂左十一國慶打邊爐好開心。點知國慶前一個星期六要加多一位，我又要親身上去再改，因為佢個電話打唔通。個姐姐仔又話加多一位無問題。(實地觀察佢個電話係拎起左，所以一定唔通。我試過12am打到1am都唔通)。終於國慶日，知佢人多，特別5:15已經上到去。當時電梯位已經企滿晒人，不過間野連閘都未開。等到5:30, 已經有人離開唔等，我自己都好擔心佢執左。直到5:45，呢間野竟然打黎confirm booking, 佢竟然可以係訂枱時間到果一刻打電話黎confirm booking 。。。 真係好彩我當時玩緊電話聽得切佢個confirm啫。電話內容係咁嘅，我話 '我訂5:45喎，而家係門口等緊，你而家打黎confirm? 你間野開唔開門架?' 個女仔話 '我地開6點架.' '你地開6點咁又叫我訂5:45?' 唔知我係咪惡過頭，佢收左我線。講完電話，我見佢閘門半

話說收工想同班老友記吹吹水，聚聚舊，其實打邊爐真係一個非常好既選擇，因為可以邊食邊講，唔使好似西餐咁咁正正經經食，或者傾到凍晒唔知食乜落肚。十下十下，講下傾下又滾下，咪話唔過引。朋友介紹話嚟一鍋堂，其實我無乜所謂，因為我覺得而家好多都差唔多。不過一入到一鍋堂，感覺好唔同，唔同在於無其他火鍋店咁迫同有一陣火鍋味。一鍋堂座位好闊落，通道好寬敞，非常好，裝潢用色好簡潔，但KEEP得好乾淨,完全無鮮肉味或者血腥感，入到去好舒服。醬油係自助式去醬油吧自己拎，好處係我經常食到一半，兜醬汁會變淡，呢度可以自己再拎碗新既。先講湯底，有十六款咁多，有潮汕大地魚，木瓜雪耳等創新湯底，真係好想續款試晒佢！我地揀咗杏汁豬肺湯底，呢款其實出面都少見架！好有杏味，豬肺亦唔少，讚！更讚既係，佢每檯每爐都有支韓燒式抽風煙囪，抽晒陣打邊爐味！！勁開心囉！飲品任飲，有道地烏龍茶，薑母茶，冬瓜茶等特式罐裝飲品，薑母茶同冬瓜茶少少偏甜；最正既係有洛神花茶，酸酸地，好消滯開胃！講下食物，唔算特別，唔多貴價野，有Ｄ要加錢，但我地無加，不過佢既牛肩肉真係好好食，夠牛味，新鮮，林身，雖然未至於入口即溶，但一Ｄ都唔靱，雪花分佈平均。仲

一早訂了枱，如果唔係有排等！六點半到已勁多人在入口等位，謝謝門口的男帶位，原本一張中枱坐七位加bb, 後來轉了較大的枱給我們. 叫了鴛鴦湯(豬肺加沙嗲)，前者像清湯，後者若濃點更好。叫了不同的丸類，推介墨丸和皮旦貢丸，另外牛肉和是日海鮮(白蜆)都好食，以自助火鍋的質數，比同價錢的好！嚮鈴細細條唔會太油。菜都好新鮮， 其他食材便差不多。份量有1至3,我地填哂3,好大碟下，有D食唔哂。叫員工CHECK單，佢地哦完就算，食物重複浪費了。飲品雪糕自助，雪糕有乳酪、雲呢拿和朱古力味。有機會會再光顧！