影片
更多
2015-10-04
5484 瀏覽
想打通佢地個電話而又有人接聽係數超難 接聽而又成功book到枱係難上加難 只接受14日內booking，真係第一次見 最後我地無訂枱情況下, 五點幾就去排walk in, 由於1800先營業所以仲係落左半閘, 門口貼出是日非booking由19:15開始 好喇~到1800職員講左句先處理有訂枱客人, walk in坐埋一邊等, 係~淨係叫你坐住等~ 無登記無人理，坐位係圍住等位區一圈有分龍頭位(開始位，在門口櫃檯旁), 坐位好快滿哂，之後人潮不斷湧入，keep住唔派飛淨係叫人企埋一邊等, 有去過大鴻輝嘅食客都知等位area有幾大，過百人塞係再，迫到係人地"唔該借借"你要按住幅牆借力側身先比人過到，無位坐嘅人應該係要排隊，但職員無講，加上現場塞爆人根本排唔到隊，最嬲係佢有大把枱唔放人入去，門口等位亦有好多人鬧點解唔派飛，攪到大家塞哂係到，不過職員依然故我
最後我地無訂枱情況下, 五點幾就去排walk in, 由於1800先營業所以仲係落左半閘, 門口貼出是日非booking由19:15開始
好喇~到1800職員講左句先處理有訂枱客人, walk in坐埋一邊等, 係~淨係叫你坐住等~ 無登記無人理，坐位係圍住等位區一圈有分龍頭位(開始位，在門口櫃檯旁), 坐位好快滿哂，之後人潮不斷湧入，keep住唔派飛淨係叫人企埋一邊等, 有去過大鴻輝嘅食客都知等位area有幾大，過百人塞係再，迫到係人地"唔該借借"你要按住幅牆借力側身先比人過到，無位坐嘅人應該係要排隊，但職員無講，加上現場塞爆人根本排唔到隊，最嬲係佢有大把枱唔放人入去，門口等位亦有好多人鬧點解唔派飛，攪到大家塞哂係到，不過職員依然故我 到左1900職員才拎住塊板由龍頭開始登記，寫好哂坐係到就輪到企係到等嘅人，呢個時間企係到嘅人先發現自己企嘅位原來係影響攞位，有啲好早嚟嘅睇住佢比人迫左去後面。。。好無奈。。。不過你嘈都無用，職員唔會理你。。。
1730終於叫到我地(我地排第4)，不過最驚訝係問你搭唔搭枱，打邊爐搭枱真係令我長見識了。。。基於唔想再塞係門口就點頭了
以為終於可以開心食飯，錯喇~ 我地坐係有一張大枱嘅房同人搭枱，落單時需要注明枱號再加個A字來識別，點知待應放底食物就走，比同枱另一家人拎哂去食，之後我地同職員講要我地搭枱唔係問題，但送食物講聲枱號得唔得，除左個眼大大著便服個樣醒目嘅有理我地, 其他職員依然故我…… 唯有次次待應送食物我地都要問係咩number, 睇少眼都唔得……
講好嘅~飲品，調味料，菜同埋加湯都係自助形式，唔洗等人服侍浪費用餐時間；食兩個半鐘比同棟大廈任食優勝；薑汁皮蛋貢丸好食；全店最好食係粟米；
講唔好嘅~藥膳湯無味，麻辣除左第一下燙食物有味，之後keep唔到後勁(店員仲話遲啲麻辣湯要加錢)；漏單；地板唔乾淨；餃遇水即散；響鈴唔脆；花膠難食，連最基本牛肉都好難食嗰下先勁(其中法式牛肉更係難食no.1)；抽氣管廢嘅，根本抽唔到啲煙；是日海鮮啲蜆鼻屎咁細粒；綠茶雪糕無綠茶味；朱古力乳酪只適合用來整蠱人；埋單等成世，唔想等自己行出去埋啦...
收銀位仁哥(聽到職只咁叫佢)莫名其妙嘅溫馨提示"下次嚟帶件外套，我地呢到長期都咁涷"……唔會有下次，因為唔會再幫襯！
張貼
