一鍋堂 (大鴻輝(荃灣)中心) (已搬遷) 新店位置

昨晚12點去打邊爐終於試到一鍋堂啦！！！ 因為太夜 ，人已經走左好多湯底有10-12款揀， 真係心大心細呀！ 最後揀藥膳幾足料下，滾左即試下湯味，又幾好飲喎！可能人唔多，落左單5分鐘就黎晒啦！ 肥牛好好味，接近入口即溶呀豚肉偏肥左少少另外試左佢嘅麻辣豬紅， 唔算好辣，唔夠入味，但可以一試嘅最好食左脆脘腩！！勁爽勁有魚味，真係忍唔住不停order呀！丸類都唔錯，烏冬好好味！！呢間野都算多款，但食到1:15分，雪糕機已經要清潔，話明1:30先last order, 要停機又唔早講！搞到冇得食......美中不足仲有佢個爐有點麻煩，一滾/熱 就會自動較到最細電力，唉....湯都未滾！ 有時唔記得較番大，見到個湯唔滾真係唔開胃，油都浮面

3個月前都去過是日再去1715去walk in博下有冇位（2人）1930前走仲平$10/ppl點知即有位那那林入場（2.5/hr)服務好都有禮貌湯底又多大把你選我試左個鱉魚湯而且環境都坐得好舒服...！老實冇咩可以彈P.S:咁既價錢咁既服務咁既質素---今時今日無得輸👍🏻👍🏻👍🏻👍🏻👍🏻

食到收熟客啦佢係要等好耐但同時又好好食1. 食物質素係令你會食好多因為湯底好食食物又好新鮮最中意個之士豆腐.2. 菜可以自己拎係好岩我依啲食菜怪可以自己簡咩就咩 仲有得簡..3.野飲種類多.4. 雪櫃好靚成日出去都會覺得好整齊.5.不過佢等位個到成日冇位比人企同坐等位冇得坐唔緊要但企都冇位企又有點......一係就到我就打比我 可能會好小小.6.員工服務都唔錯我同佢講唔該 佢會講唔洗抵讚.7.雪高唔會好滑但都可以接受既質感

朋友介紹之打邊爐首選嘅一鍋堂位於荃灣大鴻輝中心人氣非常旺盛長期都要等位 不過好方便可以用app拎飛一鍋堂係一間任食火鍋店唔同時段會有唔同價錢我今次食係平日八點幾只係$168 +1任食任飲 仲有任食乳酪雪糕食物非常新鮮 款式又多比起一般任食火鍋店 衛生情況較為理想湯底選擇都好多心大心細都有排揀最後揀左胡椒豬肚湯真係幾有味我最愛依度既火鍋配料係蝦丶蜆同麻辣雞柳好少可任食火鍋店提供嘅海鮮係咁新鮮D蝦好有鮮名 肉又彈牙蜆有鹹味 唔會有沙雞柳好滑 而且真係有麻辣味食落仲有少少三哥味道肥牛嘅都有牛味 唔係cheap貨麵仲有我至愛嘅到稻庭烏冬同埋出前一丁菜同埋飲品可以喺出面嘅雪櫃度拎飲品選擇都非常之多 不能盡錄上菜速度好快仲好少漏單呢個價錢呢個質素性價比真係非常之高非常抵食超級推薦俾大家👍🏻環境氣氛： ★★★☆☆食物質素： ★★★★★服務態度： ★★★★☆

我兩大一B, 我拎3個人嘅飛，等左一大輪終於到我啦！點知佢話BB唔收錢，唔可以拎三個人飛，之後就冇講嘢喇。我問個reception 男子：咁即係要重新拎過2人飛？佢只係點一點頭。由於我另外一半好想試呢間打邊爐，咁唯有死死地氣攞過張二人飛啦！又等左一大輪又終於輪到我哋啦！我哋兩大一B (BB兩歲大) ,佢真係比張二人枱我哋，同隔離枱只有20 cm嘅距離，咁我個B點坐呀？！佢真係冇諗過我個BB要坐低架喎！冇俾BB櫈俾我,亦冇打算幫我換張枱可以放得落BB櫈！呢D咁嘅服務完全差過地踎茶樓茶餐廳多多聲😡😡另外，如果想要鴛鴦鍋要加收＄50，有冇咁巴閉呀？食物都算乾淨企理，不過服務真係完全唔掂😡😡

食過幾次 水準中上 價錢平 地方可以 任食黎講算幾好最近一次去 去前booking打兩日電話都無人聽終於10點左右Walkin 上去 等左陣 就有位 ，明明唔多人 ，員工都得閒，唔明點解唔接book檯，故意係佢地面前打多一次，電話響 幾個員工行過都唔聽 原來是故意唔聽的

呢間位於荃灣大鴻輝的火鍋店，上晒雜誌，一直都好想試，但上網想BOOK定又話滿晒。然後睇其他人的食評話如果WALK-IN，就要有定心理準備一早去排...我地呢晚就一早4:50到左，因為知道間野晚市開5:00，哇，係一出LIFT已經好多人排緊，等左10分鐘終於開門，好彩都算多位，順利試到呢間的蔬菜擺放方式好衛生，全部菜都係開櫃自己拎...然後5:00開始打邊爐，7:30前交枱可以減$10...即係$158+10%，所以我地都好快落單，基本上都有齊晒所有港式火鍋的配料...不過都要等一陣落左D野先至黎。湯底，我地就揀左莞茜皮蛋湯底，都好多皮蛋，好唔錯! 同埋佢仲有好多其他湯底揀~!呢間火鍋真係性價比高，以呢個價錢係算多野食，港式火鍋呢個價真係好抵，仲要星期6晚

一直以黎都好想試呢間每晚都爆場既打邊爐，仲記得次次想book枱早一星期都冇位，除非夜晚11點後，每次我都笑說：「我係想食晚飯唔係想食宵夜」終於今日食宵夜，我即刻二話不說就request我要食佢！好彩朋友都話好！終於有得試下佢喇！因為太夜既原故上到去得兩枱等緊，純粹等執枱就俾我地入得，五分鐘都唔駛。一開頭我以爲湯底得一頁揀完先知有兩頁，不過唔緊要，我對於自己揀咗既兩款好滿意！好！介紹下先，左邊係番茄牛肉粒湯，右邊係杏汁豬肺湯，杏汁個個真係一流！啖湯好正，我一野就拎黎灼響鈴，好好味！番茄湯都香既。我地叫咗蝦、是日海鮮（蜆）、法式牛肉、手切肥牛、豬潤、雞子、粉腸、芝士魚腐、墨魚滑、羊肉、餃子、丸等等。樣樣都唔錯飲品種類多但我冇食雪糕，因為到我想食，已經洗緊雪糕機。

聽人講呢間野係食海鮮既。諗住話試下啦。真係領哂腥。出面好多人等。但好多人走。但都冇比人入。一味問有冇4位既。望入去都勁多空台（4人）呢間野人少少千其5好去食。等位都等成個中。冷氣又凍到痴線。反到去頭痛左幾日。位又差同隔離位隔等半尺咩私人空間都冇。食物質素呢。海鮮係真係5錯既。湯底都有好多款。但種類真係少到傻。最離譜係肉又肥又5香5令。真係5會再幫襯真係第一次食任食邊爐會5飽仲會崔客想話食甜品填肚都冇野好食

痴線！痴線！超劣評！就算再好食，我都唔會再嚟！淨等位已經等咗兩個半鐘至三個鐘！但已經提早兩個鐘攞位！仲有係6點半等，等到9點都未有位！樓上大鍋口仲唔洗等咁耐！👎🏻👎🏻👎🏻👎🏻

一鍋堂係我覺得最衛生，等就一定架啦，好野當然要等，等左1個鐘終於有位，豉油，蔥花，生蒜，金蒜，麻醬，沙爹，係入口處自助取，一鍋堂係我覺得最多食物任食，普通的食物不寫了，我今日試了新的喇沙湯底和舊的櫻花蝦紫菜湯底 櫻花蝦湯清香係我常點，有蝦皮同紫菜放湯，像拉麵湯底味道，喇沙原來係唔辣， 只係喇沙香味，感覺淡左一點，佢任食裡有比較特別:花膠超大件，但要滾耐一點，吸了湯後好味道；田雞- 乾淨無晒血；雞公子-我最喜歡吃；鱔片-細細片但無骨幾好；麻辣豬紅- 又麻又香，口感滑溜，牛骨髓- 吸了湯味，正；芝士豆腐-必食 芝士不是在中間，而係像魚蛋混左多粒芝士入模正方形，咬落啖啖都有芝士溶左芝士粒，又不會爆到燙嘴，比普通芝士丸食得有儀態很多；手打3寶， 牛丸、墨魚丸、雞丸，最突別係牛有果皮香味，雞係橙黃色，好香味道，雪櫃自取有蔬菜同大量飲品，比較特別係統一台式 薑茶，蘋果茶，荔枝玉露，joy 多隻味道，錫蘭檸檬茶，道地綠茶，樂天飲品，仲有軟雪糕機，另外仲有椰果，爆珠，脆片，oreo碎，黑芝麻粉，可以任加落雪糕，雪糕有紙杯/脆筒選擇，自助形式，今日係綠茶同雲尼拿味，食完火鍋食支雪糕，非常滿足。

一鍋堂最近在荃灣非常有名，如果你有見識過它每天晚上在門口的長龍都像花市一樣塞滿人的話，你一定也很好奇它到底有什麼過人之處，讓這些客人寧願迫成這樣都要吃它。除了價錢相宜之外，我覺得主要原因是它的食物質素的確很好。先說湯底，有多種選擇，這一次我選的是韓式泡菜湯。原本以為它跟外面的火鍋店一樣只是有輕微的泡菜湯味，沒想到它卻是有真的泡菜在裡面，微辣，而且要注意是愈吃愈辣的，所以要吃得辣才選這款比較好。可以任點的食物也蠻多的，這一次就輕微介紹其中幾款。如果你喜歡吃海鮮的話可以選海蝦跟海鮮，新鮮也大隻，是日海鮮每天不同，可以問一下侍應。牛肉分兩種，一種薄切一種厚切，個人比較喜歡薄切，易熟亦肉嫩。厚切也加了調味，肉質也很新鮮。喜歡吃魚的朋友不可以錯過這個喔，我自己超喜歡，肉質超脆，又爽又彈牙，值得推介。自家製水餃雖然小小的但很有誠意，皮薄餡靚，調味也做得很好，可以一試。超甜粟米也是值得一試的款式，沒有違背「超甜」二字，第一次吃任食火鍋連粟米也要encore。罐裝飲品全部自取，如果想要解渴的不妨試一下洛神花茶，酸酸的味道又可以解膩，很好喝。不過必須一提是等位的確需時較長，而且超級多人，最好準備好耐性和

因為朋友推介話一鍋堂既火鍋幾好食，所以我就同男朋友去試下，點知完全中大伏首先一入去等位既安排已經令人好不滿，等位既客人要坐系等升降機既位置，每次開門d風吹入泥系勁大風勁凍！我番到屋企冇耐就發埋燒等位時間亦勁耐，我地等左一個鐘先可以入座。但系當時系好多4人枱系吉既！當時知客狂問有冇人系b飛，問左最小10次，但完全冇人應，而我望到入面都有好幾張4人枱，如果冇人等4人枱系味應該安排2人既去食住先？除非你話好多3—4人既客人等緊位，甘樣既安排就會過分姐，但冇人等4人枱既情況下好應該安排2人過去啦！根本冇需要令2人枱既客人系到白等！到坐到落去，位置勁迫2人枱同格離個張枱只系拉開幾cm 既距離，聽到曬格離枱番咩工搭左幾多百次飛機。真系5系好明點解人地會話呢到坐得鬆動到湯底，我地叫左麻辣湯，但系感受5到麻辣既香味，煮野食時食物亦沾5到麻辣味，食蜆同田雞時，花椒8角個d苦味浸曬落去，但我食過好幾間麻辣火鍋系完全冇呢個情況而且湯底味道5出再講食物，呢到白膳片食落感覺似草鯇，肉類較"鞋"，冇鮮甜味。田雞就大部份系背隻位，好小有脾，不過脾位都好好肉夠大隻，炸魚皮亦夠香脆水魷同牛柏葉都幾新鮮全晚我淨系中意d蝦

除非你想同一班朋友一起受氣，一起等3個鐘才能乞到飯吃，那勿選這間餐廳。先不要提來到餐廳一出電梯你將會發現企都冇位你企，知客的座位安排簡直不知所謂。佢唔喜歡叫三四人枱，便成個鐘只叫大枱，1丶2人枱。你拿大枱票並邀請其他人同你塔枱時佢就話不能塔枱。到等3個鐘有三四枱時你會發現佢已安排了大枱叫你同其他人塔枱。你將會發現未吃飯已經吃飽氣了。入座後，你會發現連經理都是一樣態度，對顧客調枱之要求亦未能處理。所以，再好吃的食物理應難以吃下。平心而論，餐廳食物普通，以相同之價格應該不難找到一間更好及不用受氣之餐廳。

Friday night, we had booked to have hot pot in here.There are lots of people queuing in  downstairs and we need to wait for around 5 mins to get up to the restaurantsThere are different pot to choose a pot that called Sakura-Shrimp,There are Sakura-Shrimp,seaweed,miso, it tastes rich, We ordered lots of food like beef, fish balls, dumplings, sausage, vegetablesThose food are fresh and taste good It is in a reasonable price.