一鍋堂 (大鴻輝(荃灣)中心) (已搬遷) 新店位置

一早18:10 walkin攞no…A059，眼見只得4、5人在等，等到7點先叫A001，點知等了2小時半都未有位，叫到noA025，這不知是什麽安排，原來walkin同手機攞位都是同一條龍，既然你要手機攞位，就不應該設置walkin取no，未試過等位會是這樣的，如果全是walkin等候都沒有這樣不滿！尖沙咀新開張的度小月，星期日都是等2小時有位，18:30已通知客人額滿了，不要再取籌！一鍋堂再好食我也不會再來，沒有心做好快就結業！未試過一間食館…未食已經唔想再去…唯獨只有這間！管理階層要好好檢討！不知所為

話說星期五，男朋友放假，一於午市就去鍋鍋佢12點開始午市，1215分到店舖，成間店都未有人，我地就成為左第一桌客人，故被安排到最近食物Bar的四人卡位座出去行左個圈，午市食物選擇都合適，如粉面類都有數款可選，而且煮落味道都不錯。湯底揀左比較獨特的龍蝦湯，食的出好濃厚的龍蝦味精味阿但打邊爐都唔理得咁多，湯底濃，落既食物更好食！落左兩轉食物後，阿姨無啦啦加左一大碗湯落煲，龍蝦湯即刻消失，可加湯時亦有留意，加的並不是清水，而是有味道的湯因為揀左午市任食兩小時，所以肉類可任食，豬，牛，羊都有得揀，特別推薦一定要食羊肉，超香，有So味男朋友比較激動，大食左，總共食左差不多10碟肉，去到第7碟開始，已出現叫左肉，但久久都唔來既情況出現，追單都追左三次，最後臨埋單半個鐘先來埋最後碟羊，睇得出佢地係如果你食夠某一個數，就會慢手，拖住唔出啲肉比你總括而言，兩個人兩個鐘都食得好開心，最後仲有每人一杯frozen yogurt做甜品結尾，不過食物Bar出面啲Yogurt配料就麻麻地啦。

早排同2個朋友gathering吾知去邊度食飯好 我就提議一鍋堂 因為好耐之前就已經bookmark左 見佢環境同湯底都幾吸引 但點知係伏左 等左我地3個鐘先入到去我地甘岩約左星期日 因為就朋友放假時間 都知道假期真係好多人 所以6點鬆D就上去拎飛 一路等先發現佢地有個APP可以拎飛同埋睇叫飛情況既 真係覺得自己漏做左功課 但心諗6點開始等應該吾會等得太誇張吧 就繼續等 無拎其他餐廳既飛! 不過當時都好多人塞滿門口等叫飛等等下到7點幾有嗌左幾張係3-4人枱 之後就無再叫 期間佢勁入2人枱 有啲人係嚟左一陣就已經入得了 仲有啲係10人枱,6人枱  另外重點仲有人book左枱 所以就算個場幾大根本容不下甘大量既等位人士 事關佢地係任食2個半鐘 流動真係吾會快 一路等一路見住好多人拎住個手機去拎枱 真係有心酸既感覺 覺得自己係度浪費時間! 去到8點幾真係忍吾住問一問佢點解甘耐無嗌3至4人枱 佢話岩岩入左一round 但其實好耐之前入架啦 隔左勁耐無入 之後佢問我幾號 我話51 佢話下一張先嗌到42 無甘快 甘真令人洩氣! 9點幾食完都12點 真係趕尾班車!到9點半終於入得座 等左3個鐘既我地

今日一行十人去試試呢個任食火鍋，聽聞等位係等到傻…咁我就早一日已經打去book位，佢話full哂，咁我就話咁walkin得唔得，佢話得，不過叫我響個app度拎定位，咁因為我地多人，其實拎左位唔夠十分鐘其實都已經有位，不過排隊撘上黎都要用十分鐘囉…我地好快入左去房坐，冷氣超凍，員工姐姐話冷氣冇得較嫁喎…然後電視機想轉台，係冇得轉既…咁唯有食野啦！叫左一個藥膳湯底一個沙嗲湯底，湯底不過不失…基本上火鍋既配料都好齊全，而食物都好快到，而且係比齊哂你叫既食物，食物水準都ok嫁…任食火鍋黎講已經係好好…手打既丸都有，而且係幾好味，大家可以試試，不過手打墨魚滑就冇手打既丸咁好味…另外有個叫真係花膠既花膠，因為佢真係好似花膠既口感所以我屋企人覺得好食…另外飲品同菜就可以自己出出面拎，飲品亦有好多款，而且好夠凍，菜亦都唔老，食物真係唔差…仲有自助乳酪同軟雪糕，價錢抵…食物多…質疑好…地點都好方便，不過員工就冇服務可言

從來食任食火鍋都唔會有咁大既期望，因為知道任食仲要百幾可以有咩要求呢🙄點知我今次試到一間勁好食既高質素任食火鍋，仲可以食2.5小時🤗🤗🤗都只係168加一，我直頭一定一定要推介俾朋友仔試下首先佢有啲前菜，包括泡菜、綠菜蕨餅同埋紫薯，食落好新鮮而且泡菜都好爽口，好舒服😙😙😙我地叫左兩款湯底，包括藥膳湯同埋蘿蔔粟米豬骨湯😋未落火鍋料梗係試一試湯底先啦😍湯好清好甜，完全唔似加左味精落去，我都忍不住飲多幾啖😋😋😋由於叫左太多野食，我概括一下啲食物質素先😝羊肉片切得好薄，而且鮮嫩，食落去仲有一陣騷味😙😙😙仲有手打墨魚滑好爽口好滑，而且打得好企身，唔會散😚當然仲有安格斯肥牛，唔似一般既肥牛有好大既膏，佢非常新鮮，而且好有牛肉既味道，完全唔似一般低質既急凍肥牛😝😝法式鮮牛非常入味同鮮嫩，好滑，食完一片會想繼續食多幾片😌鮮蝦腐皮卷一定要叫黎食，佢入面既蝦膠爽滑，而且蝦滑好鮮甜😋餃子皮既厚度剛剛好，餡好新鮮，絕對唔會一夾就散😌貢丸絕對係好食過我地平時任食既火鍋餐廳，佢啲丸絕對係高質素，而且爽口，唔似出面急凍既無味丸😙鮮蝦非常新鮮爽口，而且好鮮甜😋😋😋另外呢間餐廳服務周到，除左有好多種類既飲品俾你選擇之外，

7點幾拎飛排到10點先入得 排隊分流管理問題嚴重 我張飛b126 3-4人位 排到9點幾先郁到b41 全程只郁左十幾張 門口滿人都等到無乜人 入坐飛只跳其他人數的飛 最後無晒人先比我地入 一入坐聽到佢係到飛票 頭先就堅持唔比入 哩間係大鴻輝都算有質素的火煱 但等位真心等餐死 食品ok湯底多選擇

兩個女仔食7:30開始等位 10:00入座 等位已經等左2.5鐘真係好耐坐底左已經即刻落單都要等左好耐先上湯底 同黎左第一轉食物諗住星期六 可能因為多人我地都體諒再落第二轉食物 好耐先黎有8款左右 點知食到兩個鐘左右12:00已經催埋單但全場已經走左一大半埋左單一陣之後另一個職員行埋黎同我地講夠鐘我地話知道 （當時8款食物未開始食仲係生）咁我地8款食物即刻落一半 諗住快d食埋就走 點知第二個男職員行埋黎講你地過左時好耐喇 我同朋友唔知俾咩反應佢就話咁幫你熄爐啦 佢一下熄左就行開我地成煲野都未熟 咁點食？咁我地唯有飲埋罐野飲轉頭又有個女職員 拎住我地張單話你地過左時好耐 食物食唔曬唔緊要嫁你地要走嫁喇 再食就加$70我地即刻話：下 第二轉食物好耐先到 我地先岩岩放左落去個煲 （我地又唔係夠鐘都仲叫野食 俾人熄左爐我地已經冇出聲）跟著佢話食兩個半鐘我即時望到張單寫我地9:55分入座 咁我話我地10點開始 宜家12:30 加上冇客入黎 我地又唔係加食物 全部野食岩岩到 黎左既野全部都唔俾食？（真係未試過叫左野食 夠鐘俾人趕 唔準再食桌上既野 要你即刻走 成枱野未食就要你走）個女職員話因爲cc

琴晚放工後約左幾個朋友去食飯，其中一人提議去一鍋堂打邊爐🥘但真係等位等左好耐耐耐耐😪......但食完之後覺得等咁耐都值得嘅！湯底有好多選擇🤔我地選擇左馬來喇沙🙂未落野落去之前緊係要試試個湯底先啦，味道濃郁唔錯👍🏻打邊爐湯底好重要！落完單啲食物好快就送到，效率唔錯👆🏻層層疊咁睇落好宏偉，但要自己一碟碟放返落枱面，有啲浪費時間了👇🏻是日推介海鮮係海蝦同埋蟶子，海蝦好鮮甜😋，但蟶子就一般般啦😦。打邊爐最愛就係食脆鯇魚片😋😋😋一鍋堂嘅魚片好正，落左唔知幾多round order喇😂最後，真係花膠！終於食得喇！花膠吸曬湯汁嘅精華，好味！😋

昨晚同朋友到此吃火戈，一入店內己察看到店內是一个設備完善的自助火戈店，例如它有巨大的自助雪柜放汽水及蔬菜，又有乳咯，雪糕。雖然店地方都大，但在每个合適位置有汁醬吧，汽水柜。火戈碟頭份量略细，但可再添，D火戈碟器皿就象点心蒸籠般可疊高多，大大減省擺放地方。當日火戈食品也不錯。又有每个擺位都有兩對筷子~一生一熟，長的夾生，不用分顏色搞錯生熟。其實盡在不言中，下次有空，我必定會再去的

食過最正嘅火鍋開頭試以為同其他店差唔多但佢地嘅食物種類好多 份量會因應人數而定味道亦十分好湯底揀咗藥膳湯估唔到都幾好食仲要讚嘅係餐具好齊全環境舒服 唔會好迫時限長 唔會食得好趕急所以自然食得開心雖然等嘅時間較長 但都會再去😀

星期五打算同老公仲有我妹去食晚飯，咁又突然打邊爐嘅心癮起，咁啱又約左我妹係荃灣等，咁見最近一鍋堂好出名好多好評咁就決定黎呢度食。但我真係萬萬都估唔到原來真係多人到咁....佢話4點可以接受電話訂坐，但我一路都打唔通個電話，去到5點半打得通但已經話冇哂位，只叫我用一個App去拎walkin 位。咁我一㩒時3-4人檯已經去到四十幾號飛，我以為唔洗等好耐，咁我就6點半上到去坐係度等，但等呀等佢一路都只叫2人檯同5-7人檯，我地不停等等到成十點半先有位....足足等左4個鐘。下次唔知係咪需要早一星期打去先會有位......呢度嘅款式係多嘅，有d仲要唔係度度嘅任食火鍋有嘅料，例如鱔片，魚雲，田雞，豬肺等。佢仲有呢度先有嘅孜然雞丸，唔同嘅餃等。是日嘅海鮮係聖子，但估唔到仲識郁，不過仲有少少沙，但任食黎講真係唔錯。肥牛都唔錯，肥瘦適中，但一份得好少。個孜然雞肉丸又幾好食，好似將小肥羊變成粒丸咁。湯底我地揀左藥膳，但其實又唔係好濃味，不過都好多料係入面。另外菜係一盆盆係雪櫃度自己拎，都幾新鮮嘅。飲品有罐裝飲品同涼茶。仲有雪糕，佢有分乳酪同雪糕，但佢咖啡味嘅雪糕又幾好食，好香咖啡味。不過有小插曲，我地放

一星期前訂左今朝5點半時段, 與朋友一家一齊慶祝母親節, 貪早段時間無咁多人, 唔洗係樓下排隊等Lift等到嘔! 任飲任食有2.5小時😍 其實呢方面好吸引, 出面火鍋店好多都只有2小時, 價錢閒日每位$158 (星期六日+$10), 夜晚9點半後入座 $138 (星期六日 +$10), 如叫鴛鴦湯底 另+$50一入門口就有自助醬料吧及軟雪糕機軟雪糕有雲尼拿及咖啡, 好味, 口感有D似雪芭, 仲有爆珠椰果粒配料每枱一坐底仲有前菜 (無得另叫), 7個人都只係得一碟, 好似少左D麻辣湯底+蕃茄薯仔湯底兩款都好夠味, 麻辣有麻辣味, 越食越麻...因為枱太細, 枱隔離會有張茶几仔, 方便放火鍋料! 每碟火鍋碟都正正方方, 可以疊到好高, 呢個方法幾好, 又慳位因為好難放晒係枱影相, 所以無乜火鍋料相-肥牛唔會太肥-法式牛肉即係鮮牛, 幾滑-魚皮勁脆口-蔬菜類勁新鮮, 菜又夠嫩選擇多, 牛骨髓, 蝦, 花膠, 黑豚肉, 脆骨腩樣樣都好好食, 質素高, 賣相唔醜樣, 乾乾淨淨咁, 唔會覺得好Hea, 價錢唔貴, 抵食仲有自助醬料, 自助雪糕機, 自助飲品櫃, 蔬菜櫃, 勁方便

第一次光顧一鍋堂，看到湯底的選擇也相當吸引因此加多了五十元享用了鴛鴦鍋一嘗叻沙和芫茜皮蛋兩款味道。叻沙湯的味道也挺濃郁，有些像某黑色包裝的牌子出產的叻沙即食面的感覺。加上蝦和是日海鮮（小聖子）即時能打造一碗海鮮叻沙，相當滿足！至於其他配料方面，每款食物也會獨立放在小盤上，不會大雜會般亂堆一起。至於蔬菜是需要自行拎取，西洋菜是意外的驚喜！不會太老或過苦。丸類的選擇相當多，有提供一些特別的手打類的丸如孜然肉丸，味道及口感也可以一試。秋葵、田雞等也是一些較有特式的食材。

食材十分新鮮，d 蜆大大粒，極鮮甜。蝦及帆立貝好彈牙，估唔到呢個價錢食到咁新鮮既材料。好多食物可以揀，肥牛也不是普通的肥牛，是牛肩胛，好好食。湯底有十幾款可以揀，當晚揀左鯊魚骨及藥膳2種湯底，食到最後都仲有香味，沒有變淡或變味。湯底好香，食材煮完唔洗點醬料，因為十分入味。我5點半拎電子飛，8點先入得，因為是4人，入面d 4人檯好大，可以坐5-6人，所以5-6人的飛叫得快好多。不過可以可以坐2個半鐘慢慢食，都算係咁每人埋單198(包服務費) , 好抵食。下次再來！！！

收工跟2友人聞名而去吃火鍋，我們安排靠邊沙發位置，好寬鬆舒服，感覺不錯，點鴛鴦鍋底他家需要+50元的，朋友喜歡吃辣，沒辦法就點了，我們點的鴛鴦鍋底是麻辣+芫茜皮蛋，其它菜品不錯，特別喜歡吃白鱔片，但那天最差的是是日海鮮推介的像蜆類貝殼，一煮熟一吃滿口沙，進不了口，好彩我們是最後才下，鍋裏其它的菜都有沙，我們本來想叫人換，後來算了，反正我們也吃不了，這次我們用餐總體感覺不錯，共消費了510人，但他家人氣旺，我不喜歡太吵環境用餐，好壓迫