一鍋堂 (大鴻輝(荃灣)中心) (已搬遷) 新店位置

今天約了朋友去荃灣一間位於眾安街的火鍋店名叫一鍋堂，此店有別於其他火鍋店，湯底有大約二十款。今次我們揀了無花果雪梨湯底，點食物亦很方便，用手機掃一掃二維碼便可以落單。火煱配料新鮮兼選擇多，有花膠、鱔片、蝦、龍蝦沙拉丸、羊肉片，牛肩肉等。和朋友圍爐邊吃邊講，實在一樂也，此店限時二小時，落單後，食材很好快送到，衞生環境都相當不錯，蔬菜主要有皇帝菜、生菜和西洋菜，全都整齊放在冰櫃裏。甜品有蜜瓜軟雪糕，清香軟滑不太甜。埋單$370，享用了一餐豐富美味的火鍋。

久聞一鍋堂以久，經過門口許多次都看到很多人在等位，一直都好想試。終於搵到一日早點下班可以早點去攞位一試!其實一鍋堂宜家有網上訂位服務都好方便的!雖然我們今次都算早到, 但門外都已經有人在等候著入座了。我們都等了一會才入座! 入座時店員會列印一張有QR CODE 的發票給你，是用作之後用電話下單用的哦! 入座時可先向店員選擇湯底或入座後才選亦可, 這晚湯還多了兩個冬日限定的選擇, 包括無花果雪梨鍋及我們選擇了的----西洋參蟲草美人鍋!店員很快便送來了湯底，看到湯底非常足料, 有烏雞紅棗洋參等極為滋補!任食的食物種類非常多, 上菜速度亦十分快, 不用久等!最喜歡他們的海鮮十分新鮮, 蝦, 蜆, 鱔片鱔味得讓我不斷加單哦!牛肉, 手打墨魚滑及各類手打丸同樣出色!還有他們還把蔬菜及飲品等放在雪櫃內由食客自由取出，這樣可以保持蔬菜的新鮮度, 加分哦!飲品選擇也非常多, 除了茶氣水等外, 還有洛神花茶, 燉檸檬等!還有乳酪雪糕做甜品哦! 這是蜜瓜味!這裡的任食並沒有限時, 不過他們也提供優惠給提早結帳的食客。120分鐘內離座的可享95折, 90分鐘內離座的可享9折。隨你喜歡，慢慢吃亦可!食到好

就快到新年了，同好朋友出來聚舊就梗係指定動作，我地幾個朋友一早想去打下邊爐，喜好一邊傾下一邊食野。我地今次去了近期人氣既一鍋堂，裝修四正。發覺好多人，要排下隊，入面座無虛席，好彩我地早到，唔使等好耐呢度點菜既方法真係特別，用手機上網點的，網上有齊所有食材，幾貼心方便又高科技。我地點了牛丸，墨魚滑、肥牛，牛肉、蝦、豬、魚皮餃、炸魚皮，帶子、魚腐、蜆、響令、魷魚、豬皮等等，因為係任食既，基本上我地大部份都有點單。食材新鮮，由其墨魚滑，好好味又夠滑正。魚腐內裡包著的魚肉真係幾鮮甜，好喜歡仲有牛肉，係高級既level, 好有牛味，剩係食牛肉都抵番哂。蔬菜已分好類別，放哂入雪櫃比人任選，安排幾好講到飲品既選擇真係多，應該有十幾款，汽水，涼茶樣樣齊。最緊要係有雪糕機甜品，自己整軟雪糕，又有朱古力糖槳供應。整體餐廳食材ok, 環境都乾淨四正

我知，身為一個女仔咁胃食係好出事既，食極唔肥永遠係小妹既超級心願，如此佳餚真的很難抗拒。一走進餐廳內，地方大得嚇人，人來人往的食客眾生相盡現眼前，我們被安排坐到很入面的位置，環境更寧靜，每個坐位都很寛闊舒服。食物區分明確，樣樣火鍋食材齊全。來個沙嗲湯底，很多食客會選擇鴛鴦湯底，一煲兩味很不錯。飲品櫃大得很，款式甚多，任飲唔嬲。最喜歡餐廳用上電話落單科技，掃一下QR code 就可舒服輕鬆不用動身單食品，下單不耐食品做快速送上。基本上所有食材都質素高，只擔心自己食量太少，不要埋怨別人。食材新鮮不在話下，無論海鮮類還是丸類，就連蔬菜都有個專櫃任選任食，平衡飲食！超讚！ 最後不忘食個自助的雪糕🍦先，實在是完滿的一餐。服務，食物，環境，價錢各方面都很滿意，還推出快食快閃折扣，下次必再幫襯過。

很多人說「一鍋堂」是很難訂到位的，難得我朋友訂左位，我地兩人今晚就直管來試試！ 去到一出電梯，巳見人山人海，畫面何其壯觀！我們選了個胡椒豬肚湯，胡椒不算多，湯味道剛剛好，豬肚忙很很爽口！在冷冰冰的天氣下，喝了這胡椒豬肚湯，感覺頓時溫暖起來！白鱔片：一片片簿簿的鱔片，只要滾一滾就食得！魚肉鮮甜彈牙，令愛魚的我愛不擇手！美國肩胛肉眼： 一片片簿簿的牛，賣相很吸引，食落去牛味濃郁，而且肉質鮮嫩富口感 ！於是我們忍不住叫了幾回！木耳雞軟骨餃：秘製自家製餃子咬口很好，混合木耳，很清甜爽口！生猛海蝦： 海蝦很新鮮，不但很彈牙，而且肉厚很甜。

其實平時我真係唔太鍾意食任食火鍋，因為覺得食物款式少，食材質素比較參差，但係一鍋堂令我對呢個諗法改觀。麻辣鍋非常重香料味，味道正宗，又唔會太辣，唔洗驚太刺激。呢到不時都會推出新產品，次次黎食都有驚喜，今次見到之前冇既特大蟹棒，長過我隻手啊。而且仲有黑松露墨魚滑、手打丸同時令海鮮，都食得出用料新鮮。丸類都有好多選擇，我最鍾意食芝士豆腐。仲有佢自製既胡椒麵，真係食得出有胡椒既辛辣味，麵質爽口，幾特別。

去開荃灣食野的朋友一定知道，大鴻輝中心有好多野食，一到食飯時間，電梯就大排長龍。喺咁大競爭的情況下，一鍋堂裡面都係大排長龍，一定有過人之處，今晚一於來試下～落單係用WECHAT，咁就唔怕漏單喇。加幾十蚊就可以轉鴛鴦鍋，為左試多Ｄ味，一於轉！麻辣鍋：嗜辣如我，打邊爐絕對唔可以錯過麻辣鍋！呢款剛剛入口果陣唔覺得好辣，但愈食會愈辣，我最鍾意用麻辣鍋來煮芋絲，好吸湯，正！藥膳鍋：一個辣湯通常都會配另一個清湯，辣到頂唔順時可以中和一下。呢個藥膳湯雖然比較清淡，但淡淡的藥材味感覺健康，可以減少食放題大魚大肉的罪疚感真係花膠真係有花膠食，而且好大片，仲可以任食，超足料。唔洗諗，當然係放喺藥膳果邊慢慢煮，口感又淋又滑溜。西班牙黑豚肉朋友覺得以任食火鍋來說，這豬肉質素算很不錯，光看賣相也知道啦。手打三寶丸任食火鍋都有手打丸供應，算是很有誠意的。口感絕對比現成的美味，也新鮮得多。午餐肉芝士腸炙燒芝心包芝士獅子狗說不出有什麼特別，但就是打邊爐必食!芝士控一定明白，各種芝士製食物與麻辣湯底是多麽絕配!美國肩胛肉眼是日推薦第一名! 任食火鍋可以吃到這種質素的牛肉，真的超值!雪花紋路超美，雖不至於入口即融，但口感

係人都知荃灣出名多野食係大鴻輝更加充滿左雞煲、打邊爐既店舖今晚同友人揀左位於大鴻輝11樓既一鍋堂係大鴻輝等 lift 上樓絕對唔係一件易事排左幾分鐘上到11樓後一鍋堂門口有部機拎飛因為今晚早去大約6:30p.m.就到等約5分就可以安排入座入座前要先選湯底今次就揀左胡椒豬肚煲記得幾個月前都食過一鍋堂當時仲係手寫飛落單宜家已經轉左用掃QR code用app落單方便快捷又環保落單後就去左雪櫃到拎野飲飲品選擇都唔少除左最基本既可樂、雪碧仲有雀檸、忌廉、Jolly Sandy、碧螺春茶等等飲品隔離仲有各式既菜可自由選擇返到位後湯底同野食都陸續送到呢到有足料花膠免費任食另外我地仲叫左 d 魚皮、鴨血、特長蟹棒、鮮蝦、肥牛、午餐肉等等食足2個半鐘後埋單都係 $200 唔夠一位真心。抵食！

說起火鍋 朋友推介一定要試一鍋堂。 一出電梯 ，真的被長長的人龍嚇怕 ，果然是大受歡迎的食店。 我們等了一陣子才能入座， 入座前已選定湯底， 今次我們選了汕頭鍋 ，味道也不錯 。最欣賞他們的牛肉， 肥瘦適中， 肉味濃郁， 最適合牛魔王的我。 丸類方面 ，手打墨魚丸入口彈牙， 值得一試， 韮菜餃材料十足，韭菜很香； 海鮮也非常新鮮，每天特選的海鮮也不同。最喜歡的是有魚雲供應 ，我重複點了四次，因為實在太新鮮和美味鳥了。值得一提是它的蔬菜櫃，自取但非常整潔。 甜品方面竟然有乳酪雪糕機，加上自選配料，實在不錯呢! 整體而言，以這個價錢享受一頓豐富的火鍋實在物超所值。

天氣漸涼，到火鍋勝地大鴻輝睇睇有咩發現，見到間新開既火鍋店，稍等五分鐘便安排入座這不單單是記錄入座時間，掃描QR code仲可以點餐 十分方便墊枱紙提供了火鍋小知識 食得健康可以配合涼茶同蔬菜今次點了烏雞美人湯，養生一下，有半隻烏雞在內，食埋雞 剛剛好蝶豆花茶 味道清甜，另外還有有不同汽水飲料火鍋料新鮮 小小的一碟 唔夠再叫 魚片最吸引 爽脆 脆肉鯇松露墨魚滑 今次encore了三次 食既時候要輕輕伴入松露 再放湯 彈牙最後可以食乳酪雪糕 滿足了

大鴻輝荃灣中心內有好多打邊爐餐廳今日去咗試試一鍋堂我哋嗰日六點去到已經有好多人喺門外排隊從咁多人排隊當中都可以睇到呢間舖頭好受歡迎入到店內 環境好大 座位好充足 鋪頭亦都提供一啲bb櫈畀客人用食物方面 點餐系用 QR code scan點餐 十分方便同埋環保 值得一讚一鍋堂係自助任飲任食嘅形式經營佢嘅賣點係有好多款湯底可以選擇我哋今次點左沙參肉竹鯊魚骨湯底 湯底材料十足 用嚟烚菜同埋食蘿蔔一流 鯊魚骨嘅香味會入曬落去材料到 味道超好食！材料方面亦都好多選擇有好多特色嘅食品每樣材料份量十足亦都好新鮮響鈴 魚皮肥牛黑松露墨魚滑 蟹子墨魚滑鴨血胡椒麵最推介係店內提供嘅花膠 好味又補身花膠飲品方面亦都係有好多選擇仲有特色嘅係除咗個有普通大路汽水之外呢亦都有自家製熱飲例如今晚就有冰糖燉檸檬飲 甜品方面，有哈密瓜軟雪糕同埋乳酪雪糕供應佢嘅配料除咗有大佬嘅朱古力同埋醬料之外亦都有密紅豆做選擇整體嚟講 cp值極高 食物質素好 上菜 速度快亦都冇留單情況 下次會再嚟食！

Apps book定枱，6點半準時入席！一坐底就叫湯底，開定apps開行tumbo點餸，肥牛、丸、芝士腸、蝦、元貝。。。兩個人唔敢叫多，有得叫半份嘅都會叫半份，務求樣樣試到又唔浪費，想再食就再叫！點完之後就裝混醬鼓油同拎飲品等食！野食好快到喇，食材新鮮，又都無漏單喎！個人就特別鍾情一鍋堂嘅蝦同肥牛，唔係一般平價牛，有質素保證喔！蔬菜、汽水同加湯就自助，自己顧自己喇！如果你係120分鐘內離座會有95折，90分鐘就有9折！其實食兩粒鐘時間都好充裕，平少少都幾好！

打邊爐最重要配料新鮮。一鍋堂等食排隊時間係長。但如果早些去等五點個場可以小人同好快有位。入到場內飲品滿滿的。應有盡有。鍋底亦不是一般配料。本人最愛係魚鍋。配料亦可不食牛羊。因太飽肚。反而食魚腩。魚頭。田雞。更為化算。新鮮可口。

今日又凍返，一行六人最後決定都係打邊爐，毫無懸念啊！哈哈哈😄朋友介紹去一鍋堂，佢話食物新鮮上菜速度又快，幾乎係冇漏單嘅，講到咁好必然要去試吓啦！而且可以任飲任食兩個半鐘頭，唔使趕住趕住，慢慢傾住慢慢食！原來亦可以download佢哋個Apps攞飛取位，超級方便，仲可以睇到號碼差唔多到先至上去，科技嘅嘢真係冇得輸！抵讚👍飲品特別多隨便揀隨便飲Download左個QR code就喺手機度落單，真係好方便啊，快靚正狠準！而且我最鍾意佢啲嘢每樣都係細細碟，又新鮮又乾淨，唔會好似舊式酒樓打邊爐將所有嘢撈埋一齊，見到D血水已經唔想食！今日叫咗胡椒豬肚湯牛肉羊肉片，新鮮有蝦有海鮮脆骨腩，鱔片係我至愛手打丸類非常出色西洋菜餃，雞軟骨餃超巨型大蟹柳我覺得呢個自家製韭菜餅超及好食，個人推介埋單都係每人百幾蚊，好抵呀！

聽朋友說近來有一家任食火鍋很受歡迎, 經常大排長龍, 於是便和朋友即日致電訂位。這晚訂了7點半, 到達後大約等了十分鐘便能入座。餐廳全場滿座, 果然人氣爆燈。是晚收費$168另加一, 可任食2.5小時, 提早結帳會有優惠。入座時先選湯底, 一共有8款選擇, 另外還有期間限定的湯底, 我們點了胡椒豬肚湯底。這晚被安排到一個單邊卡位, 二人坐的話非常闊落舒適。職員在入座時給了我們一個QR code, 只要用電話一掃就可以點餐, 非常方便。基本火鍋常吃到的食材都是免費供應, 比較特別的食材有黑松露和蟹籽手打墨魚滑, 沙爹豬肉丸, 雞軟骨餃等。牛肉品質出奇地高, 雪花分佈均勻也不會過肥。每樣食材的質素都很不錯, 個人最喜歡蜂巢豆腐, 芝士獅子狗和響鈴。豉油調味區有生熟蒜, 辣椒等配料, 能滿足愛吃蒜的我。蔬菜方面可以到自助區自取, 有多款蔬菜選擇, 連西洋菜和菜心苗都有, 而且都洗得很乾淨。自助區有多款罐裝飲品, 另外還有蝶豆花茶和洛神花茶供應。洛神花茶味道有點像利賓納, 酸酸甜甜的很開胃。要加湯時可以自己去取上湯, 加了上湯後湯底也不會覺得很淡, 還是吃到濃濃的胡椒味。離開之前再吃了雪糕,