一鍋堂 (大鴻輝(荃灣)中心) (已搬遷) 新店位置

最抵食火鍋在這裏, 豈一敗筆, 是要預留起碼十五分鐘才能順利搭升降機上到11樓 及如果沒有訂座的話, 基本上 晚上peak hour 起碼等候一小時以上, 訂座時間方面: peak hour 只有 1900 (MON - THUR), 留枱十分鐘 (好彩有朋友先拿枱), good luck to you.小插曲是隔離大枱客人 被侍應說了一句: 「你地夠曬鐘啦, 再唔走要收人頭費, 好多客人仲係出面等緊。 」(我同佢地一齊入, 應該仲有五分鐘左右。), 我們也急急走人了。

天氣凍凍地，最好就是去打火鍋，一鍋堂真系好難訂位的，要提早去訂，今次選平日去吃，若星期六日去吃，真的要預早兩三個星期才有位。平日七點鐘都人山人海，可想而知有幾甘抵食。湯底都勁過人，有八款任選，點了杏汁豬肺湯，養顏潤肺，止咳化痰。加些豆腐滾湯底，不用甘熱氣。值得留意，入座時會給一張飛仔，用二維碼來點菜單。肥牛，黑毛豬例點的，脂肪比例適中。脆肉鯇腩，好厚身，有咬口。海鮮有帆立貝，烹完不會縮晒，有肉食，蜆仔好快熟。黑松露手打墨魚滑，香味十足。各樣雜丸都點了一些，蟹柳好長最特別，蟹迷至愛。響鈴卷是必點，沾湯吃最過癮，菜類七八樣選擇，成個雪櫃都放滿。最後還吃了乳酪甜品，健康些，加些棉花糖便不會太酸。只是168元再加一就可以吃到甘多美食，真的好抵食。

依家打邊爐都講求電子化，呢間位於荃灣大鴻輝中心10一樓得嘅一鍋堂無論等位攞飛定係自己order食物，全部用電腦系統，簡單用手提電話一do 個QR code, 就可以自己點選食物，餐廳人手只係幫你送食物同收碟，所以一鍋堂地方咁大人流咁高，佢啲侍應都應付得綽綽有餘效率奇高。所有飲品蔬菜都有一個勁大嘅尊貴，比客人出去自己取，但啲菜又有別於其他自助火鍋店，佢已經擺好一小藍一小藍咁，好衛生方便。每次order嘅食物分量少少，咁你就可以試晒幾十種食材，而且食材都用料新鮮質素幾高。食完火鍋仲有自助雪糕同乳酪，仲有好多配料添。

今晚同家人一行六人試咗荃灣任飲任食嘅火鍋新星— 一鍋堂，由於家中老人家多，今晚食五點鐘，咪以為五點鐘冇人，上到去已經有一條龍排隊等入座。佢嘅六人卡坐近窗邊，可以望到遠景，一嚟就比佢個任飲雪櫃嚇親，真係好少有咁大個雪櫃。飲品款式之多，總有幾款啱你飲。　仲有一排雪櫃，裝滿新鮮蔬菜，一籃籃任君選擇，總共有八款蔬菜俾你揀。最好食係一款BB菠菜，食完返尋味，一共食咗五兜。我哋叫咗鹹菜豬肚湯底，之後再點菜。原來用自己個電話影QR code叫食物，省時快捷又方便，仲完全唔會漏單！　真係好欣賞佢呢個點菜嘅系統！全晚食材真係好正，好新鮮！特別係蝦、脆肉鯇及鱔片！食多幾碟都已經回本。食完七點半，平一鋪全場爆滿，而且外面已經排長龍，確係荃灣任飲任食火鍋一哥。

天氣又凍返，又係時候打邊爐今次約嘅朋友住荃灣，而佢第二日又要返大陸做野，所以就吓佢入到荃灣搵食荃灣最出名野食集中地點我相信好多人都識，就係大鴻輝，今次就揀咗一鍋堂因為一早訂咗位，所以好快就安排到枱比我地，等咗都唔使五分鐘然後再點食物，超方便用電話嘟個QR code就可以喺電話落單，既方便快捷又環保，值得一讚👍🏿落單後好快就有火鍋湯底送到，而且仲有餐前小食，包括雲耳、泡蘿蔔及小蕃薯等緊其他食物黎嘅時候，我睇緊枱面張紙時發現呢到有原水機，一部幾萬蚊嘅原水機竟然會喺一間食店到出現，我估好多人都唔會知道，其實我地平時食肉進入咗身體會變成酸性，但身體吸收過多酸性好易引致好多問題，例如尿酸...但呢到用嘅水以鹼性原水，可以中和返，就算我地打邊爐，都可以食得更安心，老闆真係一個良心商人今次朋友揀咗麻辣湯底，開始凍最好就食辣野😋堅鴨血，唔會一入口就散開，味道清甜火鍋配料很新鮮，喜歡墨魚丸、墨魚滑由於我唔食魚，但由朋友口中得知脆鯇魚片堅夠脆夠新鮮，原來好多火鍋店都唔會比脆鯇但扮脆鯇片牛肉是我至愛另外凍櫃有新鮮蔬菜及飲品自助形式拿取，排列整齊，望落去感覺衛生企理，唔似其他火鍋店自取咁比食客搞到東一舊西一舊

冬天要打邊爐！以前去親打邊爐放題我以為好一鍋同大鍋口係最正，而家去都冇乜人排隊，人總係犯賤，今次見到呢間新嘢有啲人排就去呢間，原來各方面都正好多，$158 一位，限時 2 個半鐘，勁多嘢食嘢飲又極速回本，如果 1 個半鐘前食完仲有 9 折，其實 1 個半鐘都夠哂飽 😂叫野食係電子落單，食乜直接禁部電話叫就得，佢地上菜嘅速度奇快，1 分鐘內一定黎哂，叫左 10 幾樣野都係，真係第一次見，唔會好似其他火鍋店咁拖你 10 分鐘咁衰，仲有有樣野係超好，叫 3 份肥牛真係比 3 碟滿你，其他每一間叫 1 - 100 份都係比 0.5 份黎真係 🌚另外講下佢呢到有 15 款湯底揀，分別有冬蔭功、胡椒豬肚、沙參玉竹鯊魚骨、蕃茄牛粒、馬來喇沙、杏汁豬肺、蘿蔔粟米豬骨湯、韓式泡菜、潮汕湯、藥膳湯、沙嗲湯、清湯、芫茜皮蛋、櫻花蝦湯、麻辣湯，係最多選擇湯底嘅打邊爐呀，我就揀左蕃茄牛粒，蕃茄味真係幾濃，唔係茄汁果隻，而且個火鍋爐好大好大個，一次可以放勁多料 🤡而回本系列嘅有海蝦、花膠、卜卜蜆、美國肩胛肉眼、法國牛肉、羊肉片、田雞、八寸長蟹肉棒等等，仲有好多自家丸熟食雜菌雜菜等等，多款飲品同自家製多款涼茶，唔少

門口等位果兩位同事, 禮貌講真一般, 可能太忙.但D嘢係真係正, 我食過咁多同種類的任食火鍋, 暫時最正係佢.佢貴人少少架, $168+1, 你去牛氣呀果D, 最平$128架炸.但係佢俾你既嘢多過$168, 豬肉片好好食, 墨魚滑好滑. 麻辣湯底唔夠香麻和辣, 係少少敗筆. 個鱔片, 好味.個鴨血, 冇台灣食咁入味, 但都幾OK. 可以改善一下.食咗豬肺, 乾淨, 好味.魷魚, 爽.生日仲送$88一碟的乜乜乜, 抵!

約左朋友食飯, 今次都係選好多野食的荃灣舊英皇食,聽過一鍋堂通常要排隊所以一直都冇試過, 但朋友堅持話好味, 一定要試下所以今次都要排左廿分鐘先入到去食一鍋堂整體格局整齊, 乾淨, 唔會有某D任食火鍋油淋淋既感覺湯底多選擇, 有特色的, 有辣的, 有唔辣的我地選左胡椒豬肚湯底, 有胡椒既辣味刺激我地既味蕾, 令到我們更開胃飲品都係任飲的, 基本飲開果D都齊全菜都係以自助的形式去扲, 都幾新鮮海鮮都幾多選擇, 而且好新鮮, d個價錢任食火鍋都有咁既質素海鮮真係超值, 蜆係完全冇沙的, 魚肉彈牙冇比, 真係估唔到咁好味火鍋必食牛肉, D度既牛肉牛味重, 肥廋比例適中, 我地一致都覺得正, 而且最重要係, 你點三份, 佢真係比三份你, 唔會求期比一份你就算數, 等我地食得有預算, 唔會唔夠嚨/浪費食物魚皮都係另一樣必食的, 脆口冇比, 淥二秒再食係好正的食飽後仲有軟雪糕比你自助食, 蜜瓜味係正, 係完美的句號總結黎講, 食物好好味, 服務都唔錯, 用WECHAT掃QR CODE落單既SYSTEM都做得唔錯, 但環境較逼, 但比得D個價, 有唔錯的食物食兩個半鐘, 我地都覺得係值得排隊食的!

筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！話說早兩日友人生日，佢今晚係荃灣收工，所以我一早book定一鍋堂同佢慶祝生日。其實再番黎荃灣一鍋堂有點感觸，因為佢就係開發小弟高質任邊爐嘅始祖，個陣時大多數任食都偏劣食，但佢嘅出現印證左任食係可以重質又重量，係任食邊爐界黎講可以話係清泉。今晚未夠九點上到黎，平日關係無之前咁爆，都好耐無黎荃灣店，部分位置有改動，例如店內多左座位俾客人坐住等位，另外醬料區、雪糕區同自助飲品區都同旺角店align左，唯獨荃灣店無冷盤熱食區，可能礙於空間唔夠，如果想要埋就去旺角店吧！一鍋堂已經採用左電子落單好一段時間，眼見大部份人都好易上手，無話有乜投訴，呢點我好欣賞一鍋堂，一黎環保，二黎敢創新，唔會固步自封！湯底有十幾款，仲有兩款seasonal嘅湯底，選擇夠哂多。今晚我地揀

呢d涼涼地嘅天氣真係特別想打邊爐🤤今日同朋友就去咗荃灣呢間，大約7點已經排哂長龍～勁多人！等咗陣就可以入坐啦。店員仲幫我地order埋湯底。湯底選擇有好多，好多種都好吸引！但我地最後揀咗藥膳湯，好養生咁🤪有兩個醬料station, 好新鮮👍🏻坐低咗就用手機開始落單，好方便😂scan qr code就得！仲可以揀半份，啱哂我呢d想每樣都食下嘅人😛首先叫咗個鴨血同咖哩魚蛋豬皮，食住等d火鍋配料。 之後就開始打邊爐啦～配料有好多選擇，連花膠都有！ 重係大大舊唔會煮熔咗消失咗😂😂我地叫咗好多配料，不得不提呢個蟹棒，勁長勁大條🤤好正仲有呢d打邊爐必叫嘅芋絲，峰巢豆腐，鮮淮山😻鮮淮山打邊爐好正呀，浸淋d好好食！仲好有益添。見到黑松露抗拒唔到，呢個松露墨魚滑聞落已經好香，仲好彈牙😌全部菜都分好哂係雪櫃自己拎。飲品既選擇都好多下！是日海鮮係硯🤩芝士獅子狗幾好味食咗個零鐘已經勁飽～ 兩個小時內埋單有95折架！兩個人食咗300幾蚊，好抵呀🤩

天氣凍最好就係打邊爐！成日聽人講一鍋堂好食，今日終於可以一試！一開頭排隊搭𨋢打哂蛇餅，不過架𨋢好高速所以都係等左幾分中！去到就揀湯底先，一開頭淨係睇到得十個湯底，所以揀左藥膳，原來後面仲有十個加季節限定揀😂呢個藥膳湯同平時食既唔同，甜甜地應該係紅棗同杞子，咸咸地應該係蒜大蔥，當歸等等:::配料都幾夠，有生蒜炸蒜蔥芫茜沙嗲醬:::---芝士芝士芝士(很重要所以講3遍)😍叫左燒芝士丸，芝士豆腐，芝士獅子狗三樣都好食，芝士既味都唔同，豆腐好好食---手打三色丸墨魚丸最好食，橙色個粒食唔出咩味---蟹子墨魚滑細細份幾好，同埋好軟身---唐生菜好fresh，硬淨---豚肉片薄薄地好快熟，幾好食---牛肉，豬頸肉好普通，無特別，仲要好瘦---仲有叫左蘿蔔，淮山，冬瓜片，粟米，蕃茄，黑木耳用來加個湯幾清甜！全部都新鮮大件！---響鈴，餃子，午餐肉，沙律丸，蟹柳一般般，不過不失---海鮮今日係蜆同帆立貝好細粒，有沙，麻麻食物選擇唔算幾特別但勝在性價比高！抵食！野飲選擇都多！蝶豆花水原來係咁既味😂環境好坐，係煙會幾多，仲有一讚上菜無漏單，收碟都好快！價錢合理！可以再試其他湯底！😎

天氣咁凍，成班fd一致贊成打邊爐荃灣區大鴻輝中心最多火鍋店一出𨋢就見到好多人等位，相信除左價錢吸引，食物質素都唔會差等左一陣，安排左窗邊卡位俾我地完全唔迫點餐只需要scan QR code同neway唱k點歌一樣，真係好方便餐牌有埋圖，唔會揀錯餸朋友唔食得辣，加$50要左個鴛鴦鍋侍應介紹美人鍋係新款，即管試試自助醬料區有兩個，唔使排隊雪櫃嗰邊放左唔同類型嘅罐裝飲品仲有一碗碗菜任拎似係有洗過，好放心旁邊有熱飲，唔同嘅茶，同埋冰糖燉檸檬火鍋店有咁多熱飲選擇，啱哂戒左凍飲嘅朋友湯底都一壺壺放好，隨時可以添加上菜速度好快，最驚艷係 蟹爪棒肉真係好大條🦀肉一放低大家都即試款款都叫左少少，完全無漏單以下幾款推介大家試肥牛 (牛肉味濃，見到雪花紋，脂肪分佈平均)真係花膠 (真係花膠，張口架)自家制胡椒麵 (好彈牙)超甜粟米(真係甜，飽都想再食)鮮萵筍 (好好食，encore左兩次都即刻秒殺)魚皮餃，韮菜餃 (皮薄餡料多)總括而言，一鍋堂$168任食，食物種類都幾多選擇環境又衛生，一定會再嚟Ps: 如果客人用膳時間喺兩小時內時同10點半前埋單，仲有95折

講起荃灣真係非常之多野食，單單淨係大鴻輝呢到打邊爐地方已經有幾間。 今次位於11樓<一鍋堂>性格比高，價錢唔貴，食物質素滿意，呢到有玻璃窗睇到外面景，感覺無咁焗促。 呢到落單點食物，用手機下單就得，幾方便，重點係好環保，唔洗浪費紙張，可能係用手機落單關係，點完食物，食物好快就到，而且無漏單問題。 醬油/飲品/菜部分全部自助形式，蔬菜新鮮，我地今次食左菠菜苗好嫩。 湯底我地要左藥膳湯，藥膳湯有多黨蔘，蒜頭，薑片，京蔥及杞子等等，藥材味越煲越出味，唔錯。 我地最鍾意食牛肉，呢到有<美國肩胛肉眼>，肉味濃郁，肉質軟林，肥瘦比例岩岩好，入口帶點油香。 羊肉片有少少膻味，唔會太肥，冬天食羊肉有溫補作用。 丸類方面，手打墨魚丸入口好彈牙，值得試。 韭菜餃好足料，餃子飽滿，韭菜好香，如果鍾意食韭菜的朋友一定要食。 海鮮類我地食左蝦，魚雲同埋是日海鮮，海鮮新鮮，貝類雖然肉雖小，但味道非常鮮，最重要無沙。 最後，甜品呢到有好多人好喜歡的乳酪雪糕，加埋自選配料好正。

5:30PM 已經手機APP拎位6:40PM 才入座如果WALK IN 才拎位真的足足等2小時多 (我試過)依家全部轉用手機APP 落單如果冇用智能手機真的不用食 ~食物肥牛夠簿好靚食物好多款式差不多一個月總會來一次食得出手打丸是新鮮真的好用心蝦滑好好食

荃灣大鴻輝中心，一個中西美食集中地，種類包羅萬有，今天就以隨機試試看的心態選了位於11樓的一鍋堂。一出電梯已有幾批客人在等候進去，看看手錶，只是5點多已經有這麼多人，心想食物應該不會太差吧⋯⋯在等候進去的同時，看到電視廣播，原來該店以鹼性還原水作食物清洗，有效地令食物的農藥及雜質等清除，比一般火煱店更具特色。進店後，坐在較中排的位置，拿飲品配料還算方便，後方的落地大玻璃可看到街外環境，晚上用餐時別具一格，邊食邊看窗外周邊，不會變得太無聊。適合一家大細及一班朋友聚會之用。點餐也不同以往，不用到外面取食材，只需用手機scan店舖給我的qr code便可，內裡圖文並茂，只需按下所需的碟數就可以，值得一讚的是上菜速度超快及沒有漏單的情況出現，碟空置了就有專人幫你拿走，不會造成擺放位置爆滿的情況。火煱配料，覺得韮菜餃及豬肉片好好味，真是值得一試喔！韮菜餃皮夠薄，滾熟拿出來時皮薄到連內裡都看得一清二楚及沒有爛開的情況，豬肉片肉質較軟，吃多幾片也不會覺得撐胃。另外，黑松露墨魚滑，和蟹籽墨魚滑也相當不錯，店員仔細教導食用方法，黑松露氣味亦相當香，吃上來不會覺得淡而無味。yummy !!!!火鍋放題，埋