一鍋堂 (大鴻輝(荃灣)中心) (已搬遷) 新店位置

荃灣大鴻輝中心好多唔同食店,今次簡左一鍋堂,  因為朋友介紹話唔錯.入到去, 座位相堂企理, 店員都好有禮貌, 台上面應該既工具都有齊晒, 有公筷夾生食物, 數包濕紙巾, 骨碟等等.非常貼心, 唔洗食到一半先去問店員拎.湯底我地簡左痳辣同藥膳, 兩款都非常足料食物方便有唔少貴價食材, 如脆肉骨腩, 蟶子, 白鱔片, 田雞等等. 幾樣我都有試, 好新鮮, 放題黎講十分抵食.  飲品方面有好多唔同選擇, 基本上港人喜歡的飲品佢都有題供, 有十多款選擇.點餐方面要手機落單, 介面十分user friendly, 成個介面好易用同清晰, 個介面設計得十分好.另外一提, 全場雖然爆滿, 但店員仍然十分親切有禮.

好耐冇同幾個朋心見面吹下水，大家都是大食仔，來這裡食火鍋放題是正確選擇。麻辣配濃豬骨湯底，兩者佳正，真心推介麻辣底，野味。食物款式多得驚人，幾大食都不能食盡各樣 ，但樣樣都睇得又好食。真心提提大家早午飯食少一點，晚上才有位放如此美食落胃度。肥牛安格斯肥牛， 豬腩肉，優秀可口。我們一點再點，利用手機下單，方便一流。炸魚皮，我們點了兩盆食清光。餃子也很美味。這裡飲品任飲，乳酪雪糕任食， 食足兩個半小時，超高性價比。下次必再來！

我們這一家一向都喜歡打邊邊，在家一星期兩次是得閒時，出街約會朋友也是絕佳選擇，這家火鍋餐廳價錢抵，食物款式多，利用手機下單，服務又好，難怪經常客常滿，皆因老成功緊扣每位食客的胃口，念念不忘要回來幫幫，還拉隊三五成群！基本上諗得出既食材都有供應，不能盡錄，好彩有圖為証！愛肥牛既朋友們邊讚美邊食，香濃厚身，兩個半小時任叫任食，必大滿足！叫到一枱都是，高高的食物盤，很驚人！一鍋兩湯底，是一群朋友有愛辣愛唔辣既喜訊，滿足各人喜好，還有一瓶瓶的湯任添。炸魚皮超香脆可口。朋友勁愛大蝦，又確是很好味的。最後不少得自助雪糕機，很yummy yummy 透心涼呢！飲品任飲，wonderful!要咩菜有咩菜，好肥啦！成場爆滿！

一鍋堂不嬲都多人, 試過幾次walk in都因為人太多放棄左。今次一早book好枱，去到完全唔洗等就有位啦!!!!!我地揀左喇沙湯底，香濃好味每張枱都附送餐前小食，等上菜期間可以開開胃呢度全程用電話掃QR code落單，方便又環保。食物選擇亦都算多，上菜速度亦都好快，落完單約5分鐘左右，餸菜陸續送上。依度每張枱後面有張茶機仔，侍應會自動將食物放係茶機上，減少對客人打擾，另外亦都會主動替客人收盤，所以坐二人枱雖然枱面比較細，但係其實坐得幾舒服。依度有得叫出面好少見ge迷你聖子~幾特別。海蝦好新鮮彈牙，帶子就不過不失啦~打邊爐又點少得肥牛呢~ 呢度d牛幾好，油脂分怖平均，仲要好有心機排得好靚，淨係賣相已經令人食指大動!!!!另外呢度仲有特長蟹棒，出面都好少見。放曬D餸入鍋，一煲滾有陣濃濃ge喇沙湯味飄出黎，食物經喇沙湯煮過之後，唔需要落調味料已經好好味。食到差唔多，侍應主動提醒如果入座起個半鐘之內埋單有9折，兩個鐘之內埋單有95折。由於呢度上菜速度快，我地個半鐘都已經食飽嚕，可以拎埋個9折優惠。離開前再食埋個蜜瓜味雪糕+爆爆珠+朱古力碎，為今晚劃上完美ge句號。

Nice decor fresh ingredient hotpot buffet@Tsuen Wan荃灣靚裝新鮮食材火鍋放題My families and I went to a restaurant called "E hotpot" (一鍋堂) located in 11/F, Tai Hung Fai (Tsuen Wan) Centre, 55 Chung On Street, Tsuen Wan（荃灣眾安街55號大鴻輝(荃灣)中心11樓）.The restaurant is decorated in chic modern style with minimalist raw earthy wooden frames and wooden round tables...etcThe hotpot buffet costs only..HKD$168/adult HKD$88/child (17：00-21：30).HKD$148/adult HKD$88/child (after 21:30)This restaurant runs in E order. Customers

呢次去左荃灣分店，大約7點半去到,因為平日等到8點已經有位啦！我地簡左麻辣同埋藥膳湯底，但係好似覺得佢為咗迎合香港人口味，麻辣其實係可以話係唔辣，要係煮耐左先出左麻既感覺，唔太食得辣嘅朋友都可以一戰。藥膳湯底都好有藥膳味。食物種類都夠多。

今日情人節，各西餐廳都推出貴又唔抵食既情人節套餐，而作為精明消費者既我，當然要揀一間性價比高既餐廳啦，經過一輪網上資料搜集後，最後就決定去荃灣《一鍋堂》為左避開人潮，我地預約了五點，提早開餐！來到一鍋堂，就見到海報上有十多款既火鍋湯底，選擇非常多，但我剛巧喉嚨痛，於是叫了較清淡既湯底-蘿蔔粟米豬骨湯！湯底用料十足，而且味道十分清甜，令我聯想到屋企媽媽煲既靚湯！雖然火鍋店任飲任食，但有別於其他餐廳，它不用填紙落單，只需用手機掃瞄QR code，便可直接網上落單，非常方便！而且可以節省紙張夠環保，值得一讚！更值得稱讚的，上菜速度快，而且沒有漏單情況出現，店員亦非常勤力清理空碟，服務一流！至於火鍋配料，個人認為選擇非常多，特別係海鮮類，鍾意佢夠新鮮，更估唔到連花膠都有，可以補充骨膠原！由於有些配料可選擇半份，所以我地差不多吃盡了不同款式的食物！而我個人就喜愛生猛海蝦，羊肉片，蟹棒同芝心丸，食到無限encore！另外，火鍋店亦將多款蔬菜放置雪櫃，感覺更衛生更新鮮。飲品方面，我就被佢自家製既健康飲品所吸引，看見佢列出來的好處那麼多，於是試試蝶豆花茶同洛神花茶，味道酸酸的，很開胃！

一煱堂之前朋友介紹過低食的放提上次去排隊等左1.5鐘都食唔到今次一早就訂好！8個人叫左個美人湯底講一講佢的點餐的特別！要下載⏬佢的app 素QR code 手機點餐這個是一個不錯的idea 平時我地食放題📝手紙仔真的可亂又唔環保♻️！佢真實有d似大陸的餐廳！都是用手機點餐！講講食物都好新鮮，種類繁多基本上平時出面會食的都有！由其是蝦和花膠！真的不錯！菜和飲品和甜品都是自己拿！總結-價錢-低$19x/1人食物-好好😋服務-基本上都是自己照顧自己，水～湯～😂🤣如果有需要都可以找到服務員💁‍♂️！

無論冬天夏天我都鐘意打邊壚既，反正有冷氣，但係冬天次數點都會比夏天多既，所以都趁住天氣轉熱前，食多次。呢一間湯底選擇好多，仲有一款岩你。咁長既蟹柳食落最有滿足感，有口感又彈牙。牛丸有小小汁係入面，味濃好食。響玲最鐘意食，因為滾一滾就食得，可以等其他野熟既時候頂下肚先。蜆肉好鮮甜，無沙，細細隻唔算飽肚，可以留肚食多d其他野。蝦肉彈牙，濃蝦味，大推。打邊壚點少得肥牛，肥瘦適中，岩岩好，肉味重。呢到除左牛多人食，豬都好好味，夠滑夠豬味。順帶一提，呢到既網上點餐好方便速度又快。

真係好好味！暫時覺得最正嘅任食火鍋！黎過幾次，第一次黎個陣已經覺得好食！但次次黎都勁多人等，even 11點黎都可能要等🥴今次再食到好出色🥰 海鮮好新鮮好fresh，最愛聖子仔😍竟然可以完全無沙，之前買過番屋企打邊爐，勁多沙🥴呢度個啲無沙好出色👍🏾食左勁多碟🤤係咁 encore！真心好味！每次都3份3份咁叫！大愛貝殼！仲有白鱔片，無骨gaaa，好鮮好味！好多野都好好味，蝦啦，西洋菜啦，魚啦，韮菜餃，同埋豬肺🥰大滿足！

本人真係十分喜愛打邊爐，黎左依間一鍋堂係用手機黎落單，好方便有好多湯底任君選擇（16款）坐底仲有開胃小食食我自己就揀咗櫻花蝦湯，配上味磳湯底同埋紫菜同埋藥膳湯櫻花蝦既味道比藥膳湯濃郁，藥膳湯比較重藥味用黎打邊爐唔需要加任何醬汁。野飲選擇都比較多元化（選擇困難症）🙇🏻‍♀️自家制-麻辣滷肉丸肉丸配搭麻辣味十分惹味自家制-黑松露手打墨魚滑雖然唔多黑松露，但每一粒出到黎都有住黑松露自家制-蟹籽手打墨魚滑依幾樣真係好特別，下次一定會再黎

情人節Book左位打邊爐，一開lift，勁多人等緊位，好彩我醒目，一早訂左位，一入去未到訂位時間都俾左我入座一坐低即上小食，醫下我呢個餓鬼肚。份量唔多，開胃！講下個環境先，雖然全場滿座，但二人座一啲都唔逼，而且地方好乾淨，打邊爐最怕地下，檯面油立立，但一鍋堂地方夠大之餘，仲好衛生，食物質素仲要好好！同埋電話落單非常方便，唔怕有漏單情況，侍應做少左野，自然focus 左係上菜，咁就唔會漏單啦。湯底做得好好，叫左個沙魚骨同沙嗲，沙魚骨果個好香好入味，沙嗲又好夠味！基本上所有海鮮，手打墨魚滑，肥牛，魚皮餃等等都有叫到，值得講既係脆肉鯇，好新鮮，只係一碟只有3塊，想再食就要嗌多幾碟，真係好新鮮。肥牛肉味夠，墨魚滑有松露味同埋魚子。我比較鐘意食魚子，因為爽口得黎多一層口感。仲有響鈴，同埋魚腐。響鈴好脆，拍得住手製果種。野飲選擇都好多，我鐘意佢個洛神花茶，非常開胃消濟。下次都會黎食，呢個打邊爐食物真心唔錯

想試一鍋堂好耐，聽朋友講又平又好食，晚上七時去到，好多人，可以電話禁飛先。佢有好多種湯底可以選擇，我就揀了韓式泡菜湯和胡椒豬肚湯，兩種湯底都好香 味道濃郁。然後餐廳選用電話落單，非常方便。168一個人仲有海鮮食真係好抵，點了海蜆，蟶子，脆骨腩，白膳片。蟶子雖然唔大隻，但很鮮甜，冇乜沙。海蜆一份大概六隻，細細份唔怕太飽，也很鮮甜好味。脆骨腩和白膳片encore左幾轉，好香，爽口，必食推介。打邊爐緊係仲要叫牛肉，牛肉賣相和味道也不錯。食到飽一飽，仲有密瓜味雪糕食，真係好抵食。

今晚約咗幾個朋友團拜食飯 朋友提議食我至愛嘅任食火鍋 咁就去荃灣大鴻輝一鍋堂食啦！上次食過都幾好 餐廳供應多款湯底 但係我哋都係揀芫茜皮蛋 跟住叫雪花肥牛重有蝦 花膠脆肉鯇 牛百葉 水魷 炸魚皮同稻庭烏冬飲品方面仲有好多款式嘅汽水同埋罐裝茶特別地重有自家製嘅洛神花茶同蝶豆花茶 食飽火鍋後 又輪到第二個胃出場 食女仕至愛嘅甜品乳酪雪糕 重可以加埋朱古醬 椰果 魔豆及朱古力碎 加上服務員熱情招待上菜快 冇漏單 百多元食兩個半鐘 真係值得encore

依家食得唔多，所以少咗去食任食火鍋，不過聽人講到一鍋堂好勁，就去會一會佢。我哋嗌咗藥膳湯底，有淡淡嘅藥材味，微微清香。外面有蔬菜櫃、汽水櫃，仲有特色飲品可以飲，又有乳酪雪糕。另外湯底有一樽樽喺度，比大家自己拎去添，比較自助形式。洛神花茶都幾香，唔算甜。花膠大大件，好大方；魚腐油香，入面魚肉都好有味；韭菜水餃近乎素餃，啱哂我；墨魚滑同鯪魚滑都好有魚香，墨魚彈牙，鯪魚就有埋櫻花蝦嘅鹹香。蔬菜新鮮。食材新鮮，種類都唔算少，份量標明得清楚，完全合乎食得哂先好嗌嘅原則，值得一讚嘅係海蝦，非常彈牙，以放題嚟講好出色。