一鍋堂 (大鴻輝(荃灣)中心) (已搬遷) 新店位置

Apps book定枱，6點半準時入席！一坐底就叫湯底，開定apps開行tumbo點餸，肥牛、丸、芝士腸、蝦、元貝。。。兩個人唔敢叫多，有得叫半份嘅都會叫半份，務求樣樣試到又唔浪費，想再食就再叫！點完之後就裝混醬鼓油同拎飲品等食！野食好快到喇，食材新鮮，又都無漏單喎！個人就特別鍾情一鍋堂嘅蝦同肥牛，唔係一般平價牛，有質素保證喔！蔬菜、汽水同加湯就自助，自己顧自己喇！如果你係120分鐘內離座會有95折，90分鐘就有9折！其實食兩粒鐘時間都好充裕，平少少都幾好！