一生懸麵

營業中

休息中

旺角有好大個招牌掛咗喺舖頭門口。未入到門口首先要排隊。6:30去到，跟住排隊大概20分鐘左右，就有得入去食。舖頭為咗令等待嘅客人比較涼爽，所以就喺出面擺咗個風扇。舖頭入面環境比較擠迫，只有一條狹窄嘅走廊俾人行入去。排緊隊嗰陣時就會俾你喺餐單上面揀定你想食啲乜嘢先。我見到呢個綠茶可樂好似好特別，喺其他地方都冇，所以我就揀咗呢個。一入到門口佢就會擺定一支綠茶可樂俾你跟住呢個可樂仲要係好貼心同你開埋，隔離擺咗支飲管。呢個綠茶可樂飲落去有少少茶味，茶味唔算係好重。更加重嘅係可樂嗰陣味。主角就係上面嘅雪糕拉麵‼️辣嘅湯底，配上鹹香嘅花生醬雪糕，我竟然覺得都幾夾。碗入面嘅叉燒非常肥美，可以見到佢係脂肪比較多。食落去呢覺得口感有少少奇怪。食到落去脂肪係非常之嫩滑，但係如果冇咗脂肪嘅陪襯，淨係食瘦肉嘅話，又會覺得煮得唔夠冧。配菜係拉麵都有嘅芽菜，溏心蛋同埋好特別嘅雪糕仲有花生碎。食拉麵之前我咬咗幾啖花生醬雪糕，我覺得花生醬嘅嗰個味係好濃，跟住佢用嘅嗰個奶又係好綿滑，奶味來講就唔算濃郁。湯底偏鹹辣，雪糕溶落去湯底嘅嗰下，湯底嘅溫度冇因為雪糕而改變到。反而多咗少少奶，令到嗰個辣味有少少降低咗。但係其他嘅鹹味

星期日中午12點經過旺角，事頭婆話想食拉麵🍜 於是就去呢間成日排長龍嘅拉麵店碰碰運氣，好好彩今次排第二，等咗唔夠10分鐘，望望後面已經多咗十幾人🤣 最後等咗大約15分鐘就可以入去食嘢😋見差不多枱枱都叫期間限定嘅「雪糕🍦拉麵」，我哋都叫咗一碗，再加多碗「海老🦐沾麵」⋯⋯ 雪糕拉麵個湯底係辣嘅，上面有舊花生味嘅雪糕🍦仲有兩片叉燒、半隻蛋、椰菜同筍😋 我自己就鍾意❤️海老沾麵多啲，上面鋪滿樱花🌸蝦🦐，個湯底好好味😋⋯⋯ 另外仲加咗個餃子🥟同雞🐔軟骨🦴棒，味道都係very👍🏼👍🏼👍🏼

星期六係黃店泰然按摩完已經4點，每次按完都食漁場台風有d悶。上網搵到另一間黃店 樸一拉麵，點知中場休息，6點先再營業😢唯有再轉場到人氣極高既一生懸麵💛完全冇諗過4點幾都要排隊，前面有5-6個人，好好彩等左5分鐘已經有位😄近排有期間限定雪糕拉麵😂花生醬雪糕配辛辣湯底，之前睇creamy youtube話好正，大家可以試下🤣海老沾麵 $85 🦐 麵底冇得揀幾多gram，我食完仲係肚餓☹️😂半熟蛋崩左一細忽，蛋味唔算好重。叉燒半肥瘦，微微炙燒過。沾麵湯底好咸，食到中途開始口渴。湯底冇咩特別，唔係蝦湯底，只係面頭加左好多櫻花蝦。撈埋櫻花蝦食口感更豐富👍整體黎講質素唔會令我想黎第二次☹️暫時仲係漁場台風三間分店世一。下次再試埋樸一拉麵先

一生懸麵的沾麵出色早有所聞，是日剛好去旺角處理事情，就想先來這裡吃午餐。第五波疫情剛爆發，見排隊的人龍不長，就決定光顧啊！等位約10分鐘左右便獲安排入座～沾麵及拉麵各有4款，我選了魚介豚骨沾麵，老公則選海老拉麵，加$12配一隻半熟蛋，以及點了一份章魚燒。魚介豚骨沾麵，本身已有半隻半熟蛋，加配一隻半熟蛋後就可以每人一隻了！還配有灸燒叉燒及筍片，配料充足～～～此款沾麵是清湯底，因為本身怕太濃味太膩而選了這款。雖是清湯底，但味道夠濃郁，帶魚的香氣，擠些青檸汁，味道清新不膩！麵條軟硬度適中，煙韌有咬口之餘，還帶點麥香。惟沾麵湯汁較稀，麵條掛湯力稍遜。半熟蛋的溏沁恰好，叉燒肥瘦均勻，燒得甘香，質感軟稔，散發出油脂香，好味～～～海老拉麵，面層灑上大量櫻花蝦，賣相吸睛。嚐了點湯底，味道香濃，並帶有蝦的鹹鮮香。拉麵較為幼身，吸盡湯底精華！章魚燒，一客只得4粒，餡料的章魚粒不多，但燒得外脆內軟嫩，幾好食！若然喜愛極濃厚的沾麵湯底，魚介豚骨沾麵就未必對味～～於我而言，卻是合適的口味！

好耐好耐無落嚟旺角 ，旺角真係旺，當然仲有唔少良心小店啦！彌敦道往尖沙咀方向，喺亞皆老街左轉！然後右轉去到通菜街！去食好食嘅拉麵呀！今次用餐係紅日，想食好嘢就要等一等！好快就入到座！今次小編叫咗個白湯豚骨拉麵！個麵嚟到喇，小編就唔鍾意食竹筍，咁就叫咗走筍既！首先個麵嘅質地咬落去都唔錯嘅！唔會太硬，亦都唔會太軟，剛剛好！而且都幾彈牙，而且個湯底都幾濃郁，又有啲鮮甜，但係又唔會話太鹹，直頭係very good! 最後嗰兩塊豚肉，好似火炙咁，個味道更加好食，而且都算林，個口感都幾好！配左兩塊紫菜比我，浸落去湯到都好好食，個口感都唔錯！服務態度非常友善，食物質素優質，絕對有下次！

四日復活節長期🐣 睇天氣預報應該係今日最好天☀️把握機會出去同陽光玩遊戲, 玩左成日但又無晚市堂食, 最岩係返到屋企即刻有得食既外賣🥡 一生懸麵黎緊跨區團購仲有17/4去南區同18/4去紅土黃 復活節假唔想煮都有著落! （完全自費非廣告）其實之前已經好想試一生懸麵, 但試過去到旺角店見到長龍放棄左 好彩佢拉麵同沾麵都係分湯裝, 店家仲要好貼心提醒要點加熱, 沾麵浸落熱湯度即刻好有日本feel🇯🇵 三款湯都好正, 特別係海老沾麵仲另上一大杯櫻花蝦, 鮮味十足🦐蕎麥做既麵條零舍彈牙, 粗扁身掛湯力高🍜 叉燒半肥瘦, 鬆化即溶🐷 沾麵呢個價錢包哂兩大塊叉燒、溏心蛋同埋好多筍乾, 唔加額外配料都好豐富, 真係幾抵食而我實在低估左碗麵既份量, 其實淨食碗麵都夠飽, 不過加小食又好似開心d 炸雞入面肉嫩多汁🐥 餃子皮薄多餡🥟 非常滿足既一餐-特濃豚骨沾麵🐷($86)魚介豚骨沾麵🐟($86)海老沾麵🦐($92)唐揚炸雞🐥($36)煎餃子🥟($31)-一生懸麵旺角通菜街73號地下1200-2200荃灣千色匯1期3樓3012號舖1130-2200牛頭角得寶商場地下121號舖1200-2200

今日下午茶時段行旺角，見到尼間一生懸麵好多人排隊。我地就跟住一齊排，等左十分鐘左右就入去食下。叫左個辛辣日式叉燒拉麵。湯底味道還好，但辛辣味唔算突出，感覺一般，麵質係好既，可以一試。日式叉燒味道都唔錯，夠軟淋，又有炭燒味🤤而溫泉蛋味道也很好味😆值得一試👍🏻

係OpenRice個個都話要排隊所以完全冇意外，都係要排一陣隊，大約5分鐘左右就入座叫左碗海老拉麵以下係純粹我個人口味的感覺海老拉麵姐係多左櫻花蝦係上面，但冇增加令湯底都有蝦既味度，純粹係咬到蝦而有味拉麵硬度揀左普通，但黎到係好淋，完全少少彈性都冇，因為麵質係偏幼再加上咁淋，令到個麵冇哂質感，真係失望而叉燒肉雖然係厚身，但肉既部分都比較鞋口，可讚既係算係香口，我額外加左叉燒總有大約有4-5塊湯底偏鹹，食左幾啖就開始要飲水最合格就係隻蛋消費：$83海老拉麵+$15額外叉燒總結只能說唔係好難食，只係唔符合期望值🥲

旺角良心拉麵店 - 一生懸麵自從疫症喺香港肆虐左2年有多後，香港人都紛紛為左搶口罩而令到個人筋疲力盡，有好多老人家甚至連口罩都冇，要搵其他野黎代替口罩。食店同樣系非常慘不忍睹既情況，有好多食店因為敵吾過呢個疫症既影響所以執咗，不過吾好忘記，香港都仲有好多良心小店，大家要多多支持，先可以幫助飲食業興盛番。CK呢日就大概夜晚7點去到餐廳，黃金時間加上呢間系人氣咁高既餐廳，就當然冇得訂位，唯有喺門口等吓啦，好彩只系等左20分鐘左右，吾算話好耐。(其實我呢次已經係第二次嚟呢間店喇，只係上次嚟因為勁多人係到排隊，所以無食到，但今次嚟到雖然都好多人嚟到排隊，不過我今次唔想再等到下次嚟喇，所以先決定都係乖乖咁排隊等食啦)餐廳既環境以簡約風為主，木造嘅櫈同埋枱比人感覺好舒服，仲有一盞盞既簡約吊燈，燈光好柔和。侍應人數太少都唔係太照顧到店入面食客同出面等緊既客人既需要，不過都體諒小店小本經營既難處既。野食方面，因為嚟幫襯嘅人實在太多，所以有兩款拉麵都已經賣哂不過沾麵都好彩仲有提供嘅我比較想試下特別嘅嘢食同味道，今次就揀咗「濃香櫻蝦沾麵」重點介紹。一上到餐檯上見到碗沾麵湯上有滿滿嘅櫻花蝦，每一啖麵上都食到

此店之前非常受網民歡迎 門外經常大排長龍。但近日受疫情影響 🥲中午時間亦不用等位見不少人係食沾麵 網上推薦沾麵多 但本人係拉麵控🌶辛辣拉麵 $78 (不收加一)平時食開譚仔10小辣要求了少辣 對我來說辣度剛剛好豚骨魚介湯底香滑濃厚 加入了蒜蓉 增添風味 😋麵條採用粗身麵 形狀係平打麵質素出乎意料地佳 煙韌實在 口感特別配料有滿滿既椰菜 流心蛋 筍絲 蔥絲炙燒叉燒質素佳 肥瘦均勻 散發出油脂香好香嘅炭燒味 肉質好嫩入口即融而且整碗拉麵份量十足 👍🏻市面上好多好食既拉麵都要超過$100而呢間小店價錢好實惠 質素亦好✅推薦比喜歡食濃味拉麵既大家一生懸麵📍旺角通菜街73號地下

巳經食過三次，第一次食嘅時候，俾佢嘅豬肉吸引咗😋食落好香好肥美，有燒過，所以有好香嘅油香味。湯底都算濃郁🍜個時加咗個荀，店員俾咗好多🤣感覺好抵食👍🏻👍🏻👍🏻但第二次去食嘅時候，又感覺唔係好特別，水準一般😖到第三次去食感覺退步咗少少，整體感覺普通咗🙈首先，蛋無咩味！荀濃味，麵正常，但個湯好似酸咗少少🤏🏼肉都仲係有燒過，有燒香味，但可以肥多少少🤏🏼唔會話係必試，但可以一試👍🏻

味覺旅行~  和風真係好鍾意食拉麵。次次經過呢道，都見到人龍，難得今日竟然有位，即刻要試吓。辛辣拉麵$78🍜麵有得揀軟硬度，呢款湯麵仲會用日式粗麵條，可以沾更多湯，辛辣味以我唔係幾食得辣嚟講，會有少少嗆喉，但又好好味😆白湯豚骨拉麵 $68🍜呢款麵用幼麵，個豬骨湯唔似九州拉麵果種濃厚嘅湯底，但同樣好重骨湯味。兩款拉麵都配有一塊大叉燒，極厚身，目測差不多有1cm咁厚，特別之處係用火燒過，面層有少少焦香味，很特別，坊間拉麵店少見。個麵嘅軟硬度選了較硬，入口很彈，有咬口。👍👍煎餃子$28🥟一碟5隻，餃子底煎得很香，但又唔會食到一口油，非常亁身。👍其實呢度嘅沾麵都極有人氣，只係個人口味較喜歡食湯麵。聽到鄰枱食客都有讚沾麵個湯很香、濃稠度剛好掛麵，麵條能完全沾滿濃湯，入口滑捋捋，好好味。

每次經過依條街都見到依間排哂長龍🤔食過你就會知點解啦💛🍜辛辣拉麵 $78極力推薦依款🤍加左辣味令湯濃而不膩👍最滿意係個麵🤤粗麵好彈牙掛哂d湯✨仔細睇會見到一點點啡色，應該係小麥🤔仲有埋滿滿既椰菜，大蔥等配料😍口感好好🥰🍜白湯豚骨拉麵 $68無咁鍾意重口味既人岩食依款✨湯底比較清🤔而麵就係幼身d既✨每款拉麵既配料都有少少唔同 ，個人鍾意食辛辣拉麵多d🤣🤣🍴唐揚炸雞 $32好好彩點到最後一份😎咁既價錢有4大舊👍炸皮薄雞肉嫩😋再加d檸檬汁無咁油膩好好味🥰

今次大肚婆就食咗🌝櫻花蝦沾麵&🌝特濃豬骨沾麵每碗都有半隻糖心蛋，兩片半肥瘦叉燒同筍有得揀：麵嘅硬度：大肚婆🤰🏻冇牙所以揀咗較柔，但都唔會太淋，軟硬適中麵嘅溫度：大肚婆🤰🏻要顧著肚入面嗰個foodbaby所以揀咗熱🌝特濃豬骨沾麵$78 (8.5/10)唔係講笑，豬骨湯底真係好濃😂食一啖麵就飲一啖水，真係非常適合重口味人士，即係我😂但為個腎著想，都真係要飲多啲水麵條：好掛湯，麵量都好大，女仔可能食唔哂，男仔就一般夠飽叉燒：高質半肥瘦入味又唔膩荀：正常發揮，冇渣唔臭🌝櫻花蝦沾麵$83 (8.5/10)一上枱已經聞到濃濃嘅櫻花蝦（蝦醬）味，除咗加多咗櫻花蝦喺面，湯底都係豬骨湯，但就加添咗一份鮮味 ——————————✨驚喜位：麵條係麥麵條，食落比普通麵條更香總結：性價比高，仲要唔收加一，可以encore🌝

海老沾麵$83好味指數：😋😋😋😋😋抵食指數：💲💲💲💲環境舒適：😌😌環境衛生：🧹🧹🧹服務質素：💁🏼‍♀️💁🏼‍♀️💁🏼‍♀️推介原因：黃店。就算要排隊超過半小時，也可吸引我去了兩次的拉麵店。湯底超濃，超多櫻花蝦🦐。拉麵🍜可選不同軟硬度。選了較硬，比較彈牙。拉麵掛湯。炙燒過的叉燒夾著少少肥膏，有燒過的香味。拉麵配有青檸。加點青檸汁於湯中，味道更鮮。