一生懸麵

營業中

休息中

一直想食依間嘅沾麵好耐，今次終於有機會！週末晚餐時段嚟到，喺街口已經隱約見到有條人龍，餐廳無得攞飛，要喺門口排隊等，同埋亦都要人齊先入得。 雖然餐牌有沾麵同拉麵揀，不過佢嘅沾麵一向出名，見大部分人都係食沾麵。 佢點餐紙上面有寫魚介豚骨沾麵($78)係屬於清湯底，因為我諗住食清啲唔好咁重口味，所以就試左依個麵。食落覺得個湯頭啱啱好，我直接飲佢嘅湯都唔會過鹹或者重口味，而且食得出魚嘅香味。麵質亦軟硬適中，掛湯力唔錯，分量亦正常，食完啱啱好夠飽。 碗麵有配埋兩塊叉燒同半隻糖心蛋，不得不提叉燒好好食！佢有返咁上下厚度，燒得好香，而且食落入口即溶，夠哂軟淋，不過係有少少肥，食完都覺得好邪惡 。糖心蛋都煮得啱啱好，正常發揮。依個價錢同質素真係唔錯，難怪成日都咁多人排隊食。另外去嘅時候見到餐廳做緊期間限定有鵝肝海膽沾汁麵，圖片望落非常吸引，可惜第一次嚟嗰日咁啱無供應，結果隔左兩個禮拜又再過嚟諗住專程食依個期間限定嘅沾麵。今次係閒日夜晚嚟食，依然係要排隊，不過好彩餐廳人流流動都算快，等左陣已經有得入。今次成功叫到鵝肝海膽沾汁麵($138)，佢一嚟到嘅賣相已經好吸引，兩塊鵝肝煎到色澤非常誘人，而且咬落表

好耐無食拉麵啦，我同朋友都第一時間諗起呢間人氣拉麵店，所以二話不說就話想試下呢間。聽聞呢間拉麵店長期都排長龍。我們放工之後，立即去店舖看看等位狀況，果然店外排了約30人。等候期間，職員會間唔中到門外看看排隊情況， 並且會派落單的紙張給我們落定單，差唔多入得座時，職員就會收起紙仔。我們7:10pm已到店外排隊，等了50分鐘，才能進舖頭。要留意嘅係，由於我們進食嘅時間為繁忙時間，所以進餐時間只有45分鐘。1）魚介豚骨沾面-麵的硬度： 我選擇了硬！。個人喜歡食有咬口的，這款麵嘅硬度符合我要求。-沾汁：味道唔太濃，同埋唔較掛汁（稀左），所以要將麵沾了幾次才會食得出味道。下次應該叫特濃才對😀。2）章魚燒味道不錯的，但略嫌覺得章魚餡好細粒，不過其實以這個價錢來說已非常抵😀

想食呢間好耐，但聽朋友講呢間鋪長期排長龍，所以每次講完都放棄，但難得我今日放假，一於幫朋友排埋！我6點左右到，因為尚早，只需要等一張枱，但因為店舖細小，又限時，所以要等齊人先入得，黎排隊既朋友仔要留意返！見好多人推介魚介湯，所以我就點左呢款！1️⃣魚介豚骨沾麵（$78）佢寫住清湯底，開頭諗清湯點沾麵，但麵係叫黎睇下咩情況。其實湯底麵夠濃郁，可以掛麵！2️⃣辛辣沾麵（$78）試左啖，唔算太辣～3️⃣海老拉麵（$83）勁多海老好吸晴！總括黎講湯底同麵質麵抵讚！價錢又唔貴！唔錯～👍🏻

人數：2個（女）日期：9月中時間：1:20天氣：超熱話說落堂1點，朋友已經到左排緊第一個急急腳咁半跑過去，因為要人齊先入得好在到左都要等一陣先到我地但佢地好好，排隊個度有地風扇係門口吹住大家，如果唔係30度之下真係會躁底我地都係叫左同一樣：濃厚豚骨沾面👍🏻幾好食，面底夠多，同普遍一樣都有得揀硬度，湯有熱有凍，我地都食熱嘅～但個熱湯要改善下個保溫情況，好快就涼晒多少都有影響到之後食嘅味道同體驗整體評分：中上 🍜🍜🍜沾面：湯底濃而不咸，面質好掛湯，每一啖都會有濃湯嘅味道，都幾考功夫～可以一試呀～服務：正常無特別環境：簡約日系，有少迫，比較熱清潔：可以

旺角人氣拉麵店 高質沾麵🍜📍一生懸麵 (旺角) 旺角通菜街73號地下有日行過旺角好想食拉麵沾麵😮‍💨所以就揀咗呢間，見到評價幾唔錯，所以就入去試啦🤠舖頭細細間，座位同座位之間都比較迫😵‍💫而且枱都比較細，尤其是二人枱，如果嗌多少少野嘅話真係有啲唔方便，有啲擠擁～不過環境衛生呢啲都OK！魚介豚骨沾麵 $78呢款湯底濃郁，食落有鮮味，又唔會太咸，沾上麵條再配合青檸清新得來又好夾😍😍不過略嫌湯底比較稀☹️理論上掛湯比較困難，不過勝在麵條都厚實，有咬口🍜🥢好鍾意呢種麵嘅口感❤️但整體掛湯力都一般！特濃豚骨沾麵 $78呢款湯底比起頭先更加濃郁😍所以如果齋飲嘅話其實都好飲好多😋但相對來講口味就比較重。另外，值得一提係好欣賞佢兩款麵嘅叉燒，肥瘦適中，好食！😆唐揚炸雞 $32加咗炸雞做小食，$32有四大舊～熱辣辣食，好好味🤩而且，炸雞嘅炸粉都唔厚，都食到啖啖肉，炸雞都算香口，非常唔錯！🥳呢間沾麵店非常欣賞，食物質素好好，好滿意💕 我哋食嘅時候算係食早飯，都要等一陣先有得入～食完嘅時候出門口睇已經大排長龍😳所以，如果有心食嘅話都要預留啲時間去試啦，畢竟佢都係非常之紅嘅拉麵店😝

一生懸麵呢個名係黎自日文一生懸命呢個詞，意思係指一個人會好盡力去做好一件事，而我相信，改得呢個名，每位師傅都會好盡力去整好每一碗麵比客人食😋野菜山拉麵野菜山拉麵其實就係二郎系拉麵黎，師傅比嘅芽菜同野菜份量都非常之多，我諗應該比一個麵底多好多😂麵質我覺得就比較普通，未至於好彈牙，叉燒就係本人至愛之一！呢到嘅叉燒整得好腍，而且肥肉個位入口即融🤤湯底方面豚骨味可以再重d，但味道上帶少少清甜都比到驚喜我😏評分：8/10 講真而家想$73食到碗麵已經好難，仲要係喺鬧市，仲要比咁多料，冇乜得好彈，不過呢到排隊排超耐😂

呢度係一間專食拉麵同沾麵日本小店,暫時有2間分店,坐位不多,通常都要排隊等位呢度有五款沾麵選擇，其中一款係期間限定 另有四款拉麵可以選擇沾麵分量都唔少！湯底味道香濃鮮甜 味夠濃郁! 麵條夠彈牙有麥香味,微曲麵身好掛湯汁叉燒有燒過上客,有2片,食落甘香夠肥夠軟淋  心蛋個蛋黃呈黏稠膏狀入口好濃香!白湯豚骨拉麵 用上濃豚肉做湯底,濃香鮮味 加上叉燒,木耳絲,紫菜,蛋 賣相唔錯夠大碗麵身都係微曲夠掛湯 麵條新鮮製作,特別彈牙爽口 非常美味餃子夠脆口,係用菜多肉少夠清新~平均消費$100評分8/10旺角通菜街73號地下

第一次食呢間拉麵店😍之前見人哋好似長期都要排隊 不過好彩呢晚去到都唔係等咗好耐🤣🤣🤣見魚介豚骨好多人都叫 於是都叫咗😆兩碗都揀咗沾麵 湯同麵分開上 要食先蘸下湯😚個湯好濃好香 日式叉燒肥瘦適中 溏心蛋都好靚☺️期間限定嘅檸檬柚子麵果然都要一試😉呢個叫咗凍嘅 食落又有另一種感覺 佢嘅檸檬酸味道係嚟自佢碗湯 蘸咗啲湯食就會酸酸哋 唔錯唔錯😋

這間人氣極旺，每次經過大排長龍，在外等了大概半小時，終於可一嚐此經典店。麵可選擇較硬，正常及較軟，亦可按喜好選擇加減荀，䓤等的配料，個人喜歡幼身及熱騰騰的湯麵，選了海老拉麵，賣相吸引，湯底濃郁，而滿佈櫻花蝦，令整體感覺豐富，充滿蝦香，唯湯頭熱度可增加，流心蛋味道正常，𣎴過不失，而义燒肥厚，地道自家感覺。加了一罐冰凍啤酒，就如置身日本東京….當天温度頗高，室內空調温度亦不足，吃的環境未算舒適。排隊的環境及時間都減低下次再光顧的熱情..

呢間每次見到都排哂長龍 有日終於的起心肝去試 都排左成30分鐘終於有位 不過我個位後面牆有個突起左頂住張🪑 所以我要打斜咁食😅 然後佢又安排左我地坐3張2人枱拍埋嘅中間個張 搞到入去個時隔離個客人咬住啖麵都要起身讓比我入 好奇怪...😅😅辛辣沾麵 ($78)特濃豚骨沾麵 ($78)本身想食拉麵但冇哂我想食嘅唯有試下沾麵😟 辛辣湯底對我尼講都係偏辣 但又辣得幾香 唔算多油 而特濃豚骨有啲太濃 食落有啲鹹🤔🤔 麵條係粗嘅 食落都有彈性同吸湯🥰 湯入面仲有豚肉 冇肥膏 幾林又入味 比起麵上面嘅好食😋煎餃子($28)餃子外面唔脆 而且唔大隻 啲汁都冇咩味咁🥺🥺🥺章魚燒($28)味道還好 但章魚燒粒章魚細到差啲食唔到有章魚😃

今日，收工晏左。去到旺角21點幾左右。又突然之間，好想食沾麵。所以就去左黎一間位於，旺角，女人街既這一間，日式拉麵店。趕得到係2130 前落到單。店舖唔算大，大概10多個位左右，但有好足夠既日本氛圍。叫左個叉燒沾麵。有隻半生熟，蛋係凍既，但我習慣夾個蛋黃出黎同啲熱湯撈埋，再加啖麵一齊食，湯底夠味夠濃，就算就咁飲一啖湯落口，感覺都唔會好濃，冇好想飲水既感謝，麵質軟硬合適，如果唔食爽口，落單時重可以有得選擇，好細心，面叉燒，面有少燶，我覺得好香口，肥瘦適中，整體都好好味。

好耐冇約朋友仔一齊食晏今日難得大家都得閒, 大食妹就去咗排一生懸麵一生懸麵喺旺角區嘅rating好高, 雖然係落雨天, 但依然有好多人排隊<海老沾麵>朋友仔嗌左熱門嘅海老沾麵一生懸麵嘅面底比較粗身, 有口感之餘, 掛湯力一流連大食妹呢啲麻麻哋沾麵嘅人都覺得唔錯海老湯底鮮味十足, 上面堆起左滿滿嘅海老, 難怪係人氣大熱<特濃豚骨沾麵>大食妹就揀咗比較重口味嘅特濃豚骨沾麵麵底同海老沾麵係一樣嘅, 湯底非常濃厚, 大食妹超鍾意裏面仲有三舊好厚切嘅豚肉, 肥而不膩, 入口即溶仲有幾多嘅荀同糖心蛋添

近排成日都係旺角出沒，唔知食乜好就緊係幫襯返自己熟悉既鋪頭啦。無錯，我又黎啦，呢間食過真係會想繼續食。上次食過辛辣沾麵真係好好食，又辣又刺激，食完好似會上癮咁，發夢都掛住佢。哈哈我的確誇張左少少，但無可否認佢真係好食。不過試左辛辣味，又冇理由重覆的，所以今次就轉一轉，叫左特濃豚骨沾麵。食落今次驚喜就冇上次咁多，雖然佢好食，但特濃豚骨真係特濃，加上沾麵本身就比拉麵濃味，變左味道就咸左少少。可能食返拉麵會平衡返少少。同朋友討論過後，都係覺得辛辣最好食。

【旺角人氣沾麵黃店 限定檸檬柚子沾麵】-呢間沾麵店應該好多人都有聽過，我地六點幾去都排左半粒鐘有多🥺究竟呢間值唔值得排隊去食呢🤪-//環境🌕🌕🌗🌑🌑間店就偏細，逼逼地大約坐到二十幾人。我地個日坐近門口位，冷氣就唔係好夠，越食越熱🌞-//食物1️⃣檸檬柚子沾麵 ($88) 🌕🌕🌕🌗🌑呢款係期間限定沾麵，當然要試試佢啦😛配料除左有溏心蛋，仲有蘆筍、椰菜，好清新好健康🙈個湯帶有柚子既酸甜，好適合天氣熱既時候食，但豚骨味就相對太淡了🥺個麵夠彈牙，唔會痴到變一餅野。成碗麵我最欣賞既係個肉😍口感軟嫩，表面仲有輕輕燒過，令味道更有層次🤪2️⃣櫻花蝦沾麵 ($83) 🌕🌕🌕🌕🌑一見到個湯已經驚豔左，D櫻花蝦堆到成座山咁，每啖麵都一定痴到D蝦🦐麵底同檸檬柚子果個一樣，配料就唔係蘆筍，變返平時沾麵個隻筍🙋🏻‍♀️湯底蝦味幾濃，會有D油，但整體都相當唔錯😛3️⃣章魚燒 ($28) 🌕🌕🌕🌕🌕雖然呢間鋪沾麵好出名，但我覺得最好食係呢款小食😍出面D出名既章魚燒店好多都貪快，入面都未熟就比個客食。呢間個粉漿剛剛好，唔會太生，外皮仲好香脆可口💗//總結沾麵黎講表現中上，而且價錢唔貴，小食既表現就更加亮眼，唔洗排太耐隊既話都好值得

🤍係旺角搵野食永遠係好難嘅事‎¯ࡇ¯因為太太太多人啦@@知道呢間黃店一直好有人氣～不過我地7點幾到都等左30分鐘先有得入ˊᵕˋ其實好耐以前食過一次‪ꪔ̤̮不過印象中佢應該個湯底係濃郁啲，今次食個沾麵感覺冇上次咁好，麵嘅掛汁能力一般～不過舊叉燒都真係唔錯，仲要係半肥瘦嘅‪𓂃𓈒໒꒱‪𓏸夏天熱辣辣食碗凍沾麵都係唔錯嘅des!!! 同埋好欣賞佢門口出面有部開緊嘅風扇(―ω―*)如果唔係真係熱到溶～𓎩𓌉𓇋 ‎魚介豚骨沾麵 $78一生懸麵 (旺角)旺角通菜街73號地下